潮客 (Closed)

年廿七與家人團年訂6時半九位，入座見全場滿座非常熱鬧，事實上此店座位非常迫夾坐得不太舒服，無所謂細妹鍾意來荷李活食，由細妹發板叫了一個$13??幾套餐再加咗條松子魚、潮式炒飯、壽包連啤酒汽水食咗$1854。食物方面最較有印像是**鹵水拼盤-鹵水汁咸度適中香味濃**一字骨-用料靚不太肥肉嫩**海皇翅-湯底喜出望外**潮式炒飯-乾身不油、鑊氣夠、飯粒烟un，讚！服務方面算ok！咁旺的日子都無漏單，侍應好忙好忙但態度都友善有禮，讚！但係座位真係太貼...太迫啦！！

2008年1月5日，潮客聽我哥說這裏不好吃。睇完投名狀,與另一半來潮客吃飯,9點幾又有特價:滷水鵝肉:唔係好有鵝味,但肉質唔錯,墊底既豆腐好食。滷水剙 ：滷水汁既味道幾好。梅菜一字骨：賣相不太吸引，梅菜太腍，但整體味道都算合格，份量大。咸菜豬骨雲吞鍋：唔係咸菜，係津菜，個湯幾好銀，菜又多，雲吞有4只，幾好食又幾抵食。叫了碗白飯，但埙 人吃不下所有餸 ，剩下大部分梅菜一字骨。伙記有主動提出替我們包起吃不完的一字骨。

一家十一人在冬至翌日食晚飯,叫了個$2580的套餐,菜式如下:潮式鵝王拼盤--佷大堆頭,有潮式豆腐,紅腸,豬耳,斬件鹵水鵝,鹵水鵝片,鹵水蛋,總體上不太咸,但夠味,特別是鹵水鵝片不靱.黃金炸雙棗--即是蝦丸及蟹丸,不油.川椒季豆貴花蚌--川椒葉炸得幾好味,咬入口時不覺油,貴花蚌也很爽口.花菇扣花膠--大大隻花菇,有菇味.竹笙海皇翅--很多料,雖然蝦很細隻,但很鮮味,翅的味道也很好.清蒸大海班--蒸得剛剛好,有魚鮮味,水準很高.客家鹽焗雞--不太咸,很滑.瑤柱扒翡翠--有草菇,很爽口,不錯,瑤柱也很多.潮式炒面線--乾身,不油,是潮州麵.水晶飽--皮薄餡靚.杏仁茶--有腐竹,幾滑.個餐仲包兩渣橙汁及六支汽水.埋單二千八百幾,下次多人一齊食飯,可考慮這間.

(10/11/07)見這裡免茶,免加一,免介醬,食完tea仍有餘飽,晚飯求其食吓。一坐下侍應們勁sell勁問食乜。我地點了砂鍋客家豆腐、香燻太爺雞、石燒五頭鮑鵝掌$78。侍應說,無菜噃,要碟菜啦,一介紹就sell豆苗,然後又sell魚。老人家唔食打冷凍魚,介紹左蘿蔔半芹煮馬友。太爺雞很有煙燻味,唔錯。細細隻的五頭鮑,汁就夠多喇,不過唔夠腍o既!豆腐煲,味道一般,原來墊底好多菜架,根本不用再叫菜!此時魚來,大家都差唔多飽喇。馬友煎得香香,蘿蔔亦吸晒魚味,整碟係唔夠熱。賣單$448!!估唔到碟魚要$98;豆苗$68/$78,今次真係唔慌唔求其一餐喇!半怪自己無先問價......

呢排放大假, 今日來了這裡吃下午茶. 叫了:燒賣皇: 不錯, 幾大粒, d蝦冇蝦腸, 正!!脆皮鮮蝦角: 除左有兩隻蝦之外就咩都冇xo醬炒蘿蔔糕: 冇咩xo醬味, 但都幾好食手打魚蛋河: 一般啦!蠔仔粥: 幾多蠔仔, ok!三個人食到好飽都唔使一百蚊, 下午茶時段大中小點都係$13, 重免茶芥, 算係ok啦!!!

went to this restaurant for dim sum with my family last weekend. the place was crowded, and it was hard to get the waiter. the food wasn't really good either.

