餃餃餃子 (Closed)

北方人大時大節，特別係新一年都好鍾意食餃子，貪佢有喜慶團圓同如意吉祥嘅意思。所以M佬今日話要帶我去食餃子，攞個好意頭，去到灣仔廈門街嘅餃餃餃子，乜唔係食中式餃子咩？點解係日！式！餃！子！店！M佬話無所謂啦，都係餃子姐，一樣都係好意頭，最緊要係好味道！原來呢間餃餃餃子源於日本，所以舖頭細細似足日本小店，我哋等咗10分鐘，終於有位，但冬天嚟到，袋又大衫又多，講真迫迫劫劫咁，但附近啲人好似都慣咗咁，所以奉勸一句，追求坐得舒服嘅，呢間鋪頭唔太啱你喇！Chao Chao餃子一啖一隻，煎得好香脆嘅就係以店命名嘅Chao Chao餃子，餡以豬肉同蔬菜為主，皮薄又唔會油淋淋。最緊要係點埋味噌醬汁或餃子醬汁，成件事即刻升咗呢！椰菜豚肉餃子呢個係香港限定嘅餃子，同Chao Chao餃子相比，呢隻大隻啲，而且餡料多啲汁，係我A姐推介！日式京都九条蔥餃子以京都名物九条蔥加上豬肉嘅餃子，味道好fresh又好match。雞翼餃子雞翼做外皮再釀入餡料嘅雞翼餃子，味道較鹹，鍾意重口味嘅必點！日式鰻魚飯軟熟嘅日本米上面就係半條鰻魚同重點嘅鰻魚汁，細細一碗，叫做有啖飯落肚，不過，真心覺得餃子店都係食餃子啦。日式咖哩烏冬烏

19:00過到去已經有人排緊隊，不過好在好快有位，餐廳人流好旺，來來去去回枱回得好快。食物每樣份量不多，可以選擇更多款式，簡單食個晚餐既最佳之選。朱古力餃子雪糕～我要特別介紹下這個讓我心動既甜食，餃子皮包住熱既朱古力粒，配上軟滑雲呢拿雪糕，食落好溫暖，大愛！蟹肉忌廉薯餅～薯餅入面有好足料既忌廉蟹肉蓉，味道好香，外皮好脆又夠熱。Chao Chao一口餃子～細細粒，容易食，煎到乾身，個底部脆卜卜，但一點都不油膩喔！個人覺得點小小味噌醬汁黎食更加好味！生姜餃子～加小小檸檬汁，帶出好濃烈既生姜味道，又不會有辣既感覺。活乳酸燒酎梳打&西柚燒酎梳打～燒酎味唔濃，西柚梳打比較清新，乳酸甜甜的幾好飲。

向來我都冇話特別鍾意食餃子，但對餃子唔陌生，因為食過不少北方餃子店，知道餃子餡料除了豬肉白菜外，可以有其他肉類及蔬菜配搭。但我以為日式餃子只得一種口味，今日朋友帶路，才知道香港有間日式餃子專門店，加進日式醬汁的元素，變化多端。今日試左幾款，當中我最欣賞puri puri 海老餃子，蝦球大件，似蝦餃，皮薄，醬汁方面餃子汁最好味，混合一些辣味噌醬，至啱我口味；生薑餃子都唔錯，有薑茉有薑味。我建議大家食日式牛筋煮豆腐，味道豐富，牛筋腍，少許辣，配白飯食超夾，夠晒飽。甜食的朱古力餃子亦都值得一試。

This is a very small restaurant and seating is quite tight. The options for dumplings were vast and there were many different ingredients you can choose from. The taste was fine, not terrible, but not enough to make an impression. It’s fine if you want a quick cheap meal.

