中央飯店

Open Now

Now Closed

㯫聞已經有65年歷史，裝潢有點陳舊，菜式懷舊，冬瓜盅，足料，清燉湯清甜可口，冇味精，連盡了兩大碗。八寶鴨，名不虛傳，鴨肉香滑，醸在鴨肚內的糯米很柔軟可口。菜膽雞，必食，鷄皮滑溜，沒有脂肪，肉幼滑，很快KO了，要encore !!菜單全部大件夾抵食，值得推薦！

老店+老同學+生日+大食會 愉快價錢公道大碟低食 冇雜費有加一 唔收信用咭 記得帶現金店面懷舊 有蚊螆 冷氣唔凍有啲熱啤酒有平有貴$16~$28 罐裝汽水$8如果有埋樽裝可樂 就更好更懷舊生魚片連湯~ $100 有2款 1.生魚骨湯靚 奶白色 配滑滑豆腐 白菜仔2. 生魚片滑 仲有大量菜心底 食得夠清琵琶炸豆腐 $60 x2 好味添食豆腐滑 香 1口1啖 菜底香滑酥炸大腸 $70 x2夠淋夠脆冇怪味梅菜扣肉 $65 份量一般 梅菜香冇沙梅菜元蹄 $75大堆頭 元蹄入口即化好味嘅 仲有咕嚕肉$60虾醬通菜鮮尤$65草菇扒芥菜 $55 芥菜夠淋又爽口北菇鴨掌 $60 蠔汁掌淋 乾燒伊麵 $60 x2 伊麵香 色淡 比較淡口楊州炒飯 $55 中虾义燒足 飯唔硬酥炸虾丸 $120 x2$240 24粒 細細粒1元咁大 唔彈牙 唔爽加咗馬蹄 & xx 味雜冇虾味霸王雞半只 $160 最後都冇上菜 漏單再叫…… 見過隔離枱食過 碟雞上枱唔同樣 份量細咗 冇頭冇尾 雞肉嚡 仲有雪味壽包~ 要預訂 12大個 $150 我哋有14人 仲送多2個 多謝晒

中央飯店 路經見倒開番 即試……好奇裝修後嘅靚樣…… 點知原來冇變桃花依舊 人面依舊 哈哈連枱布都係以前嗰啲… 乾淨就得啦冷氣夠凍 玻璃碗碟很乾淨服務員大部份長者 制服白恤衫黑西褲好有禮貌 感覺係真心嗰種想食懷舊菜 呢度唔會失望 份量足飲早茶 6am~1:30 大點$18中點16小點14下午茶 1:30~3pm 大中小點 平1元茶芥6元 加一服務費 午市優惠飯 $36起懷舊推車仔賣點心 熱辣辣 夠吸引 見倒靚至攞 唔覺唔覺攞多咗……老派廚師夠功夫 食倒懷舊好味道煎炸嘢 小點 任揀3件 阿姐都酄迎咸水角軟糯 肉料唔多炸云吞脆口虾肉爽 但冇甜酸醬虾餃 ~ 1口1隻 有筍虾肉 懷舊做法不過其中1件 有條細雞骨 優惠飯~時菜什會飯 $36送 老火靚湯 ~ 合掌瓜有幾嚿 湯甜好味道料足 有細虾 尤魚 豬肚 粉腸 豬潤 义燒 瘦肉片粉腸豬肚都預早處理過 夠淋冇腥飯軟硬適中 食飽冇頂胃呢度鹽焗雞出名好食 下次食想食冬瓜盅 但要預早1日定

前陣子想同屋企人一齊穿梭時光, 尋回兒時美味嘅食物同地方！！终於係深水埗揾到中央飯店！！一入到去真係好有懷舊味道！！連吊燈都係用緊舊式款式！！坐係飯店當中, 彷如時光倒流一般！！好！！叫D十枱有八枱都叫嘅懷舊菜式先！！先上冬瓜盅, 堆滿食材, 很豐富, 有淡淡嘅冬瓜香味！！跟住餸菜陸續上枱: 霸王鷄又厚又滑, 食完一件又一件！！菠蘿咕嚕肉炸得很脆口, 味道剛好！！芥蘭炒牛肉幾有驚喜, 炒得好好食, 牛肉上碟仲好嫰滑！！茄汁煎大蝦同白花釀豆腐都ok啦！！大良炒鮮奶似普通炒蛋白, 有D失望！！南乳齋煲食剩最多, 味道不夠, 粉絲過腍！！勝在碟碟大大碟, 多幾個人食都夠食！！温馨提示: 依家飯店装修中, 未知幾時先再營業！！

😀 聽說深水埗的中央飯店，突然“內部裝修，暫停營業”！真是有點不太習慣……當初因為朋友的介紹，有天的早上便慕名而來。此店雖然裝修陳舊，但是算乾淨企理！第一次來，開壺普洱茶後，先點一份皮蛋瘦肉粥 + 叉燒腸，足料夠大碗！山竹牛肉則夠肉味兼“大粒”！第二次去，有幸試過佢地的三寶大包，1碟1個！食完飽到幾乎“行唔郁”！第三次終於等到佢果個鎮店之寶 - 焗西米布甸。果然名不虛傳！加入白蓮蓉後，的確爽滑香甜！馬拉糕又係玩1籠1大個，都幾鬆軟好食！好野……本人衷心希望，中央飯店能夠早日重開吧！就算到時須要加(少少)價，亦都感覺值得的……👍👍👍！

