翔龍拉麵小籠包 (Closed)

某日來到觀塘翔龍拉麵小籠包食晚飯，我地叫左黑松露小籠包，雞絲粉皮，宋嫂魚羹，咕嚕肉，青菜煨麵，翔龍炒飯及乾扁四季豆聽到都覺得豐富黑松露小籠包這個一客有4個，好香松露味，小籠包暖暖地，食落去都幾好味雞絲粉皮材料有雞絲同青瓜,粉皮都幾煙煙unun,再加埋d麻醬,撈埋食正宋嫂魚羹這個湯好飲，好香魚香味，佢加左d薑絲調味，就算凍左都唔怕腥，但最好緊係熱飲啦咕嚕肉味道酸酸甜甜，冇咩特別青菜煨麵個麵淋左d同埋都幾多油浮面翔龍炒飯材料有豆角，雞蛋，菜甫,配料好爽口，d飯好香口乾扁四季豆唔會太咸，炒得剛剛好，好味

中規中矩的上海菜 沒驚喜同朋友約係觀塘食飯 未諗到食咩就係apm隔離既一亞太中心周圍搵食睇睇有咩岩食🤔咁岩經過呢間上海菜 侍應話8:30就有8折優惠 咁就即管試試同朋友都吾太餓 只係叫左三道菜🤭1. 酸辣湯份量吾太夠$48 咪道可以的但湯既料少左2. 比較滿意既係雞絲皮👌👌雖則吾係好入味 但價錢吾貴且都比其他上海餐廳大碟3. 上海炒年糕就真係好一般 員工比左辣椒油我地 吾落既話跟本吾夠味好淡啊😩😫所以餐廳冇優惠真係好難吸引客人 total:174 2ppl

好耐都冇食過上海菜式，最近經過觀塘見到餐牌都幾吸引所以決定試下脆皮京燒羊肉羊肉新鮮即燒外皮香脆肉質軟腍唔臊，而且充滿肉汁加埋蘸醬夠哂惹味孜然羊肉（跟叉子）羊肉裝喺鑊仔入面賣相別致，羊肉加左孜然味道唔臊仲會令到肉質更加鮮嫩;叉子其實即係芝麻燒餅，皮薄酥脆，入面中空可以夾住餡料翔龍炒飯飯粒炒得粒粒分明夠哂鑊氣，餡料好足好多蝦仁欖菜肉鬆四季豆四季豆翠綠爽嫩，欖菜咸香加上肉碎爆炒惹味可口韭王炒鱔糊黃鱔肉質爽滑緊實而且唔腥，醬汁濃稠加上韭黃香味唔會覺得膩滯

尼間係會番工成日去食既中餐之一。lunch有set，可叫餸或麵類，再跟點心。我叫左紅燒牛肉拉麵配小籠包。牛𦟌肉係一片片既，可以見到佢筋肉分明。食落不會太韌，連埋少少筋一齊食，口感ok！而麵都不錯的，質地岩岩好，不會浸左湯入面而太淋。而個湯就普普通通，冇乜味咁。小籠包好好味啊，皮唔算太薄，但超多汁。我一啖放左落去，啲湯係我口入面爆哂出黎😂仲熱親😂😂放耐小小先好一啖過食啊～久不久食一次都唔錯啊🤤

從來未食過咁難食的雪菜肉絲湯麵，整會麵得五條肉絲，雪菜少得可憐，撈匀成碗麵都食唔到雪菜味，反而味道完全唔搭的芽菜反而一大堆，難度雪菜好貴？連基本的質素都做唔到！

係觀塘做完野，同同事一齊食埋晚飯。去左apm隔離搵野食，one pacific好多野食喎，見到間上海鋪環境好似唔錯就入去喇。2人坐car位，座位好寬敞。餐牌幾多野食，價錢合理。京醬牛肉絲叉子四個脆脆叉子，皮夠薄夠脆，京醬牛肉汁味濃，牛肉唔硬，夾埋叉子食好夾，好好味。上海粗炒唔會太咸太淡，味道適中。螺肉冷麵夏天食凍野最爽！冷麵就最好不過喇。螺肉好鮮甜，配埋炸菜絲同青瓜絲一齊食幾夾。麵條軟硬適中，夠煙韌！

工作關係，黎左觀塘亞太中心，呢度好多野食，基本上成橦樓都係餐廳，今次就去左食小籠包，lunchtime 去到，等左10分鐘位左裎就入得，叫左份lunch set, 有酸辣麵、小籠包。味道唔錯，價錢$65，可以接受啦，間中黎食下都ok!

