卡邦尼餐廳

Open Now

Now Closed

今日出完深水埗買嘢，之後見到附近有間餐廳平平哋食個晚飯先。 餐廳以黃色做主調，幾有一種歐陸風格。 首先跟餐送咗兩碗餐湯，一個羅宋湯，一個甘筍湯，味道都唔錯。 我哋叫咗個蒜香雞球炒意粉🐔🍝，啲蒜片好香，意粉煙韌又彈牙，雞球滑溜。 真心整得好味過好多出面貴價西餐廳。絕對值得一試呀！另外叫咗個香煎三文魚扒，煎得好香口，一啲腥味都無，不過可以加少少檸檬汁會更加好。薯菜份量都幾多，而且炸得香脆可口。 最後有埋餐飲添。我哋叫咗一杯凍檸水同埋凍檸茶，檸檬味道足夠，而且夠冰冷。

餐廳：卡邦尼餐廳 (深水埗)地址：深水埗長沙灣道145號大安樓地下呢排成日喺深水埗果邊上堂，自然喺呢頭食多咗嘢，今次去咗間平民價街坊港式西餐廳🍴，睇餐牌除咗多選擇之外，大部分仲全日供應，而且價錢都喺四十幾到六十幾蚊，仲包埋餐湯同熱飲☕️，都真喺幾抵食👍餐廳唔算太，佈置簡約，掛咗啲牆嘅裝飾🖼，唔會有花多眼亂嘅感覺👀香煎西冷牛扒 $62飲飲吓餐湯牛扒就送到😋，牛扒接近全熟，無論切落定食落都好腍，牛肉香味唔算太出，但勝在無血水或者有好多筋同埋肥膏，塊扒亦都好大塊😂，有半隻碟嘅size，六十幾蚊嚟講真係好值！仲可以揀配飯、意粉或者薯菜🥔卡邦尼意粉 $50材料雖然簡單，用咗芝士粉、蘑菇同煙肉🥓，但就非常足料，意粉份量仲夠兩個人share添，意粉食落有陣陣蛋香同芝士濃香，喺食到落底有少少油膩🤏，不過整體嚟講算喺唔錯食完嘢嘆返杯港式奶茶就至正，睇嚟我搵到深水埗嘅聚腳食飯地點lu😎

今日去深水埗買帽，經過卡邦尼餐廳，價錢親民選擇多，便入去吃午餐。餐廳雖然細細間，都整潔舒服。待應看似一家人，顧客多是街坊。叫了碟海鮮炒烏冬。跟餐的磨菇湯有港式風味，趁熱飲好味。烏冬即叫即炒，上桌已聞到香味。烏冬大大碟灑滿芝蔴，啲料好足。有大蝦仁，青口，蚌肉，椰菜和芽菜。一個人好快吃完一碟，滿足。餐後來杯招牌咸檸七，好飲，完滿!這街坊餐廳取價公道，招牌系列套餐由$50至$65。性價比高，品質不錯，值得支持。

深水埗突然成為文青咖啡店重鎮，但唔做文青，其實仲有好多俾街坊去嘅小店。經過公園俾我發現到一間黃色調小店，個名係卡邦尼，但裝修陣設好有街坊茶記感。見佢晚餐只係四五十蚊，可以一試。套餐包餐湯甘筍湯同埋羅宋湯，料就一般，送就算啦雖然佢主打意粉，但我哋都想食其他嘢。點咗個泰式醬汁雞扒，好大塊加薯菜，薯條同椰菜份量都好多，個汁係泰式酸辣汁，都幾得意。另外就點左菠菜忌廉汁龍利魚柳，清新嘅一道，菠菜份量都幾多。之後有個街坊來想外賣俾老婆同細路，招牌卡邦尼意粉多意粉！果然係街坊小店先可以咁叫個餐仲跟熱飲，晚餐兩個人先$100，食飽飽好唔錯啦！

大份夾抵食嘅深水埗街坊小店🍖進店後店員叔叔好親切咁問你食咩，餐牌附喺牆上面，下單後好快送上～留意到其他客人進店後，都可以好快咁諗到食咩😂仲識得問有紅湯定白湯🥕是日紅湯為甘荀湯飲到有粒粒甘荀，唔會太甜太杰同太稀，份量同質感都正正常常👍🏻🍖秘制牛肋條 $65一碟牛肋條，牛肋條大大條🤩入哂味夠哂軟腍，味道帶點甜味，個汁同嚟撈白飯🤪仲有切片洋蔥🧅同紅蘿蔔🥕另一碟喺白飯加伴菜，大大碟白飯，份量超級足！一定夠飽啊！同埋伴菜喺有煮過咖！喺熱同埋腍腍哋，食落好健康，唔喺全生比人嫌棄個種👍🏻平均返個飲食喔😆