上星期去食懷舊感十足的茶樓茶樓自己搵位，有啊姐推車仔叫點心，好有返細個同屋企人飲茶嘅感覺！一坐低，就有好多點心姐姐過嚟問食唔食呢樣呢樣，好多時抵擋唔住都會叫咗好多嘢食，不過真係好有以前飲茶嘅感覺，都係開心嘅！嚟點心時太肚餓，食咗一半先影相點心大部分都唔錯，係炸嘢稍為凍咗啲，粥好錦又足料，我哋都叫咗兩碗！食點心之餘仲叫咗招牌嘅鹹雞！好多雞啊，8個人一人分一舊都仲有淨食到一半先聽到職員話做埋今日就開始裝修，但裝修幾耐幾時開返就唔知啦！唔知裝修完仲有冇咁懷舊feel!

今日與同事為慶祝到達工作里程碑，當然要找間特別一點的餐廳。每次飲茶都是去那些連鎖店，今次就嘗試街坊飯店吧！飯店的入口頗為隱蔽，還好大街有非常顯眼的招牌。門口的霓虹燈很有七八十年代的感覺。客人們都是隨便地坐，看起來很多都是老顧客。兩三個推着點心車仔的姐姐叫唱着點心，有的侍應忙着為客人加茶，有的忙着打牙骹。我們開了壺香片，意想不到的好！隨着點心車逐一的到來，我們前前後後叫了五款點心。雞扎內的芋頭粉粉的，很美味！本來叫的乾蒸燒賣都已經放到枱上，一看到點心車內的魚肚燒賣，念頭一轉便改單吧。姐姐不厭其煩地幫我們換掉 。滿滿的魚肚是滿滿的滿足。樣貌不太討好的腩仔卷盛載着驚喜！腩仔皮腍入味而不太膩，很喜歡。炸點亦不過不失。另外還點了蝦腸。雖然皮厚餡少，同事卻覺得並不錯。厚本點的是叉腸，可是姐姐聽錯了蝦腸還特意給我端上一碟樣子一流的。我們更正後，她不好意思地端上另一碟叉腸給我們左挑右選。最後都是選擇了姐姐特別挑選的蝦腸。沒有人頭湧湧，沒有鬧市味道；悠閒地與同事午飯聊天，樂以忘憂。

今日同爺爺奶奶食午飯就book左依間中央飯店其實我就未黎過因為奶奶好鐘意依度既燒腩卷門口有招牌 但要行入幾步先見到門一打開門就感受到一種老香港既味道好多顧客都係上左年紀既伯伯簡單裝潢 木椅 老伙計仲有細個最fascinating既點心車望住d嬸嬸推住車仔或者拎住d點心問你要唔要好似翻翻去細個時候爺爺即刻出左去拎點心d嬸嬸用個印仔cup印好懷舊呀！食物方面 未必特別出色但d飯好抵又有好多舊式既菜式 例如芋角 燒腩卷不過呢 可能我坐得入d啦所以電話收得好差 嗚所以如果想感受下懷舊既老香港風味就要黎試下啦

今晚一行四人到中央食晚飯。霸王雞半隻，份量大，雞皮爽雞肉滑，加上一些薑蔥，好味。炸大腸，系切件上的，炸得比較乾身，有d仲帶少少肥膏，邪惡但好食，碟底的酸蘿白好醒胃。咕嚕肉，炸粉不厚，肉粒略炸過，仍帶點濕潤，個汁調得甜酸適中，好開胃。菜芯炒鴛鴦魷，鴛鴦魷碎濕濕，發得未夠時候，比較硬身，好一般。付竹意米糖水（送）付竹煲到仍有一小片一小片，意米令到糖水有少少𠎀身，淡淡的不太甜，好食。白飯1個，埋單 $430，抵食！

小時候在深水埗長大……東廬大廈是上學、逛街必經之地……由大埔道一方進入，石硤尾出，是捷徑之外，也可一逛內裡的涼茶舖，士多舖、米舖、飛髮舖……當然還有今日重遊，充滿滋味回憶的鹽焗雞飯店……呢道招牌菜數十年如一，仲食得番嗰種美味，冬瓜盅用大冬瓜，比外面的"標準"大很多，大良炒鮮奶、百花釀豆腐，呢D懷舊菜唔算精彩，但味道可以！南乳齋煲食剩好多，粉絲太腍。反而菠蘿咕嚕肉、芥蘭炒牛肉有驚喜，茄汁煎大蝦幾好肉，過得去！甜品送紅豆沙，可惜太過"和稀泥",溝太多水……是晚8個人食，埋單都係$900+，抵過對面海同類茶居好多！聽講早茶點心也不錯，下次懷舊再試過！！😎

