餃餃餃子 (Closed)

一到平日嘅lunch hour，灣仔廈門街都會出現人龍排隊。今次想食清d，唔想太heavy，於是試下「餃餃餃子」，等咗十幾分鐘。·Lunch set 價錢由$65-$88不等，包前菜、餃子、飯/烏冬，送汽水/綠茶，亦可以選擇加錢轉其他野飲。我揀咗：·👑 湯烏冬🍜 配 Chao Chao餃子🥟（$75）8/10分Chao Chao餃子係一口餃子，總共有8小粒。皮薄多汁、餃子皮煎得幾香，味道幾好，不過略嫌餡料比較少，如果多返d就好喇！·朋友都係揀湯烏冬，不過佢加$5叫咗「生姜餃子」，我都試咗，覺得不過不失，反而「Chao Chao餃子」出色d。

看看餐牌，餃子定價不貴，一場到來，當然要試多幾款招牌餃子。先來一客每枱必點的ChaoChao餃子，每隻餃子約手指般大，煎至金黃脆薄，肉汁豐富，一啖一隻剛剛好。再來的是mega size的蟹肉海老特長豪華餃子棒，足有18cm長，是有其他餃子的3倍，餡料也非常足料，吃到蝦肉及用真正用蟹肉做成的蟹棒，吃得出鮮味，再沾點沙律醬吃，感覺惹味得來又有點似吃海鮮卷。另一搞鬼創作是Shake Shake餃子，原理似足麥記的Shake Shake薯條。調味粉有數款選擇，點了香港限定版的粟米濃湯味，先將調味粉倒入已放了幾隻炸餃子的紙袋中，搖勻後即可享用。餃子即叫即炸，外皮香脆，沾粉後每啖都有濃郁粟米味，雖然粟米湯味道有點像金寶，但勝在新穎，玩味十足。

去開灣仔諗住試下呢間餃子，叫左2個lunch set ，食物一般，賣相麻麻，諗住食一次冇回頭，點知食到一半個清潔姐姐係我地枱周邊拖地，用高溫熱水出哂煙，重有漂白水味，我地即時出聲問可唔可以我地食完先拖？個姐姐竟然話係落場時間拖地，唔係幾時拖（完全冇禮貌態度）我反答：如果有落場時間就唔好接客啦！個姐姐重不停話要拖地，鬼食泥話我地不是😡最後侍應叫佢上樓上拖先，但重點冇人向過我地道歉，一句唔好意思都冇。食個lunch好激氣

睇open rice 既相對餃子本來很有期望，可惜味道與圖片差距好遠。皮簿，簿到痴埋一舊。 一係就食排 五隻咁放入個口度 如果唔係點都會整到佢溶溶爛爛咁。 不過都變得脆嘅啲皮。枱嘅側邊會有唔同嘅醬汁畀人選擇。個人覺得個麵豉醬好正。－ 普普通通 嘅 lunch set 。餃子 嘅話就麻麻地啦 ，完全無驚喜。 純粹當午餐無咩要求咁食，都可以既… 不過價格就偏貴…優點： 枱面嘅醬汁，可以因個人喜好而渾成一啲啱自己口味嘅醬咖哩不錯， 有啲辣有咖哩味12：45前埋單就有折

點左幾款餃子，招牌的,蝦的和芝士雞餡的，還點了炸雞。最好食的係芝士雞的餃子，cream cheese和雞肉好夾，好好食，幾特色。炸雞好似有5件，炸得好食，唔會肥冧冧。下次都想再食

呢度係廈門街的小巷內大概年幾兩年前已食過今日想起好耐無黎又黎食下叫了鹽麴椰菜$20 好好食一人份量咸咸地即製好開胃 差點想叫多份招牌Puri Puri 餃子其實好China Town style據說是日本分店傳過來的招牌裡面好多蝦，味道還好以前食過淡路島洋蔥餃子，想食返點知已經無左了，於是叫左個紫蘇一整塊，有點香草的清香平衡一番油膩感其實鐘意食餃子的都會食得出隻餃新鮮唔新鮮呢間餃子擺明係雪藏皮雪藏肉，但勝在料夠特別，即煎熱辣辣如果放左工想啤啤佢搵人吹水，呢度係幾好的選擇

