燦記路邊雞海鮮飯店

Open Now

Now Closed

KJQ 5月之聚～ 亞Q已提議二個月之路邊🐔～終於等到去食啦我早到～飲住等😂樓面姐姐都好nice ~ 面帶親切笑容招侍～☺️人齊叫得送✌🏼當然要叫招牌路邊🐔👍👍肉質嫩滑～雞肉肥美～零舍不同👍上湯魚腐👍 魚腐有咬口～上湯鮮味醬爆甜酸骨👌～(同京都骨差不多）籠仔大蝦蒸飯👍👍👍荷葉飯墊底，飯粒充滿荷葉，蒸蓉蝦味👍👍但豉油略多了， 咸左D 大蝦蒜完食落仲彈牙！ ( 湯匙size😀)3人3做餸加飯～亞K食落唔夠喉😅😂追加芝士蝦丸咬落脆口彈牙芝士流心😍👍👍總結： 九龍城區有水準食小菜之選👍👍👍值得推介～店員親切～ 會再黎食😋

突然想去飲燉湯，就去左呢間路邊雞食飯，佢有好多款燉湯飲，我之前都有飲過西洋菜燉陳腎、雞腳、魚頭果D燉湯，味道都幾濃，仲有佢每款燉湯都好足料，而今次我就揀左個花旗參燉雞，個湯好重花旗參味，飲完成個人都熱哂，之後叫左幾個小菜，有豉汁蒸鱔，路邊雞半隻同西蘭花抄仙魷，條鱔蒸得好滑，仲要冇乜骨，而半隻雞估唔到上面會有D雞潤、雞腸同雞腎，我只係食左雞腎，其實都冇乜味道，都係隻雞好食好多，隻雞幾滑，同幾入味，唔似出面果D白切雞咁冇味道，而西蘭花抄仙魷就一般，因呢款都好難唔好食!

爸爸生日飯當然要食中餐啦~今年選擇左係九龍城嘅燦記路邊雞因為記得媽媽講過他們以前拍拖也來過啊^^早幾日已經book左位,不過時間尚早,去到都仲有好多枱。嚟到呢到更係要叫返隻路邊雞啦！雞肉有很多而且真的很滑@0@跟住叫左個醬爆骨,其實即係咕嚕肉,唔係話特別好食,但已經好過好多到嘅咕嚕肉。跟住叫左個籠仔蒸蟹嘅糯米飯,無特別驚喜正正常常,只不過係出面唔多地方有呢個菜式,所以叫嚟試下。另外都叫左條魚,抄菜同埋每人都叫左碗燉湯飲,但都無咩特別,所以都無影到相嗯。整體上呢到上菜速度好快,價錢平,但服務就唔好有期望喇^_^最後希望爸爸媽媽都食得開心啦”

同朋友嚟呢度食晚飯,第一之嚟食,都好多小菜選擇的呀!我地叫左一個生炒排骨,一個白飯魚炒菜芯,我地三個人叫左兩個白飯,生炒排骨都幾香口入味的,有青椒,紅椒,菠蘿,酸酸甜甜咁,排骨唔算肥又唔大件,好味的.另一個魚仔係炸過,好香口,脆卜卜好好味呀!茶芯都算清甜的啊.價錢都唔係好貴,合理的價錢,呢度係食雞出名,同埋滔滔都介紹過的呀!

九龍係我地一家大細既開飯之區，由於近又多野食既關係；經常都留低唔少腳毛。唔好睇路邊雞up up dup dup, 其實佢地係經濟實惠又好食既老鋪，70幾年唔係講笑。而且佢地仲有燉湯飲~ 是晚就叫左個豬腦湯補補我個珠腦。大家絕對放心，味道同一般既豬骨湯唔太大分別，清少少冇腥味；只係賣相就恐怖左D既～去路邊雞梗係叫隻雞雞la ，雞雞滑得黎又唔太肥砵酒生蠔係必叫之選，因為依樣野係屋企冇可能煮到咁有火喉，入味得黎又唔會干晒花賿鵝掌, 依個價錢花膠一定唔會太厚,但配埋天做地設既鵝掌再加上蠔油汁，只可說好味最後一個唔記得咩鬼魚肚算係比較差既一個，太淡了整體既小菜都有一定既水準保持，而且價錢大眾化；年輕一代應該多多撐場！

這是我首次臨時抽掉已完成的食評再發表對該店的新觀感。 原先的食評内容大致是說路邊雞的燉湯很不錯，羊腩㷛還可以，雞㷛蟹份量少，炒糯米飯粒粒煙韌...... 相隔個多月，再使用兩張團購coupon, 但卻驚覺自己原來被騙，十分氣憤！燉湯還是美味的燉湯，糯米飯也是一樣水準的糯米飯...... 但為何同一份量的糯米飯，上次只得一碟，今趟卻有兩碟？？ 我還記得上次侍應跟我說會將四人份量的糯米飯放在同一碟上以省空間，我還問他會否因此減少了份量，他說不會， 結果由大家看吧!這次要了天麻魚頭鍋及醉雞鍋，比上次的羊肉㷛和雞㷛蟹更為優勝，不過又燉湯又湯鍋，全是水，要將它們喝完實非易事。 總括而言，燦記路邊雞的出品是不錯的。但團購的配搭卻有點怪，全是水煮的！ 職員的誠信亦需商榷...... 無論是買方還是賣方都不是成功的團購。

