早安越南 (Closed)

We went for two phos: Raw beef pho and a tomato soup pho.The raw beef pho soup lacked flavour and by the time the dish came to table the beef was pretty much cooked. The tomato soup broth was far more flavoursome, a great flavour and we ended up drinking the whole broth!

嚟到黃埔覓食，又點少得去到黃埔天地美食坊呢。紅磡黃埔美食坊雲集多間特色食肆，選擇夠晒多，而近排天氣涼涼哋，最啱就係食番碗熱辣辣嘅粉麵啦！所以就一於試吓呢間早安越南啦。餐廳仲有提供晚餐選擇，比散叫平之餘，仲有飲品送，夠晒抵食。生牛肉湯河湯底香濃，最欣賞唔會成層油，牛肉片份量多，好軟腍，而河粉滑溜，入口有彈性，仲掛上湯。當然湯底仲有唔少配料。記住要趁個湯仲熱，張生洋蔥浸熟呀。扎肉手絲雞河粉扎肉手絲雞嘅湯底相對較清，份量同樣十足，配料有扎肉、手撕雞，除咗香葉，仲有炸蒜片，令成碗湯粉錦上添花。而晚餐配嘅飲品仲可以叫特飲，我哋就叫咗鹹檸七同鹹梅七。

黃埔而家通了地鐵, 行街shopping都非常方便, 傍晚在吉之島置辦年貨, 買完行到對面馬路的黃埔美食坊去搵嘢食, 美食坊內有間食越南嘢的餐廳, 叫”早安越南”,於是我們行了入去, 坐低之後便各自叫了蕃茄海鮮湯河及生牛肉湯河, 另外都叫了個越南特色春卷share來食.越南特色春卷首先上枱, 熱辣辣的春卷每條都剪成兩舊, 伴有好新鮮的生菜及粉紅色的酸酸辣辣的醬汁, 我將春卷用一片生菜卷起, 再點點醬汁送入口, 入口先是嘗到了酸辣的醬汁, 跟住是咬到索索聲的生菜, 生菜又爽又甜, 再到裡面超級脆的春卷外皮, 再咬落去, 是春卷的餡料, 有些粉絲及豬肉碎, 全部的嘢在口腔中混合, 多重口感, 酸, 辣, 爽, 脆, 甜, 軟, 香, 哇! 這越南春卷真的是超好食呀!之後, 我的蕃茄海鮮湯河也來到我面前, 蕃茄海鮮湯河的湯底好有蕃茄味, 好好飲, 仲有好多蕃茄, 洋蔥, 海鮮有魷魚, 蠔, 蝦等等, 材料都好豐富, 我食一著河粉就飲一啖湯, 覺得真的是好好味呀, 個湯底真的似屋企煲嗰種蕃茄湯, 不是太濃但很有蕃茄味, 仲有海鮮的鮮甜味, 成碗少味道好夾, 唔覺唔覺, 我已將河粉及湯食到干干淨

見裝潢幾特別就入去叫左4個菜，但可惜冇一個係好食的!肉骨茶：侍應話唔辣, 但其實係幾辣下! 除了辣就只有苦味!牛油雞翼：味道OK, 但真係太油, 成張吸油紙都吸唔晒D酒油菜苗: 好大碟, 食落有種好怪的鹹味! 越南炒飯：完全冇味! 唯一比較好的就是服務, 基本上一揮手, 侍應就好快會過黎~ 

今日去左黃埔食飯，一個人又唔想食得太麻煩，去左一間越南餐廳食越南菜。晚市時段人客都唔少，等左一陣先入得。我先點一個小食，越式春卷。春卷有六件，外層非常香脆香口，中間餡料滿滿豐富，唔會炸得好油膩，包上生菜更添清新開胃口感。好鐘意春卷炸得金黃，我一個人都食得哂！之後再點一個生牛肉湯河，牛肉片香嫩香滑，牛肉粉嫩肉味濃郁，河粉爽口掛湯力高，湯底清甜清香，入味濃香，表層無油花，飲得好放心。餐廳食物選擇多，環境好舒服架！

