祥記飯店 (Closed)

jul 16, 09,共16人(1張枱)來lunch,叫咗 : 1) 素鵝 (中)-必叫嘅小食-並非食開炸嗰隻,卷有紅蘿蔔絲同菇絲-最突出喺個溫和嘅煙薰味-好味,我都快手食咗2件 2) 韓國肉 (大) -有d似蒜泥白肉,不過大部份d肉嘅肥膏邊都被切走-肉質雖然唔滑,但就食到肉嘅質感,所以應該無被處理過-我就無蘸到伴上嘅汁來食-原來底下墊有粉皮,好彩我無叫到雞絲粉皮啫 3) 燒元蹄 (hk$280)-張相為1/2份量 -肥膏相對例唔算多,個汁涼咗之後都無"鯨"埋-d肉已經炆到好腍.肉質1絲絲,索埋d汁,好味,唔會好鹹-肥膏同皮我都剧咗少少嚟食,入口唔肥膩,當然不宜多食啦 4) 糖醋排骨 (大)-張相為1/2份量 -呢個我就唔多鍾意佢嘅粉漿處理,因令到排骨入口感覺太厚/硬-可能我無預過會當成咕嚕肉咁做-還是喜歡最多只喺"撲"過少少粉就去炒 5) 蔥爆牛肉 -因為無+大到,所以只喺淺嚐咗1片牛肉同少少大蔥-大蔥甜,有少鑊氣,但個肉質就好似處理過因比較腍身, 6) 砂窩雲吞雞 (大) -每人只可有1碗-雲吞嘅size比我想像中大-紹菜甜-個湯唔喺好濃嗰隻,但就應該無"師傅" 7) 京燒羊肉

友人約我到這裏來祥記，一個很熟悉的名字細個（小學時）時時跟著父母來的，但自此以後我們一家人便沒有再來了．這裏到底是食什麼菜的呢？我連一點印象也沒有．然後由朋友點菜，點了餃子，四季豆等等（記不下食物的名字）原來也是吃類似山東菜的．這個我食過好多間．在灣仔都有間好出名的．好，今晚好好地比較下．各樣菜這裏也煮得很好味呀！特別是這裏的餃子，比我平時去開的那些都更為好味．最喜歡它們是細細粒，肉粒也很好味．經過今晚，以後晚上去吃飯又多個好選擇了！還有經過新番新後，這裏的環境乾淨，清潔明亮和很舒服．很喜歡這裏

和友人飯聚一年中選擇吃京菜的次數不多,大概只有兩、三次,而且多在九龍區.看見這裡有不少好評,一於試一試佢!早前訂位時已預留了一隻烤鴨,所以減少了肉類的菜式.五個人點了:涼拌海哲----雖然是厚切但食落不夠爽脆而且淡而無味!韓國肉----薄薄的一片白切肉入口不嚡而且更有點滑!蒜頭辣椒汁的調味做得很好不會過濃,墊底的粉皮滑溜!紅燒排骨----水準之作!炆到連骨頭也入味,肉質依然保持嫩滑!唔會好似食湯渣咁嚡烚烚.和尚戴帽----餐牌上放在素菜一欄,但原來裡面有肉絲.蛋皮外觀煎得靚而且有蛋香,難得是芽菜炒完不但無水汪汪而且少油!烤鴨----皮脆脂肪少,薄餅皮包著青瓜條及京葱加上鴨肉連皮,食落感覺不油膩!食完唔會漏到成手油!雲吞雞湯----上檯時看見湯還在砂鍋內沸騰!近年已很少喝到這樣濃味的雲吞雞湯,金華火腿的份量下得準確,有鮮味不過咸,喝完不口乾,值得推介!鴨崧生菜包----其實烤鴨吃完皮後,鴨殼不外乎用來炒崧或炒絲,揀了炒崧因為可順便多吃點菜.拔絲香蕉----完全失敗!每一件的中間都入了水,軟淋淋爛晒!不知是否因為糖漿沒有完全包裹香蕉,當一放入冰水就入晒水!下次都是試荳沙窩餅或高力荳沙穩陣!