這是我這麽多次經table map book 位而又最平宜低食的店. 一坐下還沒看清餐牌侍應便放下兩碗熱辣辣的例湯.清甜好味沒有味精.我們點了招牌雞飯和秘製爆骨飯.雞夠滑(但也撘了幾件不夠滑的)又多. 但是底下的椰菜就太咸了.即是炸豬扒加了有少少似中式牛柳的汁. 那些汁應該加了梅子醬所以偏酸,送飯吃十分開胃.午市客飯多款選擇,平宜低食一般都是三十多元,大大碗飯,有湯沒餐飲,但有一壺茶. 亦可散叫小菜. 我看見當天都是一些街坊在幫襯. 下次想試試她的燉湯和小菜. 侍應強烈推介魚湯浸魚腐,話真材實料沒雜質吃完會回來番兜喎!

九龍城間路邊雞一路都幾出名...間唔中都會去食下咁岩見到有團購...點都要幫襯啦但估唔到最後食到一肚氣囉...太失望煲仔菜二人餐包括5 選一煲仔菜花雕醉雞窩/各式魚頭窩/支竹羊腩煲/酸菜胡椒豬什窩/自創雞煲蟹9 選2 原盅燉靚湯木瓜燉雪耳/川芎天麻燉豬腦/西洋菜蜜棗燉鴨腎/花旗參燉竹絲雞/淮杞元肉燉響螺/杞子燉雞腳/金銀菜南北杏燉豬肺/胡椒粒燉豬肚/南北杏海底椰燉豬展生炒糯米飯免加一團購寫明食到二月...一心想食羊腩煲點知開口一問...伙記話羊腩煲冇喎...新年之後已經冇得食啦根本入唔到貨...想入都入唔到呀...講到好大條道理咁不過我心諗可能自己真係太遲先黎...都唔怪得人既好啦...咁見有款自創雞煲蟹...未試過...就叫黎試下想像唔到咁驚訝...黎到得普通煲仔菜個size咁細同餐牌個整法實在不符...係炒薑蔥蟹咁...咸咸地我張相影得太靚...美化晒煲野...隻蟹仲細過女仔拳頭每件得一啖肉...個蟹鉗更加係又細又碎雞就好似一般啫啫雞煲咁...碎雞件見人地d醉雞鍋反而仲好似正常d...都有足半隻雞掛同枱搭枱既食客...見到我地煲野...都同家人講千奇唔好叫算啦...諗住當係自己選錯

早一天中午打電話去訂位，訂了第二天的中午12時晚上六時收到電話，話第二天中午沒位，改夜晚啦！「唔得喎，我係中午先得閒」「冇位o架啦，你黎到都係冇位俾你o架啦！一點啦不如？」反正我不是office上班族，遲一小時沒相干，一點就一點。只是不知為何「忽然」沒位？因為我是團購？Babybambooo團購寫主菜5選1，但去到就話今日只有其中三款湯9選2，但只有4款供應「我o地本來唔諗住做中午，只做晚市團購，係老闆娘心軟之嘛！」一個疑似太子爺的人說…唔該下次自己商量好先做團購，白紙黑紙寫明午市12-2pm都可以抵賴？ 你咁講係咪要我即刻起身走人，定等你攞掃帚趕先扯？團購都有俾錢o架，唔係黎乞食o架. 只做團購一次生意？不希望團購客人下次正價再來？最後仲要收$12茶錢(團購只寫免加一)，「個個都收o架啦，唔係剩係收你一個」 多謝你話我知喎食物不過不失，筷子用紙巾擦完有點灰黑，衛生有待改善，服務熊度不用改善，因為應該冇得救。費時同佢嘈，做咁耐生意仲要人教精佢咩。

半年前來過這家久違了的店子, 一直念念不忘, 某一天, 又來了.兩個人點了2小菜, 1蒸飯, 另加每人1小盎湯~ 每款食物都用心去做, 材料也很好, 食物水準很高!我點的是西洋菜陳腎湯, 湯很清, 沒有味精湯的味道, 陳腎吃來還有咸香, 20元上下的價錢, 超水平出品!朋友點的炒四季豆, 鑊氣很足, 炒出來的四季豆帶一點蔥和蒜的香味, 很惹味, 加有肉未, 是伴飯的好選擇!另一道朋友點的, 是清湯牛腩, 據說是這裡的招牌菜, 水平也很高, 是我喜歡的爽口牛腩, 切的厚度適中, 吃上來不會有肉絲留在牙縫中。我最心儀的是荷葉田雞蒸飯, 有圖有證據, 睇個樣, 就知好食! 個飯蒸得超好, 水剛好, 不會太濕或太干, 田雞肉嫰, 調味也很恰當, 加起來, 就是一個PERFECT DISH! 不用在飯上加豉油, 因為飯本身就完全吸收了田雞的肉汁!!店子雖然有點傳統, 不是新派食肆, 如果你是吃食物, 不是吃裝修的食家, 一定要來!!

