錫蘭 (白加士街)

Open Now

Now Closed

對面澳xx奶公司中秋無開，隨便有間茶餐廳食見佢大大個招牌錫蘭，就入黎叫了特餐a同cA餐茄牛通正常質素 轉左煎熟都正常質素丹麥酥唔知邊間拎貨，焗又唔脆，又加煉奶難食！C餐瑞士汁雞翼撈丁先精彩無味到我都唔知佢係瑞士汁定老水汁，完全唔甜！炒蛋無味，乜都無落用成桶油炒就算仲要過熟！奶茶無茶味，難飲2個餐1凍飲收成111蚊，性價比低！常餐甘易整都整到甘，一定唔再黎仲要甘多分店害人！唔明點解可以開幾間難食到相都無影！

食咗咁多次依然保持住好味又大份😋每一個餐嘅份量都好足，肉片都新鮮，冇雪味最鍾意點C餐！每次份量都好多又好味😋啱晒我呢啲食肉獸。想食香口就要揀XO醬茄子牛肉，牛肉夠晒淋，加埋XO醬去炒好惹味

午餐好味又大份蕃茄肉醬雞扒腸仔意粉$54三碟之中最大碟嘅一份，啱晒我呢啲大食積🤫雞扒好大塊，煎到夠晒香！醬汁都好多，食完超級滿足🥰椒鹽豬扒飯$53一上菜已經聞到好香賣相都好吸引見到就流晒口水豬扒咬落夠軟，新鮮即炸😋特餐板燒豬扒湯烏冬$55豬扒份量都幾多，烏冬幾彈牙😚滑蛋煮到啱啱好食😋得出好滑。多士都卜卜脆。除餐附送嘅中湯好好飲，冇乜味精。就係面頭啲豬油多咗啲。🍹飲品推介大家叫熱華田，真係超濃❤️❤️📝整體而言:係一間高質素嘅茶餐廳上菜快嘢食份量足！鑊氣都控制得好好。📍 錫蘭 (白加士街) (佐敦)佐敦白加士街77-81號地舖

聽同事講唔止午市，直頭由朝到晚都多人今日比較多嘢做，索性去外賣就算。可能真係人較多單較多，真心等得有點耐，希望餐廳真係可以改善下。番到公司牛河都仲係熱嘅，含油量高，所以食落口都夠滑。牛肉入味唔乾身，唔怪得佢可以KEEP住多人食啦！如果可以包埋飲品就更好，而家成70蚊一餐…真係有D貴！有少少有趣就係入面有張券限定48小時要用不過又唔知真係FOR錫蘭定FOR咩見到都唔太敢用…唔知有無人都收過？

因為Honey常常到佐敦工作，所以這一帶的茶餐廳，我都差不多光顧過了。我光顧過藍田錫蘭，覺得水準OK；所以，今天就是一試佐敦錫蘭。錫蘭餐廳的座位比較迫夾。價錢中等，味道也OK。今天Honey想吃豉椒涼瓜排骨飯，但店員說只能跟餐牌，所以單點了豉椒涼瓜牛肉飯($62)。這個幾好，涼瓜翠綠爽口，不太苦。涼瓜炒牛肉，好有鑊氣，正！汁也不太稠。而我就點午餐 ($54)豬扒腸仔意粉+中式湯+奶茶這個豬扒意粉麻麻地，豬扒好乾，汁太鹹。不過，中式例湯(粉葛紅蘿蔔湯)就好好，好濃 ，夠潤甜。佐敦茶餐廳林立，錫蘭算中等啦，應該能夠屹立下去的。

打电话落單，遇上接單阿姐，后来取歺时见到，知道是同一人。接單態度好差，好似欠佢錢。買個外賣，都要受呢D闲氣！以為打电话落左單先，唔使排甘耐等，点知一樣另类受氣！茶歺厅食物间间差唔多，呢间食过又不是特別好食，都係一般般，唔值得等，而且呢D服務態度根本不能接受，唔会再幫襯！

今日係Boxing Day 行街經過呢間餐廳見到有晚餐set同小菜食，選擇幾多下所以就入咗去食了，我哋睇完個餐牌見門口明明有晚餐set,但店內嘅餐牌冇寫所以問下個職員，誰知理都冇理我地淨係叫我地自己睇返店入面啲餐牌之後我朋友特登行出去影返門口d餐牌未試過食飯要自己行出去影餐牌，冇人理而且態度好差，極度唔耐煩因為天氣好凍又落雨，入咗嚟又費事走之後諗住叫其他職員幫我地落單，見其他人都忙緊，為有再叫果個態度非常差嘅職員幫我地落單我哋叫佐兩個餐，一個小菜其實食物各方面都唔錯，幾大份味道都好食，不過甘既服務態度真係令人卻步，講真幾好食都係冇下次。

前身係翠華，聽講再用錫蘭新牌頭去開，咁啱經過入去試試，鐵板雜扒餐跟凍檸檬茶，多士黎先，超細塊丹麥酥，仲要烘燶左…已之後半個鐘先出到，飯又漏冇俾我，但個羅宋湯都幾OK，而且黎到個鐵板都係熱，開始食食吓先知道出事，腸凍既，都算啦，腸仔本身都係熟嘢，本身塊板夠熱，慶吓都繼續食，每樣再食少少就開始出事，牛怕唔全熟都算，再睇豬扒雞扒全部骨位流血，流到腸仔尾，聯想到好似破處咁……唔敢想像呢間係翠華開既，最慘係杯茶都唔好飲，都係去返紅茶算