講到舊式茶樓,我知道嘅來去去都係得嗰幾間.一係就連香,我都去過幾次,今次就食下從未去過嘅中央飯店.舊式茶樓當然係可以搭枱,應該話冇得比你唔搭檯先啱.如果真係好想兩個人錯張四人枱,可以開四個茶位.好可惜點心唔係用鐵盤託喺條腰嗰種,不過都好嘅,咁樣托法好傷腰骨.因為唔用點心紙,所以要金睛火眼咁樣望住經過嘅點心車,啱心水嘅唔多,第一段就叫咗炸點.呢度好在炸物可以畀你自由配搭,我哋就叫咗煎堆,春捲,鹹水角.個樣已經好清楚咁話你知佢係凍嘅,油冧冧加上林坺坺. 春捲好粗好大碌,有好重既芋頭味.煎堆仔好細個,豆沙好好味,不過甜咗啲.鹹水角實在太多油,過咗氣,而且餡料好少.再嚟就食咗鮮蝦腸粉,蝦都幾大隻,腸粉軟得嚟唔爛,但係唔知點解豉油非常黑,唔通用老抽.叉燒包上枱果陣真係燙手架,但係包多肉少,而且裏面唔夠汁,有少少乾.鴨腳扎裏面嘅芋頭大舊得好誇張,而且略乾,成舊收入口有難度,老人家食要小心.另外豬肉實在太肥太鹹,鴨腳就非常瘦,真係好似皮包骨咁.鳳爪就啱啱相反,非常肥美,夠曬入味,而且炆得夠淋.排骨就同一般茶樓差唔多,除咗份量多咗一倍之外,不過好大部分係因為有非常多嘅芋頭墊底.最後我哋仲另外叫咗一個陳

放工得一個人開飯,又唔想成日去食茶餐廳客飯咁頹,好似肥媽話齋想食好DD,飲返個住家湯,就諗起平時飲早茶既中央飯店.一支公叫左個白果腐竹豬肚湯同埋個炸大腸,食熱氣野一定要搵D滋補湯水中和返,唔想食到爆瘡白果腐竹豬肚湯超多白果,入口啖啖都有,豬肚就有十多舊,超級足料,腐竹味濃,有D飲鹹豆漿既感覺,一大煲,飲到我成肚水炸大腸又香又脆,大大碟,真係要搵多幾個人食先食得哂,菠蘿係罐頭菠蘿,夾埋炸大腸食,中和返D油膩感

父親節前夕的中午飲茶，十一點到，都幾多人，要搭枱，洗定茶碗等人齊開飯。叫左水仙，比足茶葉，味濃有多款懷舊點心，好似燒腩卷，大飽，炸虾角等炸虾角只係出左6-7碟，一推出尼就賣哂，唔夠人快鳳爪排骨煲仔飯，又係出兩盤，約十二煲，未推出尼已經排緊隊，今次夠快手，有兩隻鳳爪，都幾多排骨，不過飯比較淋，唔夠爽口金錢肚夠淋，有花生放底叉燒餐飽，新鮮出爐，熱辣辣，飽夠鬆軟，多餡，好味雞扎，新鮮出爐，有芋頭，魚肚同雞，超足料魚肚燒賣，好少係出面酒樓食到，好多魚肚放底，絕無欺場茶錢$6再加一大中小點分別$17，15，13，唔算貴總括:點心夠新鮮，款式多，多懷舊點心，仲係有姐姐推車仔，味道尚可，舊式酒樓值得支持

老友從澳洲回來，兩個人想飲杯茶，食個包，重拾兒時味道。上網找了資料，挑了這間中央飯店。甫進酒樓，眼看穿圍裙賣點心的姐姐；嗅到油膩、食物香氣、舊式酒樓混在一起的熟悉氣味；聽到瓦杯碟叮叮噹啷，甚是興奮。不過，連服務都是兒時水準，自己搵位，粗聲粗氣，頂唔頂得順就睇你啦！同友人一見到架腸粉車，簡直為之瘋狂「阿姐，煎腸粉，燶啲呀，唔該！」今日吃的，都是飽肚野！其中大包，更加是可遇不可求，味道正宗，餡料充足總評：你說好好味，它不是；我說盡是回味，它可貴！

1海蔘鮑片鵝掌~賣相雖然唔夠靚仔，但豬婆蔘夠"淋",好入味2蜜餞合桃牛肉粒~好好送飯3四喜拼盤（炸大腸，炸鮮魷，炸豬扒，野雞卷）~邪惡拼盤。大腸一流， 野雞卷內有雞肝，好特別4西洋菜陳腎湯~夠火候，足料5瑤柱豆苗6炸子雞~皮薄，肉滑。推薦7蒜蓉芥蘭8酥炸生蠔~ 勁好味，我地訂咗3桶生蠔，足足16隻。隻隻都好大隻， ****記得預訂9八寶鴨~功夫菜， 鴨起晒肉。鴨身只留鴨皮，再釀入八寶料。正 ******記得預訂