車仔麵之家

Open Now

Now Closed

成日心思思想黎試, 但見呢度要企係度食,有猶豫,是關我地OL著到靚靚,加埋3吋高鞋,企係度食,會有辛苦. 難得趁今日著得casual,又見未有人龍出現,決定一試.叫左生菜,魚旦,豬紅, 雞翼河粉:湯底：我加左腩汁,但都吾係好夠味, 要落鼓油.河粉:　普通，過得去魚旦：普通, 過得去豬紅：幾入味，吾係淡茂茂雞翼：都入味,但吾算新鮮,好似隔左夜咁生菜: 呢樣最好,食得出係好新鮮菜. 企係度真係有狼狽, 事關佢當係板仔好矮,我高度要彎低身先食度, 又吾好意思霸住個企位咁耐,都食得好急.

雖然呢間車仔麵真係好正, 不過好少晌到食, 因為....堂食-- 大熱天時企晌到食真係一個熱字外賣-- 深知洋人老闆唔太喜歡搞到office好大陣味, 而車仔麵又勁香, 為o左迎合老闆, 都係買個普通飯盒算數點知, 事情竟然出現轉機, 話說上星期洋人老闆出差, 我就落去買車仔麵返上office邊食邊奮戰, 點知打開個盒o個o下先發現洋人老闆原來晌office, 仲行緊埋o黎... 心諗, 死火, 想急急腳地連人帶麵走去pantry... 但佢\一臉驚喜咁問我係咩o野咁香, 叫我下次帶埋佢\o黎買etc etc etc... 過兩日同佢\去買, 佢\對車仔麵嘖嘖稱奇之餘食到咀lam lam得到御旨, 以後可以食車仔麵lu~

一個人食晏可以求其D黎呢度食的好處係一個字"快"製作過程有效率而且個個都要企係度食人多都唔好意思企咁耐阻住其他人用料比較普通而且老闆收多我幾蚊當然幾蚊我都費時同佢計較但商譽先最重要

上學前,有小小口痕(冇帶無比膏或白花油),唯有整一串魚蛋止痕.好味呀!果然止得痕.其實最重要是檔主的秘製沙嗲醬汁.記住要落,唔咪就走寶啦!還有其他食品選擇,未"minus fat"前我會叫這些因為食物入味.老板唔該: 一份fish ball,一份pig skin, 一份oil fish, 一份Robert, 一份pig 腸, 一份齋........還有yee d醬呀,.唔該哂.

車仔麵我樓下都有得食，之不過同呢間比真係差得呢間無論麵/湯底/料都好過我樓下果間多多聲，間野好細，環境仲唔係咁好，而且又要企係度食，不過午飯時間有好多西裝友同埋OL都肯黎呢度食就知呢度唔間單叫o左個幼麵，食送就要甜酸齋+ 紅腸+ 豬腸，湯底加小小沙嗲，味道剛剛好，有辣味但又唔會辣到食唔倒，記得有時去雲吞麵鋪食麵，落果度d辣醬，結果辣到飛起攪到碗麵都食唔落....

2005年的除夕午餐，之前看頭條新聞的梁家權先生稱讚這家小店，來一試虛實。這店開Mon-Sat 8:00am-7:00pm，星期日及假日休息。油麵，大腸、牛腩、粉腸、酸齋、牛丸，加沙爹醬- $29。牛腩腍又入味，大腸乾淨沒肥膏沒壓味又炆得腍，酸齋不是人工化的橙紅色但甜酸味恰到好處，反而牛丸麻麻(來貨，非自家打)，加沙爹醬香香辣辣真好味。雖則大家要立食(站著吃)，但仍然十分旺場，客似雲來必有因，會再來光顧。

呢檔野又係食左好多年，由以前的店主，到而家阿仔都大埋出埋樓面，少說都有廿幾年。舖仔細細，唔好話堂座，就連排隊等都要在舖外。當然你唔知，又真係幾難理解佢點解咁多人食，仲要難度咁高的拿著熱辣辣的湯麵站著咁食。是日心血來潮，來碗車仔都都好，就來買碗麵食下。例牌是先叫麵再叫菜，之後就拿住碗熱湯米，行埋一邊。好在自少受慣「掃街」訓練，幾熱的東西都可以拿著「立食」，就算是日西裝一度，都不覺得難度特別高。叫了個中米粉，加豬大腸、菜及酸齋，當然係要大辣再加腩汁。碗米粉大大碗，聞落仍舊好香，一路都覺得是有豬油在內之故。大腸入味又軟腍，酸齋甜甜酸酸又夠咬口，是兩味必叫的麵碼。三扒兩撥，食完就要讓個位比下家，好在是日有點雨，不太熱，如果唔係一定一路食一路滴汗。這裡的車仔麵，食左咁多年，仍然是有水準的。埋單23蚊，其實唔平，尤其當比較起10蚊雲吞麵而言。但其實計份量及味道，都是食得過的，如果唔係點會十年如一日、風雨不改的排長龍？題外話一：要吃這裡的車仔麵，要熱辣辣的「立食」至好味，外賣的話，焗到腍晒，食味差幾倍，不吃也罷；題外話二：這裡的酸齋的確好食，見過有人買一百蚊淨酸齋外賣的，可見其吸引之處。