在佐敦搵食，不約而同，都有朋友約我在這茶餐廳食，所以都食過幾次。有次食完飯想飲杯野，飲左杯熱杏霜，好耐無試過杯熱杏霜咁濃咁杰，好好飲，不是我曾經在其位地方試過好稀的杏仁水，所以印象深刻。之後試過午餐食牛扒意，性價比高的，不過忘記影相。今次食tea, 叫左個雞翼撈麵，見到上碟有d style, 所以影左相。 食落又幾好食，麵夠韌性，瑞士汁夠味及雞翼夠滑。 整體好食，唔錯。 炸髀薯角都好食。難怪咁多朋友都會約我在這裡食

中秋節假期嗰日，本來一家大細想去食澳洲牛奶公司但係咁岩冇開門，於是行咗去試吓間錫蘭，我知道佢係翠華集團改咗個名，出品應該都係預計之內 （有保證的)真心講30幾蚊個早餐，有麵包有煎蛋又有公仔麵又有杯奶茶，真係真心多謝佢可以做到咁平，而且味精唔算多👍👍，個麵包柔軟熟又唔乾水👍個蛋都煎得好香👍不過佢個錫蘭味的奶茶好似冇其他咁順滑好飲，有可能係我未習慣。真係自己叫工人煮都要返咁上下價錢。呢個係香港人高效率嘅最佳寫照💪💪

ABC醬豬軟骨炒飯$45(下午茶餐), 第一次見有豬軟骨炒飯所以試下，好深色但味道其實唔會太鹹，味道唔錯、ok正常，飯炒得夠乾身。 雖然係下午茶餐，但係份量其實係正常碟頭size，食到一半就開始會覺得有啲膩。珍寶雜扒餐$98， 條珍寶腸真係好長(見圖由鉄板頭到尾一條過)， 但係味道一般，猪雞牛扒乾乾地，覺得佢唔值98蚊。跟餐意粉， 圖片可能影得麻麻地但其實份量ok， 如果醬汁多少少會好啲。跟餐凍檸茶， 做到茶餐廳水準， 茶底都幾好味環境: 地方光猛，坐落幾舒服，感覺衛生乾淨服務: 服務員落order都好快手，下午茶餐六點半截單，6:25 佢即刻幫我哋落咗先, 轉頭再返嚟幫我哋落order, 過程都好爽快。

落雨天，心情已經麻麻。工作關係出現係佐敦，諗住係廟街附近食翻啲好野，點知都幾失望，餐廳未開或者就係唔岩食。諗住離開佐敦時候見到呢間錫蘭，見入面裝修都幾好，好醜一餐，一於入去試下。入到去坐低，唔理咁多一見到個鐵板牛扒餐諗都唔諗就點左，再跟左個意粉，最後尾我後悔左，因為份量真係十分之大，食到一半意粉都未食已經飽左。我朋友叫左個咖喱牛腩飯，份量岩岩好，我自己都試左一兩啖，真係幾好食 但如果辣少少會好啲。飲品方面不過不失但無咁甜會好啲。價錢方面我覺得中價啦 但個牛扒餐真係好抵兩個人食都夠！

原址本来是翠华，现在变成锡兰，装修新颖了很多，光线充足，第一个感觉不错。晚上到达时全店满座，要在店外等候了一会才有座位。坐下后翻看他们的餐牌，发现食品的款式可不少。焗饭、咖喱类、铁板扒餐、小菜和一般炒粉面都有提供，点餐前也要花点时间思考。炒公仔面是至爱，这个XO酱猪扒炒公仔面很大份，卖相也不俗。只是面味道有点咸和油腻，另外猪扒调味不够，入口很淡。牛肉崧炒饭更大份，味道带点微辣，吃起来味道比炒公仔面好吃。由于份量极多，两碟都没有吃完。如果食量不大，两个人点一份炒饭或炒面，已经足以填饱肚子。

無咩都唔好黎食呢間野，入面啲姐姐服務態度超級差，叫佢落單就好悔氣咁問要咩，人地要加單，佢地又話‘’下，又加單，咁煩嘅‘’，野食又唔係特別好食，都唔明點解咁多人幫襯，唔想受氣就千其唔好黎食呢間野😡😡😡😡😡😡😡😡😡😡😡😡同埋而家疫情佢地擺塊板係中間要人搭枱，話唔想搭枱就態度好差咁話’’咁你坐個邊’’，一d禮貌都冇，勸大家想開開心心食個飯就千其千其唔好黎，唔係會好似我咁炆😡🤬🤬🤬🤬

見到呢間餐廳越開越多，次次見到呢個名都諗起檸檬茶，你呢一間好似同翠華差唔多睇入邊餐單內容，成日經過都冇試今日就試吓佢嘅下午餐，叫咗一碗米線，佢連個碗同翠華一樣嘅，知佢碗米線真係麻麻哋，啲米線有少少硬，同埋個湯係完全冇味，啲嘢好似就咁用水滾過，真係麻麻哋得好緊要，冇乜必要都唔會再試了