昭拍耶

Open Now

Now Closed

我經常要喺九龍城做嘢， 九龍城出名就係食泰國嘢 ，呢一間就係我成日都會去嘅泰國飯堂啦！我最鍾意去呢度食晏晝，因為佢哋嘅晏晝非常抵食， 平均大概四至50都已經有個午餐連嘢飲，可以追加一啲特色小食例如炸蝦餅只係加18蚊， 私心推介最鍾意食嘅冬陰功湯河，材料十分足，最鍾意佢哋冬陰湯就酸，仲有佢哋用嘅可粉係闊嘅河粉，正方形咁！ 唔似一般既可分咁容易軟淋淋 ，但又索到曬所有湯嘅精華，而且細細塊呀一啖一口 夠曬斯文，食落嘅時候唔會出醜！另外我推介大家飲佢哋嘅檸檬紅茶，同出面嘅唔同，試下你就知啦！唔記得話畀大家知 星期六佢哋都有午餐食㗎 價錢一樣

🎈#cathlife_yum 九龍城屹立了不少有名好吃的泰國菜今次介紹的是由第三代傳承的泰菜館—昭柏椰∖∖∖∖∖∖∖∖∖∖∖∖∖∖∖∖∡🌶️香草肉碎生菜包($68)👍🏼這個是必點的菜式，能吃辣的朋友必定喜歡！肉碎調味並不過火，不會過鹹和有味精不吃辣的朋友可以點不辣，也一樣好吃🤤🤤.∡串燒<半打起> ($68/6pcs)🐷只提供豬和雞的串燒，串燒表面塗了蜜糖雖然串燒並不大串，但我認為作小吃份量是剛好的，因為還有其他菜要嚐呢😆.∡椰汁海鮮焗飯($98)🤩賣相很吸引！用椰皇上枱把整個飯的吸引力和味道升華🔝椰汁味好重，吃得出焗飯是用了椰漿和椰皇水所以甜甜的，有點像吃椰汁糯米飯🤣飯裡有很多片椰皇肉、青口、蝦、蜆等👏🏼👏🏼👏🏼好足料！

同事介紹話呢間泰國菜抵食，於是我地就係Lunch Time拉大隊去食返餐😂🔹泰炒金邊粉$58 ：超足料🤩入面有豆腐卜、鮮蝦、蛋絲、香蔥、芽菜，樣樣都有齊👍🏻旁邊仲有花生醉❗️而佢個金邊粉炒得唔會好濕，偏乾身😍所以入口就比較有嚼頭😋🔹海南雞飯$58 ：雞肉夠滑溜😍但我地就略嫌佢啲雞少咗啲😂油飯都做得唔錯👍🏻夠晒香🤤🔹泰式豬手飯$58 ：豬手夠晒腍👍🏻一啲都唔嚡口！做得唔錯，再配埋個甜酸醬🤤送飯一流❗️值得一讚嘅係，豬手毛都清理得好乾淨👏🏼一條都見唔到👍🏻🔹炸蝦餅（跟餐加$22）：雖然只得兩件，但跟餐加$22都算抵食❗️平時就咁叫一碟炸蝦餅（4-5件）都要$70-$80😢所以佢真係算抵食😎味道方面都有水準，炸粉唔會過厚👍🏻蝦肉彈牙，夠新鮮🤩🔹酸辣無骨鳳爪（跟餐加$22）：同樣跟餐加$22就有一碟，但就份量就唔算多，真係一人份量😢但味道又唔差喎❗️酸味同辣味都做得好平均👍🏻食完好開胃😎🔹豬肉串燒6串$68 ：跟碟嘅係沙嗲醬，食落帶有花生香味同埋酸酸甜甜🤤唔錯❗️評分味道：4/5環境：3/5服務：3/5性價比：4/5回頭率：4/5