黃埔自從地鐵站開通黎，越開越多餐廳，今晚就過黎搵好野食！門口已經見倒裝修好有特色！好似真係去左越南食飯咁有2人同4人套餐，岩哂咩都想試既食客，見倒下午茶都好抵，下次要黎試下！店員安排左座位喺廚房對面，呢個霓紅燈好靚忍唔住影低左。飲品一至五全日都有買一送一！好抵叫左一杯紅豆杯同一杯三色冰，椰汁味濃郁，紅豆煮至起沙好軟綿！三色冰亦有好多配料！鮮蝦扎肉米紙卷，啲料多到爆哂出黎！見倒米紙卷內有粉絲，鮮蝦、扎肉、青瓜、蘿蔔同生菜，咬落好爽脆，配埋醬汁酸酸地好開胃！生牛肉湯河，湯底有淡淡牛香，而且香料味突出。牛肉粉量多，有牛味，牛肉浸到尾都依然唔鞋口好嫩滑。河粉好滑溜，入口有彈性平時食生牛河店鋪都會送上一碟配料，有時唔夠就要再拎、呢度係成兜俾你慢慢落，岩咩我呢啲中意多配料既人馬拉盞海鮮炒飯，一黎到就聞到好香，食落仲好惹味配料仲好豐富，有青口，魷魚，蝦同青口等，食落都好爽口！飯粒炒至粒粒分明唔會好濕。特別一提店鋪上菜速度好快！！！

很喜歡越南菜, 這間是我很喜歡的越南餐廳。午餐點了三餸一飯配肉骨茶湯。先來越式小拼盤, 包括雞亦, 春卷, 粉包, 當中粉包配鮮蝦餡料最為鮮味, 下次會獨立點一客。軟殼蟹米紙卷, 沙律菜嬌嫩微脆, 鮮度十足, 份量足夠, 口感扎實。軟殼蟹木瓜絲沙律開胃, 酸甜恰度, 材料健康。這裏的軟殼蟹, 大大隻, 鮮味濃郁。椰汁海鮮焗飯, 海鮮包括有青口、帶子、大蝦、魷魚, 椰汁香滑香濃, 令人口齒留香, 雖不以椰子盛載, 以瓷窩奉上亦保暖衛生。肉骨茶雖一人量, 但份量有兩碗, 似四物湯, 香濃藥材, 感覺滋補, 令人窩心的一餐。

今日落街同屋企人食晏，去左食越南菜 - 早安越南，個名好得意😛 一直覺得越南菜同泰國菜有d菜式方面好似，雖然食完都唔太識分，但都係好好味啦👅 冷盤我地嗌左越式酸辣鳳爪同涼拌秋葵🐔🥗，嫲嫲兩個都鍾意食👵🏼 鳳爪酸酸甜甜咁好開胃，唔算太辣，啱唒!🤤 秋葵有碟好特別嘅汁料，俾我地點住食，可以辟一辟d青味，我平時都唔食秋葵因爲覺得有陣好青嘅怪味，但呢度嘅汁有d蒜香加越式香料嘅味，點落去食好夾👍🏼👍🏼 主菜我地嗌左馬拉盞海鮮炒飯、香茅牛肉炒河，同埋越式炒金邊粉😆 大碟又好食，口味幾正宗，好惹味☺ 每一碟仲有生菜伴碟，令視覺同味覺上感覺無咁油膩。d料都好多，海鮮同牛肉都好新鮮，唔似急凍嘅味道，值得一讚👩🏻‍🍳 食到差唔多時，我地叫多個馬拉盞炒通菜，味道不過不失，食落好香又唔揩，偽健康一下哈哈🥗 環境方面都值得一提，neon light board睇落好有feel📸，燈光亦令到氣氛好舒服，有放鬆嘅效果，好適合一家大細或者同三五知己一齊嚟食😚

