長盈海鮮酒家

Open Now

Now Closed

老友聚會，有人提議呢間已經奇怪，新浦崗街坊酒樓有咩好入去果然街坊格局，但非常光猛企理，比想像中旺場首先要讚賞飲品多種類，支裝青島，森堡，道地解茶最後有甜品自家杧果布甸（做法少少怪）桂花膏 仲有杯裝雪糕 雪糕糯米糍（呢個麻麻）配料方面，不同丸子，都多款投訴 是牛肉真的麻麻地服務方面，沒有人黑面，正正常常的

在新蒲崗這個舊區其實隱藏著很多食肆，是日週末下午來到這間頗受街坊歡迎的酒樓飲茶食點心。雖然餐廳位於外表殘舊的越秀商場裡面，但是酒樓的裝修很有對比，光猛乾淨，一邊用餐時有一位職員一直勤力地打掃四周，讓客人感覺良好。最先送上的是蝦餃和菜苗餃。蝦餃外皮煙韌，餡料大粒結實，蝦肉足料爽脆，質素不錯菜苗餃同樣大大件，薄薄的皮裡面包著大量菜苗，也是幾足料的。鵪鶉蛋燒賣共有三粒，每一粒都是大大件的，裡面都是切肉不是免治豬肉，有豬肉味口感有咬口，這個幾推薦。叉燒腸粉則有三大條，皮不算厚叉燒的比例亦合理。一上菜就留意到腐皮卷的腐皮比起一般吃到的不一樣；這裡的顏色較淺，樣子亦比較鬆沒有黏在一齊。吃過以後，這個腐皮卷令我對這款食物稍為改觀：外皮炸的比一般鬆脆可口，裡面的餡料亦不會很濕，都是一款不錯的點心啊。豉汁蒸鳳爪煮得夠軟淋入味，醬汁濃郁十分惹味，喜歡食鳳爪的朋友不妨嚐一嚐這個點心。這張相片是剛送上我就影的，但是小籠包的樣子已經變得極度不吸引。小籠包無論是樣子還是味道，個人認為都如那些超市買得到的冷藏即食點心似的，又好像在廚房持續地加熱影響食物質素：除了細件之外，裡面完全沒有肉質，感覺是一塊皮包著一件乾了水

呢間酒樓我成日都食，佢晚巿小菜係大碟得黎又好好味，好夠鑊氣，超級推介，今日叫左晚巿三寶都只係$398抵到爛。🦞上湯波士頓龍蝦(伊麵底) 芝士焗加$20芝士龍蝦伊麵夠晒多芝士，唔會焗得太乾，可以啖啖麵都充滿芝士味，龍蝦都好大隻又勁多肉仲好彈牙，可能係入座之前見到打緊交嗰隻🤣🥦西蘭花彩椒帶子🐚西蘭花彩椒帶子炒得相當夠鑊氣，帶子炒到岩岩好熟，重口味嘅朋友仲可以用蠔油提味。🐥紅燒乳鴿2隻乳鴿就唔會燒得太乾，咬落去嗰陣燒味勁香，點埋椒鹽加鹹咁食仲正。不過其實乳鴿仲可以轉做燒鵝，佢個燒鵝仲正可惜賣晒。

今午同家人去飲茶！叫咗碟老人家最愛燒鵝飯！可惜部長轉頭話無哂燒鵝！唯有改點雪菜火鴨絲炆米、味道唔錯！班頭腩炒河都夠鑊氣！老人家話好味道！蒸點心夠熱辣辣、正！可惜豬紅食落有腥味！總括點心雖然一般、但勝在夠熱！！

媽媽同姑媽2個決定要飲茶事旦去左一間入到去好光猛好易搵到位3條友叫左6 個點心不過其中一樣我叫錯左個部長好好人幫我地cancel 左變左5個點心香煎蝦米腸叫錯了其實想叫香煎蓮藕餅可惜sold out 上素斎粉果個味有點淡懷舊鴨腳扎潮式蠔仔泡飯（窩）好大窩食吾晒，味到鮮甜蜜汁叉燒腸燒賣

份量十足，味道好。媽媽都很滿意這個遲來的母親節午餐。片皮鴨-熱辣辣皮脆少肥，雞煲翅-用整隻雞炖煮味道濃郁，翅的分量十分足料；龍蝦伊麵-龍蝦新鮮肉質滑嫩；生炆龍躉頭腩-魚味道濃郁加上燒肉炆煮十分野味；椒鹽鮑魚酥香鮮甜；最後馬拉糕是古法制，夠鬆軟不太甜，再加上綠豆沙糖水，劃上完美句號。

限聚令來飲茶，也是這星期少有外出吃東西。疫情下人流疏落，侍應也不多，聽到隔離枱伯伯不時咳嗽，雖每張枱相隔有些距離，但也有點擔心呢！下午茶價錢偏高，每人差不多$70/位，不過看到現場實況也沒所謂，需振興消費，因恐關門後不再開！（燒汁煎釀茄子）- 多油，味美（煎腸粉）- 煎香一點更好（錦鹵鮮蝦炸雲吞）-因是特價，吃時是凍的，但仍很香脆（蒸牛肉）- 正常（鳳爪排骨蒸飯）-排骨沒甚麼肉，志在食啖飯。（叉燒包）- 正價也要點個包食，不知 何時會再來吃。因我們聽到後面茶客與經理傾談，酒樓營業至正月初三便休息，不知何時再從開。