夜晚經過排晒隊，呢間泰國餐廳下午反而冇乜人，入去只見四位客人，可以安靜嘆番個午餐啊！一坐低，當然要食番個生蝦刺身，生蝦隻隻都咁鮮甜爽口，配上酸酸甜甜嘅醬汁，十分開胃。佢嘅船麵細細碗，湯底香濃，加上超香脆嘅炸豬皮，正啊！另外有一個滷水豬手飯，豬皮住得好軟滑，肉質都好鮮嫩，送飯一流啊！佢仲要俾埋炒芥蘭係隔離，你個午餐真係好豐富！午餐仲可以加炸蝦餅，$18就有兩件，超抵食啊！平時出去食，七八十蚊先得四件，咁抵食點可以唔叫？

九龍城多泰國人住 自然就多泰國餐廳😋 今次去左呢間外型超搶眼👀 門口藍色裝修配大大個霓虹燈🤣 內裏就較為樸實啲 似屋企既感覺🏡 🦪泰式鐵板蠔餅 $98上枱滋滋聲就知係新鮮整 大塊蠔餅芽菜墊底 混合紅椒同葱 口感幾豐富 蠔仔都幾大隻添🤭🐷泰式燒豬頸肉 $98 原塊豬頸肉 每塊都厚切 好爽口 最特別係個汁 同外面淨係食到酸味既好吾同🍕黃咖喱雞脾配薄餅 $72黃咖喱吾辣 雞脾肉吾算嫰 雞脾一般大隻 薄餅同係印度餐廳食到既差唔多 主要係食個汁 吾算十分特別

元旦日搵食搵到嚟‪九龍城，九龍城‬多泰國餐廳就係人都知，今次就揀左呢間慕名已久既昭拍耶做今年第一餐晚飯既地方。招拍耶響泰國意思係指最主要最大果條河流，入到去就發覺同其他泰國餐廳有啲唔同，首先係冇左啲泰皇相同埋神像，原來個裝修係由前身既雜貨舖改裝而成，有少少本地元素，牆上面有好多鐘做裝飾（唔知係咪有分時區呢），走型格路線，感覺有啲特別。話明元旦第一餐，肥仔野梗係唔少得，兩個人叫左最愛既蒜蓉包，生蝦，柚子沙律，生菜包同埋南瓜咖哩，食到飽到一個點。整體味道水平中上，誠意推薦。

已經幫襯呢間餐廳好多年，甚至乎會揸車去買外賣返屋企食。午餐 / 下午茶都好優惠又好食。今日有朋友一家由澳洲返嚟香港放假，我就安排大家一齊食泰國嘢聚一聚。晚飯中途，突然有隻老鼠係收銀枱上邊的大花架行嚟行去。朋友一家背着坐，睇唔到。因為朋友一家有兩個小朋友，為咗唔好失禮，都焗住繼續食。晚飯後大家傾計嘅時候，隻老鼠又出來天花架度行。我終於忍唔住，同餐廳職員講，餐廳職員嘅回答係「都冇辦法，捉唔到」。餐廳有老鼠一個好大嘅問題，職員回覆得好似當冇一回事，好冇責任。以後一定唔會再幫襯！

好耐冇同兩個小同見面啦, 今次大家約左去九龍城食泰國菜~男小同之前嚟過佢個分店食飯, 話啲野食好好食同環境好靚~我同女小同早到左去分店攞位, 點知發現已經停左業, 唯有行多一個路口去嚟總店食啦~總店同分店個裝修好唔同, 總店呢度係似泰國當地家庭式經營嘅餐廳, 店員溝通都係用泰文, 牆上仲貼左好多泰國廣告poster。座位亦唔算多, 我哋入嚟嘅時候有三,四枱客, 坐低左無幾耐已經滿左客。我同女小同都開始肚餓,就決定叫定野食等男小同。我哋叫左半打串燒(雞肉+豬肉), 泰式炒金邊粉, 南瓜咖喱軟殼蟹, 薄餅, 馬拉盞炒通菜, 同埋椰汁千層糕。串燒燒得啱啱好, 加埋沙嗲醬好香, 又酸酸甜甜, 做前菜開開胃😋😋南瓜咖喱軟殼蟹, 軟殼蟹炸到脆卜卜點咖喱, 好中意泰式咖喱唔太辣但好香椰奶味😋😋試埋個南瓜, 南瓜如果蒸耐啲會好啲, 有啲位仲生生哋太爽口, 我同朋友都中意食稔身啲。用薄餅點埋啲咖喱食仲好食😋炒金邊粉有原隻蝦, 豆干, 芽菜, 有唔同嘅口感, 加埋脆脆嘅花生碎, 好香, 好好味😋😋馬拉盞通菜炒得好香, 唔會太咸😋😋椰汁千層糕加椰漿之後好好食, 暖暖哋, 好香椰子味, 一層層, 好煙韌, 但