次次去親一定點選佢嘅招牌意粉，次次都好滿足，分量好多，一定夠飽。先講下個卡邦尼意粉：咁樣嘅價錢（$60好似係，我掛住食，冇影到個餐牌，總之兩份餐加埋$120有找），有芝士香，意粉濃稠，煙肉俾得唔孤寒！另外試咗個吉列豬扒咖喱（我唸跟飯仲正，不過今次朋友決定要跟意粉，食落都好得），塊豬扒真係成塊面咁大！好淋身，炸得脆口，咖喱係日式咖喱嗰種，好濃好香好正！買單兩份餐夾埋都係$120有找，好有心做嘅西餐廳，希望大家多多支持佢，等佢繼續營業我就繼續有得食啦哈哈

shopping日今日深水埗半日遊（幫Dady👨🏻‍🦳買電視📺）行到攰攰地整個下午茶☕️見間餐廳名叫卡邦尼就諗住入去試下😁但坐低又唔係叫卡邦尼喎🥴真搞笑😄叫咗煙三文魚忌廉汁天使麵🍝（傻佬👨🏻話～好好味喎啲忌廉汁唔錯）鰻魚飯（鰻魚煎得好入味😁仲有我最鍾意食嘅芝麻喺面添）👏😁and than 整多個小食炸雞翼～卜卜脆嘢食未到😄送咗兩碗羅宋湯同龍蝦湯🤤好濃郁好味道👍🏻👍🏻抵食夾大件👏👏好滿足😘😘食曬😁😁😁今日行程好充實😁

知道深水埗有間餐廳名叫「卡邦尼餐廳」，朋友好鍾意食卡邦尼意粉就諗住去試吓。去到發覺唔止得卡邦尼意粉食，重有扒同咖喱飯。因為有太多選擇嘅關係，朋友最後冇食到卡邦尼意粉😹。呢度嘅野食大件夾抵食，是關呢度嘅套餐價錢最貴都係六十零蚊，份量多又足料，重有齊湯、飯/意粉同埋野飲。跟餐送湯，同朋友各嗌左羅宋湯同甘荀湯，兩個湯都夠曬熱。羅宋湯又辣又酸，飲一啖即刻醒神晒！椰香咖喱吉列炸豬扒意粉($58)有大大塊蒜片，食落好香。豬扒好大塊，重超厚！ 呢個厚度實在太過分啦！豬扒唔會太硬外面脆卜卜好好味肉唔會嚡雖然厚，但唔會炸到入面唔熟火候教得啱啱好要讚一讚大廚嘅功力👍🏻咖喱唔辣好香意粉有口感， 唔會腍椰菜爽脆出邊食嗰配菜通常都有陣草青味但係呢度冇，我仲專登夾黎食有菜有肉好健康👍🏻韓式咕嚕炸雞(小辣)($58)炸雞皮脆肉嫩，落左甜酸醬酸酸地好開胃呀！餐飲分別嗌左凍蜂蜜柚子茶(凍飲加$3)同埋凍荔枝紅茶(特飲加$8)。凍荔枝紅茶唔會好甜，有荔枝嘅清甜味。

深水埗餐廳同朋友搵食搵到間西餐廳，成間餐廳呈黃色，耳目一新，賣相不差，食落有驚喜！每個餐仲包餐湯！好抵食。人均：$65.香煎西冷牛扒 😋😋😋😋牛扒好大塊，大過我的手掌！牛扒口感好嫩，輕輕就可以切到，黑椒汁食落似係自己調製，不會太刺激！而牛扒旁邊的炒雜菜好食！有心機！.蒜香雞扒炒意粉 😋😋😋😋😋朋友都讚好食！所以成碟她食晒，我只是食了幾口👉🏻👈🏻用油炒香蒜片，令個意粉好香濃，雞扒煎得剛剛好，不黏牙。.咸檸七跟餐加$8，潤一潤喉嚨！

炸雞翼又香又脆，又有咬口，調味又適中！💪👍豬扒又香又滑又夠大塊！🥳👍薯條沙律樣樣精美👍👍絕對超藉！😆😁老闆親自下廚😘送外賣💪😁一腳踢，用心經營！👍👍👍價廉物美！😃疫市共同渡過難關，實在難得！👍👍💪💪老闆用心經營，創意十足！又可以溝通，想食乜嘢，份量都少，調味鹹淡，都可以同佢地反映！同埋溝通！係一家中型嘅大眾化食堂！😋😋😋不但如此，佢哋亦好大方同周圍附近嘅食肆良性競爭，大比拼，行家互相切磋交流，對客人更是熱情招待，同佢哋傾偈好開心！👍👍👍

