中央飯店

Open Now

Now Closed

大家如果有睇開新聞的話，就會知道屹立80年的信興酒樓已經係2016年12月29日結業。係深水埗這一類舊區的舊式茶樓已經愈來愈賣少見少，而中央飯店都是舊式茶樓，主打都是平、快、正的港式堂食點心，基本上行入去冇人會招呼你，你地自己搵位，搵到位就坐底，跟住竟會有阿姐或是阿哥黎幫你開茶同位。個日我地差不多１０個人，本來都想食添好運，但想吹下水，都是去番中央飯店比較好，因為我地一食食整個半鐘，真是唔容易搵地方架！係中央飯店吃仲會見到舊式的推點心車，同有姐姐係你問有咩食既時候同你講冇呀，得咩咩渣，要唔要呀？這態度是另一種「親切」，有時候新式酒樓跟單送菜唔係唔好，但就係少左ＬＥＥ種好搞鬼既人客同服務人員的交流，我地叫咩都唔一定全部有，但個陣一叫而有的感覺，是另一種享受。我地都叫左差不多１０幾籠點心，多不勝數，有煎蘿蔔糕、魚肉燒賣、蝦餃、年糕、雞札、牛肉球、春卷、芋頭糕、咸水角、叉燒腸粉、叉燒包、鵪鶉蛋燒賣、牛肉腸粉、鮮蝦腸粉等等，真是舉唔晒，仲有一個飯同一個鍋米，個鍋米超級大鍋，１０幾個人都夠晒分，超滿足，每個人除番都是５０幾蚊落樓，我地收入普通既，真是好抵食，基本上各點心同菜式都是有味道既，所以人

中央飯店，係深水埗一帶長大，有咁上下年紀好多都識，係傳統既客家菜，十幾年無嚟，今日同屋企人嚟懷緬一番。呢度侍應全部伯伯，但都好nice, 有問必答，難得。炸大腸，金黃鬆脆，又唔會太多肥膏，高質素！咕嚕肉，粉唔算厚，亦唔太多肥膏，而且菠蘿青椒洋蔥配菜多。炒鮮奶，食落似炒蛋白，好食，唔蘇唔膩梅菜扣肉，客家菜表表者，梅菜香，送飯一流呢度招牌菜，荔芋鴨，好多芋蓉，鴨肉反而少，但炸皮多d鬆脆d會仲好，呢個有少少失望。三鮮炒骨髓，又係呢度名菜，keep到水準，所以配料都入晒味。黃金奶油蝦，未上到碟已好香，但因連蝦殼炸，食嗰時有d唔方便，但蝦都鮮甜，而且好大隻，抵食，好味最後推介，西米焗布甸，要訂，金黃焗面，裡面有西米吉士，仲有中間一層流心蓮蓉吉士，以為好甜，竟然唔係，所以大家都添食。注意，原來送糖水，綠豆沙都好粉好蓉，但連續兩個甜品，真係超標。咁耐無嚟，但今次食完，都覺得有下次，呢d食店，買少見少，有份老香港情懷。

近排興懷舊菜 所以和家人來懷舊一番 如果小呢這一區都會比較難找到 ，離地鐵站大概十分鐘路程， 15年冇嚟過 再嚟番 感覺冇變過 舊式嘅門面 燈箱極之懷舊的水晶燈， 佈置雖然簡陋 但很有人情味。食物水準依然一流 ， 我哋叫咗荔芋鴨 必食的 ，如果要叫八寶鴨必須提早預訂 ，三鮮骨髓 唔係咁多地方有得食， 炸大腸 超級脆， 黃金蝦 件頭大隻蝦頭亦很多膏，梅菜扣肉 蚊得好夠淋 等等多不勝數， 飯後甜品仲有西米 蓮蓉 焗布甸。 樣樣都好好味 價錢亦都很合理，今晚非常滿足。