去食呢間泰菜記得要book位呀，因為佢店面好細，得幾張table，店面裝修都幾靚，燈光暗暗的都好有feel。不過，食物就同一般泰菜食店差唔多，無咩特別或者係佢地先有得賣既食物。試左佢地黃咖哩，都係一般泰菜水準，唔係特別濃椰香，配薄餅、香脆唔油唔硬唔怕會熱氣既。大蝦沙津酸酸辣辣夠晒泰式風味，份量唔太多唔怕食到成口又酸又辣。香茅雞翼夠晒脆口，肉質剛剛好唔會太硬夠晒入口，即得試下！飲品就試左椰青正常味道但椰青水唔多，再配多杯龍眼冰，呢杯龍眼冰夠多龍眼肉，但就甜左dd😚

星期日午餐選擇係九龍城昭拍耶食，其實係隔離街已經有佢的分店，不過今次仍然選擇係舊鋪食。我叫左泰式豬手飯（$58），豬手相當稔而且醬汁酸酸甜甜好適合送飯，不過美中不足嘅係某部分豬手的豬毛無清理乾淨，夾上手明顯見到有豬毛🤭同行朋友就食乾炒肉片河粉（$58）炒得好後鑊氣，而且真係條條河粉都好夠味，唔會係一啲入味，一啲淡茂茂，配合埋啲芥蘭菜、紅蘿蔔、蛋絲一齊食係好好味，我都忍唔住口係咁食朋友碟河粉。餐廳會另收加一服務費，其實呢個午餐價位係九龍城眾多泰國餐廳黎講其實有啲貴。

我終於食番陣味！喺曼谷食過最好食既船面份量就係改良版本 ，係大碗少少。絕對唔係細到爆嗰隻。雖説改良版本，但當正餐一定都係唔夠，其實大約係正宗細船麵既4倍左右份量！湯頭先係靈魂所在，哩碗湯絕對係曼谷食到好食既味道。 首先佢除左有不同既香料 “香味”外。佢係有味道的！ 泰國菜一貫嘅味道會有少少甜味，重點係有少少辣味！重口味既朋友哩碗船麵，您一定會好喜歡！ 但相反，唔食得辣既，哩碗麵係會有辣味既。 而麵就係金邊粉，煮得岩岩好！ 無過龍！配有炸豬皮！ 開心！ 但正正有一個可惜位，就係菜既部分.... 竟然唔係通菜！ 雖然生菜都好食... 但通菜就更「泰國」。所以如果閣下係惗住通菜，去食哩個麵，就會有少少失望既！ 另外附上餐單，上面都有幾多抵食之選供大家參考

喺九龍城揾緊泰國嘢食，見呢間好似幾新幾光猛就入去試試。兩個人叫食叫咗一份生蝦，燒豬頸肉，馬拉盞炒通菜，椰子雞湯，蒜蓉包同薄餅各一份。講真我哋係有食晒嘅但兩個人食就真係太多太飽啦。生蝦係食泰菜必點嘅，呢間嘅生蝦一客有6隻，每一隻都有粒蒜同紅辣椒。係新鮮嘅，可試嘅，大概80蚊一份。但汁唔辣。值得一讚，每隻蝦都有跟蝦頭，而且係炸咗挺有心思。一份燒豬頸肉嘅分量係幾多下，有跟醬汁，見嗰汁係幾深色諗住個汁重味兼幾辣下。但原來係唔係好辣接近唔辣。見好多人有推介椰子雞湯就滿心期待叫咗，但個人認為只係有椰子味嘅冬蔭公冇好特別。我哋叫咗個細嘅，上嘅時侯有一個椰青裝滿湯另加一碗用碗裝嘅，店員話因為個椰青唔夠裝(漏咗影抱歉)咖喱雞係完全唔辣，可以俾小朋友食。雞係彈牙嘅呢點正。整體黎講呢間泰菜嘅嘢食可能偏貴，不過量多質素ok。

