卡莎338 (Closed)

上個禮拜同同事食飯，就介紹左長沙灣有間食蠔好平的餐廳，明顯的-有oyster食就有我去的地方，更何況係咁抵食嘅。好多France 黎的oyster，order 左Fine de claiesX 7pcs和My little special N3 X 2pcs。My little special N3 ($18/pc)肉質比較肥美。Fine de claies France ($10/pc)，海水味比較重，不過都唔錯。Set dinner包意式雜菜湯，蒜茸包及餐飲。Garlic bread 好香脆。澳洲西冷牛扒跟薯菜($118)，可揀碟上，配燒汁，五成熟的西冷扒肥美多汁，，配菜有蘿蔔仔、grilled茄子、薯條茄汁。餐湯仲有白湯。虎蝦忌廉野菌墨魚汁意粉($128) (7吋虎蝦2隻)見到虎蝦上碟已經很吸引，煎得好靚，而且已經開邊，仲放滿蒜蓉，又大隻又有蝦羔，肉質鮮味彈牙。墨魚汁意粉煮得剛好，和creamy的mushroom cream sauce 好夾，味道唔會太濃，互相暉映。檸檬茶、檸檬水。Dessert 試下檸檬餅($38)檸味可以加重些。

好友係外國番黎，接過佢機之後就順道係佢屋企附近既呢間卡莎338一齊食晚飯，而呢間餐廳比我既第一感覺係比較平民既西餐廳。蒜蓉包幾香脆個雜菜湯比平時既好飲，唔會過酸，好多菜，感覺好真材實料西班牙黑毛豬胺個豬有少少overcooked, 不過都唔會好乾身同嚡口，配上菠蘿多左份清新既感覺比目魚配香草忌廉汁個比目魚扒都幾大塊下唔會有雪味，外層個皮好脆，裏面啲魚肉幾結實，配上個汁之後味道幾好心太軟就比較普通，唔會有特別印象～整體黎講，價錢合理，食物質素都ok

以前中學係呢頭附近，知道有呢間餐廳但從未試過，一黎位置比較偏僻，二黎中學冇乜錢食西餐。最近係聽朋友講起先記得番呢間野，估唔到我錯過左呢間高質餐廳咁耐~今晚同女朋友叫左個2人餐~首先要讚下d餐湯先，完勝出邊餐廳果d hea煮既湯~小食併盤，炸得相當出色，香脆但又唔算太油，食果時都唔會成咀油lumlum~大大隻豬手，塊皮扑扑脆，啖啖肉，但就咁食可以會唔夠味，要點下個汁~個蜜糖芥末醬汁非常惹味，但可能有d甜得濟噢~五成熟和牛扒，本身已有鹽同黑椒作簡單調味，非常香嫩，同時唔建議點黑椒汁，可能會蓋過左和牛既油脂香~

難得一日假期可以同寶貝仔撐下檯腳，揀左間屋企附近，食評不錯的卡莎338！揀呢間餐廳都係因為佢地既十蚊生蠔不錯，我同阿仔都係愛蠔之人！所以決定一試😍十蚊生蠔來自法國，肉身不算大隻，而口感爽口，海水味重！正正合我地杯茶！我地兩個總共食左兩打半如果平時鐘意creamy口感同無咁重海水味既朋友，呢隻可能未必咁岩口味了！叫一個set dinner可以加$88任飲手工啤1.5小時，當晚試左幾個口味，個人覺得青檸味不錯，有啖啖既青檸味，配生蠔係不錯之選而有隻芒果味既就個人覺得有d似藥水味，不太喜歡了黑松露薯條顧名思義賣點係個黑松露醬，有淡淡既黑松露味配埋熱熱既薯條，一個字叫左一個set dinner既西冷，呢個main course反而無咩驚喜，同普通餐廳既無咩分別！芝士pizza，感覺上無食到d咩咁，芝士味不算濃，而pizza都偏薄，同食片餅乾無咩分別全晚最開心晚係可以有不同既board game同寶貝玩，而多個遊戲都比較殘舊，如果可以換批新少少既就一流了！總括黎講，生蠔抵食，其他菜式普通，而都會再黎既

