深井陳記燒鵝茶餐廳 (Closed)

一連四天的復活節假期，難得有幾個鐘可以自由自在的閒逛，竟然可以同一時間與兩個好友同時相遇，巧合之處足以令我們三人也目瞪口呆相請不如偶遇，一次不期而遇的碰面，當然要搵個地方促膝詳談啦，三個男人的浪漫唯有攪攪火腩飯就去咗呢間唔駛去到深井咁遠都可以去到嘅旺角陳記啦正值下午茶時段，套餐都算幾抵喎望見個餐牌，又有雙併、又有AB....E餐咁，係咪會改變原來想食嘅嘢呢燒鵝外皮不脆，但仍食到油脂的甘香、咸味適中、鵝的肉質不韌~瀨粉~不是每間食店都有提供，瀨粉是用稻米打磨後加粘米粉而成，有煙煙韌韌的彈性，與米粉質地柔韌的又是另一種口感，而湯只吃到啖啖的味精吧了(如果要同原隻燒鵝上碟的質素比較，起碼打咗個7折)燒腩肉肥瘦適中，咸度洽好、而外皮卜卜脆,脆到好似食薯片咁……(為免會將脆脆的皮浸軟，燒腩米上桌時會將燒腩另上)相比兩大皇牌~燒鵝+燒腩，呢碗叉雞就比較平平淡淡了叉燒很乾身、吃進口雖不至於韌，但欠應有的滑溜梅頭肉感油雞叫走胸的話通常俾雞翼是常識吧，今次亦無例外，雞肉好硬身，好似放咗喺針板好耐咁總括而言，正如對的時間遇上對的人一樣，踏入此店前必定是想吃深井燒鵝或陳記燒腩的，但可能因為花多繚亂的餐牌？或

香港新界的深井以燒鵝馳名，不單在香港家傳戶曉，連訪港旅行團也會到深井歎其燒鵝。而深井有好幾家燒鵝店，包括裕記、能記、傅記、陳記，但陳記據說是深井最正宗的。話說陳記五十年代由咖啡牌檔做起，一直扎根深井，老闆陳偉文兄弟數十年來靠賣燒鵝發財致富，吸引不少政治名人和明星捧場。許冠文當年拍賣座電影《雞同鴨講》，也專誠跑到陳記取材。陳記除了在深井總店外，在市區也有幾間茶餐廳格局的分店，想吃燒鵝不必山長水遠地去到深井，在旺角也可以吃到，而分店的燒鵝價格更比總店稍微便宜一些喔！我今天要介紹的陳記燒鵝不在深井，而是離旺角地鐵站很近，只要從地鐵站通往朗豪坊後走出來，穿過朗豪坊對面馬路的巴士總站後右轉走路不到2分鐘就會到達。數數對上一次吃深井燒鵝好像已經是兩年前的事，到目前為止仍然未有機會再到深井陳記燒鵝，反而是先試旺角店。從店外望見那油亮亮的陳記著名燒鵝，外皮燒到深啡紅色和脆脆的網紋非常誘人，見到都口水流。由於是午飯時段店內相當擠迫，於是決定改購外賣帶回家舒舒服服的享用。外賣深井燒鵝 (半隻) HK$210外賣深井燒鵝 (半隻) HK$210 ~ 這裡外賣整隻或半隻燒鵝時，師傅會將鵝頭鵝頸以及鵝腎都包給你

今晚阿媽同阿姨佢地出去玩唔煮飯，咁我就同阿爸去陳記食燒鵝喇，陳記有時需要排隊，但今日去到只系得幾個人系度等，所以等左幾分鐘就有得食喇。腐乳炒通菜，好好味，菜好新鮮，炒嘅時間剛剛好，因為通菜好容易炒老，小小辣椒加上腐乳，有D辣味又加上腐乳嘅的香味，好睇又好食。豬扒包感覺一般，面包烤得過火，豬扒味道還可以，有D失分，總體就還算可以喇。燒鵝依然保持水準，皮酥油香, 肉嫩多汁，鵝應該特別系用藥材浸過嘅，味道比較特別，腌得好入味，如果食燒肶仲正，啖啖肉又多汁，嚟到嘅朋友仔一定要點呢個，分量都好大，兩個人嘅話，可以點一個燒鵝加一個干炒牛河就足夠喇。

上午的會開到13:25，下午又要出去見客。要快又有位，想到去陳記。同事曾經中伏不願意一起去，我只好一個人去了。午餐ABC，我點了B，茄子火腩飯。因為肚餓又幹時間，大大淡的食。最後實在是太鹹，非常鹹，而且飯有不熱，所以決定影相，有時間下食評，提醒其他人。當時時是下午13:50.

