陳根記 (Moved) New Location

好講彩數嘅陳根記，要搵埋叔叔/姨姨，你落嘅單先知快定慢今次我地就搵埋人！去到八點半都未食晚飯嘅我肚餓指數爆晒燈，好彩落單無耐就上菜蠔餅脆卜卜，淡淡蠔仔肉，勁香口啊！呢啲一定多油，介意就唔好叫啦～～鼓椒炒蜆，今次無咩吉殼👍🏻👍🏻啲汁夠晒惹味，配飯啱啱好☺️蒜蓉迷唔好錯過！ 勁大量蒜蓉請注意！☺️啲蝦唔算好大條，但絕對夠鮮甜。點都要嗌個菜架嗌，清清地食返碟西蘭花炒花枝片，花枝片爽口！又到我最愛冬陰公同蜆，有得食仲可以飲湯，椰香味重，唔太辣，食到下面先知原來仲有粉絲，成個餐咗🤤有餸有麵👍🏻椒鹽鮮魷例牌貨，不過不失，但要點胡椒粉先出味！（唔記咗影賴尿蝦😭😭勁好食）五個女仔係去到陳根記食生日飯，好彩蛋糕可以收喺收銀個邊，仲有火機同紙碟膠叉👍🏻👍🏻👍🏻

10點鐘喺沙田食乜好 我選擇陳根記兩個人好肚餓 一坐低就好快點左四道菜香芹炒蠔仔心水灼花甲咕嚕蝦球乳鴿兩隻可能已經比較夜 所以都有好多枱大排檔的風味的確好好食 哈哈哈

去完中大嘅畢業典禮，就揀左去沙田呢間岀名嘅大排檔食晚飯: 一行四人，總共叫左四個餸！Wasabi手撕雞：有雞絲蟹子海蜇伴wasabiWasabi味都幾重，後勁頗辣加左啲蟹子撈埋，口感👍🏿煎蠔餠: 上枱時炸得香脆可口，加左芫茜一齊炸。唔食芫茜人士要小心芝士粟米斑塊:芝士嘅味道不突出，但斑塊粉厚度可接受，新鮮炸上枱。送飯一流😽椒鹽魷魚:魷魚都不錯，新鮮炸完上枱。但椒鹽味道不太突出。菊花羅漢果茶:淡淡清涼，消熱氣不錯。提一提: 晚餐時間(約7:00) 好多人等位，暫時未有完善嘅座位安排，要企係人地枱旁搶枱！呢方面比較不方便！同坐位比較迫。不好慢慢聊天。但勝在每碟菜都大份夾抵食，平民之選。食物質素保持在中上。

因為鍾意食陳根記wasabi手撕雞, 所以間中都會同朋友過嚟食, 上個月同男朋友行完宜家傢俬, 經過沙田就特登過去食陳根記。 我哋都知道陳根記好多人幫襯, 好忙。就算佢好多位都好, 但係都好爆。 搵咗一陣侍應帶我哋去一個最邊邊嘅位, 基本上成個大排檔都係有瓦遮頭嘅。咁嗰日就落雨喇, 本身都淨係毛毛細雨, 之後就開始落大雨。 我哋坐嗰個位太邊 , 嗰陣時未點嘢食嘅, 啲雨水就撇落我哋個身同埋張枱到。咁我就見到其實佢邊邊係有張透明膠簾綁住咗。應該係落雨嘅時候或者咩突發情況底下會好似個窗簾咁樣放落嚟, 擋下風擋下雨嘅。 之後就叫咗個侍應過嚟, 都用好禮貌嘅語氣問佢可唔可以幫手落咗個簾。之後佢唔知係咪太忙好燥底後一野鬧我哋, 用啲好惡劣嘅語氣鬧我地。話我地唔識整個簾唔代表佢會識整。 我都係嚟食餐飯啫, 個位要撇雨我都未話你哋, 好聲好氣叫你幫手落下個簾。如果你真係唔識落或者你話你好忙叫我自己落, 其實我都唔會好介意。 但我唔expect無啦啦咁樣樣比你鬧難受你氣。個個工作都忙啦, 唔代表你要對啲食客出氣。最後隔離枱同樣俾雨撇緊嘅人就出去叫左第二個工作人員幫手整。 咁嘢食我哋就叫做叫咗以下嗰啲