香港主打日式餃子的食店不多，早前聽友人說，有間叫「餃餃餃子」嘅專門店，喺灣仔同紅磡都有店舖。據聞餐廳係過江龍，源於大阪，1999 年開業，分店遍佈全日本。店內供應的餃子款式甚多，連餃子皮和餡料都是由日本直送，所以早就已經將餐廳放咗喺 Wish List，趁這天要來灣仔出差，就順便過來吃頓晚餐。店子位於廈門街，舖面看起來不大，但原來餐廳佔地兩層，可惜這晚二樓並沒有開放。選了個角落座位，細看四周，裝潢以紅色為主調，走廊設有吧檯位，如果是一個人來的話，坐在這裡也不錯，可以跟廚師互動。拿起桌上餐牌，餃子款式琳琅滿目，而且花樣百出，除了有友人推介的必食 Chao Chao 餃子外，還有定番の餃子、餃子の盛合、創作餃子、特色餃子、小食、飯/烏冬、野菜、甜品及飲品等。Chao Chao 餃子 ($23/8隻)  可以揀 16 隻或 8 隻，由於想留肚多吃幾款，所以只點了一排。餃子 size 不大，約手指長度，如果大啖嘅話，可以剛好一口一隻。餃子底部呈焦色，入口又薄又香，咬下好似薯片咁脆卜卜，餡料有肉碎、椰菜、韭菜、洋蔥，食落肉汁豐富，味道平衡。接著是蟹肉海老特長豪華餃子棒 ($42)，餃子標榜長度有

同朋友交收約左灣仔等，順便他帶左我去食特色日式餃子，原來係廈門街近舊時囍帖街，店鋪門面都好日式好易揾到。店內唔算大，不過好有日式拉面店嘅格局！Chao Chao餃子 1排 $23 煎得香脆外皮係用米漿皮，餃肉唔算多，食時點他們的餃子醬汁，十分滋味。店員推介之選 No1 Item. 明太子薯仔餃子棒 $48 一份3件，賣相比Chao Chao較大隻，內藏著明太子同薯蓉，好豐富嘅口感，明太子嘅鹹香配淡淡薯仔蓉，正呀 底部金黃！牛筋豆腐飯 $48白飯一碗連一碗牛筋豆腐，個汁少許辣，有驚喜惹味送飯好夾，微微辣的牛筋內還有日本蒟蒻，豆腐同香蔥，味道整體出色。必叫厚切日式煙肉 $58 價錢最貴但我倆一至覺得最好味，厚身肥瘦適中，煙薰肉跟左個淡介辣醬！ 食完想再食。最後加左個雞肉芝士餃子添 $42可選煎or炸，唔想太熱氣所以選煎，一口咬落芝士已慢慢滲出加雞肉唔會膩點少許蛋黃醬仲更加好味。巨峰梳打同埋白桃乳酸梳打都好夠味但唔係太甜！埋單都係$296 人均約$150 經濟兼性價比高

去完有囍帖街之稱既利東街觀賞特大月亮當然要搵個地方醫醫肚小編今日同朋友隨意咁入左係特大月亮旁邊既餃餃餃子聞說這家餃子店係日本全國共37間分店香港店同日本店一樣 每天新鮮包製Chao chao餃子$23/8pcs呢個係店長推介既chao chao餃子餐牌上面有兩個份量可供選擇$23/8pcs $42/16pcs精打細算既小編覺得價錢差唔多所以就揀左個小份量既 可以試多幾個唔同款式Chao chao餃子其實都係以豬肉同蔬菜做餡料餃子皮好薄 餡料既肉汁豐富小編好有衝動一次過食哂八隻Mochi mochi蘑菇餃子$32/5pcs原本以為蘑菇入面會有mochi(日式年糕)但俾個名誤導左 其實實物入面係無mochi既正當好失望之際 食左一口蘑菇餃子呢個使用左秋田県靚米既蘑菇餃子皮 加入左蘑菇忌廉湯味道既餡料 感覺都幾新鮮蘑菇做既餡料入口較滑 不防一試雞翼餃子$50雞翼餃子故名思義就係用雞翼做外皮 再加入餡料既菜式雖然佢叫做雞翼餃子 但其實係無餃子皮餃子既餡料調味較咸 最岩送酒一齊食！蟹肉海老特長豪華餃子棒$42小編認為呢個餃子無改錯名由蟹肉蝦肉混合製成既餃子餡粒入口有一絲絲既口感外皮薄 有啲似雲呑

