早安越南 (Closed)

今日放假，我就同男朋友去食越南野。由於係中午12點幾，所以無咩人，入到去環境比較暗。坐低之後，我就叫左生牛肉湯檬，男朋友就叫左青咖哩豬頸肉飯。生牛肉湯檬嘅湯底較淡，牛肉味不夠濃，而生牛肉份量少，可以多返少少，因為都唔平㗎，另外，依度d侍應唔會主動拎青檸辣椒，要自己問先有。而青咖哩豬頸肉我男朋友用一個字形容～就係「正」！椰奶的香甜配以醒胃的微辣嘅青咖哩，加上香脆爽口嘅豬頸肉，可以話係為平淡嘅生活增添小驚喜。總括泥講，青咖哩值得推介㗎！

仲記得好耐以前仲好好味但今次食番好似入錯餐廳咁，裝修的確靚左好多而已價錢好吸引，抵死兼大份既，但食物味道的確嘛嘛地，我叫左青咖哩蟹，馬拉盞通菜同豬頸肉撈檬，個通菜味道出色既，好有獲氣同味道，正評,個青咖哩蟹就唔係好食到蟹味，同埋岩岩炸出黎都無個種熱辣辣既感覺，味道偏淡左小小所以都叫做勉強合格，最大鍋係個個撈檬，唔係打手但真係唔好食，酸但係個種味道唔係平時個種味道，個撈檬味道本身都有啲怪，所以呢樣最唔好食sad

同朋友慶祝完生日食飽飯，去早安越南食返個小嘅晚餐。叫咗四樣嘢，粉皮生菜包，蒜蓉牛油雞翼，軟殼蟹紙米卷，柚子大蝦沙律粉皮生菜包極度推介，一放低已經非常之香，啲肉炒得好惹味，夾住生菜同粉皮一齊食，減低左肉嘅油膩感，所以好好味柚子大蝦沙律就幾失望，平時出去食嘅會以柚子為主，好多柚子，但呢度柚子同蝦都好少，夾左好多其他菜，雖然味道都幾清新，但始終同菜名不符蒜蓉牛油雞翼係最好食嘅，蒜蓉非常之香口，雞翼都炸得好香脆，而且炸粉唔算厚軟殻蟹紙米卷就非常之難食，個皮帶有怪味，而且只吃到炸粉吃不到軟殻蟹，炸粉非常厚整體而言，食物和服務正正常常，沒有什麼特別

平時放工很少到太遠地方，今天放假便到黃埔游走，經過黃埔大天地美食坊便看到越南菜 - 早安越南，也想起很久沒吃的 生牛肉了！ 經過一條長電梯再向左行便到。 環境佈置有越南味道 - 牆身、餐廳門外的車餐牌有多種菜式選擇，為免眼闊肚窄，最後選擇了：-生牛肉湯河 HKD 67送到枱後，碗大份量多，肉仍是紅卜卜的，肉味不算太重但棯三色冰 HKD 28 很多紅豆、綠條等食材又夠凍 職員服務都不錯， 落單快、在繁忙時間仍盡量滿足客人要求 ！

今天在黃埔完成function 後到黃埔新天地的美食坊即D出口（大船旁）步行一分鐘，很方便。環境寬敞有梳化位適合大班朋友聚聚又不會太吵，餐單上有許多小食、飯、麵類等，不容易重覆！ 剛好埋單時1:00pm 又可享用九折優惠，太好了！ 生牛肉湯河 HKD 67上桌時仍是熱乎乎的，牛肉也是按要求「牛肉要生D」、沒有太多脂肪且牛肉也沒有蘇味！份量挺多，整個下午肚子也沒奏起交響樂三色冰 HKD 28 還以為點錯了，因大量的紅豆在杯內，豆熟透情度剛好， 不是溶溶爛爛似的。綠條很快也滑進口嚨好彩身上有現金，原本想比Visa 要滿300才可！

星期五晚同男朋友黎呢度食晚餐，唔使等位，仲安排左四人座位，坐得舒服，餐廳的裝修佈置令環境氣氛好。我地叫左一個牛肉凍濛同手撕雞湯河，我覺得凍濛一般，湯河的湯底就好好味。另外，星期一至五飲品買一送一，叫左個芒果沙冰同埋青檸可樂，抵飲、滿足。