抵食下午茶•大大碗濃湯生熟牛肉河配熱檸檬🍋水加$25仲有塊香茅豬扒,想贊下塊豬扒又煎得幾香同野味,夠淋又唔油，碗牛肉粉個湯夠味,牛肉來的時候剛熟，個粉夠滑呀👍🏻

成日出街食飯，如果想食清少少我同老公會選擇食越南野食下湯河，黎開黃埔呢頭見到呢間裝修幾有特色，價錢又適中，就黎試試佢先。生牛肉湯河 - 賣相唔錯，牛肉生熟程度合理，牛肉大塊份量亦足，有足夠香料之餘，有部分仲用匙更盛住，讓人可以自由選擇多少，感覺貼心，對於就係鐘意佢陣香料味黎講o既我地，當然一粒都不會放過啦🙈另外我地仲叫左個一人份肉骨茶，見到隻碟就知道呢間餐廳係風格方面下左功夫，雖然味道就未如我所喜好，未夠多藥材味，如果你好怕藥材味就絕對無問題喇。

好耐無過黎黃埔行吓，好多餐廳都轉晒，不過勝在多選擇！ 今次就揀咗食越南菜，比佢嘅店面吸引咗入去。呢間嘅裝修明顯花過心思，由menu內頁設計到餐具都有誠意，模仿到好有越feel！叫咗份細拼盤，份量都算係ok，雞翼略嫌淡味，春卷有兩款，絲網春卷味道較佳，蒸粉包一般。另外我地揀咗兩個粉，一個係火車頭湯河，盛惠$91，份量同埋啲料都好足，味道算唔錯！如果平多少少個性價比就perfect喇！！而另一個係蝦餅凍檬，蝦餅就有啲失色，唔係好夠熱，同埋唔夠係出面食嘅泰式炸蝦餅咁香口同埋咁有口感。總括黎講都值得一試，可以再幫襯，因為佢都有好多款餸，同今次無試飲品，下次試吓其他菜式睇吓有冇驚喜！！但係黃埔有咁多選擇，可能都要隔一排喇。。。Hungry pig溫提： 夠$300先可以簽卡！

約了朋友今天一起吃晚餐餐，我們來到早安越南，這店名夠新鮮，這裡的裝修很別緻。香茅雞扒湯河 $61雞扒很新鮮，肉質很嫩，河粉很粗細剛好，很滑，尤其是湯的味道很香。青木瓜沙律 $56青木瓜切成細絲拌上沙律，酸甜脆脆的，很爽口。香茅豬頸肉湯河 $61豬頸肉很嫩，瘦中帶點肥口感非常好，煎得恰好，配上湯河真的好吃，一大碗都吃完。好滿足的一次越南餐，朋友也是贊不絕口，令人不禁勾起越南旅行的念頭，真係要好好計劃一下先得。

自從上次跟表弟去黃埔後，有好一段日子沒有過來，天氣似涼還熱，熱底小妹忍不了焗促感，快快找地方涼冷氣，順便醫醫肚🤗香茅豬頸肉湯河61上菜快，賣相佳，切得不太薄，豬肉有咬口，很香口，粉夠滑溜，同學說吃完暖笠笠呢！香茅豬扒凍檬61分開上，感覺很好👍🏻煎得金黃可口，肉質鬆化拌著花生碎什菜絲🥒檬粉撈起吃，酸酸的很開胃，清爽健康。椰子沙冰28椰味香濃，不會很冰的狀態，份外解渴，也不會加過多的甜☺️牛油果沙冰28價錢超實惠，大大杯才二十八個大洋呢😍整杯都是天然牛油果香，幼細到不得了。食後感：環境很好，卡位舒適，食物質素高，定價便宜。

見完客同老公再encore 越南野，上星期先食完但未夠喉朱頸肉涷檬，檬粉比較少朱頸肉OK不太乾但因為前幾天先食完另一間個檬粉汁只是一味酸，不夠另一間做得好小食拼盤，唔記得幾錢，印象中幾抵而且二人份，啱啱好👍🏻越南春卷做得最好，鬆化一點都不油膩飲品買一送一，抵我們點了三色冰(好過冇)和老公最愛的咸0 7整體而言: 如果是街坊食堂可能會常去，但如果特登去就不必了吃完老公說真的登”亞呂”(另一間紅磡越南小店)可惜，越戰都捱過了，竟然不敵資本主義的租金😥😭

非常好服務, 叫左凍飲自己夾開d冰,佢會主動埋黎換碗碟。隔離枱唔小心打瀉左我地杯野飲,佢第一時間俾過一杯新既我地。。。 野食都好ok, 香港的越南菜黎講有水準! 難得。