深井陳記燒鵝茶餐廳 (Closed)

這天晚上叫了一碗26蚊燒鵝瀨粉,加8蚊有凍○茶!鵝很多肥羔,連這些肥羔一起吃,都算肥美,但真的很肥!!肉質算滑,但肉味不夠香!!結論是普普通通!但我覺得深井陳記燒鵝那麼出名(雖然不及鏞記),不會這種品質吧！唯一原因是品質控制不好,有品質的地方無論是在總店分店,叫下午茶,早餐.或晚餐,一樣可以食到美味相同的東西吧!!

這是我們第2次去吃上一次中午吃到熱騰騰的燒鵝真是驚為天人又油又香又滑真是回味不已這次於下午逛到旺角嘴饞又去吃燒鵝此次有多點一份燒楠不知是否下午茶的關係其燒鵝和燒楠仔竟然都冷冷的期待中的感動降低不少但是燒鵝還是很猛的!

上個月去過呢度食,叫左個焗葡國雞飯,點知d汁太過"杰",食到有d想嘔.但因為我未飽,於是整走晒d"杰"汁先,再食晒d雞... 認真辛苦...我諗我唔會再黎呢度食野...

聽到愛吃的舅仔推薦這兒的燒鵝，原本對這兒毫無興趣的我，是日趁着到旺角辦點私務，乘早過來吃碟燒味飯....打着深井陳記的旗號，燒鵝自是其招牌。以往到深井吃鵝，一定會自動走入裕記，對於陳記的印象反而不深。這次不到總店而先來分店，希望水準不會有很大差別la....理應要試吃，以小弟以往之習慣，就必然會來個鵝脾飯。但看見掛在櫥窗的义燒，好像很吸引，故轉而叫了义鵝....事實證明自己的直覺還不太差，义燒肉質不韌而且帶點彈牙，蜜味適中，中上水準。若然燒得邊位帶點焦，更妙....燒鵝大部份是背位及腩位，絕不是那些頭頭尾尾的殘餘物質。皮不算很脆，始終不是新鮮出爐，還是差點吧。但勝在肉很有咬口，而且又不太肥，算也是在水準以上.....多謝舅仔的推介。一向很怕在旺角覓食的我，以後可是多了一個可選擇的地方了....

朋友曾經介紹我黎呢度食,但係見佢個樣,以為只係得燒味,所以一直唔想黎,不過近日係附近食到悶悶地,就黎試下,原來仲有其他餐同食品供應,咁都好d...要左個唔知咩餐,又幾好食喎!點左B餐,先有牛油厚多士,雖然半塊,但係真係好厚呀!又好香牛油味,好正!跟住有個吉列豬扒一丁,食得出豬扒係即叫即整,唔係整定再等人叫時熱番果類,仲附送一條短獅子狗同一條蟹添!豬扒好脆口,又唔油,好味喎!最後仲有一杯飲品,夠晒豐富,唔錯!初時以為呢度無好野,原來又唔係喎!不過佢好似出名燒味...我就無試過lu!

今日lunch同同事去食呢度既常餐,事關本人唔食鵝,所以無食過呢度既招牌菜,但係我真係好仲意食呢度既常餐...牛油多士...勁好食,有d妹仔大過主人婆feel炒蛋腸仔...一般,同出面差唔多炸菜肉絲出前一丁....出前一丁整得好好味,軟硬適中,正熱檸茶都係$25物超所值,其實每次呢食都係為左佢件多士

打完波11點幾(pm),去呢度諗住食腕瀨粉啦~點知....我瀨粉...算, 叫碟油雞鵝飯啦~~ 點知出事~~~油雞<-- 骨多肉少鵝<-- 勁肥, 層肥糕同d肉係4/6 4成係肉/6成係肥糕(點食呀~)飯<-- 勁多豉油~ (唔知係咪攪錯,我個friend果碟係勁少豉油)差差差~~

星期六一個人響旺角四圍逛睇下有咩食，依！深井陳記！深井個間自己一路都想去試，但因為要起碼約到咁上下人數先可以去食大佢。點知俾我響呢度發現，不過好似之前都望過下，唔記得啦！今日就一條友咁去左去呢度食茶餐。一望，依價錢比我想像中平喎，咁我就叫左一個價值廿四蚊既茶餐。"一個叉燒燒肉河，一杯熱華田少奶唔該。"本身就想食燒鵝脾既，不過因為平時都少食燒鵝，如果今次又食少少咁咪弊，都係叉燒燒肉好好多。結果……叉燒燒肉既份量都唔少喎，仲好好味唔肥添，個河粉又好滑滑，d湯又夠清，梗直超抵呀！下次我一定要搵人唻陪我食多次同埋試下燒鵝脾先！

