炊公館

Open Now

Now Closed

今天來尖沙咀的這家餐廳吃午餐是第1次，因為之前銅鑼灣那一家吃的是晚餐。中午的餐廳的氣氛沒有晚上好，嗯，因為沒有定位置，所以沒有能做到窗口的位置，因為我喜歡吃中餐，先生喜歡吃西餐，所以我們就吃了一頓中西合璧的午餐。週日的中午用餐的人不算太多，西式除了一些套餐之外，還有一個沙拉吧，有一些蔬菜甜品是自助式的，不過選擇的種類不是特別多。反而中餐的腸粉是極力推薦給大家，因為非常的嫩滑，還有鮑汁扣鵝掌鵝掌耶，悶的很軟。如果我覺得餐廳最大的賣點就是中西合璧。

環境不用介紹座落尖沙咀 I- Square 29樓，玻璃幕牆當然是飽覽維港景色。先選好我們今日主菜先😋服務員非常有禮貌為我們落單，還細心詢問主菜是哪位客人享用，以便稍後正確送到客人面前👍，落單後還提醒我們可先享用沙律吧！👍那我就先來碗熱身餐湯及多士，是日餐湯是羅宋湯夠醒胃。食餐就當然不要停，沙律菜貴精不貴多，這個黑豆沙律夠特別又好食。好食就當然要 Encore 🤣🍴紅酒烤紐西蘭小羊架 $200賣相漂亮小妹不吃羊故只能分享老豆口中感覺，肉嫩收汁豐來形容。🍴脆焗巴馬臣芝士美國雞胸 $188這道菜我試了一小口，出奇好食同樣是肉嫩汁豐加多層外脆口感，食出層次食出滋味！蘸點芥末更提升味道，這道脆焗雞胸果真有驚喜，盡顯廚師水準。👍🍴野菌豆腐乾冬蔭汁燴意粉 $228就道是我點的上檯時香氣撲鼻，但食落欠了點冬蔭汁味道，整體來說較鹹香，意粉倒軟糯，最吸引是大野菌嫩滑多汁。食過主菜再來一杯香濃咖啡接下來就是甜品時間了👏幼滑奶凍最正！🤗由 12:00 坐到 15:00 食足嘆足三小時，三人同行仲有85折，平均每位 $223 一個字抵！👍👍👍

一入坐, 便給這維港景吸引住,  6:30 P.M. 入坐, 慢慢等天黑, 愈來愈靚, 所以訂位要選Window table.餐牌分前後兩面, 我們7 人, 所以散叫, 有中有西, 有甜品。首先炊公館沙律, 有果肉在底, 好味, 7 人分, 食完感到想再order 多一客, 但大家又想試其他, 所以無再order。跟隨上桌是北京烤鴨, 我的最愛, 外脆內軟, 有鴨香, 但朋友話唔夠熱。德國鹹豬手, 亦是外部脆脆的, 配菜很甜, 特別是車李茄。還有12oz 安格斯肉眼牛,  medium to medium well 之間( 本來是order medium, 但示意很好服務的waiter, 不要太rare, 所以有這個medium to medium well 之間出現) 內有粉紅, 剛合我意。本來還有個西班牙海鮮飯, 但忘記影相, 可能因為size 不算family size, 有點失望。之後waiter 幫我們攞生日cake 出來, 不收切餅費, 而且註場歌手會過來唱生日歌, 非常體貼的服務。我們沒order 任何飲品, 很好服務的waiter會經常為我們添水, 值得一讚。

假期想靜既地方.真係好難..朋友介紹呢度真係唔差..12:00-15:00呢個用餐時間..真係可以令人放鬆一下...仲要配埋開揚海景...呢個價錢抵俾喇...半自助餐既款式唔多..但係重質不重量...太多款式咪又係食唔晒..呢度岩岩好

我們一行3人， 諗住享受一下全海景的下午茶餐， 點了一個式2人下午茶及一個西式的2人下午茶。 3人吃4人餐， 埋單658元， 價錢都不是太貴啦！ 食物一般， 但環境搭夠啦！中式套餐， 提供一壺中式茶， 只提供兩個杯， 我讓朋友飲， 我只是用水杯飲。 其間， 只要求加一次水， 沒有要求加茶葉。 最後， 點餐飲時， 要求上咖啡兩杯， 竟然說只可提供一杯， 因為我已飲了中國茶， 不能多享用一杯咖啡。 有無攪錯呀！ 這樣的服務態度， 連普通快餐店都不如啦！ 絕不會下次光顧。

