炊公館

Open Now

Now Closed

性價比高既海景午餐😍海南雞新鮮好食👍🏻如果無骨同多D肉就正啦🤣龍蝦鮑翅湯飯岩哂我❤️係飯底略為偏軟身🙊龍馬精神隻龍蝦果然好精神🤣仲有馬蹄片👍🏻最後用十勝紅豆雪糕作結😍正呀喂👍🏻

今日本來即興想去海運大廈食西式下午茶，不過已經滿座。所以即刻搵過另一個地方，朝早十一點打去約兩點半，仲有位。最後重要係仲可以有窗口海景位坐，至於野食方面，雖未至於超級好，但絕對對得住個價錢。點心一上枱好夠熱辣辣，酥亦夠香脆，現在仲有七折，真係已經無得輸，正！

時間:下午茶時段人物:負責埋數的一個中年女仕（略帶鄉音）本人是日心血來潮想去試試，聞說環境唔錯，雖然沒有坐到窗邊位置 ，但環境亦尚可以，枱面位置寬躺，下午茶套餐亦不過不失，星洲炒米有驚喜，到了大概四點鐘便last order ，客人陸續結帳，那名女仕亦開始在收銀處埋數，過程中。。。口中岀現了”三次”粗言穢語，而音量是大的，清楚而清晰地。。。”X你。我要去隔離攞飯”。。”X街少咗一蚊”。。全場都知你放飯同收少咗一蚊！再和同事講其他同事的是非，她說要用膠紙封她的咀，我明白説話中帶點動詞有減壓作用，但都要看到自己在什麼崗位及時間，這是對公司，客人和自己的基本專重和禮貌！

約一位ee去食下午茶，所以就搵一間有景嘅酒樓， 因為見到炊公館做緊下午茶set, 附屬於阿一嘅~見到佢有鮑魚酥就梗係要試下啦； 提早一日book咗枱但係去到都要跟次序入去， staff都會安排客人坐窗邊位先嘅， 的確佢呢個景係幫佢上咗一個價位~飲普洱冇隔茶葉，但係見到有茶柱~ 就當自己有好運嘅一日啦， 因為係紅雨~所以睇到嘅維港景係雨景，可以話係另有一番風味； 上菜都算好快， 有啲似西式嘅點心拼盤~不過食嘅係中式點心~ 咁多樣點心…講真有好有唔好， 鮑魚酥就冇得輸啦~真係好好食， 燒賣都非常之唔錯， 菠蘿叉燒包都有啲驚喜不過偏鹹咗啲， 但個芋角…真係好唔得~ 普遍嚟講比較普通，但係如果係傾計呢個係一個幾好嘅地方~ 而且寬闊嘅景觀亦都令人心情開朗

就係比佢個海景吸引左，所以選擇呢一間左餐廳食tea。睇食評話訂枱就有海景位，是。錯。的。連你想訂枱時request，如果係食下午茶，sorry，都係無的。餐廳聲稱係first come first serve，我當係啦。落order，落完等左15分鐘都未到，問返落單waiter跟進，佢反問返我「你地落左單未？」Finally，佢有落到既，等多5分鐘到就有野食。食物方面，個tea set好似$240左右2人份，6款12件，一般美心酒樓級數，除左個鮑魚酥真係好味之外，無第二款點心令我留下深刻印象了。

藍天白雲下來到了isquare的炊公館食個下午茶！其實也是同事告知這裏的點心set在做特價，計返起每人百多元。預先訂好枱，安排了個海景位，這裏的海景的確也是無得輸。居高臨下基本上整個維港都望到，加上藍天白雲，真係令人心舒暢。點心set用手提籠子上的，頗有古典風。一共有2層，上面係菠蘿叉燒酥、芋角和鮑魚酥。下層是燒賣、蝦餃和粉果。其實這裏的阿一鮑魚的副線，所以對點心都有點期望，不過點心味道其實點有點令人失望了。整體來說味道一般，蝦餃皮好易爛，粉果餡料没平常酒樓的惹味。菠蘿酥不算太鬆化。如果單點tea set也不夠飽，所以我們點了素鵝、金錢肚和皮蛋。那個素鵝真的令人失望，很乾扁。如果没有在做6折優惠，那真的會唔開心，但因為是6折，加上美美的海景，那麼也沒什麼好說～但要是食物味道再改善一下就更好，那就一定會再來！