今晚條越南癮又發作, 要搵D 越式野食止下癮。Search 附近地方, 最近就係呢間早安越南, 就即管試下。入座時未夠7 點, 唔需要等位。好鍾意呢到既裝修, 比一般越南餐廳modern, 燈光比較暗, 幾有情調, 坐得舒服, 服務態度好。menu 都有好多選擇, 但食越南野我鍾情蔗蝦, 金邊粉, 今晚都唔例外呀, 另外叫多個菜健康下。呢到既庶蝦比我平時食開既大, $82 有4大舊, 炸得金黃, 唔會太油, 蝦肉爽口彈牙, 舊蔗仍然充滿蔗汁, 配埋最夾既甜酸醬, 仲有最緊要上枱仲係熱la la 的,好味道。我既最愛-越式炒金邊粉($80), 炒得乾身, 唔會炒到好油,唔會炒到一pat pat , 甜甜酸酸的, 味道岩岩好,  有蝦, 有扎肉, 芽菜, 蛋絲同炒, 面頭仲有D 炸乾蔥, 撈埋一齊食, 更加好味。 馬拉盞炒通菜($67), 咁多種炒菜, 最鍾意都係食馬拉盞, 夠惹味, 呢到炒得唔油, 唔會炒到好老, D 菜仲好脆綠。總括: 唔錯, 最鍾意D 食物夠熱, 會再來的。

愈來愈喜歡吃越南菜，今次吃到較地道的了！開心在紅磡的早安越南，餐廳環境很舒服，服務也不錯，店員很貼心有禮貌先點了生牛河，我的最愛，牛湯底濃郁，就是非常地道牛肉也很棒，不會過硬。香料味道也足夠，河粉質地夠彈牙峴港酸辣海鮮湯黑粉絲，湯底可以再濃郁一點，但味道還是很好的，海鮮份量也多，粉絲質地較淋蒜蓉牛油雞翼，我基本上每次吃越南餐廳必点的小吃，這家做得算是出色，牛油香味香，較內面的雞肉也很入味，配上大量的蒜蓉，很滿足還有越南特色春卷，春卷皮較厚身，裡面的料很多，咬下也夠鬆脆，不會太油膩

黃埔美食坊確實有很多美食，款式之多，真係可以日日不同！競爭大，商戶當然要推出下午茶來爭取客戶！想來早安越南好耐了，因為知道佢嘅下午茶好抵食，今日終於有機會！一個粉麵連飲品都只是三、四十元，食物質素有保證，物超所值啊！迷你火車頭，雖是迷你，但都好多料啊！雞絲湯河走芽菜，我的至愛！青檸梳打，消暑解渴，簡直係夏天恩物！下午茶餐之外，可加$25配小食，今次加了蝦醬單骨雞翼，美味啊！香脆之餘，又好juicy👍🏻

下午茶的時間來到了早安越南～點了個生牛肉金邊粉及一杯椰汁紅豆冰，之前有在晚市光顧過，在對比過後，下午茶的粉麵份量明顯是比較小份的，但以下午茶的份量而言，也是足夠的了。湯底味道濃郁，而且夠熱，將生牛肉在湯中浸兩浸便變熟牛了！牛肉味香濃，肉嫩易嚼，好吃！配料芽菜、洋蔥、香蔥、香葉等份量不少，增強口感及更為惹味！這越南湯粉好吃呢！！椰汁紅豆味道也濃濃的，甜甜的！很不錯的下午茶時光！唯一是多了一個多餘的服務費10%......真有必要嗎？另店家必需注意，別老是在客人用餐的時間在打掃地面...沙塵四起，增加空氣中細菌，還好意思叫客人抬高腳，去清掃地上的紙巾？既不衛生又騷擾，還影響食慾呢！

今日同朋友去黃埔行街 第一次去黃埔 唔知有咩好野食 就諗住求其睇下有咩食 點知就見到呢間 一開始系覺得佢門口既裝修好得意 根住望入去就見到間餐廳既燈光暗暗地 加上墻身有啲復古既燈式 幾有神秘既感覺 氣氛十分之好！一入門口啲員工就勁好禮貌咁招呼我地 仲好樂意咁為我地推介野食！根住我地叫左碗扎肉雞絲湯河 諗唔到既系啲雞絲同扎肉都絲多下 湯底幾濃味 又唔算太咸 食完又唔會好口乾個隻 系真系幾好味!我朋友就叫左碗豬頸肉撈檬 佢啲豬頸肉真系不得了 量多質高！佢既表皮脆脆地 啲肉又嫩 值得再食!!!!之後仲叫左碟小食 個春卷表皮夠脆 d餡夠多汁 味道好夾 根住個云吞入面個餡夠多 個皮又夠滑 隻雞翼既香矛味重 聞落好香 又外脆內嫩 不錯！最後竟然俾我地發現左呢個優惠 野飲竟然買一送一 仲要系星期一至五呢個優惠系全日都適用 真系好抵呀 兩杯野飲先一杯價錢！我地叫左杯芒果沙冰 唔會太涷 唔會有好多冰既感覺 好滑 但又唔會話好水 岩岩好 另外一杯就系青檸蘇打 系自己倒d蘇打水落去 再自己吉青檸 個味道可以自己控制返 唔洗驚太酸！整體黎講間餐廳系野食 裝修 服務態度方面都好好 值得再去幫襯 要讚要讚!