年尾同家人團年，家人受電視節目影響話好想食懷舊菜，訂左中央飯店呢間充滿兒時回憶既餐廳，事隔15年再次幫襯，帶黎一圍15人親友團年，張枱好大，坐15個剛剛好不太逼，上菜了，炸大腸是1.5份，好酥脆，襯酸蘿蔔同甜酸汁一流。金銀蛋菠菜，蒜子上湯無得輸，霸王雞，雞肉又厚又滑，200蚊有咁大隻，物超所值。三鮮骨髓1.5份，骨髓很香滑，仲有粟米仔好爽脆。炒鮮奶，其實似炒蛋白，有帶子蝦肉腰果碎，好滑，不過油略多。咕嚕肉1.5份，非常大碟! 味道酸甜剛好，炸得香脆，唔會好厚粉。南乳齋煲，夠惹味，茄子好食。金沙奶油大蝦2份，用咸蛋黃牛油炒香，蝦好大隻，略為油膩。荔芋鴨1隻，200蚊，荔芋好香，下面有帶皮的鴨肉片，出面好少食得到。西米焗大布甸，呢個要早1日預訂，上枱已經好香，入面夾有吉士奶皇蓮蓉，唔會好甜，甜味主要來自蓮蓉，個皮有焦糖效果，15個分光光。埋單2200蚊，團年大滿足。ps 如果想食八寶鴨，糯米鴨，西米大布甸要隔日預訂。

店名：中央飯店Central Restaurant地點：深水埗大埔道140號東盧大廈地下，電話: 2777 6888(1)    白果腐竹豬肚湯；(2) 百花釀豆腐；(3) 炸大腸拼炸春卷；(4) 東江鹽焗雞； (5)蟹肉扒鮮菇； (6) 三鮮牛骨髓 (珍珠筍+磨菇+冬菇)。共五人享用本餐，合共四百六十五元。食物的色香味如何：三鮮牛骨髓，鮮美爽口，很令人「食髓知味」，而且加入珍珠筍，使整碟餸菜沒有那般單調；東江鹽焗雞味道十足，製作正宗，滑韌適中，豆腐味道略淡；磨菇+冬菇多汁，好。環境：60至70年代的裝修，只是如果提高清潔度就更理想了。服 務：較一般，最欠佳的是現在是廿一世紀了,仍然不提供信用卡付款，衷心希望他們改善。衛生：廁所衛生尚可，但狹窄。抵食：價錢普通，和親友聚會可以選擇。

［意想不到的收穫］依家下下講懷舊，今次入尼間店，真是叫懷舊，地點系太子同石硤尾交界，仲要系個隱蔽的大廈內，真是無附近街坊帶路，都未必一下子搵到。飲茶的文化對香港而言系不可或缺，而推住車仔叫賣一籠籠點心，真是買少見少但今日，尼間仲有推車仔，真心一行十幾人團住坐，雖然坐得逼左d，但感覺溫馨～～今日點餐毫無保留甘點餐，4籠水晶餃、8籠燒賣、腸粉照上......一籠籠的點心，點完又點，好快甘擺滿張檯。而且食物食落有驚喜，好好味，份量都好滿足。最後點到滿滿的印仔食到飽飽，每人分攤，都只是40幾50蚊～～值得推薦推薦

茶癮又發作，記得上年去過中央，味道都唔錯，所以決定去懷舊一番。環境跟之前沒差，都係舊舊的，侍應依舊有點凶。坐底拿拿聲去拎野食先，今次一共食左四樣野。鵪春蛋燒賣 - 味道尚可，冇驚喜。金錢肚 - 個汁太濃，杰撻撻咁，食左一舊就頂唔順了。鳳爪排骨飯 - 呢個好野，今餐最好食既係呢個飯，料多味道正常。蝦餃 - 以為最穩陣既蝦餃，食落竟然有酸臭味，吐都吐唔切，好彩侍應幫我地取消左佢。總括，真的變差了。