原來祥記第一個食評出自我手筆　現在看回來都有點失禮其實每年都會有一兩次約同事到此飯局但自被某外國食評推介後　還是第一趟重遊舊地地方應該是略為裝修過　不是豪裝但比以住企理六個人叫了不少菜式　素鵝 - OK 但如果份量細D更好雞絲粉皮 - 味道一般 山東燒雞 - 不過不失叉子燒餅 - 若與生菜包相比 揀後者生菜包 - 如上素餃子 - 一定要熱食 如涼了便打折扣海蜇頭 - 偏淡 爽點更好擂沙湯丸 - 甜品必食推介

我差不多每個星期六都回到祥記吃午飯，每次我來我一定要點我最喜歡的素鵝，涼拌雞絲粉皮和海節頭。 他們的素鵝簡直是店中之寳！我本人比較怕煎炸食物，很多做上海和北京料理的餐廳的素鵝必定時間的但祥記弄得就特別健康。素鵝的外皮非常的嫩，包者中間甜甜的蘿蔔很有口感，而只有祥記才有。涼拌雞絲粉皮也非常特出，雖讓很多上海店像翡翠拉麵小籠包都會有這平凡的小池，不過他的嘛醬都太濃和太傑搞到粉皮都伴得一夠一夠！祥記的嘛醬油就不會發生這總事了，麻醬調教得剛好，伴起來容易又滑漏，連小小的雞和青瓜絲吃起來又嫩又爽， 滋味十分不錯！海節頭比外面的餐廳弄得有大，不但夠秤夠分量非爽口和新鮮！ 如果怕吃不完一整碟的素鵝和海節頭更可以叫服務生幫你兩配, 這樣生道歉又不浪費！

在金鐘、灣仔一帶上班的人應該對灣仔祥記並不陌生，這間集京、滬、粵一身的飯店素來是商務午飯的理想熱點，雖則麻雀雖小，但五臟俱全，當中的北京烤填鴨可以說是全港數一數二的，個人認為比一眾名店如泰豐廔、鹿鳴春等做得更出色，鴨皮片得薄刀功一流、鴨肉肥瘦適中，就連餅皮都做得四四正正，絕不會散修修的，配合甜醬、京蔥，想起入口那份鴨油香仍然令人十分嚮往。兩個月前再來祥記，由於只是五人的小型飯局，沒有足夠胃納吞噬一隻填鴨，倒不如點一些家常京式小菜會好友。京菜中，雞絲拌粉皮從來是不可或缺的，當晚的粉皮不算十分滑溜，但伴以大量青瓜絲、雞絲，混入麻醬，滋味立時湧上心頭，嚐辣的可加些黃色芥茉醬，入口更佳。接著來個鐵板蔥爆牛肉，可惜上檯時毫無鑊氣，賣相有點令人失望，嫩滑牛肉看似是這道菜的重點，但數量不多，味道也不及片片大蔥的惹味。榨菜肉末叉子燒餅是一家大細也喜歡的菜式，無論你三歲定八十，香濃可口的榨菜肉末加上入口鬆化的燒餅，帶來的雙重口感的確精彩。至於和尚戴帽一直是京菜中絕無僅有的素食，但要留意大部份酒樓都會加入豬肉絲，素食者宜先表明走肉，以大大塊煎蛋蓋著大量雜菜、如粉絲、冬菇絲、芽菜等，炒得香口而不油膩，是知易