放工約咗朋友去黃埔食飯,我哋冇乜幾可去黃埔,朋友話不如食越南嘢,所以我哋揀咗呢間食,呢度嘅裝修比較暗,不過感覺上都幾有情調,入到去被安排坐咗喺近商場門口嘅位置,當人行過呢度開門嘅時候我就好熱, 啲人來來回回咁進出嗰個門口,我又凍又熱又凍又熱 ,搞到我都唔係想坐得太耐我哋立即打開menu睇一睇有咩食,我哋揀咗西貢海鮮炒飯,串燒,小食拼盤同埋馬拉盞炒通菜海鮮炒飯分量都幾大,都幾多汁,海鮮都唔少,幾好食!小食拼盤嘅粉包唔錯,可惜春卷太硬,馬拉盞炒通菜好味,唔辣仲非常入味串燒都好大件唔硬,幾野味

今日黎到黃埔整野, 咁啱就係食晚飯既時候啦, 同同事去左美食坊睇下有咩好食先, E?!有越南野食喎, 好, 一於食呢間啦, 坐位充足, 夠哂大, 但都好多人LOW, 哈哈….好彩等一陣就有位LU.我叫左個順化豬手湯河$71, 嘩嘩嘩, 一上枱真係要嘩一聲, 份量十足, 一D都唔野少, 比起出面真係差得完, 還配上了扎肉TIM呀, 湯底夠哂濃味, 味道帶點蒜香味, 豬手大大件, 骨膠十足, 最啱我地D女士們, 哈哈…..河粉又唔會過淋.同事叫左個蕃茄紅酒牛尾煲$106, 再加左$14要個白飯, 嘩, 好彩叫左個飯JA, 超正呀, D汁用黎送飯一流LOW, 牛尾大大件, 炆得夠哂入味同超淋呀, 牛味亦好濃.今餐真係好好味, 下次會再黎幫襯!!

睇完戲覺得肚餓, 戲院外面又橫風橫雨, 唔想去咁遠嘅地方搵嘢食, 好彩黃埔美食坊有唔少食店, 出到戲院行唔夠幾步就見到依間"早安越南”, bingo!! 一向鍾意食越南野, 仲唔係你!?因為太肚餓, 罕有地唔使幾分鐘就落咗order. 待應好快手, 全餐飯由帶位, 點菜, 上菜, 執碟, 加水, 埋單, 全部都好迅速. 朋友叫咗蝦膏海鮮炒飯, 扒咗幾啖先映相就係咁既效果~ 好香好惹味, 隨手翻開有青口, 魷魚, 蝦同埋帶子. 出乎意料地有鮮味, 食落唔會有急凍海鮮包嗰種冰鮮味. 因為我非常鍾意食蝦膏, 蝦膏滿瀉又唔過咸, 配料又充足, 食得好滿足. 我自己就叫咗咖哩牛腩湯河. 冇辦法我對咖哩牛腩有一種執著-_-; 本來比較扁好巴基斯坦咖哩, 因為鍾意佢香辛濃郁, 估唔到呢度嘅越南咖哩都相當濃郁惹味, 唔係好重椰香, 有少少杰適合掛面, 而且味道唔算辣, 應該女士都啱. 咖哩湯底因為會沉澱, 越底下嘅汁越濃味, 食到中途先記得攪勻啲湯底.牛腩嫩滑無渣,唔係全瘦肉,有丁點肥所以先香口.區區一碗飯/面梗係滿足唔到我地啦, 而且嘢食又真係唔錯, 另外再叫埋小食~炸蝦餅外皮脆得來唔過火, 唔會油

對於一個典型嘅無飯主婦，最鍾意周圍覓食， 早安係近期我喜愛嘅飯店之一， 食物新鮮有水準價錢公道， 環境舒適，最重要係無太多味精食咗唔會成日覺得好口渴……而且店員態度令人滿意，特別係經理每次落去食飯都會見佢主動諮詢客人意見同反應， 敬業樂業。我個人特別鍾意佢嘅生牛肉湯河……湯底味道濃郁生蝦刺身……鮮甜柚子大蝦沙律…… 特別適合夏天，而且係用新鮮蝦黃金中蝦…… 都係算用新鮮蝦作食材，非常惹味豬頸肉…… 香脆又有肉汁