祥記飯店 (Closed)

上星期同家人來食晚飯，叫了四個招牌小菜，嘴刁的媽媽竟然每個菜都讚不絕口。三個女人可能比較「細食」，餸菜份量比較小，但我們都夠飽。($80/head)推介：﹣白肉粉皮﹣鴿鬆生菜包﹣糖醋排骨今晚再去，叫多了幾味，重有北京填鴨和砂鍋雲吞雞，都好好味，不過埋單就要成 $160/head.

5月15日晚上和同事一行12人到祥記, 我第一次黎, 聽同事話依度啲嘢好好食, 點了:醉雞 (酒味好濃, 但口感有些”鞋”)素鵝 (一般, 我比較喜歡北京樓)鐵板蝦 (味道濃, 好味, 配銀絲卷一絕!)津白雲吞 (湯底清甜, 雲吞好味)紅燒元蹄 (好味, 如果不怕肥)鱔糊 (半正宗做法, 正宗是把蒜泥和芫茜放在鱔糊面再淋上滾油, 而他們只放蒜泥沒淋油, 適合香港人口味)义子燒餅 (不過不失, 食唔食都無損失)芙蓉菜卷 (幾特別, 心思菜)雪菜少炒飯 (唔太突出, 可以不食)高力荳莎 (尚可, 但我也是較喜歡北京樓做的)

又到拜山時，每年拜山後總是全家總動員來到呢度食晚飯都食左超過五年，每年總是清明重陽各來一次，全家的長輩對呢間野都推祟備至，主要原因是呢度水準相當穩定，每次來到都係咁好味﹗無咩影相只係影左我最鍾意既一碗湯，沙窩津白，鮮甜味美，味精應該不多飲落好舒服﹗我最鍾意是其既可飲到津白的清新又有火腿的肉甜，滿足﹗仲要推介係呢度既燒雞及蔥爆牛肉燒雞咁多年都咁香脆好味，又夠大隻﹗蔥爆牛肉夠香夠腍，0的蔥用黎送飯真係一流﹗來到的不坊試試呢﹗

以前係灣仔返工所以成日黎, 依家偶爾都會黎食晚飯. 午飯時間好多人, 最好book 定位. 晚市好熱鬧, 有時book左位都要等一陣. 前兩日約左幾個朋友食晚飯聚舊兼團拜, 食左冷盆燻魚拼素鵝, 山東燒雞, 紅燒排骨, 宮保大蝦, 清炒豆苗, 北京炒拉麵, 小籠包, 同甜品高力豆沙等. 味道保持水準, 山東燒雞依然係咁好味, 最好係個炒麵唔會太油. 夥計都係果班人, 個個笑容滿面, 做野落力, 部長仲會過黎同你傾兩句, 成餐飯因為咁而加左分.

食o左七個餸，覺得最好味都係呢兩味餸：（一）鍋巴，汁的濃度適中，鍋巴好‘新鮮’－－好脆呢！（二）高力豆沙加香蕉，好特別，又整得好食。

回歸日食完美利堅大失所望後，細妹讚附近祥記的水準更好。又聽老豆從提舊事，原來40多年前，祥記已在灣仔經營，又是一間老字號的館子。雖然是老店，但地方乾凈，坐得舒服。素鵝-料好少，腐皮較多，煙燻味唔突出，美利堅做得較好。雞絲粉皮-粉皮爽滑，雞絲及青瓜絲份量又多，再配以麻醬及芥辣特別醒胃。烤填鴨-色香味俱全，燒得好靚，鴨身光澤又飽滿、皮脆肉嫩，唔會過肥。糖醋里脊-細妹推介，炸得脆口，甜酸味適宜(但老公嫌過酸)。和菜帶帽-粉絲、肉絲、芽菜等小菜再蓋上一塊炒蛋，是一道簡單的菜式，味道好，做得不會過油。大鹵麵-老豆欽點的，因為佢要回味40多年前的大鹵麵，我認為麻麻，麵條過腍。拔絲蘋果-待應哥哥好用心的，將每件蘋果過冷河，所以每件都好脆口，蘋果夠爽、外層糖衣又甜又脆，這個甜品美利堅遠遠追不上。