因為有親戚結婚, 同我同年生的姪兒爬我頭了. 那一餐飲宴就費事寫啦. 第二日, 難得我們一班堂兄弟姊妹加上一個年齡上Cross over 左既娃女在香港聚首一堂. 之後由堂姐揸主意. 決定來灣仔的祥記.由於只有我和堂姐二人黎過, 又要就下另一位 Half Veggie 的親戚 (只吃海產及素菜), 所以大部份由我們二人作主. 燒鴨需時, 一坐低, 大家決定了, 便即叫一鴨. 再慢慢細選其他食物. 對著 Vegetarian 點食物已成為我的拿手好戲, 今次有位 Half Vegetarian, 點起來, 更加方便. 那些帶有海鮮的賽螃蟹, 帶有蔥的蔥油餅不怕. 紅燒豆腐, 和菜戴帽同帶頭出現的素鵝. 都是不俗的素菜菜式.先來當然是冷盤, 素鵝, 可以解釋俾外國回來的堂弟聽, 這是素, (Half Vegetarian就是他). 味道帶點平常齋鹵味檔買既素鵝果種味道. 相信南、北兩種做法都相差不大. 談笑中, 堂弟道出一個新名詞.....fake duck........眾人大笑一留.賽螃蟹, 也是一道要花少許心思介紹給他們聽是什麼的一道菜. 這次, 由另一位有份點菜既堂兄用英文介紹.

我唔理佢地有幾出名，啲嘢有幾好食，有咩名人、咩米芝蓮推介，so what ! !!! 餐飯一啲都唔enjoy，感覺好大壓力，食得唔自在囉. 朋友生日飯，而大家都未試過，所以想試吓。 我哋book 9位，因為好full只有6:30-8:30pm booking比我地，我地及正有下埸去唱k，所以無所謂早點食都可以。我同幾個朋友準時6點半到, 入坐時提咗我地 8點交枱，ok無問題我地知到。咁有幾個朋友未放到工，但應該7點鬆啲會到，所以諗住等埋一齊食，好正常啫? 未夠七點伙計問: 你啲朋友幾時到齊呀? 8點半交枱喎！(洗唔洗又提一次呀?!!!) 我答: 我知，在途中、就到。先點菜，人齊叫上。 到7點一左右，又有一位伙計問你啲朋友幾時到呀，又不停睇錶；我話就到喇 !!!7點3未夠又問你地啲朋友係咪嚟緊架喇? 隻鴨準備好了，要唔要上咗啲冷盤先食住等... 另一個伙計在後面望住我地張枱又係咁睇錶 ...頂 。 咁打比個朋友問吓到未，佢話响留下喇， 咁叫佢地上菜啦，果陣都仲係7點3啫 到7點半左右已經上哂啲菜， ok 啦好肚餓，8點半交枱，大把時間食，但個伙計成日响後面睇錶，好煩

為左今次中學同學聚會早排係openrice搵地方食飯, 大家都想食北京填鴨又想係香港區見到祥記食評唔錯抱住試下心態去啦, 一共5人一早book左7pm去到見地方細小較迫, 但無所謂啦叫野食先…... 北京填鴨 : 肉質ok但唔太熱同皮唔夠脆, 薄餅皮同樣唔夠熱與想像中有出入。 芙蓉菜卷 : 好清淡淡到無咩味, 連我食慣淡味野都嫌佢淡。 和菜戴帽 : 煎蛋幾好唔油幾香蛋味, 底下d料食落唔油味道幾好。 鴿鬆生菜包 : 炒得香鬆同夠乾身, 同生菜一齊食, 正…… 砂鍋雲吞雞 : 個湯唔油又濃雲吞都ok, 隻雞仲有少少雞味唔錯。食物+環境一般啦, 成日吹收野有d似趕客走咁, 感覺認真麻麻, 今次都係我地第一次o黎食可能都會有下次o既, 不過唔會係首選囉……