和朋友吃了午市套餐。 湯只有鹹味，點心和主菜都一齊到。點心不錯，但主菜海南雞飯和伴菜差，雞又凍又沒有味道。叉燒飯像隔夜叉燒。甜品是Dryers 雪糕杯！只有境色值得讚！

二人限聚令下，很多中式酒樓都暫停營業， iSquare 好像只得炊公館開，見過往食評不錯，今天就與朋友去試下，叫了一個一人套餐及兩款點心，套餐包3件點心-蝦餃、燒賣和迷你菠蘿餐包，3件點心賣相一般，似用微波爐番熱，尤其那菠蘿餐包，簡直似隔夜菠蘿包，乾得很;套餐還有一碗湯，也是一般;主菜選了紅咖哩豬尾骨配饅頭，上枱已不是很熱，味道更是不堪，饅頭硬如石頭，套餐還有 Dreyer 雪糕一杯，這個套餐價錢 hkd168，唔算貴，在這疫情期間，我唔會計較服務，因明白少了員工，但周圍都做特價，身為高檔食府，如果將貨就價，而又不能保持食物水準，就不如唔好做，影響聲譽。

今日一家人出去尖沙咀想食下午茶，由於疫情關係，好多酒樓都唔開，諗起炊公館出左下午茶Set, 咁就去試吓啦，而家做緊七折優惠，仲可以追加食物。下午茶是中式style，有六款點心，總共有12件有我最愛嘅芋角👍🏻原隻鮑魚酥👍🏻菠蘿叉燒焗餐包👍🏻蝦餃 - 一般燒賣 - 一般黑松露餃 - 皮太厚追加食物五香煙燻素鵝👌材料分量較少，煙燻的味道很足夠單點流沙包 - 味道OK，但係冇流沙的效果整體OK，以七折價錢都算抵食，點心味道還好，但沒有想再食的打算，人手不足，等好耐先至有人同你落order和開茶，如果有訂枱，就可以坐窗口位，茶葉不香，很快就變淡，幾年前嚟過食晚餐，食物唔錯，環境優美，服務態度很好，現在和上一次差太遠了，可能晚餐和下午茶的不同。

自從疫情以來，日日留在家中🥱但總有一點點東西要令自己開心一吓，如食一個滿意嘅下午茶☕😄（時間3:30～5:00）。呢間炊公館嘅中式下午茶，朋友已推介多次，但今日終於嚟一試係咪咁好食先😝。一向喜歡飲茶食點心🥟嘅我，難得假期出尖沙咀買嘢，而順便試吓佢呢個☕set先。雖然好多食評已講過多次點好食，而我都認為點心係好有水準👍，每樣點心都好好味😋。最值得讚好就係佢唔會因做7折特價而將貨就價，食材好新鮮但美中不足係出自佢啲茶☕到，叫咗“鐵觀音”但好老實講啲茶🍃質素真係要提升啦🤔，因為完全無茶嘅香味🙄（有點意料之外）。點心同茶係一對，若其中一樣不足都對整體有影響🤨。整體嚟講對食物同服務都滿意，希望下次再嚟食嘢時會有意外驚喜啦🤩！反而想試吓以下4人午市套餐，好似好正咁。睇住靚景加上美味點心🥟令人差點忘記咗疫情😷，雖然人數唔多但都要快快🏃‍♀️回家🏠減少人多聚集，希望疫情早日過去一切回復正常，大家可周圍去食嘢😄。