真的是一個"老朋友"聚會,是十年前放低書包"出嚟行",識的第一班同事. 駱克道是我們的舊地頭,但係今晚我哋5人中4個第一次到此"踩埸". 門口幾細,幾乎行過龍,要上一堂木樓梯(都幾decent).在下7點準時到,但竟然係全個場唯一的一個人.沒華麗裝修,感覺似舊時的泉章居那些老式飯店.紅燒排骨---非常好(肉同d軟骨都又腍又人入味)山東燒雞---好(皮香肉滑)芙蓉菜卷---非常好(津白包住炒蛋白蒸,扣上金華火腿 茸茨汁,清新又惹味)素菜餃---非常好蒜蓉白菜仔---好糟蹓魚片---好(酒味好香,魚片嫩滑)(那小小一碟大豆芽豆卜算係驚喜!)冇加一收費,經濟實惠.落樓時居然見到有人等位呢!!

舊同學生日今晚於呢樹同佢\老人家慶祝下,沿途一路行街道兩旁都有五光十色o既酒吧,但行緊時真係要留心d唔好掛住望其他因\"祥記\"門口原來只得條樓梯重要上一層先得!招集人負責點菜我當然坐係樹等食啦,等人齊即上菜......冷盤拼盤(燻素鵝_海蜇_牛展)--素鵝煙燻味幾好其他就比較普通紅燒海參--食落感覺只得油膩感,可以唔叫!山東燒雞--食落肉質乾柴柴鴿鬆生菜包--配料炒得幾香同幾好食另唯一一次居然係生菜有剩!酸辣湯--料足另酸辣度幾好!蔥爆羊肉--炒得好香另羊肉食落有少少羊臊味,唔錯......反而同檯朋友唔太喜歡糖醋黃花魚(見圖)--肉質唔錯甜酸度適中小籠飽--上檯時居然唔係籠上都有d怪,食落普通!高力豆沙--即叫即整食落熱辣辣唔錯!埋單$13xx,整體食物都有水準,而服務都滿意唯一問題係因環境唔算大檯與檯之間都幾迫,真係大聲d都嘈親隔離檯!走時望望個招牌居然寫住\"北京菜\"而頭先見餐\牌上大部份菜式以\"上海菜\"多感覺有怪怪咁!

午飯時段都幾多人, 好在有訂檯.山東燒雞: 幾好. 雞肉尚算嫩滑.素鵝: 有朕煙燻味, 幾特別.芙蓉菜卷: 味道清清地, 還可以.炒拉麵: 不吃也罷.xx排骨: 忘了名稱, 反正也是不吃也罷.小籠包: 咦? 籠呢? 怎麼會用碟來蒸的? 皮太厚, 沒有肉汁, 早知吃水餃好了.高力豆沙: 不過不失.買單$440, 午飯來說不算便宜, 但可以一試.編輯先生: 這店子說自己做的是北京菜, 而非上海菜啊~~

一直都耐不耐就幫襯祥記, 貪佢價錢唔貴,方便就腳, 而且食物又唔錯。但今次去就感覺明顯差左囉。食既野同之前差唔多, 都係蔥爆牛肉、蝦籽豆腐(至愛之一)、砂鍋什錦、小籠包、仲試左山東燒雞。蝦籽豆腐細碟左, 又冇以前咁好味, 燒雞唔係好掂, 北京樓好食好多, 蔥爆牛肉都細碟左, 夾兩夾就冇晒。品質同份量都有所下降, 睇黎會減少之後幫襯既次數喇。

北京填鴨芝麻飽鉄板牛肉砂窩云吞手撕雞葵蓉菜卷海哲皮素卷炒鴨肉合桃湯丸

11 May 2005 @ 祥記飯店歡送同事，吃區內著名京滬菜祥記飯店的格局如一般老牌菜館無異，侍者永遠是四十來，五十歲的中年男士，衣著也是一貫White Shirt, Black Trouser，店舖沒有華麗的裝修，像走進老式茶館似的。至於食物質素，還可以吧！最好吃是那個芙蓉菜卷，以津白包著炒好的蛋白，再加進冬菇和蘿蔔絲蒸煮，很清新。砂鍋雲吞雞醬爆雞丁雞絲粉皮手撕雞芙蓉菜卷素菜餃塞旁蟹上海粗炒干煸四季豆------------- --HK$948

有朋友生日一大班人選擇去祥記開餐地方細細坐落去好鬼迫食個方面同價錢尚算ok