食評（除非太好或太差，否則看圖就好，節省大家閱讀時間。食評應以菜式為單位，好餐廳也有壞菜式。歡迎交流心得～)訂不到旁邊的阿一鮑魚，店員推介這間姐妹店。本來是西式餐廳，自選中西Fusion菜單。前菜是阿一鮑魚的鮑魚酥，沙律。中規中矩。主菜的前魚、牛扒不錯。炸子雞跟炒飯就是雅緻一點的炸子雞跟炒飯。甜品不過不失。中西合璧感覺新鮮，但主要是一道中菜一道西餐，反而覺得不甚專精。食物環境其實算ok，但價位太高。環境分拉上補下，可以一試。為抵食好食而來，可能失望。

1/10煙花餐，有西餐有中餐，可以mix。我和男朋友選西餐。 頭盤沙律酸酸甜甜， 龍蝦湯有點腥味偏鹹， 番茄鮑魚海鮮燴飯不過不失， 煮菜我們點安格斯肉眼及牛柳， 竟然沒有問我們想要幾多成熟，最後出來 有點過熟。 甜品芝士蛋糕紅莓慕斯。五道菜內最好。。。

這次和太太慶祝生日，於是選擇了這裏共聚晚餐，之前在其他平台看見這間餐廳的一些照片，覺得食物質素一般，但當入座後聽他們說轉換了廚師，加上看見維多利亞夜景，感覺非常舒服，燈光氣氛不錯，急不及待開了一支香檳和㸃了生蠔（$500已經有6隻時令生蠔和1支 Prosecco),看着夜景享受一下，之後開始點菜，首先點了炊公館沙律（彩用了新鮮蔬菜和少量芝士，配上12年黑醋）非常新鮮可口，主菜是烤紐西蘭小羊架，肉質鮮嫩，不用塗上烤汁已經很美味，而鹿兒島A4禾牛不太油膩有咬口，味道濃郁，與蘆筍十分匹配，整體來說環境、服務、食物質素都一百分，價錢方面有以上的條件十分合理，會介紹其他朋友前來。

今日慶祝同事生日，所以一大班人去呢間餐廳食午餐。我哋每人叫一份半自助餐。自助沙律嘅選擇好有限，中西式都有啲啲。中式有筍，又有雞絲粉皮。西式有菠蘿沙律，黄紅椒沙律，青菜沙律。味度一般咁啦！仲有甘筍湯同麵包，不過我無試到。主菜我點咗六安士肉眼扒，叫五成熟，點知嚟到好係八九成熟咁！好失望，太熟！不過因爲 lunch 趕時間無叫佢哋換！甜品就又係一般，有幾款曲奇。幾款奶凍同日式芝士蛋糕都 ok 嘅。Cream Brulee 望落幾吸引，可惜到我食甜品嘅時候已經無曬！無水果喎！仲有冰凍綠茶，咖啡同茶自己任斟。總括嚟講，ok 啦，無乜特別。唔會特別推薦叫人去囉！

生日飯，在要求下俾左個窗口位。一人一個龍蝦set，不論是頭盤、主菜還是甜品，份量都十分少，而且不包飲品。對於女孩子來講女仔都夠，但對一個大男人黎講就唔夠啦。味道真係好一般，個蘑菇湯冇蘑菇味；龍蝦沙律醬汁係普通既759買到既沙律汁；個鵝肝味道還可以但冇乜口感唔夠香；龍蝦係冰鮮龍蝦味，得半隻而且仲細過一隻手手掌，蒸得over左有d硬；德國香腸同薯蓉就算點煮都唔會差得去邊，所以係成餐飯最好食；至於個鮑魚青口海鮮飯，真係不敢恭維，個碟好大，但實際份量真係好少，而且味道好淡，本身個鮑魚同青口都冇味，但連個飯都冇乜味；最後個甜品椰汁西米露味道係罐頭西米露。加左杯啤酒埋單1000蚊左右，本身生日飯捻住係甜品可以寫名加個happy birthday，但係服務員話西米露加唔到😂。價錢不算太貴，旨在真係食個維多利亞港景色，同埋影下相咁，但餐廳內在環境裝修十分一般，係燈光暗加d電子蠟燭製造氣氛。如果對食有要求既朋友仔就唔建議考慮，但淨係食個靚景都ok既。