車妮子經常會發掘平、靚、正嘅下午茶同我一齊食，今次佢就揀咗位於Isquare入面嘅呢間炊公館！就由我嚟訂位啦！（職員話下午茶唔可以要求窗口位🙈）先講講個環境，一入門口，落地大玻璃，光線充足，比人一種貴麗堂皇且舒適嘅感覺。如果單係聽個店名，真係唔會估到個景會咁靚嘅😂！就算唔係坐窗口位，我都比個景電暈咗，竟然忘記影靚景相......🙆以為咁靚嘅環境，食物就會好貴？由於宜家做緊promotion，有七折😍！一個二人tea set只需HKD208.6(另收加一)就食到！呢間餐廳係以食中式下午茶為主，雖然點心唔多，但係款款都真材實料，當中仲有飽魚做嘅點心添！好！等我介紹一下有咩點心先......💟原隻鮑魚穌 ~ 鬆軟嘅穌皮底，包裹著軟硬適中嘅鮑魚，中間再配了一個甜甜嘅醬汁，好美味！💟芋角 ~ 脆薄嘅外皮包著足料嘅芋泥！💟菠蘿叉燒焗餐包 ~ 頂層凹凸嘅甜脆皮蓋著鬆軟麵包，麵包內層仲藏著蜜汁叉燒，外甜內鹹，令人有停不了的胃口！💟蝦餃 ~ 大大隻鮮蝦，好足料！而且新鮮彈牙，可謂皮薄餡靚！💟黑松露餃 ~ 少許黑松露味，餃裡面仲包咗其他配料，如紅肉碎同蘿蔔粒等，食落爽脆！💟燒賣 ~ 蝦跟豬肉等用料都新鮮爽

位於尖沙咀I square 高層環境舒適，個View都正，又唔算太多人，侍應都好有禮貌，阿一鮑魚撻正，價錢都算合理，平日Walk-in 唔使等位，可以慢慢食慢慢傾，可以再嚟

今次試下喱個抗疫價套餐$388（連加一及茶位），而且重點係可以對住海景食飯😍喱個價錢都幾合理🤗🍴食物🍴套餐有2款選擇，我揀呢款主要係因為有波士頓龍蝦😂🦞沒有令我失望，龍蝦很彈牙，但如果芝士味再濃一些就更好👍🏻前菜的鵝肝味道濃厚，但我較喜歡煎鵝肝多一些😝叉燒及肴肉味道也不錯，炸豆腐就較普通！荷葉蒸滑🐔肉質很嫩😋金銀蛋莧菜個湯幾好飲，但是🐮崧炒飯味道較淡，但炒得粒粒分明值得一讚👍🏻糖水方面芝麻糊味道較淡，但是合桃酥很鬆化不錯😋💥環境💥裝修是比較舊，樓底矮，燈光比較暗一些，但是坐得也很舒服😌天氣好望海景也不錯👍🏻💥服務💥店員並不多，笑容欠奉但會看着你進食速度而上菜，不會一下子全枱也是食物，這點值得一讚👏🏻⚠️總結⚠️以前這裏是有西餐食🍽但是4月1號已經沒有了，不過最近推出這個抗疫餐/午市下午茶亦都有七折優惠值得來試👍🏻（5❤️為滿）食物：❤️❤️❤️❤️環境：❤️❤️❤️服務：❤️❤️❤️

想試很耐的店舖。終於約到好朋友一陪，訂位好處就係可以坐窗口位真係特別好feel😁😁😁😁天公作美，晴天，望出去真是美!乳鴿 - 3人食關係，所以叫多了隻，熱熱的，豉油味夠入味，肉質夠滑。差不多每個位置都被我吃清，正!叉燒包 - 外表平平無奇，吃了一口後，叉燒帶上半肥瘦味道，咬口又不錯喎!! 2人套餐有蝦餃、燒賣及粉果 - 蝦餃皮薄餡靚，大大粒的蝦肉；燒賣及粉果夠足料，有傳統風味水準之作!仲有多款套餐選擇，而且價錢合理，又可睇海景! 環境舒服，黎呢度食野，實在太美滿了!

蝦餃、燒賣都好好味😋黑松露餃之味道較獨特原隻鮑魚酥真係炆得好入味，一啖咬落去又軟又滑，小朋友都好易消化；反而最差是菠蘿义燒焗餐包，又硬又無餡，好似擺過夜，最差之點心😣柱侯蘿蔔金錢牛肚$68折後$47.60，非常超值！醬汁夠晒入味、金錢肚又冧又好味🥰芋角內之芋泥不太濃味，外層酥脆，層次豐富，可以食多兩件都唔會膩😋星洲炒米$208(原價）有7折=$145.60蝦肉爽口、米粉炒得乾身，唔算太辣，感道不錯👍🏻鐵觀音茶有回甘口感，茶味香濃內部裝修優雅無敵海景陪伴嘆茶