繼續係廈門街覓食，今次揀左間日式餃子店，LUNCH時間都幾多人排隊，不過小店有兩層，所以唔駛等好耐。呢度主打煎餃子，而且價錢唔平，如果想抵食D既就要叫LUNCH SET啦!! 內有前菜、飯、餃子，食完唔怕無力繼續工作呢度提供四款醬料，我個人就比較中意餃子醬油，味淡又可以提味前菜 - 自家製香辣青瓜漬&蟹子沙律呢個青瓜有驚喜，唔會醃得太鹹，少少辣，而且爽脆又多汁；蟹子沙律D蟹子算多，不過沙律醬無味，唔甜又唔鹹，好奇怪跟餐凍綠茶&($4)可樂綠茶其實係用Lipton綠茶包沖出黎，之後雪凍而成，唔甜又清涼牛筋豆腐煮配日本白飯 ($70)呢個既醬汁有日本食物既一貫作風，都係偏甜，不過幾送飯；入面除左滑豆腐同牛筋粒之外，仲有蒟蒻粒。豆腐嫩滑豆味濃，蒟蒻粒煙韌，牛筋粒就太細粒，而且幾肥下大盛吉列豬扒丼 ($78)豬扒大大塊，而且好厚身，不過齋睇肉既紋理，都估到中間位應該幾乾；雖然唔係即叫即炸，不過外層炸衣仍然脆口，而且唔油膩；肉質越近中心就近顯乾韌；咖哩同一般既日式咖哩分別唔大，只係薯仔同甘筍變大舊左8枚一口餃子餃子底煎到微脆；餃子皮好薄，不過餡料偏少，食落鬆泡泡精選餃子本身MENU寫三隻，但上枱

今日突然經過灣仔。見到呢間餃子店門面幾靚。所以入嚟試下。有午餐Menu。你揀一個前菜、 一個主食，同埋日本餃子。我揀咗涼拌芽菜做前菜。爽口，好食。主食揀咗鰻魚飯。原本冇乜期望因為諗住都係黎食餃子。估唔到佢個鰻魚都幾好食。餃子我揀咗最簡單嘅煎餃。都幾好食喎。佢嘅餃子偏細隻。但都好好味。餐廳入邊唔大。但環境都幾日本感覺。價錢唔算貴。我會再返嚟食。想試明太子餃子， 同埋辛味餃子。貼士:大家可以來試食午餐因為感覺午餐比較抵食。逢星期一至五先至有午餐。

之前糖食過好多次，今日lunch時間，都有少少趕，原本諗住去買日式便當，但係途經一間，覺得好耐冇食啦，不妨試試啦。點了一個16粒一口餃子，另外配烏冬，還有餐前嘅芽菜，覺得不會太飽，另外再加一份水餃子，等了20多分鐘，雖然落單店員服務態度麻麻，但係都明白中午時間應該係比較繁忙嘅，係可以諒解嘅，食物方面，一口餃子實在太細件啊，如果只係要一份八件嘅一口餃子的話，一個人根本係冇辦法飽肚嘅，一口餃子一如以往，熱辣辣拎上嚟最好食，不過我係買外賣嘅，所以拎返返屋企之後都有少少凍啊，偏向有少少油膩嘅質感啦，不過水餃真係唔錯只可惜價格太貴， ＄35得五件，重點係好細件，唔飽肚啊，平常的夜晚基本上我會叫4分水餃子，才基本上剛剛好⋯⋯不過以等待食物嘅時間來看的話，實在太耐啦，如果午飯時間只係有1小時的話，我相信大部份人嘅午飯時間只剩下25分鐘啦我諗下次外賣午餐的話，我是不會考慮這一家店的

在放工後同下一個活動時間有段距離，所以到灣仔吃了一個工後午餐以宣洩下我的疲勞感，在openrice找了數十篇，好多在三點半鐘呢個時間都落場，好不容易看見這間貌相看似不錯的餃子店，佢有一個午餐set,我揀左青瓜漬物，咖哩烏冬同招牌chao chao餃子。青瓜漬物就無咩特別，涼涼咸咸咁，小份量，後來個咖哩烏冬到，好熱呼呼，夠濃味，入面仲有冬菇腐片粟米芯，都幾多料，它的份量比我預期大碗。之後就是我最期待的餃子，店舖叫餃餃餃子，我諗係最值得食，仲要係招牌，就讓我試它龍與鳳。有8隻，當侍應端到我面前，我呆眼了⋯怎麼8隻=平時4隻的份量，超失望，一隻餃子個體積就像女生手指尾咁大⋯ 無奈⋯ 係煎得幾香嘅，不過唔好味，因為佢餃子肉太碎，調味單調，得個咸字⋯ 所以，食完今次，我不打算回顧，店舖裝修都只是心普通日本餐廳咁，有bar枱，有雅座，無咩特別，不過有一點比較不好嘅係有個清潔姐姐拖地，佢似乎係無視食客不停拖，無可厚非佢好勤力，不過佢不停咁拖到我對白色鞋⋯變黑了⋯

