車仔麵之家

Open Now

Now Closed

縱使我都有不少機會在金鐘灣仔一帶搵食，但竟然這是我第一次來這家店食車仔麵，剛好冇人便不妨立食。//見到簡單貼地的裝修，一種傳統的車仔麵格局，女工們都幾熱情地問吃什麼，對我這種選擇困難的，佢都沒有不高興，就點了米粉，配翼尖，冬菇，生菜，大腸（雖冇點店不少人吃的魷魚，酸齋等，但我想試尐佢要煮的菜式，才見佢煮得好唔好食）//有得食了，縱使外貌不揚，因大部分的餸在碗底，但最緊要好味。//翼尖入味，份量有六隻，煮得諗諗地，正！//冬菇係切了條狀，都不是只有蠔油味，新鮮之作。//大腸都係軟身乾淨，高質素之作。//生菜雖然已預先煮好，要時加熱，但唐生菜出奇地脆，實在有點意想不到。//加上湯底應該是用新鮮材料煮製，配上醬料，令成碗麵十分融合，價錢只是30多元，真的在港島區係幾平靚正的麵。//不過如果你不是立食的高手，外賣一樣食到咁正的車仔麵。//

Tried this noodle shop the other day, they are one of the good ones in town with a good soup base. The soup base is cook by a lot of duck and the taste are strong. Their squid balls are tender and with good taste, their chicken wings are nice, their squid is also nice with strong satay taste. Overall sold food just not too comfort for the sitting as they have no seats. If for comfort seats i will go noodles bar like foxtail / noodies in sheung wan and Sai ying Pui. I will come back again

第二次係呢間食...上次覺得甜酸齋超好食, 魷魚反而一般, 辣醬偏甜, 油麵正常...一直都想再去食, 但係都無呢個時間...今次叫左油菜甜酸齋細油麵...要辣...油菜甜酸齋細油麵: 油菜($6)我無話要咩菜, 佢俾我菜心加生菜我...十分之有趣, 菜份量都幾大方, 而且好夠淋...甜酸齋($6)今次多油左d, 而且無上次咁入味 ...油麵唔會勁淋...細油麵($7)份量係夠一個女仔食, 但肚餓就好似叫中size($11)會比較好...走既時候唔記得放好個碗, 真係唔好意思...下次黎記住要有手尾d, 仲有叫下豬腸($8)都好wor...

本港甘多間車仔麵，我個人認為呢間最正最好味！食物永遠保持高水準，加埋最有人情味！今日見距離午餐時間尚早，馬上飛撲去！叫左粗面底 +招牌甜酸齋 👍👍（甜酸味調較徍，齋香脆）+ 超級😋😋美味大腸 (洗得乾淨，冇怪味，夠林，夠入味）+ 😋咖哩魚旦（彈牙，咖喱香) + 嫩綠菜心 + 大辣！好味到不得了，簡直人間美味！雖然，要立食，又揮汗如雨，但美食當前，頓忘一切喇！

同事推介, 午餐試了車仔麵之家。中晒士油麵, 餸料有咖哩魷魚、酸齋、魚蛋和豬紅, 算豐富吧, 詎料是不飽的, 因麵及餸的份量同樣都非常之少。湯底要多辣竟變成多甜; 酸齋無酸味, 不脆, 只是油得很; 魷魚亦完全感受不到任何咖哩味, 硬淨得可以。魚蛋及豬紅還有味些, 是小粒一些。最正的應當是麵條, 弄得剛剛好, 軟硬適中, 超爽彈。倘是追求一碗靚麵, 推介之至; 不然的話, 選擇餸料或可再三思量。這碗四餸麵$38, 以小人而言怎可能夠飽。下次吃的話一定點大號。>_<##

素聞呢間車仔麵o係灣仔開鋪已久，每日午飯時間人龍都好長，今日終於的起心肝過來試試！一黎到，見到前面成十幾個人排緊隊，但排咗七八分鐘左右就可以入鋪叫野食，效率幾高喎呢度麵同餸逐樣計錢，麵可揀大中小，我驚唔夠飽所以揀咗中油麵($11)感覺而家已經好少地方食到油麵喇！非常彈牙，雖然買外賣浸咗十分鐘湯先開始食，但冇淋到仲叫多三個餸。魚蛋($6)有五粒，都唔細粒架！好爽口，可以用黎打乒乓波XD豬皮($6)係車仔麵必叫美食，少少辣，多多脆，一咬落去就有香濃咖哩汁咇出黎，啊！魷魚($8)無論係身位定鬚位都好爽脆，咖哩味好香！Total三餸一麵$31，外賣碗加$1，食到飽飽！呢區又多個平靚正選擇喇