是日嚟到深水埗懷舊一下, 此店位於大埔道, 正門其實不起眼, 因為在一座大廈的入口內, 好彩有外牆的大招牌先搵到.嚟到得大約7點, 但已經座無虛席, 得番一張枱(對正門口勁大風又熱...).  坐咗一陣, 侍應姐姐就話有客埋單可以坐入面喔店內牆上貼咗好多菜名, 老公見到呢個湯羮就話想試~ 味道其實唔錯, 杰度適中, 好似食碗仔翅咁, 有啲鴨絲, 不過份量唔細, 每人要飲成4,5碗....揀咗好耐先揀到個菜, 帶子鮮味, 芥蘭雖然唔係當造時節, 但係炒得好脆口, 唔會硬掘掘, 只係油多咗啲啲.呢味必點, 唔知點解嚟到呢度就諗起要食炸大腸, 好脆唔油, 個汁酸酸哋好正當兩個人食到飽飽之制, 侍應叔叔竟然送上兩碗紅豆沙, 再飽都忍唔住要食晒佢, 因為真係好味, 起沙,唔太甜, 又有淡淡的果皮香味 好滿足的一餐

今日出發之前一家落去屋企附近嘅舊式酒家飲個靚茶先雖然佢唔係叫酒家，但係都一樣有得嗌一盅兩件一間唔係中環但係叫Central Restaurant嘅「中央飯店」超級老字號飯店一入到嚟所有童年回憶番哂嚟!大家依家飲茶都係Tick點心紙, 真係好耐都未見過有推車仔既酒樓啦我哋朝早10點多入到嚟都坐無虛席呢度唔會好似依家D酒樓有得拎飛等位, 只有靠自己去搵有冇吉枱坐, 好在啱啱俾我搵到張!因為太肚餓既關係, 見到有架車推到嚟面前, 有咩都即刻拎幾籠嚟食好有懷舊Feel, 大家都係走埋去架推車仔度, 自己掀開個蒸籠蓋睇吓有咩食嘩! 煎榚點車呀!好耐冇見過...叫蘿蔔榚煎腸粉就係企喺車隔離等姐姐慢慢煎如果煎上嚟件蘿蔔榚有少少崩咗就會搭條腸粉或者加少少其他榚湊夠一碟我鍾意呢種隨意既心情味!仲見到其他炸物, 粥品餐車!正呀, 春卷.....正呀, 皮蛋瘦肉粥加薄脆!見到呢個日曆, 真係一陣懷舊味番哂嚟!絕對正宗懷舊...唔係嗰D新舖裝修扮懷舊!

晚上去到,沒什麼人由於我外賣選擇亦少,我指少的是碟頭飯選擇少我選了鹽焗雞飯現場所見,環境真係唔得真係好舊,其實舊並無問題但環境唔乾淨,地上充滿積水,台布又穿窿不過問題最大都係地上的積水,整個環境的感覺比人都好差佢地可能因為唔太著重環境衛生,所以較少人幫襯吧講返個鹽焗雞飯我完全無考慮到,外賣個鹽焗雞飯,d蔥油會直接倒落雞面假如你外賣,記得叫佢將d蔥油放落飯面,不要放落雞面由於個鹽焗雞飯比蔥油污染了好難準確評論到個鹽焗雞飯的味道雖比蔥油污染了,但個雞飯味道都幾好要留意,即使你沒叫加蔥油,佢都會自動加比你不過我幾欣賞係,比好多白飯,而且重有得叫多飯個份量一定足夠你食個價都係40,同區價錢差唔多考慮到個雞飯,味道同份量都幾好,所以都滿意不過個白飯,就唔太得,有些飯痴埋一齊,變飯團咁

今日假期同兩老去飲茶，爸爸話要食中央飯店懷舊下，所以老遠由屯門出市區食LUNCH。入到來，你會feel到老茶樓既感覺，好彩小妹細個都食過呢d茶樓，自己攞點心，仲有時有阿姐拎住點心或者捱車仔叫賣，叫人懷念，呢d茶樓買少見少。野食方面，老實講只係普通，但我幾欣賞個奶皇飽-- 奶妹好香，而且咬開係滿滿既奶皇，一d都唔偷工減料。