日式餃子小店，環境有啲似居酒屋，好適合2~4位朋友的聚會。3點幾去到，都仲係做緊lunch set，因為係下午茶既關係，我地兩人決定只點一個餐Lunch set 都幾抵食，有一個前菜，一份餃子，一個主食。價格由選擇既食物而定涼拌芽菜芽菜好爽脆，有麻油拌著，好香～chaochao餃子 (16枚) +$12最出名就係依款餃子，係每日人手包既!!皮真係好薄，同餡料既比例好好，煎到底層有一塊薄脆，增加口感😍 不過今次煎得有啲燶😣 扣分！日本照燒鰻魚飯唔算好大碗，但鰻魚既份量足夠，肉質偏淋。我覺得都係餃子出色啲～

午飯進去不用排隊點了餃子套餐是不錯的坐在bar枱位置 正當想開始用餐時一名高大戴眼鏡的女員工 一邊談話一邊收拾醬料⋯她選擇經過我的飯菜上面伸手去收拾醬料也沒有和我說唔該/唔好意思然後她的腋下就在我的鰻魚飯上面衫袖也快要碰到我的飯⋯這是在日本餐廳感到很沒有禮貌的一件事⋯她其實可以選擇從我的右邊收拾醬料這樣她的腋下就不會經過和隔離枱的飯菜上面⋯然後一邊吃我就一邊有點噁心⋯⋯希望注意一下讓客人用膳時舒適一點的禮儀⋯

第一次去這間餐廳惠顧，12:45 p.m. 前離座可獲85折。食物的味道:味道尚可，餃子皮簿，食入口中與配料相配搭，喜歡淡味道的朋友可值得一試，饅魚飯中的汁略嫌未能提升饅魚的味道，只可以說合乎標準，說不上很好味。服務員的態度我們是在12:45 p.m.離座，由於享有85折優惠，及加一服務費的計算，結帳時發現計算有錯並與服務員反映；失望的是服務員以不好的態度回應，覺得我們只是因為數蚊而嘈。沒錯，只是數蚊的差別，很多人會略過，但我擔心的是如果是立心不良又或者真的是系統錯誤而不去糾正，如果旅客發現，就會破壞旅遊之都的名稱。而且，如果是系統錯誤，也應該知道後去糾正，否則其他食客下一次也會出現同一樣的問題。這不是數蚊定十蚊的問題，而是，如果店鋪明知有問題而不去修正就會影響其他食客。

老婆話去餃餃餃子度食，聽個名我仲以為係一間上海餃子店。但去到門口先知道係一間日式餃子店。兩個人，叫咗五樣嘢。第一樣係 chao chao 餃子，16件， 每件都細細啖。 啲皮都黏得好實，你都好難夾返16件出嚟。夾夾下就皮肉分離。第二樣係三色餃。分別係海老，蘑菇同九條蔥餃子。除咗分得開海老外，其餘兩款食咗都唔知咩味。第三樣就咖喱烏冬，呢個最唔抵食。一個烏冬加咖喱汁就盛惠$48.第四樣係日式牛筋豆腐煮飯。相比個咖喱烏冬，呢個賣相同味道都好食好多。最後係小丸子，話香港店特有，但食落同其他店都無大分別。總括而言，店舖有不同口味的餃子，是有誠意的。不過會唔會試晒咁多款？我就不會了。

日式煎餃界一直bookmark左呢間，賣相同風評都唔錯，點知大跌眼鏡。 鋪頭細細，底層只坐到二十人左右，係門口等左5分鐘左右，落埋單先入座。 平日11:45-17:00都有lunch set供應，包左前菜、餃子、飯/烏冬同飲品，價錢由$65至$88。 由於一心黎食餃子，又見主食飯/烏冬一般，就決定散叫。一早睇中左大受好評既雞翼餃子、牛肉餃子、盛合等等，點知menu雖然有好多頁，但起碼3成既選項都貼左”Coming soon”，變相唔少大熱款式都叫唔到。 本來想叫埋大阪風章魚燒，但店員話2點後先有，menu亦冇寫明，好失望。 Chao Chao餃子 ($42) 16隻見好多人大讚抵食，雖然預期味道冇咩特別都叫左一客，打算用黎填下肚。 點知一上台真係嚇呆左，人生初見手指公咁大既煎餃，睇哂所有食評同相都發現唔到。想分開逐隻食感覺飽肚d，但一拆就爛哂皮。 餃子煎定唔太脆，皮厚餡少，由於唔可以拆開單獨一隻餃子黎食，搞到甩皮甩骨好似廚餘咁，同朋友不約而同懷念起八方雲集大四倍既窩貼。Shake Shake餃子 ($42) 5隻受香港限定吸引，可以揀梅子鰹魚味/醬油牛油味/粟米濃湯味粉。 即炸餃子係全