之前說過有三間好好味的麵食店，這是其中之第三間(第一間和第二間已經介紹過，有時間看看我的介紹啦），這間亦是我最讚不絕口的一間 - 車仔麵之家，我首選係酸齊，咖哩魷魚，雞翼，油麵，哈哈，真係好食到不得了，最好味的酸齊，脆皮加酸汁一食難忘；咖哩味香，魷魚爽口；鹵水雞翼入味；油麵這家好有咬口，現在食到好的油麵已經不容易了，再加上其少辣湯底，祇此一家的味道，真令人回味無窮，可惜店舖太小，但就算立食我仍覺得直得呢，包你一試難忘^^ (有種心思思又想再吃的魔力呢 )此店的營業時間平日到六點多，星期日及假日休息嫁 ))

係灣仔食個lunch閒閒地都要40-50蚊 已經好難搵到20-30蚊嫁啦仲有好多選擇tim~蘿白好入味好淋豬皮有少少辣好野味最正既係佢既牛汁呀~真係差d連d湯都飲埋呀!!!

因為打算寫食評，先至會望吓呢間同事間只簡稱企街車仔麵既角落小舖叫乜名。雖然有十零款餸可供選擇，但因為食過太多次，基本上已經知道邊款好食，所以嚟嚟去去都係叫嗰四至五款，其中蠔油齋，咖喱魷魚係鐵腳，今次鐵腳外加冬菇及魚蛋。十次中有九次會揀油麵，覺得同車仔麵至夾，有大中細選擇，呢樣非常貼心，照顧不同胃口既需要。曾有一次瞄到有鴨頭响爐頭既湯入面，唔怪得個湯底味道咁濃。

很小的時候，仍會見到為數不少的流動熟食車仔檔在街上擺賣。圍着車仔的食客站立一旁，大部分也是拿着碗大口大口地吃着生菜魚肉或碗仔趐之類用匙羹吃的食品，印象中，用筷子吃麵的情境就較少。今時今日，人們站立在街上吃東西更不常見。所以當我見到車仔麵之家外面，穿戴整齊的上班族拿着碗筷在巷仔站着吃麵的情況，頓時目瞪口呆，蔚為奇觀！心暗忖: 真的有如此魔力？當然，因未經訓練，故未能神乎奇技的在後巷站着吃，在附近逛約一小時，午飯高峰時間過後，才回來吃麵。和很多老店一樣，要想好吃什麼才進內Order，否則因阻住地球轉之罪名被阿姐喝叱就自己負責喇。揀了油麵底，餸就揀豬皮，豬紅，咖哩魷魚鬚及酸齋。本來有點質疑酸齋與車仔麵的香辣湯頭可能不太夾，吃下去極有驚喜，少了橙紅色素，但酸甜比例恰到好處，麵筋炸得香脆，故浸在湯中良久也不過腍。開始吃麵，油麵煙韌，麵粉香出，麵條中心竟有意粉al dente的感覺。再吃索滿湯的爽彈豬皮，在口腔如啫喱般盪漾。接著是香濃咖哩魷魚鬚，咬下爽脆，表面仍有薄薄的咖哩醬掛附，咖哩香微辣惹味，屬極品級。只有豬紅略為遜色，質感沒問題，中心不入味才是敗筆。總的來說，這兒是站着吃也值得的魔力麵店！