數數對上一次吃燒鵝好像已經是兩年前在鏞記的事，到目前為止仍然未有機會到深井陳記燒鵝，第一次反而是先試旺角店。從店外望見那掛起的燒鵝，油油亮亮的色澤非常誘人。入座後第一時間點了一碟盛惠$108的例牌，價錢和份量都比名牌鏞記吸引。燒鵝的羶味很淡，最喜歡鵝皮的色澤和口感，毛孔都處理得非常乾淨，一個毛頭也看不見。透白的皮下脂肪很厚，吃一件的話，覺得很油潤，再多又有點膩，蘸一些酸酸甜甜的秘製醬汁會比較好。深井招牌炒飯仍然離不開燒鵝，除了蛋、叉燒、蝦粒、紅蘿蔔粒，還混了連皮的鵝肉粒，味道有點像臘味飯一樣香口，不過比較油膩了一點。兩個人埋單$200有找，這頓白色情人餐也挺划算哦。

以有大半年沒有來過陳記，因為地方迫，而且內部裝修殘舊，加上服務差，所以從我的午餐列中DELETE了。最近途經發現內部裝修過，於是再次光顧。陳記出名燒鵝，門口掛住一排排正在淍滴油中的燒鵝，見到都口水流～但返工食午餐都係選擇經濟實惠的套餐。裝修後的陳記環境比以前好好多，而且人流比之前都少了不少，所以都坐都舒服每次都點常餐＄３６有叉燒, 雪菜及冬菜可選擇。另有多士配炒蛋，煎蛋或奄列可選。有熱飲。價錢實惠！喜歡這裹的常餐，除了價錢實惠外，這裹用上出前一丁，而且不用加錢，實在難得！每次都送上２包至愛的麻油，正! 雖然用上出前一到丁這上質食材，師傳煮麵時間掌握不太好，令到麵質太硬。有些浪費～叉燒泡在麵內，又鞋又淋，味道一般。腸仔炒蛋配多士多士厚，而且不用加錢已烘，上面塗了牛油蒜蓉及香草。聞落香，食落脆。炒蛋份量略少，而且多油。腸仔係雞肉腸，少少咸，都可以。這裹的奶茶用上黑白奶，味道應該不錯　果然茶香奶順又夠熱～＄３６的午餐越來越少，都算ok。我的午餐之選，有可以加回陳記

陳記燒鵝係我成日都會去嘅食店，因為佢燒鵝水準永遠都可以keep到咁上下水準同埋佢嘅價錢相比其他出名燒鵝嘅店屬於比較親民！星期日下午因工作關係去到旺角，諗起想食燒鵝，於是就嚟陳記，兩店從新裝修後，設計簡單光猛乾淨，叫了"燒鵝飯一碟$48+凍咖啡$12",以我嚟依度食咁耐嘅經驗，不難會分到燒鵝肶的，因為如果指定要脾係貴好多的！但今次冇咁好彩有脾，但燒鵝賣相仍然不錯，燒到深啡紅色有網紋脆脆嘅外皮，肉質肥美亦不會太鞋口，仲有佢每一塊鵝裡面少少啲內臓位亦充滿濃郁的五香粉味，同埋我最鐘意佢酸梅醬係可以自己任加唔駛慳住慳住咁食，一啖燒鵝再加一大啖醬加埋飯再加啲蔥油一齊食，真係香港人獨有嘅人間美味，好快我就K.O曬碟飯！凍咖啡亦係茶餐廳水準！仲有一様仲要既嘢係，唔知幾時開始香港出名食燒鵝店都係好逼人同要受氣，但依到勝在冇依啲問題！所以我會keep住成日嚟！

Get to know this store from open rice. After eating there, feel like the dish - Roast Goose has many fat meat which don't dare to eat much.After this dinner, I have to go toilet two time during the night. I think it is the meat is too fat for me and not suitable me at all.But overall the dish is still quite normal. 

好耐冇黎過，裝修過，感覺好唔同，光猛左，乾淨左。為左食奶油豬，叫左個茶餐。奶油豬，腸仔，炒蛋，雪菜肉絲麵同餐飲。奶油豬一啖咬落去，好脆 但另一件放到最後先食，變到稔哂，咬落好韌。下次都係要即刻食。炒蛋好普通，熟左D，偏乾身。雪菜肉絲咸得誇張，實在食唔落 連個麵都搞到好咸。之前食過蕃茄湯底既麵，覺得偏甜，唔太鍾意。或者食返燒味飯會有保證D。