一出左糧，同事建議食個豪D嘅lunch，於是就揀左呢度對住個維港景食番餐好。又幾好彩，岩岩做緊半自助午餐3送1，我地2男2女岩岩好，就算唔夠4個人都會有8折優惠。睇睇menu選擇真係多，牛、豬、羊、龍蝦、魚等等咩都有，大家不約而同都想歎扒，所以最後就點左兩客牛柳同兩客豬鞍扒，大家可以互相share試下！落完order，即刻出去攞下頭盤同餐湯，頭盤有好多健康清新之選，食少少開下胃相當唔錯，本人最like青瓜木耳沙律，勁爽口。食完前菜，飲埋個餐湯，就輪到主角登場喇！首先係澳洲牛柳，烤得超級香，入口非常鬆化，點埋個汁食又係另一番滋味！我就主力食個豬鞍扒，係美國天然穀飼，大大件好厚身，入口勁juicy，肉味濃，個汁完全係錦上添花，連個薯仔都特別好食。趁大家個胃仲有少少空間，一於歎埋自助甜品，有意大利奶凍、Tiramisu、腰果酥、曲奇餅同蛋糕等，款款都好yummy，食到呢個moment真係大滿足呢！除返開每位都係200頭，物超所值！

炊公館的Semi Buffet Lunch 自選主菜半自助午餐，加推升級優惠：凡惠顧即可享八折優惠，或四個午餐更可享買三送一優惠；self-service 頭盤有餐湯、甜品糕點、沙律，咖啡和茶任飲。距離上次光顧已有一年多，我最喜歡這裡環境清靜，落地玻璃能夠看到維港景色，在這裏吃晚飯，有美麗的夜景伴着，就是吃得人賞心悅目。這個半自助午餐主菜共有10款，價錢最平的是「泰式紅咖喱牛尾配白飯」，價錢$178.00，聲最貴的主菜是「香草焗紐西蘭小羊架」$300.00。我們要了五成熟的小羊架，主菜擺盤沒有太多花巧，只是配上一點雜菜及薯蓉或南瓜泥襯托着，肉類份量剛剛好；另一款主菜「香烤厚切美國天然榖飼豬鞍扒」非常好味。

結婚週年慶祝﹐諗住揀間好啲餐廳﹐响FB見到呢間廣告﹐就落搭了…講番野食先﹐我哋要咗deluxe five-course﹐另外叫咗兩杯野飲。香芒龍蝦沙律 ~ 全晚最好味﹐非常開胃！龍蝦湯 ~ 咸咗少少，不過不失啦！鮑魚海鮮意大利飯 ~ 個味調得太酸﹐麻麻！<我揀> 烤日本A4和牛(五成熟) ~ 唔差但無乜驚喜﹐本身以為會好香﹐失望咗但可以接受！<老公揀> 烤美國頂級安格斯肉眼扒(五成熟) ~ 非常差！件扒勁多筋﹐把刀又頓﹐根本就切唔到！其實我哋已經好客氣﹐盡量食晒啲切得開嘅就算﹐成件扒大概只食到60%-70%﹐無特別投訴。後來有一個戴眼鏡、束馬尾嘅女侍應嚟收碟時﹐我只係話佢知好多筋切唔到﹐佢「哦」一聲然後擰轉面。跟住我問「哦」即係點﹐佢先擰番過嚟望我﹐然後重複一次我講嘅野。佢好老實﹐完全無嘗試去解釋﹐就連一句對歉或者會同廚房反映之類嘅說話都無！唔知係咪因為心情唔好﹐咩mood都無晒﹐所以覺得個啲甜品唔好食！不過一單還一單﹐要多謝另一男職員為我哋碟甜品點上蠟燭﹐開心番少少！總括而言﹐欣賞下個view﹐影下相﹐呢度都不失為一個好選擇！但如果非常著重味覺享受的話

我日日周圍去食，呢間無下次，如果佢認第二，無人敢認第一，（差），食又吳得，Service又吳得，價錢吳值，食垃圾，如果好食係一D都吳貴，但係全晚食垃圾，我之前見到門口影D相好靚，甘咪今次入去試下，點知大獲，吳好食之餘，都比D服務Y，乜都無，有一樣有既，識收錢，吳好食都算，出D食物全部凍，我食嘢吳鐘意投訴，吳好食最多下次吳去，一定無下次，隨左個景可以讃之外，一無是處，不過景都要睇吓你坐邊個位，係有窗位，不過係背住個窗，卜位果時話左要窗位置，不過係比背著個窗比你，都吳更要，最終係超難食😫😫😫

Good for harbour view, staffs were generally kind and nice. Decoration is just normal. Menu has various choice but it looks like not fusion food. Dish is not created into fusion which western with chinese cuisine. Just various choice either Chinese food or western food. Generally fine except for my booking was missed. My husband booked via phone for window seat but staff said no booking made when visitng restaurant. How come staff answered the phone missed the booking on restaurant? Restaurant p