今日嚟到深水埗啲時間好尷尬又未夠鐘下一個行程又無地方想再去所以就決定自己一個人食個early dinner俾餐廳嘅鮮黃色招牌吸引咗見入面又無乜人非常適合坐耐少少於是就入咗去啦餐廳嘅裝修絕對稱不上靚但叫做簡潔同坐得都舒服揭吓個餐牌厨師應該都幾全面😂由西餐選擇去到各類茶餐廳食物都有齊由於尋晚食得太heavy嘅關係🤢所以今日想食light d揀咗個蒜香雜菌炒意粉57蚊有湯有飲品仲要好足份量餐湯揀咗羅宋湯經典港式紅湯勁多菜菜但如果你好怕酸就建議飲白湯因為都真係幾酸😂但我鐘意一擺上台啲蒜片嘅香味即刻湧埋嚟！意粉煮得剛剛好好煙韌而且真係有好多雜菌水準同啲高級西餐廳有得揮杯凍啡就無乜特別唔會難飲澀口整體嚟講小店都係較有人情味嘅侍應叔叔好nice☺️呢啲風情係連鎖餐廳唔會揾到的

我雖然唔係電子產品發燒友 都鍾意去深水埗左穿右插 睇時款手機殼 食懷舊小食 嗰區茶記特別多 順道食個平靚正午餐 消磨一個下午-🥣#是日餐湯茶記大路貨色 紅湯係羅宋湯 白湯當然係忌廉湯-🍝#青芥炸雞意粉 $58無骨炸雞件冇乜芥辣味 勝在外皮酥香啖啖肉 反而幾鍾意個意粉 白汁忌廉再加菠菜 味道豐富啲 食得健康啲🐽#洋蔥豬扒飯 $46薯條現叫現炸 條條粗壯香脆 點茄汁食特別滋味 即使午餐本身跟飯或意粉 我寧願食薯菜 豬扒厚身大件 表面煎得焦香 蘸啲黑椒粒洋蔥汁食 小辣有肉味😋-🥤#荔枝紅茶 +$8紅茶入口甜甜地有荔枝香-📍#卡邦尼餐廳深水埗長沙灣道145號大安樓地下

原本見呢個價錢，諗住都係頹飯質素。叫左一碟牛扒意，一碟雙拼豬魚飯，加多份蝦餅。先黎既係蝦餅，原本諗住16蚊，應該都係小食檔果d蝦餅，點知3塊蝦餅幾厚下，少少似玉子豆腐咁，而且係新鮮炸起，配上泰式辣醬非常正。到正餐黎到，兩碟都幾有份量。豬扒亦好厚身，但最估唔到，一食落係又厚又冧又好食！牛同魚雖不及豬扒出色，但水準都唔錯。雖然配既蒜蓉汁同黑椒汁偏淡，但因為d肉已經夠晒味，所以影響唔大。從來無諗過系香港，會有如此超出價錢既食物質素如果經過深水埗，有機會請去試試～

已經嚟過呢間餐廳四次了，每次都有驚喜，今次忍唔住要同大家分享一下！先講餐湯，佢哋有羅宋湯同忌廉湯兩種選擇。個人較喜歡羅宋湯，很濃味，酸酸的、又帶有少少辣，好正！有個意粉，真係值得推介，就係炸雞芥辣忌廉汁意粉。個醬汁芥辣和忌廉汁的比例很好，誰也搶不了誰的風頭。炸鷄又脆又香口，不會過份調味，很好吃！（我吃了部份才影相）。另一個意粉也ok。上次食過佢哋牛扒薯條配黑椒汁也很好吃。先講牛扒（大概$6、70那個餐）。當然，一分錢一分貨，食材不可能和高級餐廳比。但是以這個價錢來說，算不錯，味道也很好。黑椒汁很好味，薯條炸得脆！可以加多$10再加一份薯條。

今次是第二次光顧 食左個煙鴨胸意粉 配有南瓜湯 凍檸茶 南瓜湯入口香滑 用料充足 意粉味道濃郁適中 有咩高級餐廳水準 有驚喜 加上座位舒適 食客不多 感覺悠閑 我比80分 由於在附近工作 必定再來幫襯