粗麵加牛腩,蘿蔔,豬紅二十蚊五毫.湯尾同D餸都好好味只係D麵質地麻麻.

同事建議到這兒外賣車仔麵。店子超迷你，有數個站立位置讓客人堂食，別有風味。（好過傳統走鬼檔，至少有空調，不用日曬雨淋。）點了淨餸：豬皮、豬紅、蘿蔔、西生菜。盛恵十五元，味道一般，可一試。

蘿蔔、甜酸齋、冬菇、唐生菜加幼麵($20)，蘿蔔湯底( 略甜)，整體味道OK啦，但又不至像車品品般令人回味。但很奇怪的是，此店沒有座位，但居然有不少客不外賣，反而拿著碗麵站著來即食。

因前幾天黎既時候排長龍,今日專誠提早(12點)黎呢度食車仔麵,叫左大腸$5蘿蔔$3.5蠔油齋$3.5米粉$5,TOTAL $17大腸---頗入味及腍,唯有少少肥膏.蘿蔔---清甜冇渣!蠔油齋---一般!食多幾舊就覺得有點膩.米粉---異常幼滑!十分爽口!好!湯亦幾清,不錯!

今日再去企街食麵,又係人頭湧湧.叫左油麵(中)+大腸+魚蛋+蘿蔔+酸齋+ 豬皮+加辣.1)大腸一如上次咁精彩,又入味又爽口,食過既最好係呢間.2)魚蛋唔係咖哩味,係用蠔油/豉油之類炆,都幾好味.3)蘿蔔無渣又甜,水準之上.4)o係咁多咸味既野中加個酸齋,醒胃又可減油膩感,正.5)第一次食呢度D豬皮,估唔到咁好食,真係好入味,有驚喜!我食麵時鍾意飲D湯,呢間食完冇乜味精反應,算合格.仲有,難得咁多人D員工都咁好禮,要加分.不過今日幾熱,企街食麵食到大汗疊細汗.

上次介紹朋友去食蝦麵店,俾朋友介紹返話有一間好正既車仔麵o係隔籬街.好,又即管去試下.今日午飯時間去,哇!唔駛咁多人嘛!間鋪不設座位,都竟然企滿人,仲有D企到出門口食!咁墟,要試下.叫左油麵+蘿蔔+大腸+酸齋+魷魚+加辣,捧住個碗去後巷企住食.蘿蔔冇渣唔錯,唔夠車品品同毓民D蘿蔔好食,但已經好正;大腸好好食又乾淨,呢樣略勝車品品;酸齋同魷魚都唔錯.其實最好味係個湯底,夠濁夠濃,似足小時食既味道,非常配合油麵.

i think is vy gd ar ..the soup is delicious and the size is eough .

琴晚要過黎灣仔上堂知道有人話呢間d車仔麵好食專登過黎試下一黎到有一個嚇親既感覺因為個門面真係好up dup又無堂食座位(只係得兩邊連牆枱椅係有兩張但絕對唔o岩個高度俾你坐o係度食但係因為同個朋友諗住都一場黎到都想試下點解咁好食於是入去睇睇我入到去見個男人坐o係廚房地下訓著左以為佢唔做晚巿但叫左聲唔該之後佢即刻彈起身都真係有d嚇親有人話呢度d蘿蔔同豬紅好味一定要試下啦另外我叫左魚旦,甜酸齋,時菜配個米粉個米粉同時菜係大路貨色無乜特別但係個蘿蔔真係無楂,好清甜魚旦唔係咖喱味但都幾好食豬紅好整齊又入味,唔錯個甜酸齋d汁都幾好朋友叫左豬腸試左一件發覺洗得真係好乾淨唔肥膩幾好食以22.5一碗車仔麵都幾抵既不過真係唔係咁信會有d車專登黎呢度買外賣食囉我諗我下次過海都未必會專登再黎食囉