人多枱小餸又細,最特別就是洗得好乾淨的豬大腸.餐後還試了合桃糊及杏仁糊

今晚同女友到左荷理活商場行下並想試下某d 特別既食品見到潮客並唔係潮樓/ 潮館咁就走入去試下睇門面都唔錯, 係黑左d 姐, 唔多似潮式feel入到去坐低就有4 杯茶(我諗係功夫茶之類呱) 送上一個字: 淡!!睇餐牌期間個待應不斷sale 貴價菜式而最終我地只係叫左個"蜜桃菠蘿咕嚕肉" (因為已經唔多滿意佢地態度)上菜了, 份量好少(大約十數件既咕嚕肉, 幾塊配菜)醬汁唔酸唔甜, 唔知想點咕嚕肉第一啖食覺得幾特別, 佢好似手打肉丸再去炸咁, 炸粉又唔太多, 第一個感覺算唔錯. 當仔細食落去時, 就發現肥豬肉(類似豬油粒咁既物體). 一粒裡面大約1/3 都係肥既物體, 一碟裡面夾出黎既多過食配菜(蕃茄, 洋蔥, 青椒) 都太新鮮, 無鮮味埋單時既態度更差待應走過黎收野時問"你地係唔係只係叫左一碟菜咋?"俾左錢之後更一句"多謝" 都無講整體真係十分唔掂

本篇不是專業的食評, 請不要介意!整體唔係好掂.....座位非常之迫, 食完起身去廁所個陣都腳痺...>-<食物方面, 極度不滿的菜色為煎蠔仔餅....好難食...蠔少都唔在講, 成個餅都係粉, 得個邊有少少蛋, 口感和味道都極差!!個waiter幫我地攞咗個茶壺去加熱水, 點知拎咗俾第二台既客...做事十分唔專心

潮州菜一向喜歡的. 但, 到目前為止找一間又衛生又有傳統風味的, 真的難找, 各位食客請賜教!星期六有朋自遠方來10人晚飯,擔粗粗就試了這間"潮客".狂點了12度菜:鹵水拼盤(加大) 味道適中, 好味!芋茸香酥鴨(加大) 夠香夠脆!碧綠川椒雞(加大) 略油, 味道ok.水蜜桃果肉汁好味, 肉一般.鮮蝦水瓜烙~~ 本人偏好, 覺得好好味.石燒雙蝦羅文生菜即油麥菜(賣相用石頭窩上雖然不是明爐上檯,但熱辣辣的好惹味)魚翅海皇冬瓜盅(份量6人就ok) 味道清甜, 料十足.大星班球兩味(不吃無損失)聚寶海味盤好惹味, 也是用石頭窩上菜的.崧子合桃炒西芹(不吃無損失)芙蓉蛋白炒花膠絲蛋白炒得滑,無點見到花膠絲, 家鄉炒魚麵幾好味, 略油.埋單$1186.- 超級抵!!!!!!!不過, 好像只有三幾味係潮州菜........哈!

有舊同事生日, 約左昨日一齊飲茶慶祝, 地點選左係呢間, 一早打左去book位, 點知我地六個人去到就比左張2-4人既卡位我地, 緊係唔得啦, 之後比番張六人圓檯先收貨糯米卷- 煙韌, 無花生, 少了份香口味潮州蒸粉果- 無食胡椒銀杏蒸豬肚- 咸菜咸左D, 豬肚算爽口客家蒸茶粿- 無食蝦餃- 皮薄, 蝦肉新鮮爽口咖哩魚蛋豬皮- 豬皮好腍又入味豉油皇炒腸粉- 碟底唔太油, OK燒賣- 蒸得唔太實, 豬肉夠鮮鳳爪- 豆豉同蒜茸味都重, 好香, 鳳爪夠腍陳村粉蒸排骨- 陳村粉蒸得唔夠腍, 實實一舊時菜灼三寶- 份量好少, 牛百葉太腍, 魷魚就太韌, 唔得煎藕餅- OK春卷- 長長的有4條, 蝦肉餡, 無味, 春卷皮又有D腍, 麻麻椒鹽九肚魚- 去骨炸, 好香口, 但無味豉油皇海鮮炒麵- 有帶子, 蝦肉做料, 普通炒芋頭蓉- 無食冰糖馬蹄露- 無食

聯邦集團在鑽石山荷里活廣場開了間潮客都有一段時間終於有機會去了今次與女友食晚飯選擇了一個甜蜜蜜套餐菜式都很豐富而且還有海皇翅及胞脯$288一個餐就決定試一試柚子軟殻蟹沙律(軟殻蟹太軟身賣相不好看印象分大減)龍皇湯海皇翅(沒有期望會有真翅但素翅的份量都很少)燒汁什菌大蝦(整個套餐中比較出色的)玉掌扣富貴鮑脯(鴨掌非我所好鮑脯味道尙可)客家甜菜飽(普普通通)特色凍布甸(普普通通)餐飲可選擇紅白酒/橙汁/蘆薈茶但蘆薈茶的凍粒太吸管太細因此帶來少許不便整個套餐不算太美味有可能對它期望過高而且服務員可能不足經常都見到舉手示意但無人理會的情況