第二場生日飯局,又是吃京菜,地點是灣仔之紅燈區駱克道,上樓的"祥記".不要少看此店,原來也受到米芝蓮眾老外之推介,同外圍的燈紅酒綠環境又有沒有關係?如果是,為何不推介斜對面的美利堅,而這間祥記,又是否"堅過美利堅"?位於在某有賓泰妹企外面的酒吧樓上二樓,掛會所之名,店子不大,一眼看晒.因為米芝蓮之推介,所以外國食客比率很大.幾個麻甩佬坐在一起,當初因為在新聞組結緣走在一起,彼此也相交差不多十年了.近年少上新聞組,連帶此班朋友也少聚頭.大家說到現今大多人玩Facebook,上其他討論區,已經少了很多人上newsgroup,友人更說要盡力去保衛這個"文化遺產"!大家談到興起,先吃個頭盤,海蜇素鵝醬牛展,海蜇頭很爽,牛展入味口感鬆化,另一味的韓國肉,中韓飲食文化在某程度也是有點相似.好像京式的炸醬面就是一例.此道京菜上的韓國肉,白肉加上蒜粒,椒粒的醬汁,非常惹味,個人吃得特濃口味,蒜椒下得再重手一點就更美味.評估大家的食力之後,不要元蹄,要客醬燒骨算,做得入味,肉質鬆化可口.燒二冬味道咸,送酒為佳.是夜因為要收$50一支開瓶,沒有人帶酒,所以大家以茶來乾杯.北京填鴨要一早留定,周前在仙宮樓的

十二月廿四‧晴 聽聞有好的店子，總會有興趣去一試，就如這裡。知道這裡很久，但很奇怪，總是緣慳一食，到現在也未吃過。就在群組那邊發起了飯局的邀請，本想約一圍來吃一吃，但一呼百應，轉眼已超過三圍人數報名。顧及這裡地方不大，又時近埋年，擺三圍是有點難度，就一開二日，我跟幾位食友就吃尾圍。 訂了八時的檯，早來的食友也要等上一等，而這裡的客人也出出入入的，總不間斷，也是一間頗受歡迎的店子。看餐牌，這裡以京菜及山東菜為主，川滬菜為輔，還夾雜一點廣東菜色。首次來到，當然主力吃京魯菜吧。 吃京菜不吃冷盤行不行？當然可以，等如有人喝奶茶講明不加奶一樣，旨在擺姿態又或是什麼也不要緊，自己喜歡就行。在我而言，當然要幾個來吃一吃，因為冷盤的水準，一定程度也反映了師傅的功力。隨手要了韓國肉、素鵝、燒雞及西芹鴨掌。韓國肉與韓國也有一點關係，不過就是很地道的一味京菜。這裡的肉做特軟熟可口，加上汁醬及蔥蒜，美味的。不過吃韓國肉的蒜及蔥最少要比是晚的多幾倍，吃起上來才過癮，看來這裡也將就了本地口味，下之再來，要好好打點；素鵝是薰版而不是炸版，薰味不過火，適可而止，也帶點甜味，討好；燒雞吃起來夠味，但肉質不夠鬆化，老實說

朋友介紹去, 如果唔係熟人帶路, 真係唔會自己上去.叫了:醉雞-- 冇食, 因為唔食得雞, 但朋友話好味素鵝-- 好味, 好香煙燻味, 習香, 甜, 爽於一身窩貼-- 皮底脆, 好香, 好多肉汁, 味鮮炒鴿鬆生菜包-- 炒得好香, 好鬆, 爽口, 乾身, 同醬汁生菜一起食, 滋味無窮 片皮鴨-- 成晚嘅主角, 鴨燒得香鬆, 一塊塊片好, 每片都見到肉汁, 好好好好味炒蝦仁-- 普通, 不過不失因坐近出菜位, 見到京燒排骨好靚, 下次一定要試!ps: 食完先知原來車軚人推介佢, 估唔到, 但我想下次一定要早好多訂位啦.