聽個名就好似幾響噤岩經過就入去吃個早餐la好失望lo早餐得公仔麵想試下d燒味啦仲唸住早餐有燒鵝瀨,但原來11點前係無的但除左叉燒公仔面就無其它想轉瀨粉都無叫左個套餐叉燒公仔面+厚多士(另+$2)+熱奶茶又再失望多次碗公仔麵完全係搵水"六"熟+ 湯包(出前一定)d湯仲要勁淡味,好似滾水噤叉燒得5小片,筷子夾起5塊都嫌佢少菜都無條..仲衰過自己煮d叉燒仲要勁難吃,無肉味,無蜜汁味,仲要唔新鮮都唔知係咪爐頭燒剩既頭頭尾尾厚多士,火共就火共得ok但牛油真係落得勁少lo,少到完全吃唔到有牛油味似係吃緊火共白麵包但奶茶算ok啦,都算有d欣慰套餐原本係跟波羅包的,轉厚多要+$2但望一望隔離台, 個波羅包"大"到嗄!仲細過蛋撻,一口都吃曬吃過都唔會有下次去隔離街吃婉$10麵都無噤嬲雖然我知間野主打燒味,可能唔志在做早餐但都唔好噤求其la,話曬茶餐廳,做3餐一定要比d誠意噤無誠意,吃過早餐都唔會返轉頭試你既午餐/晚餐la

招呼唔得食物唔得價錢勁貴不用試了!

29-4-2006 1946練完車後，總算有少少收獲，係附近食野便算。行到呢頭，見到呢間餐廳新光頸靚，便坐底食碟燒味飯。這裡標榜燒鵝，咁就整碟肥叉鵝飯加薑葱。一上到來，嘩左一聲，如圖所示，名其言順的肥叉，一層肥一層瘦，再一層肥一層瘦，而燒鵝唔會用燒鴨黎搵我地笨，皮脆，肉唔算多汁但夠味，份量比起一般還大，都只係26蚊，再加8蚊凍飲，完成任務，返歸訓覺。

眼前的叉鵝瀨，大盛，賣相不俗…魂牽夢繫的燒鵝，實在「肥美」：肉削皮乾，紋理清晰可見，肥肉跟肥膏一層一層薄薄的，食得滿嘴是油。反而叉燒略帶鬆化，蜜汁多，好「sweet」。常在我心的，仍是那舀在小瓷碗內，小盛而不修編幅的深井燒鵝瀨。實物原圖+ 更多資料：http://q2kill.blogspot.com/2007/05/blog-post_10.html

尋晚幾個女仔做完運動話去食飯, 成10點本來唔想去,不過盛情難卻, 平平地梨呢度, 我叫左個餐好HEAVY, 有煎蛋, 腸仔, 厚多士, 牛肉出前一丁仲加5蚊飲左杯凍檸檳, 都係$29, 樣樣野食都幾好食, 最好味係個厚多士, 熱辣辣, 出前一丁另外俾麻油我地加, 幾好食成碗食哂, 食完之後好有罪惡感,覺得之前做既運動都白費哂, 今晚要再做過了,希望冇人再話去食宵夜啦. 哈哈, 不過如果去要試試燒鵝了

之前睇過食評讚呢度啲燒鵝好食,那天與同事經過就入咗去食lunch.這裡除了一般茶記有o既食物外,最吸引的莫過於掛在門口之燒臘.我要了燒鵝瀨,食落去熱辣辣,層皮好脆,味道果然不錯,但略嫌肥咗少少,下次來要叫隻燒鵝脾試吓先^.^

由雅蘭行去奧海城途中，經過街市，見到呢間鋪。一入o黎，諗都唔使諗啦！一定叫燒鵝：叉鵝麵+ 熱奶茶，仲要係鵝髀添，正！　叉燒不算出色，燒鵝卻十分美味，麵又‘灼’得o岩o岩好，夠爽。這個便是下午茶餐，＄２７（普通餸雙併就＄２４，但如果叫燒鵝就要加＄３）　另外一種好處就係：我叫菜心全走，佢真係無油，不像其他麵鋪，叫全走都只係沒加蠔油，仍然好油膩。