朋友帶領下，到此店用歺，位置不是在大馬路边，而是一大厦小巷之內，从装修到員工，可見一番历史，以現時租金昂貴下仍能生存的舊舖已買少見少。奌了四个小菜，家常便反，鷄几滑，茄子煲好香咸魚味送反一流，另一炸物似fusion菜，以荳府mix魚肉似的，好香囗，特别出色驚喜之味道未有發現，有的反而是親切感，老歺庁的味道，兒時的畫面不繼浮起，價錢合理座位闊落，深水步区食小菜好地方。

深水埗，是一個老地方，但奈何地，這區擁有一個年青人的大商場，擁有以科技行頭的電腦城，老城卻充滿活力，就是深水埗的寫照。這一區，潮食，絕對不缺乏，但更吸引我的，是這一帶的老食店，而是日在天時、地利、人和之中，我有機會來到這兒食個早午飯，心中想著老店的我，腳步把我留在大埔道，朝《中央飯店》這一個路牌而去。《中央飯店》，地點算得上是隱蔽，因為酒樓是隱藏在一個舊式商場的深處，單是在大街看到了招牌，你沒心去找，要尋出《中央飯店》的真正所在地，雖不算難，但一定要有心去找。入到來，你會感覺到這是一般老作風的老茶樓。像我這樣的生面孔茶答，當然不會讓我自己來，但食慣食熟的老深水埗，好多都自己入茶房，自己攞點心，再同班老伙記，老點心姐打成一片。對，這是香港少數仍有點心姐，點心車的酒樓，而且推車仔沒有牌，以點心姐大叫為準，感覺比起《美心》、《名都》更加之傳統。"蝦餃、燒賣、叉燒包、鯪魚球"，絕對是一個令人懷念的叫聲，亦令大家知道，我已經是一個 "阿叔"。更開心的，是讓我重遇見這即煎糕點的點心車，即叫即煎即上碟的蘿蔔糕、芋頭糕、馬蹄糕 (蔗汁糕)、同蝦米腸粉，有時候會是煎釀三寶...不過，是日的我以食蒸點為主

今日去新加坡前的早上,好靜,好有孤獨感,在家唔想對住四面牆一隻喵,就去中央坐下,都係時候習慣下呢種生活...中央早餐如地荗市集,環境都幾差,仍以車仔型式叫賣,一盅兩件就最好不過,點了牛肉餅,不是好大盅,好有牛肉味,飯剛好,叉燒餐包,呢到出名,蜜汁味香,叉燒多,正,蝦角,蝦肉成隻又香口,整體味道是唔錯,今次決定希望無錯,可能早茶以後就代替了興趣..

每年做節，都一定要食中餐，今次都唔例外，老爸選了中央飯店，以前是泉章居飯店，因要就姐姐，只好近近地，今次點了8個菜，其中梅菜扣肉是必點，半肥廋的肉好入味，梅菜甜而可口，再來了個霸王雞，都是店中出名，咸度適中，好有雞味，不用醬都ok黃金奶油大蝦，姐姐最愛，基本上咸蛋黃炸皮已經好好味，好香咸蛋味，封住成隻蝦，蝦又大隻，又爽口沙拉骨，我十分失望，根本是炸急凍朱扒加沙律醬，完全沒有誠意，又鞋又薄香芒沙律卷，又係好薄，又無料，得個脆，但無味，芒果都唔覺有炸大腸，我對大腸一般，點甜酸醬，唔錯，但我不太愛大腸金銀蛋莧菜，咸蛋好香，湯夠甜，加埋莧菜，湯撈飯一流元貝鴨絲湯，好似碗仔翅味，但有鴨絲，一般般成個餐，餸都好大碟，上菜快，但服務如都是大檔一樣，有同無分別不大，有心人可去試下，但不必刻意去幫襯