今日中午經過廈門街，見到呢間專門食日式餃子，所以今晚就決定品嚐一下。餐廳內外都係日式風格，雖然地方狹窄，通路只能容納1個人通過，但勝在夠熱鬧。我們安排坐bar枱，位置正好可以睇到2位師父煎餃等工作。點餐後一陣。第一道先上套餐既前菜-鹽菊椰菜，椰菜是生，配上混合麻油、海鹽、芝麻，質感爽口又清新。接住就係套餐既主食-chao chao餃子，餃子餡有椰菜，洋蔥，豬肉，韮菜，係餐廳招牌菜no.1,一邊煎得好脆另一邊睇得到皮薄餡多，每隻份量都比較細隻，但味道突出，再加餃子醬油帶更帶出番餃子豬肉味，套餐包1杯ASAHI生啤。價錢還尚算可以。接住就到餃子4種盛合，有日本淡路島產洋蔥餃子、日本京都九條蔥餃子、蘑菇餃子、海老餃子4種。除了海老餃子皮薄，其他皮質較有口感，餡都係以豬肉為主，但味道都係偏淡。海老既餡就爽口彈牙，配上特別獨有既海鹽調味，讚。然後再有蟹肉海老特長豪華餃子棒，雖然價錢比較貴，但真係值得一試，蟹肉海老既餡塞滿整條既長形餃子，真材實料。肉味鮮甜，配上沙律醬而非醬汁，味道更食得出蟹肉及海老既鮮味。最後一樣係鰻魚飯，鰻魚肥美肉質鮮嫩，下層有蛋絲，以及日本飯，鰻魚醬汁由鰻魚肉開始往下流落去，

食餃子，我最鐘意曰式的做法，先煎後焗。得知灣仔廈門街有間日式餃子專門店，急不及待去試一下。店鋪不是很大，裝潢卻極具日本風格。話明専門店，餃子當然係主角，不同餡料的都有十數款。貪食的我要試多幾款就點了一個有四款的拼盤。味道有蝦，磨菇，京都九条蔥和淡路島產洋蔥。各具特色，我比較喜歡蝦餃子，材料好足，一整隻蝦有口感還很鲜美。京都九条蔥也不錯，綠色的造型感覺好健康。薄薄的餃子皮食落輕盈沒有飽滯感，多吃幾件也可。蟹肉忌廉薯餅即叫即炸，外脆內軟，綿滑，散發出蟹肉的鮮味，好正！始終炸物和煎餃比較油膩，點二款菜蔬小食清清喉嚨。涼拌芽菜和香辣青瓜漬。芽菜爽口。香辣青瓜好開胃。每款只二十元份量不少，抵食。

成日經過依間野　個招牌好顯眼　今日終於同朋友入去食下野啦。Chao chao 餃子 一排8粒細細粒咁　同朋友食下食下就食哂成排大阪風章魚燒超好食　一定要嗌！好幸福　好似去左日本食咁！外脆內軟又足料雞肉芝士餃子咬開有芝士, 點埋餃子汁好食!激辛餃子真係好辣, 食完幾個鐘之後有啲肚痛唔知係咪辣得濟炸雞軟骨 梅子鰹魚味依個要讚, 細細粒唔會好硬, 梅子鰹魚味鹹鹹酸酸好易入口, 同朋友搶住黎夾Chao chao 炸雞好juicy一啲都唔乾, 脆卜卜 點埋D辣醬勁惹味蟹肉忌廉薯餅好食過sogo地庫專賣可樂餅個間鋪, 入面薯蓉軟綿綿, 出面脆卜卜, 好驚食唔返咁好食既野!飲品就一般般啦, 大家都係食野為主啦!白桃乳酸梳打＆巨峰梳打

中秋個排去利東街睇月亮已經見到呢間創意餃子店今日收工專登搵同事一齊去食！前菜方面叫左我至愛 蟹子沙律！價錢唔貴但好豪氣咁比左好多我地！再黎叫左個牛腩！炆得勁軟身勁好食唔會話好辣 入面個有豆腐同其他配料食下餃子方面叫左雞翼餃子！功夫野真係做得好好咬落去會有好香既肉汁味海老餃子都係必食！超推！入面啲蝦超大粒 又爽身！加埋個岩鹽無得頂仲有個明太子都唔錯架！所有既餃子皮都幾薄 唔會覺得好似淨係食緊粉皮咁最後叫返杯柚子蜜同巨峰梳打！