位於九龍城南角道的燦記路邊雞,是七十年老字號,歷史悠久的飯店以金牌路邊雞為其招牌菜,皆因它一直堅持選用農場新鮮雞加上秘製湯料炮製,是日休假,就趁中午過來試試上班日子的午飯時間特別多人,店內十居其九都是男士,他們是吃著碟頭飯,津津有味的模樣店內牆上貼了許多吸引的食物照片,還有名人到訪該店的紀念相片原以為雞煲不大,所以先點了一個炒飯墊底(最後發覺我們是錯的!)份量真的頗多,每人可分到三碗仔蝦膏散發獨特咸香,令炒飯份外惹味飯粒也很分明,不油膩唯獨犯了大忌,炒飯有點涼,是火喉不夠?雞煲有兩款,分別是花雕醉雞煲和黃酒煮雞煲伙計推介前者,信她!原來是送上枱時才開始煲的伙計先送上GAS爐,再擺上生雞煲,未開爐已聞到陣陣酒香約十五分鐘,雞煲滾起,伙計著我們再焗五分鐘才開蓋此時,撲鼻的雞香味已迎風而至,真是有點按奈不住終於可以開藎,花雕味香,雞油滿溢整個湯底頓時變得又黃又油由於是新鮮農場雞,口感寧舍嫰滑,雞味濃郁!皮薄而肥膏少,肉質相當的嫩滑滲入了適度的花雕,更能帶起鮮雞肉味少有在香港吃到的新鮮雞,此店果然享負盛名!我們都讚不絕口,老闆娘即佈以燦爛的笑容作謝難得來到,當然不會就此罷休伙計推介這裡的燉湯每

約左3個好友下午行花墟中華美食,行到7點幾打的去九龍城搵野食,好友見到 燦記路邊雞,就入去食雞啦.叫左1)例牌招牌路邊雞,食落有雞味肉幾滑2)醬爆骨合我口味唔太咸3)魚湯五蔬OK,4)召絲付乳通菜炒得夠火喉5)荷葉蝦蒸籠仔飯,D飯非常煙鶯,奉送馬提甜品

一行八個人食飯, 叫咗八款燉湯八個菜. 整體上食物都好滿意. 價錢公道. 上菜好快. 裝修有d舊, 但食物味道真係唔錯.燉湯- 都幾多款, 幾足料, 好味. 未影相就飲曬所以冇放相.

昨天分享過灣仔新景園的劣質服務態度，因為朋友訴說起在旺角寧記的一次不快飲食經驗，令我回想起去年與友人往九龍城燦記路邊雞海鮮飯店進餐的另一次痛苦飲食過程。雖然已是去年8月之事，不過對於燦記路邊雞的劣質服務依然記憶猶新，因為朋友先去「攞枱」的關係，而友人們則陸續來臨，因此，燦記路邊雞可能以為我們已坐了良久仍然不肯離座。(縱使乘客真的坐了兩個多小時，食肆也絕對沒有資格趕客離座)當大夥兒在吃了約一個半小時後，燦記路邊雞為求盡快「回枱」，竟「問都唔問」急不及待盡收我們桌上的食物，而碟上卻仍然有部分食物尚待我們享用。既然是「收碟」收場，大家也可想像到夥計的面口會有多好看？！論食物質素而言，燦記路邊雞只算得上不過不失，比起九龍城其餘多間名店絕對比上不足。在服務態度方面，它也可向同位於九龍城區的南記飯店多多學習，猶記得友人由於加班關係，要遲點才能到達。南記的老夥計不僅沒有催促我們盡快交枱，還主動為遲來的朋友免費添上熱騰騰的潮州粥，這些計算不到的誠意與細心，試問要乘客「貼錢買難受」的燦記路邊雞做得到嗎？論名氣及食物質素，南記一點也不遜於燦記路邊雞呢！正如昨天書寫灣仔新景園所言，前輩葉一南認為中式餐館不等

今晚去到九龍城, 本來諗住去食泰國菜, 後尾同友人去咗這間路邊雞食小菜.叫了幾道菜, 芝士蝦丸 - 好食, 可保証好食過各大酒樓的炸蟹鉗, 好彈牙.田雞煲仔飯: 我覺得一般, 田雞味好像有點怪怪, 唔知係咪受中華火腿味的影响花枝鮑貝西蘭花: 呢個都好味, 花枝同飽貝都彈牙.金銀菜燉豬肺湯: 好味, 好清.