今日同朋友去長沙灣做完義工就去左附近覓食啦 見到呢間餐廳正是是正正又唔貴就入左去一人叫一個set dinner套餐會送餐湯（紅、白選擇）同一片蒜蓉包 仲有餐飲既我就叫左個比目魚set魚都唔會話有陣雪味 肉質都算實架！我朋友就叫左牛扒set叫左7成熟 肉質岩岩好 唔會話太un又無哂肉汁！餐廳既裝潢都幾靚幾舒服架！雖然距離地鐵站有一段路程 但可能就係因為呢樣野而人流唔多 唔會等好耐又好嘈雜！所以都幾suggest大家行開呢到黎食！

近排真係大出血連續掃左幾盒模型，趁住今晚攞貨順便同同事一齊食飯。就近近地係模型鋪附近開餐。SET DINNER都係以扒類為主，所以跟同事都揀左鐵板扒餐黎食，再配凍飲。前湯都係紅白配。味道都可以唔會話太咸，蒜茸包就烘燶左啲不過更脆口，配湯食的話啱啱好。先黎係西冷扒，同事想食飽啲就揀左跟飯。塊扒都真係幾大，有成隻手掌咁大同夠厚身。店員再跟手淋上蒜茸汁，因為鐵板夠晒熱一淋上醬汁就滋滋作響，香味撲鼻而來。西冷扒五成熟啱啱好，跟同事要左塊黎食入口好鬆軟，肉質細嫩而且牛味又夠香加上惹味咸香蒜茸汁，真係唔錯好好食。而我的就是鐵板羊架。因為近排入秋嘅天氣令到想起羊腩煲嘅味道，就食返啲羊架止住癮先。同上由店員淋上黑椒汁後，蒸氣同醬汁香味一湧而上，即時令人食指大動。羊架邊位仲燒到帶焦脆，食落無乜羊羶味，嫩滑之餘羊脂味帶起左肉嘅味道。因為羊肉本身算清淡係經由羊脂嘅配襯先會形成羊肉獨有嘅羶香。尤其係骨邊肉，切起上黎一下就開，肉汁充足所以咀嚼完全不需花費氣力。如果薯條保留埋薯皮去炸就仲好，因為鐵皮羊架嘅味道配上黑椒汁都幾重，令到薯條味道略為被蓋過左。最後飲埋杯解膩凍檸茶，就趕返屋企開工了。同事都話百零蚊食個鐵板

唔講唔知其實長沙灣都幾好平靚正野食今次呢間都係其一 人流又唔算多起碼唔洗好似連鎖餐廳咁等勁耐！前菜叫左黑松露醬薯條個黑松露醬都幾濃味 個薯條都炸得幾好但如果份量再多啲就更好主菜叫左個墨魚汁大蝦意粉味道都唔錯 好多汁 大蝦都好爽身又大隻 都幾抵食架！再黎叫左個羊架！我地叫左7成熟餐廳拿揑得都幾準確既 而且份量都幾多！唔同平時啲餐廳同一個價錢但得兩條而且味道方面唔會話好羶入唔到口！最後呢杯芒果味既啤酒真心推介！清新得黎好易入口！

呢間過黎接朋友收工，順便試佢極力推介嘅抵食西餐。一黎兩個食肉獸就比和牛二人套餐吸引左，只係$398餐湯揀左紅白湯各一飲得出唔係罐頭湯，我鐘意羅宋湯，唔會太辣太酸又有菜食下咁～蒜蓉包二件好香蒜味，好脆！ 小食拼盤雞翼2隻、春卷2條、雞寶2件、薯條炸到金黃香脆，難得唔油，有我最愛嘅雞翼！另外我覺得春卷非常有驚喜，類似越南春卷，入口好鬆化！招牌德國咸豬手配蜜糖芥茉汁半隻雖然係半隻但份量都好足！豬手好大隻，食豬手其實主角係豬皮！呢個完全合格，豬皮整得好脆，而且難得好多肉！食埋隻豬手已經開始飽，唔好唔記得仲有和牛！8安士澳洲和牛肉眼配飯和牛肉眼黎喇！牛扒油脂分佈唔錯，食落嫩滑juicy，個汁用黎撈飯一流，唔覺唔覺又食晒成個餐！性格比高嘅扒餐，朋友無介紹錯！