一睇個店鋪名［餃餃餃子］就知道主打食餃子，今次嚟開灣仔區一定要試下@@..枱面分別擺放置四種不同味道的餃子醬汁，好方便人客，照顧到不同口味需要的人客見「Chao Chao 煎餃」係呢間店熱買之一，一上碟樣貌都算普通冇乜特別，但一食落發現餃子外皮好薄，餡料充足，不用點任何酱汁都夠哂味道。「雞翼餃子🥟」呢款餃子好難得一見，將雞翼起骨，放入滿滿的豬肉餡料，將雞肉與豬肉鮮味混為一體，外皮炸得十分香脆，食落啖啖肉，可以滿足喜愛食雞翼又不喜有骨的人仕。「餃子4種盛合」分別有海老，九條葱，磨菇，洋蔥四種不同口味的餃子，海老即係蝦，十足中式點心蝦餃，大大隻蝦，彈牙新鲜，可以點上少少海鹽令蝦鲜味更突出。最有驚喜想不到是「洋蔥餃子」洋蔥香甜濃郁，味道不錯👍🏻「蟹肉海老特長豪華餃子棒」有點像中式鲜蝦腸粉，幾有創意，好驚喜的感覺！最後食埋「大板烏冬」，其鴨肉肉質軟嫩，烏冬煮得弹牙，湯料鲜甜，美中不足是份量太少，男仕們可能未必夠飽。整體來說我們是很滿意，服務也不錯👍🏻會再來

呢排天氣轉凍 淨係想食熱野 行行下街咁岩朋友想食下午茶 我就話不如試下食利東街對面間餃子店入到去好有日本街邊啲小店feel我地叫左兩個前菜 一個係麻油芽菜勁香麻油味 上面撒左芝麻更加香口另一個就係醃青瓜 好開胃好爽口！！然後我地就叫左一份招牌菜！Chaochao餃子！一份有8隻餃子 手指大既size 然後係鍋貼咁既食落都仲鎖左好多肉汁喺到架！再黎 我地叫左個生薑餃子自己覺得就太多薑 對於唔太中意薑既朋友就未必接受到啦不過！佢多薑又唔會太搶喉 所以唔太抗拒既都可以一試架！最後我地叫左巨峰提子梳打特飲添！唔會有藥水味 都唔錯架～

餃子店食到靚鰻魚飯都係第一次！再加上個雞翼餃子手功唔簡單！都算不枉此行！Chao Chao 餃子16隻 $42雖然每隻長條形餃子嘅size唔大，但的確係皮薄餡多嘅，煎得亦幾脆口。因為數量都唔少，有16隻，咗就可以試齊佢幾隻醬汁。餃子の4種盛合 (Puri Puri海老餃子，Mochi Michi蘑菇餃子，日粗京都九条蔥餃子，日本淡路島產洋蔥餃子) $55海老的確有好大隻餃子，亦食到其鮮味。蘑菇餃子亦是如此，而洋蔥同蔥就有啲分唔出。但幾隻味道都可以，日本材料都好少出事。雞翼餃子2隻 $50呢個都算係今餐之最，雞翼皮連肉包住餃子餡，好難唔好食！日式牛筋豆腐煮 $38牛筋煮到好腍，同豆腐長時間煮過非常入味。日式鰻魚飯 $68係餃子店食到靚鰻魚飯都係第一次。鰻魚汁夠香，調味適中。鰻魚好肥美，亦燒得好夠時間。炸豬扒 $38夠脆身，皮唔會好影散開。肉質亦幾鮮美多汁。不錯！

知道此店很久，但沒有特意來，心想餃子未必吃得飽。今天差不多兩點才出來吃午餐，不是很餓，便看看情況。原來有頗多set lunch。套餐有前菜，餃子，烏冬，飯，飲品。不同配合有不同份量，男士女士都可照顧得來。我一個人來，坐在bar位，十分日式。我最喜歡，因為可以看清廚房內的運作，信心大增。我叫了椰菜，餃子十二隻，咖哩飯，凍綠茶。椰菜爽脆新鮮，配的汁是一點點咸的，好味。咖哩飯端出來已聞到陣陣香味，吃落口十分香濃。餃子皮薄，肉味可以濃一點，但不失是水準之作。整個餐有菜有肉有飯，非常均衡。另煎餃子的器材有蓋，全餐廳完全沒有油煙味。服務員也有禮。唯一少許美中不足的是，兩點多的時候，還有很多食客，就忙碌地換抬上的醬汁，造成了滋擾。