朋友来香港，说约吃宵夜才知道这店很红。开车过去不是很塞车，大概八点就到了，挺容易找到的，附近有巴士站，就是周围可以停的车位比较少。一大片的位置都是大排档，还坐错隔壁了刚开始，后来才知道是另外一边，从门口走进店里去位置好像挺多，却等了十多分钟都还没找到四人桌。有个店员靓姨超好人，就指我们过去一张角落的位置。餐牌从隔壁桌拿过来看，要自己手写菜在牌上再叫人下单。还没写完菜，刚刚那个阿姨又叫我们过去前面比较好的位置，超好真的，自此我们一直认住她穿绿色衣服的哈哈！喝的跟甜品要另外去买，四个人我们点得有点多了，分量很多。卤水拼盘超大份，有点咸又怕吃饭会吃不完菜。蠔仔饼也是快满出来的感觉，刚炸出来很好吃。豉汁炒蚬还行就是有点辣了，后悔没试冬阴功浸花蛤。wasabi手撕鸡说是冷菜可是最迟才上，已经有点饱，再吃好像没吃出什么惊喜。最后才去买甜品，刚到的时候也很多人排队的，所以芒果一口脆已经卖完T T点了个雪糕凉粉还有榴莲奶露，朋友还打包份千层。埋单好像才四百多，在香港来说觉得超划算，先记下下次要来吃一口脆还有孜然骨、腐皮卷冬陰功浸蚬。。

沙田陳根記都係老字號大排檔，食物質素人流都有一定既質素。人流方面，晏就去食，都好多人下，差唔多坐爆曬D位，一行五個人都好快有位，大約5分鐘到，埋位之後就落單，食物依舊保持質素，同行朋友都話唔錯，而且價錢都OK，同一般出面食個LUNCH都咁上下。

中學時做學生會，同莊員食飯慶祝就第一次去食陳根記果陣時食真係天為驚人，點解味道可以咁好食呢。但係依一兩年再去食返，覺得味道同質素都差左好多人大左，就係會成日懷念舊時芥末手斯雞、腐皮卷、白飯魚煎蛋我都好鐘意食，希望佢可以維持水準啦

之前試過一次，琴日再同朋友去食晚飯，好彩早到左去搵位，如果唔係有排等，6:30已經好多人等位。芥辣蟹籽手撕雞半隻，味道依然好食但可能太多人既關係，唔夠凍。但都值得一試。醉拳，花雕豬手味道OK,但太多豬毛，整唔乾淨，肉都好少。頭抽雞半隻，味道好食，肉質好滑，值得一試。蠔仔粥，蠔仔有點殼，但粥底比較（結身），有點失望。蠔餅好食，炸粉都唔係好厚，值得一試，蠔仔大隻。沙拉骨，好食，肉質好淋，值得一試鮮魷，炸粉太多，有點失望辣酒煮花螺，有沙，沙得唔乾淨，但味都可以。無陰公牛栢葉，好酸，唔似冬蔭公味，太酸喇蜆唔靚，有陣唔知咩野味，落左好多鹽，咸味都蓋晒，好難食。椒鹽九肚魚，太乾，無咩味。腐乳通菜，味道幾好，份量又多。整體雞都好滑好好食，值得一試，價錢方面實惠，但好多人食，要早點去搵位。都會再去試多幾次。

根記一向都係沙田有名食肆！亦係我最愛飯飯堂。價錢唔貴得黎，又唔收加一。孜然一條骨一向係至愛！惹味得黎又啖啖肉。不過份量就唔算多。Xo醬翠玉瓜略嫌炒得唔夠香，但都好食，最正係有穫氣的牛河，只係50蚊