好抵呀！好抵呀！好抵呀！重要嘅野要講三次朋友介紹黎呢間西餐廳，晚餐（星期一至四）特價仲平過茶記，份量唔細味道又好，真心超推介。餐廳有兩邊門口入，正門個邊滿左座，黎左側門，呢邊靜啲枱又大張啲，二人枱都四四方方好大下，仲有蠟燭好有情調晚餐的餐湯同餐包，餐湯係蘑菇白湯，蒜蓉包早已烘好，兩者不過不失。肉醬意粉（$48）呢個就係特價嘅晚餐啦，份量一啲都唔細㗎！熱辣辣香噴噴，肉醬唔水唔係茄汁黎，意粉彈牙軟硬度適中，仲加左芝士同香草葉一齊焗，真係色香味俱全。黑松露薯條（$58）薯條香脆，黑松露醬味濃，好味。洋蔥圈（$38）大大個圈，炸粉唔算厚，點下酸酸地嘅他他醬好正。Parma ham pizza（$98）大大個pizza，餅底烘得香脆，芝士下得很多，蕃茄鮮甜多汁，加上少少鹹香的火腿好好味。凍檸茶（+$3）＆熱檸茶（$16）跟餐凍飲加3蚊，另散叫了一杯熱檸茶，茶香有檸味，ok啦。朱古力心太軟配雪糕（$38）雖然好飽但都好想食甜品，叫了心太軟，即叫即黎意外地快呢朱味濃郁，可惜脫模失手，心太軟已分離，不太流心，但味道還不錯的，雪糕係雲呢拿味，很香滑。味道不錯價錢大眾化，唔怪得咁多人黎食啦。PS。 餐廳有

之前聽朋友講長沙灣有間西餐幾扺食，收工即管同朋友去試下可能平日既關係，都唔算好多人，但一入去環境都幾舒服。一坐底就睇下有咩食，睇黎睇去兩個人好似食二人餐會比較扺。我地揀左和牛二人套餐 $398首先上菜既係忌廉湯配蒜蓉多士，熱辣辣好開胃之後就係二人小食拼盤實在太開心啦，有雞翼、春卷同薯條！份量都算幾多，同朋友都擔心之後會無肚食😂徳國咸豬手送上，好耐無食過豬手，雖然味道一般，但還可以接受。最後就係和牛肉眼我地嗌左五成熟，配薯條牛扒煎得好好，好好食，份量都好夠特別推介下呢度有好多唔同款式既酒，朋友加左五十幾蚊飲，都幾扺總括黎講，味道好味之如價錢仲幾實惠，值得一試

有份件寄咗去長沙灣速遞公司，收工個拎順便同同事一齊食埋飯，好耐之前已經想試呢間野，收工唔趕時間就坐低慢慢食啦。二人套餐＄398好似幾抵，但因為我同同事兩個某啲嘢唔鍾意食所以冇嗌度，最後點左兩個set dinner, 一份澳洲牛肉眼和一分澳洲西冷牛扒，兩份都係七成熟，在點一份雞翼，特價三款蠔set同2分朱古力心太軟拼雪糕。首先蠔先到，收款後各具特色，有款係海味十足，一款係肉厚夠爽，令一款的較為均衡西冷牛扒同牛肉眼同時送到，2份嘅熟成度都剛剛好，牛扒牛味較濃，肉眼扒肉質較淋。雞翼炸得都幾脆口，入面肉都幾滑，仲有肉汁滲出。朱古力心太軟真係心軟，朱古力味十分濃厚，甜度又剛剛好。