立食車仔麵不是新事，早於五、六十年代，車仔麵檔就在街頭擺賣，客人就站在檔前即叫、即食。當然沒有豪華座位，更沒有摺檯、摺凳，食客們輪著點好餸料、麵種、當面付過錢，大家便捧著厚厚的瓦碗，拿起可循環使用的筷子及湯匙，站在街頭吃得痛快！時移世易，這樣的面貌已消失得無影無蹤，僅存的立食車仔麵只是昂貴租金下衍生的現象。當天在港島區辦事，也沒特意約同友人共膳，便趁機走到灣仔的車仔麵之家，獨自享受立食之樂。想不到中午二時半，人流依然不絕，但相對午飯繁忙時段，人龍需繞出舖外的街道上，只在舖內伸展的小人龍也算是收斂了！牆璧釘製了一列小架子，為堂食的食客提供了一塊小小的檯面。檯面上備有辣醬、甜醬和豉油的調味料。每逢嚐車仔麵，我的貪意便會原形畢露，總想多來幾款餸料。幸好，內心的天使總能駕馭魔鬼的誘惑，正所謂邪不能勝正 — 吃不消，變得浪費，緊記要惜食！甜酸齋是車仔麵之家的人氣食品。甜酸齋特別之處在於其質感，外皮薄脆，內層組織纖密、富彈性，又帶點嚼勁，相信就是這樣的口感討人歡喜。至於甜酸的醬汁，甜味較重，調味還算自然可口。由於甜酸汁只淋於麵筋的表層，跟平日軟腍入味的酸齋比較，是兩回不同的味覺感受。魷魚也是車仔麵

一套電視節目「飲食男女」令我對”車仔麵之家”的小店留下深刻的印象, 原來除了食物的味道及賣相外，食物背後的故事都能吸引食客的光顧。星期六的下午經過灣仔, 當然要來試試這間聞名以久的站立式車仔麵店。入到小店, 客人不多, 基本上不用排隊即可買食物, 因避開了繁忙時間。大部分食客都是站立在店外食, 其實店內有一小排鐵枱, 可讓食客放上鐵枱食(但亦要站立)。以下有些分享: 1.      蘿蔔: 每次食車仔麵必會點蘿蔔，不過不是每間都做得好味。除了華姐外，這間我都非常喜歡，無論  蘿蔔大小做得非常入味。2.      蠔油齋: 小店出名的甜酸齋已售罄，唯有試下蠔油齋，外層略炸，佈裡軟綿綿，用齋來吸收湯汁，好味呀。3.      咖哩魷魚: 每份只有3-4件，厚厚的魷魚包圍著咖哩的味道，口感十足。一般車仔麵店的魷魚做得淡而無味，但這裡的魷魚咖哩味十足，必試。4.      墨魚丸: 大概有3粒，好大粒，但只屬一般，可以不用選擇。5.      河粉: 一般河粉，我只要小碗。如男士可能要中碗才夠飽。6.      湯底: 加入了腩汁的湯底，覺得一般，我估加點咖哩會更好味。

睇完某電視節目就好感動所以黎食節目入面個老伯伯(老闆)好細心咁洗豬腸而且係用新鮮豬腸令我覺得值得我老遠一試當時我預左要排隊排左十幾分鐘左右之前已經知道要立食但當時真係冇乜位所以買走去附近公園仔食舖頭岀面貼哂報章雜誌話咖喱魷魚係招牌菜我叫左 豬紅 咖喱魷魚 豬腸 酸齋 蘿蔔 油麵 加 沙爹醬 豬紅就冇話好食唔好食可言同岀面食開冇分別 咖喱魷魚係爽口但咖喱嗰陣味我覺得好奇怪可能加得太多酒黎炒？ 豬腸真係好食夠冧夠入味而且冇乜脂肪又乾淨 酸齋外脆內軟少少酸幾正 蘿蔔冇渣又夠甜細細粒容易食 油麵可能煮得太冧唔爽口麻麻地 湯底飲落又唔覺口渴 加左沙爹醬令成碗車仔麵有生氣

有點事要到會展跑一轉，就連吃過午飯的時間也不許可，唯有抽空來個立食車仔麵。以往街頭平民大眾的充飢速食，家陣價錢已抵得上快餐店的正餐，心中不無唏噓。畢竟有水準的車仔麵檔不多，稍為有名的，又或是認真一點的，足以令人趨之若鶩。車仔麵之家又是由街頭閃入地舖的又一代表，相信有一碗麵有過半成本落入舖租內，又何來平民化？還不是自欺欺人的說法？單是這個豬皮、豬紅及魷魚幼麵，已經要$25，豬皮爽口入味，最怕是泡浸至糜爛的貨色；豬紅有點散落，少了一份嚼口；土魷浸得透，咬落彈牙，加上有香料炒過，食起來是更惹味。整碗都水準是有的，但只是一陣風，捱不到一個鐘，又已經開始肚餓，死未？

無位坐，又要排大隊排成2、3個字先買到碗麵，企响到食企到腳都軟，揸住個碗食揸到手都軟，D人話酸齊正！我一D都唔覺，係硬到飛起！湯底好味精feel,食完勁口渴，不會再去！