職員服務態度差，第一次問佢嘢仲大聲夾惡同你講嘢，冇禮貌，仲要黑口黑面，好似得罪佢咁！第二次問佢拎調味料指住㗎車唔出聲！啞嘅唔識答人？食物質素又好差，xo醬炒蘿蔔糕好咸，其他食物一般，好受氣！總之就唔會再幫襯！！

叫佐蟹煲，拿上黎嘅蟹係活蟹，結果，出餐時變死蟹。朋友們都夾過，大家試佐陸續覺得有問題，肉化嗮，梅嗮，到我食，一打開大蟹鉗，裡面肉爛謝謝咁，即刻搵西裝佬過黎。問佢點解拿俾我睇嘅蟹係活嘅，結果上台係死蟹。西裝佬扮懵，即刻話搵經理，拿走嗮。結果轉頭黎同我講可以重新出過一隻，我直頭要求取消。死死地地去取消佐。原本唸就咁算了，結果西裝佬又走黎講隻蟹就係呢種口感，係水蟹。真係當正人未食過蟹咁～唔係因為第一次同朋友食飯，真的想爆佢。最後買完單各自返屋企先醒起，片皮鴨一鴨兩食嘅二食涼瓜悶鴨無黎到。我懷疑根本就係睇我地叫咁多餸，相談甚歡，故意漏佐。

今早（10/1/2021）同朋友到新蒲崗飲早茶，原去開的一間酒樓，因疫情而停業，故來了這間。這酒家多做街坊生意，見很多茶客同侍應都好熟落，約十點多，已滿座，在這疫情期間，真難得。因時間尚早，還嘗到特價早茶。點了二份孖寶及二個點心，共六個點心鮮蝦菜苗餃 ，好味，好足料安蝦咸水角，略嫌皮厚咗些碧綠叉燒腸，腸粉好滑薑汁糕拼紅棗糕甜醋豬腳薑，醋甜，以$22.8有五件豬腳，幾件薑及一隻蛋，真是超值，重點係好好味鴛鴦燒賣皇埋單$133看食評，話前台服務員態度差，故埋單時特別留意，未知是否轉咗人，態度很好，有禮貌。

打邊爐，其實有點怕，朋友說想涮涮鍋，就去吧。位於新蒲崗的長發，打邊爐的水準想不到也很不錯。優點一：有著不同的火鍋湯底，眾裡尋它的是沙爹湯底。優點二：至於配料，肥牛就不缺少，而且這裡也有少量海鮮（如：蝦），而且質素絕不失禮。優點三：可以任飲任食4個半小時，而且只是$178。絕對是物照所值。優點四：除了食物質素高之餘，飲品種類也很多，枝裝藍妹啤酒也是免費。結論：這是一個可以跟朋友一起聚的好地方。日期：2020.11.03

一天的工作終於完成，於是相約同事們打羽毛球做運動，接下來的不用想了，就是要去填滿肚子的。甫踏進酒樓，在飢腸轆轆下便點了一個晚市優惠，4）半只鹽焗雞。然後又點了1）鮑魚飯；2）芥蘭煲；3）牛仔粒。首先來了鹽焗雞，以半只來說很大的了，而且雞件十分大，且滑啫啫，十分好吃！之後來了芥蘭煲，看看照片就知道有點削了，除了那個煲，就是芥蘭，但配合蝦米，也值得一吃的！但價錢卻稍貴。那個牛仔粒，跟我想像的大大不同，不知道讀者有何想法呢？最後來了鮑魚飯，正確的是鮑魚粒飯，普普通通，但為了填飽肚子，也是一個好選擇！其他的豉油皇炒麵，小編覺得要放棄了。

前台態度之差不可理喻，好似所有食客係佢仇人咁，佢都做左好耐㗎啦，越做越差，學人俾面色人睇，十問九唔應，黑起塊面，费事睬你，佢幾矜貴也不過是個前台罷，不喜歡可以選擇回家做少奶，唔好累老板！差………………………………

今日三個大人兩個小嬰兒特登去新蒲崗打算打邊爐，七點幾到左後前台服務員話已經滿左無枱，但我見到入面右邊打邊爐區仲有好多吉枱，佢仲係我面前細細聲同另一個員工講唔好比我地入，呢件事我真係覺得好小家，明明門口海報寫住100cm以下免費，而我兩個嬰兒都唔過100cm，既然都敢寫，但點解又要咁多藉口，我兩個嬰兒得果一歲幾，其實都唔會點食野，有需要咁小心眼，今次我對佢地呢種做事態度感覺真係好差，難道兩個嬰兒無得收錢就要咁樣？