一月中旬晚餐香港出色的食肆為數也不少，祥記附近就是美利堅，離世紀酒店也不遠，經常路過卻摸不上這神秘的會所餐廳，網上打入「祥記」或「銀盧會所」也只得鳳毛麟角的資料，聽食友說從前是地舖，現搬上樓成會所餐廳，風評不錯，在KC的幫忙安排下，在零九年拉隊試試這裡的北京烤鴨、和菜戴帽及北京師傅主理的紅燒元蹄。一行廿一人訂了兩張大檯，以白色為主調上樓館子，檯面擺設整齊企理，風味不如鹿記、北京酒樓等老派裝潢京菜館，感覺卻是簡明舒服，位置談不上闊落，但都是相熟的食友，迫夾一點談起來氣氛也熱鬧一點。先來冷盤四併，素鵝、烤雞、海蜇及醬牛肉組合，見大家已開始肚餓，趕忙影下幾張相，運轉一輪就開始分享。素鵝是煙燻做法，腐皮包著甘旬、菇絲，腐皮只得薄薄幾層是皮多於餡，燻味很薄，甘旬、菇絲味道調得不錯，味道雖然略為輕巧，但包得鬆緊一致，口感很好，比起炸燻更對口味，是值得一試的。醬牛肉在北京大街小巷隨處可見，牛腱炆得夠腍吃起來亦軟熟，但「醬」得不夠味，伴上微酸的蒜泥汁，味道是很奇怪，還是欣賞老北京的師傅以地道手法處理醬肉。海蜇絲夠粗夠大條，感覺是很「泡」，下了些麻油處理調味方面還好，不夠爽嫩，海蜇還是粵菜或滬菜館質素比

以前在灣仔工作, 祥記; 聽過其名, 但始終不知這樓上食府是什麼東東. 像生記的故作低調, 唔聲唔聲的, 好野食, 不需張揚. 這是一間京菜館, 若不是看到KC兄安排的飯局, 真的不會想起這個在賓妹吧街的樓上店子, 是這樣的出色. 頭一道菜, 是一個四拚的冷盤, 冷盤雞反而分開上. 海蜇, 切得比較粗條, 爽, 其實不算, 比較欣賞的是個素鴨卷同冷盤燒雞. 燒雞好像是鹵完再燒, 因為仍然保持了脆脆的外層. 不差.燒雙冬, 比較濃烈的一道菜, 冬菇同冬筍的配搭, 加上燒醬, 濃烈得黎又不失其原來味道.和菜戴帽, 金黃的煎蛋反蓋著下面的粉絲, 等等. 是一個健康小菜. 雲吞雞, 北方的雲吞, 以菜肉餡為主. 雞湯鮮美. 配上這雲吞, 鮮湯滲入其內, 令原本好味的雲吞, 再加一點鮮湯汁.素菜卷, 內裡包著的, 是豆腐, 只可惜那茨汁太重, 槳粉多了點, 若不是水水汪汪的話, 應該更佳.來食京菜, 多人一起食, 片皮鴨是不能不點的一道菜. 烤鴨子的功夫可以看得出師傅的身手. 美麗的連頭大鴨, 色水均勻, 給我們拍照時, 鴨尾仍出著煙, 拍畢後, 師傅拿去一旁切片. 皮肉分明的鴨片. 肥糕不多.

作為常在灣仔出沒的港島人，一直沒留意祥記，最近閱報才知米芝蓮榜上有名，趕緊來附庸一回。星期三的晚上，生意不錯，幾乎坐滿，也有幾檯外籍人士，米芝蓮效應?看了下餐牌，原來除了京菜，還有滬、川及粵菜，不禁有點失望。反正衝著京菜而來，人又不多，就只點了雞絲粉皮、醩溜魚片及填鴨。雞絲粉皮不錯，粉皮不會過淋，拌上芥茉，很開胃。醩溜魚片一般般，雖酒味濃郁，可惜魚片肉厚質粉，伴菜的木耳，倒是不俗。至於填鴨，就不多評論了。如食友去開北京，建議試試大董烤鴨。