We planned to have dinner at apm Mall, but we didn’t reserve any table , so super long queue had to wait.... so we decided to change the place to the building next to apm.We ordered some food. For example the drunken chicken. It’s really yummy !The chicken absorbed the Chinese wine very well, and it tastes so tender and with good chicken smell. All of us love it so much !Other food are not bad too. We will come there next time !

每日路過亞太商業中心，見呢到越開越多食肆，中、西、日、韓式式俱備，好飲好食嘅我點可以唔去踩吓場，今次揀咗翔龍拉麵小籠包。撞正午飯，枱枱坐滿，唯有同個friend喺門口等一陣。好彩唔使十分鐘，已經有得入座。午市時間，有一點一麵套餐同客飯套餐两大類選擇，我哋就決定每邊揀一款，試試口味。先上枱係担担麵加小籠包。担担麵啲湯唔夠濃郁唔夠花生香，不過味道都算可口，麵又夠爽，合格。小籠包梗係要趁熱食，皮薄多湯汁，不俗。客飯揀咗糖醋魚塊，先嚟一碗細細嘅酸辣湯，夠酸唔夠辣。糖醋魚塊酸酸甜甜好送飯，魚塊炸漿唔算太厚，D魚都算滑，我最喜歡嘅反而係呢碗細細嘅菜飯，雖然遲咗小小上枱，但熱辣辣整出嚟，有誠意。加多5蚊，追加杯豆漿。整體而言，不過不失，午飯每人七十蚊左右。下次再揀另一間試試！😜

觀塘的午餐, 想坐得舒服, 通常都要去cafe, 西式或日式。價錢也不低。想食中式, 又想坐得舒服, 不用等位, 價錢又合理, 翔龍拉麵小籠包是個不錯的選擇。蕃茄雞絲拉面鍋貼蕃茄雞絲拉面 + 鍋貼, 只不過是$68, 還有任飲的玄米茶。上次食擔擔面, 是好味的! 面質很有口感。今次的蕃茄雞絲拉面, 就有點一般, 面是滑的, 但與上次擔擔面比較, 味道就差很遠。鍋貼的皮也厚了一點點。但仍然最愛的, 是玄米茶。來慢慢坐, 飲個茶, 傾個計, 都是個不錯的午餐。

舊同事最近都係觀塘番工，就緊係要見面食個lunch更新下公司八卦啦，哈！咕嚕肉酸酸甜甜，肉質都有口感，偏爽唔會好淋，啲醬汁用黎送飯都一流。同咕嚕肉一樣的風格醬汁，都係酸甜開胃，魚塊炸粉不會很厚，吃到啖啖魚肉。其實舊同事係衝住呢個擔擔面而選擇呢間餐廳，但可惜比以前遜色不小，湯略嫌不夠濃郁，放入口沒有以前咁濃味。餃子入面有湯汁，如果我們襯熱食應該好正，因為可能凍左，個摺位有啲硬。炸醬面十分不推薦，炸醬沒有什麼味道，面條都很濕同淋。很一般薄餅也沒有太大驚喜小籠包內有濃濃的湯汁，皮也不厚。夾起身都唔會話好易穿總括黎講，中規中矩，沒有驚喜。

位於亞太中心既翔龍係apm隔離都幾就腳。慶祝母親節，預先訂呢間小籠包食。book咗六點半，因為七點打後都book滿曬，六半既時候既話都唔算太多人，佢哋留咗一個卡位俾我哋三個，位置都算舒服。三個人總共買咗四樣小菜，有啲太飽呢度嘅小籠包非常之唔錯，皮薄，裏面嘅肉汁都非常之好味，我哋嗌咗六隻三個人食。其他三樣菜，分別係上海粗炒、煎薄餅、同埋津白菜鍋。呢樣就普通咗啲，但係勝在價錢合理，份量亦都唔細。蕎麥茶好味！