不嬲都知道陳根記晚晚都座無虛席，所以就算3個人去都好啦都未夠7:30前就去，不過都已經坐滿左9成，好彩仲有張5人吉枱坐黎到陳根記冇可能唔食Wasabi手撕雞 $135老實講，作為招牌菜是真係比唔到太大驚喜我，wasabi味唔算太濃就算唔太鐘意食辣嘅我都接受到但撈埋手撕雞黎食就普著通通啦，不過都可以一試 始終係陳根記朝牌菜香蒸蠔餅 $70我個人最鐘意就係依個香蒸蠔餅，一黎份量夠多，有3塊，岩岩好夠我同屋企人一人一塊分黎食 加上佢個蠔餅好夠味，唔洗再點其他汁黎食。炸粉又唔算太多，食完都唔會覺得成口油椒鹽鮮魷 $78之前黎試依個椒鹽鮮魷覺得幾好食，所以今次先再點，但今次真係令我有少少失望可能因為炸粉落多左，令我只係食到個陣炸粉味，希望下次再食個陣有改善啦薑蔥魚腩煲 $70由於老豆同阿媽都鐘意食魚，所以就算我唔鐘意食魚都點比佢地盡下孝心不過我覺得個薑蔥魚腩煲可以算今晚小小缺憾 魚煎得唔夠脆同埋火喉唔算太足朝日啤酒 $20冇咩好介紹，抵飲陳根記勝在夠平民，價錢合理加上個環境令我回憶返細個同屋企人去大排檔食飯嘅時光而家大排檔真係買小見小，所以希望大家好好珍惜香港大排檔文化

小弟並不是住在沙田區但每當提起沙田也想起陳根記我來過陳根記很多次每次吃也覺得很好味來大排檔吃一定要有一大班朋友 才會抵吃若果人數比較少的話 就很難吃到很多菜式今次跟大家推介這一間大排檔是因為地點便利而且香港愈來愈少大排檔環境方面 衛生情況一般 位置擠迫而且平均也要輪候30多分鐘才可以建議大家必須提早過來避免輪候服務方面服務質素十分差當然你也不期望在大排檔吃飯有什麼服務質素可言下單也是自己抄寫的不要期望有人會為你寫下來菜色食物方面的確不錯

黎到沙田，不嬲都好中意喺陳根記食野，雖然有時要等好耐位，但野食選擇應有盡有，仲有甜品添！所以黎到沙田一定要黎試下！琴日同幾個朋友黎食，我地都唔係好肚餓，叫左三樣野食。Wasabi手撕雞係必食！基本每枱都會叫。我地叫左個例牌。幾個人、唔太餓，要黎送餅就岩岩好。仲叫左蠔餅，有好多塊，又足料，有好多蠔。第三樣係馬拉盞炒通菜，唔會太鹹，又大碟，正！食到一半先記得影，但都唔算少

爆多人既大排檔，星期五既6:45到啱啱有位，7pm左右巳爆，7:30已有人等位。個人覺得薑蔥肉蟹蟹肉鮮甜，連爆薑蔥都好正！同行朋友最愛冬蔭公浸蜆，可惜蜆有沙。河馬生覺得蟹、生炒骨、wasabi手撕雞、泡椒雞腳有水準。大家一致認為陳根記既椒鹽菜式麻麻，椒鹽炸豆腐不夠椒鹽、椒鹽九肚魚又不夠飽滿，可惜。最終六個人叫咗十味菜，全部清枱。

想試呢間好耐, 但要自己搵位, 都等幾耐下。呢度幾得意, 落單可以自己寫, 飲品就自己出去拿芥末手撕雞: 呢間皇牌, 我地叫左一隻, 真是好大碟啊, 夠哂足料, 芥末味時濃時淡, 再加麻油味, 正啊, 如果D 雞再撕得碎D 仲好。 下面有海浙, 青瓜, 有咬口, 好食!豉椒炒蜆: D 蜆大過出面D 大排檔DD, 無沙, 夠入味, OK。蒜茸蒸開邊蝦: 蝦OK LA, 細隻左D, 無咩肉, 超多蒜茸金沙骨: 我覺得似豬扒多D, 啖啖肉的

呢排天氣都仲係好熱🌞，但突然想食吓d鑊氣嘢，所以雖然呢度冇冷氣，都要食番兩味😝好在場地開揚，早少少去未係好多人嗰陣其實都可以接受。😌總括食物😋做得唔錯，價錢合理，份量唔會太大，所以就算兩個人👫去都可以試多好幾樣嘢。至於服務方面就半自助式，要自己落單，🍺啤酒要自己行過去買，不過我反而幾鍾意咁樣，有選擇困難症嘅我，好怕d人係我附近徘徊，等落單🙈加上佢哋態度都親切🤗下次會再黎試吓其他菜式😋😋😋