想食泰國菜好自然會聯想到九龍城，事關有好多泰國餐廳都扎根係呢度好多年，隆姐、小曼谷、黃珍珍，隨口講都幾間。今次我就想寫下呢間昭拍耶。昭拍耶呢間餐廳有2間店鋪，第一次認識佢係因為開咗係隆姐附近，而且裝修好靚，係等位嘅時候，個姐姐提議我哋去另一間店，可以唔駛等位。果然；我哋一去到就可以坐低，唔駛等。我哋分別點咗蝦醬炒飯、豬頸肉生菜包、同埋椰青雞湯。蝦醬炒飯唔太重蝦醬味，不過上面隻雞蛋邊炒到金黃色，令到炒飯挽回唔少分👍🏻平時食生菜包都係生菜配粒粒豬肉（打泡豬）估唔到生菜配豬頸肉又夾到，而且豬頸肉本身有小小酸汁，加咗生菜後令人食唔停口。不過講到最驚喜嘅係椰青雞湯。叫嘅時候都抱有懷疑，擔心椰青甜同雞嘅鹹唔夾，但當我飲嘅時候，原來個湯用咗青檸嘅酸中和，令到呢個湯同時出現甜、酸、鹹嘅味道，而飲落去又會令你感覺呢三種味道都好平均。必食之選！

之前成日去馬來西亞同泰國，返到嚟都仲係成日恨食船麵，有一晚瞓唔着，係咁上網睇吓香港有冇好味嘅船麵，點知比我係一個網頁入面搵到全香港10間好味船麵嘅推介，其中一間排名都幾高嘅就係我屋企附近，九龍城既昭拍耶，第二日即刻要去食啦！招牌船麵下午茶只係28元一碗，抵食！非常正宗，湯底好濃郁炸豬皮好香脆，完全就係我想要嘅味道不過喺泰國食，會更加洗碗，我每次都食10碗老公帶咗呢個另一款下午茶，辣辣嘅湯底幾惹味，不過都係我個碗船麵最好食另外再追加一份炸豬皮，炸得好香脆，完全唔會覺得油膩另外嗌多個咖喱雞配薄餅，感覺還可以我諗不久嘅將來我又會走去食船面下午茶，應該都食到三碗

今次聽朋友介紹黎食 我地3個人2點半左右食因為朋友生日所以我買左個蛋糕去 個侍應都好醒目幫我收埋個蛋糕一開頭叫左生蝦 有6隻 d蝦頭都有炸過 我朋友都有食埋d蝦頭 生蝦都好新鮮 個汁都唔算辣因為午餐既關係會有得叫set 估唔到星期六都有setset係一個飯/麵 再加杯野飲可以再加錢叫炸蝦餅同酸辣無骨鳳爪 大概20$一份我地午餐叫左個泰色豬手飯($58)豬手都算多而且砌成一小粒 可以一啖一舊 而且仲比左好多菜 豬手好腍 個皮好好食 忍唔住係咁食 加左個炸蝦餅 但係得2件 廿蚊黎講就真係有點貴不過都夠熱夠脆夠彈牙 之後叫左船河($28)裏面有d 炸豬皮 豬肉 肉丸 香草 芽菜 個面就好似金邊粉 個湯好濃郁 但又唔覺得佢有落味精 我地仲拎d湯黎撈飯食仲叫左個肉碎生菜包 不過不失啦另一個午餐係濕炒肉片河 味道同平時出面食既差唔多 冇乜特別 但都算多料再加左個無骨鳳爪幾好食 汁唔算多 但略嫌鳳爪既份量比較少最後同我朋友切蛋糕 個侍應都好醒水 會留意我地係咪就黎食完 同我打眼色睇下幾時拎蛋糕出黎 仲係餐廳播生日歌 我地話想要泰文版 佢仲幫我地搵 哈哈最後3個人每人除番大約130蚊 仲唔洗切餅費添