觀塘區食肆選擇多以西餐、快餐或日本菜式較多。長假期前席，工作特別繁多，想找個地方回一回氣，吃飽再為工作而戰鬥！走到亞太中心，內有數家食肆， 中西日韓樣樣都有，總有一個落腳點！走到翔龍拉麵店，等了一/兩分鐘就有枱，午市套餐$68 免茶芥及免加一，有客飯也有麵食選擇，價格尚算合理。這天點了蕃茄鮮湯小雲吞拉麵配上小食小籠包兩隻。蕃茄湯清淡，但至少不是茄膏加開水吧！湯底有蕃茄粒、蛋絲、紫菜配料，拉麵軟硬度適中，雲吞份量也不少，味道一股。小食小籠包，熱騰騰，但皮太薄一夾即裂開。兩隻包，兩隻都有裂開情況，湯都漏走了一點點，真可惜！小籠包湯汁還好小肥膩，但味濃，肉質夠淋，算是不錯！套餐有杯茶，如要荳漿/糕點小食就要加錢了。服務方面還算可以，侍應有主動添茶。

作為一個專業既雙失青年, 肥妹仔我決定今日一於周圍走下hea下, 同母親大人去完大埔還完神買下餸行咗陣就搭車番觀塘食過下午茶啦~因為今日係平日, 所以揀咗呢間叫龍翔既上海餐廳食個下午茶, 貪佢唔駛等位又可以平D嘛~去到三點鍾, 叫咗兩個tea set 加一籠小龍包!!! Tea set係包括一個冷盤小食加一個主食, 盛惠$45 免加一!!冷盤小食-麻醬腐皮卷 (3件) 麻醬腐皮卷係一件件用厚厚既腐皮卷住小小蘿蔔同青瓜絲, 外面淋上芝麻醬.....食落去涼陣陣, 個麻醬腐皮卷本身無咩味道, 得陣麻醬味, 肥妹仔我就唔係好知自己食緊D咩, 唔推介!!主食- 咸肉津白炒年糕Er.....................其實肥妹仔我一見到碟炒年糕上枱, 個心真係打咗個突!會唔會實在太過plain呢???除咗幾條黃牙白菜之外, 就得番白雪雪既上海年糕!!!where is the 咸肉 LOL???先講個味道, 個上海炒年糕味道偏單一,得個咸味(鹽味), 可能係因為個年糕無咩其他配料, 所以真係無咩味, 好單調!!!!而且呢度既炒年糕都有一種通病, 就係偏油!肥妹仔我就覺得呢個唔好食啦!!!!冷

前一天打嚟訂位, 1:15 6位, 但侍應話訂咗位嚟到都要等多陣, 結果去到真係要等咗陣, 我地叫咗十樣野, 上菜速度都唔算太慢, 而且都好熱, 唔會係煮好放咗喺廚房好耐都未攞出嚟麥米茶 - 口感麻麻, 好似燕麥喺底咁, 係有香味雞絲粉皮 - 花生醬汁都算多, 好味黑松露小籠包 - 冇諗到小籠包內既肉都有黑松露, 第一啖入口已覺得好咸, 原味好啲翔龍小籠包 - 肉質鮮, 皮唔算太厚, 不錯乾煸四季豆 - 感覺唔夠乾身, 偏油, 但味道係可以鮮肉鍋貼 - 肉多汁, 皮唔算太厚, 不錯糖醋魚塊 - 賣相麻麻, 而且魚塊有大有少, 全部都唔係整齊切角, 魚肉係嫩口既雪菜肉絲炒年糕 - 年糕好軟熟又有口感, 呢碟清清地幾好味紅燒獅子頭 - 最遲嚟係呢款, 但味道真係好咸, 同肉碎球冇乜分別, 麻麻地好食翔龍擔擔麵 - 估唔到都有啲辣, 花生味唔算太濃, 麵既質地都算爽口紅燒牛肉拉麵 - 牛展肉都算軟熟, 麵質爽口總結 : 如果比較之下翡翠好食啲, 呢到有午巿套餐, 睇過餐單都算抵食既