20060211 7pm訂了位，一家四口同大熊共五人準時入坐，開餐前有工夫茶送。叫了：（1）鹵水拼盤鹵水拼盤用湯碗上，味道唔及街邊打冷檔好食。（2）忘記名稱，類似炸子雞的脆皮雞皮脆肉多汁，好好食。（3）芋茸香酥鴨兒時情意結，有熱熱的芋茸就係好食。（4）蠔仔粥蠔仔脹卜卜，多料，幾好味。（5）魚翅撈飯印象中要成百元，所以都幾期望。賣相懶靚，魚翅份量多，但係就細梳過我媽咪用來煲湯個D。忘記價錢總括食物味道都唔錯，不過所定的價錢大部份都係比左去環境方面，而服務就普普通通。

今日連我在內三對夫婦,相交已有十多年,各有不同的口味同性格,因為大家都有共同嗜好,所以不時都會出來茶聚.此店裝飾以紅色作主調,坐位亦舒適闊落.時已下午三點多,茶客走剩三數枱,清靜環境正合我們閒聊一番.－－煎咸薄餅，老婆每次去酒樓差不多必食o既菜,老婆食得津津有味,我覺得頗咸同油膩,其他人冇讚冇彈.－－地瓜炸油粿，炸得外皮香脆的油粿,一咬開內裡的地瓜槳徐徐流出,但有些女士嫌過甜及肥膩.－－煲仔生菜魚滑，朋友點的,同生菜凌魚球冇分別,但唔平,朋友話魚肉幾滑,我覺得唔夠滑同唔夠熱.－－什菌雙菰湯米線，我去飲茶一向都唔喜愛點飯麵之類,但朋友想食都要就就,碟頭好細,只夠6小碗,有人嫌味太淡,淡友說剛好.－－燸米燒腩卷，包皮夠軟熟軟,老婆嫌燒腩好肥,但朋友正正鍾愛佢夠肥夠香口.－－蔥油燸米卷.甜甜咸咸,好有燸米香味,但有些女士嫌燸米太硬.－－台式鮑片炆鵝掌,又小又貴,芡汁過多,完全搶晒鮑片同鵝掌的鮮味,但朋友偏好芡汁,老婆仲讚鵝掌炆得夠淋身－－旋風奶皇酥,皮薄夠脆,奶皇滑溜,不消一刻已旋風式掃清.席上的朋友,有些好像生菜魚肉---平淡乏味,有些好像鮑片鵝掌----高貴味濃,有些好像奶皇酥----平

跟據我的認知, 吃是把食物放進口中的一個行為。但為何現今會出現很多"吃環境", "吃排場"的情況? 是日的選擇, 因"吃排場"而起。家中長輩生日, 她是吃開排場的人, 而聯邦集團正正提供此等服務。是日因聯邦被包場, 故移師同集團的"潮客"。五人共叫了六菜: 鹵水拼盤用客家式大碗上桌, 面層數件鹵鵝, 紅腸, 豬耳絲, 豆腐, 墊底的有白蘿蔔及翠玉瓜。鹵鵝不香, 鹵水不濃, 豬耳不好吃, 白蘿蔔是脆身的, 更唔好講話腍。白蘿蔔及翠玉瓜入口似"冇煮過"咁嘅味。這個拼盤, 真的難吃。椒鹽九肚魚是切件式的炸, 不見其形, 食味亦不像坊間的九肚魚。而味道又唔錯喎。Best of the worse咁啦。無大眼雞, 要了馬友。當然叫菜時, 知客x姐狂推介各款貴價魚類, 不"潮"不"客", 不知所謂。馬友味道不過不失, 伴吃的豆醬, 一如所料的"窄窄地"。味菜豬肚湯平日在聯邦飲茶時煮定一大鍋那款, 本以為最無難度的菜, 難得煮得十分難吃! 味菜用了帶甜的腌菜, 沒有胡椒味不特止, 內臟帶有異味不特止, 上菜時熱都唔熱先大件事! Worst of the worse實至名歸。上湯浸豆苗有點油, 係正常