由於朋友對西餐情有獨鍾，我唯有選擇一間好靜的西餐同他吃啦！有話唔可以太貴，又話要好吃。簡單講系便靚正。長沙灣，一個周圍都係工業區的地方有間西餐，而且裝修得不錯，挺有品味的，就它吧！烤焗加拿大黑毛豬鞍豬肉不能燒得不熟，又不能太老，所以很考技巧的，這家黑毛豬好好味，加點醬料落去，簡直就是如虎添翼。裝修很有心思。pizza好好吃，連吃開西餐朋友都稱讚，皮薄，我最喜歡吃薄的pizza，厚批不是我的朋友。濃郁的芝士，十分香濃。叫了一杯啤酒和2只生蠔，生蠔很香的海水味，加一點檸檬汁下去，非常新鮮。而且很大隻，價位不貴。蒜蓉包，很香脆，牛油香味，無可取代。

探訪新搬遷的朋友，順道食個晚飯聊聊天 長沙灣呢度真係不太熟，見到呢間環境唔錯~ CASA 338 一間小木屋般，七點的晚餐時間但人流不算太多 可能平日，又近學校區 但這樣正好，可靜靜地傾下計~ 眼見長沙灣茶記，中式飯店較多， 但我都係鐘意幫襯呢D干淨企理的西餐廳 估佢唔到，晚市套餐竟然平得過份 同大X X 個D快餐店價錢一樣~@@ 仲有呢個2人套餐, 400蚊唔使已經有和牛，西冷~ 可惜當日朋友個肚唔係咁舒服，就食D簡單D啦~ 跟餐的白湯和蒜蓉飽，賣相普通，味道都普通~ 湯入面都有2粒磨菇片，不過湯就無咩菇味~ 先黎一個PIZZA 意式水牛芝士薄餅 HKD 88 呢個PIZZA 比想像中大呀~至少都有12吋~ 批底薄，但脆，就算放耐左都唔淋呢下先好~ 雖然上面的料唔係好多，但芝士味好濃郁 仲可以拉到長長的絲添~ 呢個PIZZA 我食剩左3塊，打包第朝做早餐 芝士依然濃香好味~ 七吋虎蝦黑松露野菌意粉 HKD 128 蝦好大隻，用左中式蒜蓉蒸法，有D意料不及~~ 意粉只有白汁味，好似忘記左落黑松露咁~XD 不過整體味道濃淡適中，唔會喊到狂飲水個種~係長沙灣呢D舊住

今日去開長沙灣取車 ，點知師父話未修好要等多 一陣 ，等到肚餓未順便食個晚飯轉頭再取車。入左間西餐廳點左個set dinner, 一份澳洲西冷牛扒 ，係七成熟，再點特價三款蠓set。餐湯:紅湯無色得個甜字。餐包OK啦。法國生蠔先到，有三款(花城之蠔\小王子\Lambert) 各具特色，有款係海味十足，一款係肉厚夠爽，令一款的較為均衡西冷牛扒，熟成度都剛剛好沒有血水出，牛扒牛味較濃,配菜和薯條都ok。雞翼炸得都幾脆口, 肉都幾嫩滑。

今日老公要加班，得返我同BB兩個人食晚餐，唯有去近近地嘅食肆光顧晚餐，醫下自己個肚。下行下見到啲間鋪頭十分舒適，問佢有冇BB櫈，原來有嘅，所以我就同BB一齊入去食啦！ BB坐想去BB櫈之後好興奮，成日同我爭嘢食自己點左個晚餐套餐，點左一份七成熟嘅西冷牛扒，叫埋一個白湯和一杯熱檸水。湯送咗過嚟味道不過不失，下次都係叫個紅湯試吓先西冷牛扒送到，都唔算有好多肥肉，簿得來夠大件，七成熟煎得啱啱好，夠晒我一個人食，另外薯條都十分脆口，因BB同我爭嘢食，所以配菜都差不多俾BB食晒熱檸水水唔夠熱，所以檸檬味都唔係好出，希望可以改善