感覺很有名堂，所以想試下佢咩料唔知食咩好求其叫個四寶反加凍0蜜一開頭我話要凍0蜜，佢話唔知要加幾多錢，跟住無同我講俾左張單我，見到張單我以為我唔識睇餐牌唔係餐來的，錦杯飲品我都算啦但又唔係特別好飲個四寶反賣相ok有紅腸、油雞、燒鵝同埋咸蛋仲俾埋油雞、燒鵝用的醬料我食落去有反幾分安慰，紅腸ok、油雞又淋又滑、燒鵝都幾得、咸蛋ok無話有咩特別到最後埋單，我問果四寶反係咪無餐的，佢話係餐但凍0蜜無得跟餐，仲有杯飲品可以叫要唔要，即刻著左決定以後唔來

夜MAMA唔知食咩..同老公經過呢間..就入去TRYTRY啦~呢度冷氣真係好大呀~好在野食黎到食食下就暧番老公叫左個油雞燒鵝瀨~望落去都覺得有番咁上下滑啦~雞皮唔健康..SO 冇食到..而肉質好滑呀..唔會太林... 不會食完有渣幾新鮮而瀨粉..唔會煮得太林同太生..因為瀨粉真係好難煮...一林就好易碎哂同爛~生既話..又會好硬~我就叫左個常餐..多士好鬆脆~搽埋牛油落去好香不過有少少濃邊~係厚身既~仲有炒蛋.. 一般啦~唔係太特別仲有腸仔仲有五香肉丁米都俾幾多肉丁嫁撈D米粉食..即時辣辣地幾開胃~唔錯唔錯

在旺角找食，看見深井燒鵝，正一於試下。燒鵝脾出前一丁，我老婆就燒鵝粉。燒鵝脾涼的，皮又朝肉又鞋。灝粉又散嘅，。我心想唉呀⋯又中招啦。都唔駛再去。仲有比較在深井食啲燒鵝，肉嫩汁多，香氣四溢，間直天同正比呀，名位食家小心小心！😂😂😂

某日我同男友 於旺角亂找一間茶記晚飯, 就找著深井陳記當日兩人都不太肚餓所以點一個燒鵝飯share燒鵝面層油光四射哈哈 ... 我最愛食皮(不過我會夾走皮下肥膏)皮脆肉實味濃, 正!不過飯就略為過少 ... 再叫一個帶子西蘭花 (無飯跟的)西蘭花保持爽口新鮮

這天的晚飯，落腳地就在這間位於新填地街的「深井陳記燒鵝茶餐廳」，叫來了兩個餐牌中看來較為吸引的套餐「葡式燒鵝餐」和「芝士撈丁麵餐」兩夫妻一同分嚐。這餐廳既以深井燒鵝為名，位於深井的陳記亦薄有名氣，這兒的燒鵝理應不差，而這兒的套餐把中式的燒鵝與葡式的炒飯二合為一，這構思也頗不錯。面層舖上七八件招牌燒鵝的「葡式炒飯」賣相頗佳，除了燒鵝並非髀位之外，與餐牌中所示的無異。加了提子乾、紅蘿蔔粒、青椒、雞蛋絲等配料的炒飯炒得乾身，味道亦見可口，水準不差。燒鵝件雖非髀位，可也肉多骨少，肉質不錯，沒有打砸陳記燒鵝的招牌。不過這配以「燒鵝」的「葡式炒飯」好吃是好吃了，但份量偏少，吃來不太夠喉，則是應該改善的地方。相對來說，「芝士撈丁麵餐」便沒有「葡式燒鵝餐」那麼令人滿意了。這「芝士撈丁麵餐」包括「芝士撈出前一丁」和「牛油厚多士」兩部分，芝士撈丁可以選擇「吉列魚柳」或「德國腸」作配料，而我們選擇的則是「吉列魚柳」。這「芝士撈出前一丁」的份量同樣不太多，芝士味也不夠濃，幸好「吉列魚柳」夠熱，外層炸得脆身之餘，裡面的魚肉也算可以，不會顯得粗嚡。至於「牛油厚多士」，的確頗為厚身，牛油也下得較為慷慨，已算及格了。

2月某日，與友人到花園街逛，隨便選一間餐廳吃個飯就算。於是來到了這裡。由於喉嚨狀況不佳，沒有食招牌的燒鵝，就點了個C餐。名字忘了，印象中是香菇滑蛋雞肉飯，配例湯。一送上來，我就知中伏了。你確定這真的是香菇滑蛋雞肉飯（飯另上）？！就是一pat芡加點蛋花幾條雞絲幾個菇？！賣相如此，味道當然也是不敢恭維。整個餐就是黏黏糊糊的感覺，雞絲應該是雞腿肉，很淡，沒有甚麼味道。至於蛋花，要從這堆糊裏面挑出來亦是十分困難。最令人不快的是加了本人不食的蔥花，令整個餐都是蔥味....最後唯有用湯撈飯食（湯還是ok的）沒有下次。ps: 落單之後，侍應叫我們讓4人桌給別人，去兩人桌。這沒甚麼問題。但之後，本來我先點的C餐去了4人桌，搞到我又要等多一陣...