吃扒

Open Now

Now Closed

今日約左同遠道而來嘅朋友食飯，比杯雪糕菠蘿冰吸引左我哋去呢度，又見門面都幾靚又咁多like諗住試下，點知……！三文魚扒二百幾蚊魚腥味重到唔想食🤮肉眼扒叫5成熟切開係8成熟什扒餐仲慘，牛扒全熟好難切開，食落口好似食香口膠咁，魚又有魚腥味食唔到，豬扒又硬，成個餐每塊扒都係食左幾啖就無食🤮晚餐羊架好D問題唔大但總括D扒都係急凍扒，食到好重雪藏味，成餐飯最好就係餐湯🥲真心唔會再有第二次4個餐9百幾蚊茶餐廳水準都好過佢真係唔值

這家店是復古感覺的裝修，配上飲淡嘅燈光同柔和嘅音樂窗外透入陽光，感覺舒適又開陽。有別於一般嘅餐廳呢度有提供鐵板扒餐外，還有生酮嘅午餐，價格由$76-$119。今日試一下香煎三文魚配椰菜花飯$85。羅宋湯嘅味道唔錯，有大大嚿薯仔、西芹等等味道香濃，又唔油膩，好醒胃。這個香煎三文魚其實真係冇乜味，食嘅係原味，而且煎到全熟，口感和味道平平，但係唔腥。反而椰菜花飯冇一般嘅椰菜花飯嘅怪味，是忌廉嘅味道，口感香滑，椰菜花飯嘅味道係唔錯。奶茶奶茶是港式奶茶，但嘅味道就真係麻麻。雖然係港式奶茶，但茶味濃而澀，亦都冇乜奶，感覺平平。

朋友話試左間食扒嘅ok,介紹我去食，一見張相鐵板上間有芝士真係太吸引la, 點能夠錯過呢，即講即約即試見openrice訂枱有9折，即訂，不過原來walk in都有9折嘅唔知係咪落大雨嘅關係，冇客豬骨湯加餐包，餐包好軟重點項目：肉眼扒先上扒，喺你面前落芝士，最後放低個汁比你自己加肉眼揀左5成熟，仲揾左d薯條墊底，唔會令塊扒overcook,值得讚伴碟嘅西蘭花同紅蘿蔔份量恰當，仲有d食芝士火鍋嘅感覺個扒餐包左餐湯，麵包，餐飲，甜品，加18蚊有埋個熱溶芝士，抵加，芝士控必食🤤唯一敗筆就係個盒裝雪糕有d溶

從未寫過食評….但呢間真係強差人意….叫左一份肉眼一份西冷都5成熟加$20要埋個餐啦，仲有唔跟餐包湯正常既主菜黎到份排個樣係呃得下人既點知切落去都切唔入既！幾經辛苦切開左，9成熟都有…..塊排又有筋食落去又硬又柴……二百幾蚊…..呢個價錢唔係貴但換黎呢個質素，只可以話無奈臨尾叫埋杯凍檸茶…..痴立立黎到又唔凍又無茶味…飲左一啖埋單走見有四百幾個好評就試下啦，誰不知🤦🏻‍♂️我個人既整個用餐體驗無乜優點講得出餐廳個廁所仲要去後巷又臭！服務唔算差既，有個男人講野快到急口令咁既….佢有禮貌的，但係聽得有啲辛苦兩舊幾水黎講其實而加的確唔係食到啲乜，但我同個朋友都覺得食早知大家樂好過🙏純粹個人用餐體驗

🫶🏻「吃扒」餐廳大門是紫色的設計，從玻璃窗望內環境微暗，令人有種很放鬆優雅既感覺。大門內牆身有個很懷舊的電話擺設☎，有復古的風格。西餐款式多元化，點選主食可用優惠價轉為套餐。 🍝軟殻蟹意大利粉擺盤精緻，用個金色煲仔裝著呈上，中間有隻好大隻又靚仔既軟殻蟹；外皮脆身，肉質彈牙好食，意粉質感煮至剛好。🍴鐵板什扒配薯菜（加$5多一碟意粉🍝）侍應上菜時細心提我們用紙巾遮著，讚！口味選了黑椒汁，「咋咋聲」夠熱，味道非常惹味。份量好足，幾塊扒都好大塊，好易切得開，幾塊肉質都嫩滑。又有腸仔煙肉。🍦心太軟配雪糕（升級價）值得升級甜品！心太軟會到最後先上菜，等你個甜品胃最後登場！心太軟朱古力味好濃，碟邊仲有朱古力味醬，夠晒情人💘咁甜！配埋凍凍雪糕一啖食口感更佳！（加錢轉了套餐本來的甜品是：迷你杯裝雪糕）

如果想要體會一下復古風味的西餐廳，真的來一下旺角這家西餐廳，門口裝修特別好看，很高貴的紫色，一進去就有種回到70年代的感覺，位置很寬敞❤️羅勒香草忌廉海龍王意大利飯💰198份量很足，有一塊很大的吉列魚柳，還有一隻大虎蝦🦐，意飯還有很足料的其他害險八爪魚，蟹籽，蜆肉等等，滿滿一口海鮮！熱溶芝士紐西蘭牛柳配蔬菜💰206上菜的時候，服務員真的拿著還著火的芝士過來，再淋到牛扒上！牛的份量也好大，我們叫了五成熟，配上芝士，真是滿滿的罪惡感，但味道很不錯👍+💰20轉套餐配羅宋湯和飲品🥤總體來說，味道很可以，音樂也是七八十年代的歌曲，就很復古，也很適合聚餐。

每次想食懷舊扒房都會諗起呢間牛扒相當好味，唔會用鬆肉粉20cm吉列豬扒亦都係主打之一每次想鋸扒都會嚟呢間20cm吉列豬扒真係主打之一好長好厚既吉列豬扒外層炸得超脆口但內裡豬扒仲係好嫩一D都唔韌仲配上黑椒汁少少辛辣味道十分豐富特選肉眼扒配薯菜要左7成熟，餐廳控制得好好入邊比較嫩，好容易咬開牛肉味濃，柔軟感十足配上蒜蓉汁味道更濃厚羅宋湯+餐包跟餐+25蚊就可以升級做套餐羅宋湯好重蕃茄味入邊仲食到牛肉粒餐包好軟熟，上台仲熱辣辣雪糕菠蘿冰/話梅鹹檸七好懷舊既飲品好多年都無飲過杯底仲有好多冰菠蘿話梅鹹檸七好清新

真係值咁多個人like ？完全唔覺得值呢個價錢肉眼扒:牛扒叫5成熟，比左7成熟，鐵板仲要有陣燶味炸軟殼蟹牛油果意粉:軟殼蟹成層炸粉包住一啲蟹味都冇，最好味就係冇煮過嘅牛油果😂香環境：成餐都比昆蟲嬲住個頭，職員望住都唔會幫你趕走佢，好困擾

這家店經過好多次，😍係旺角一直都想試。乾淨整潔，座位整齊，皮墊坐著很舒服。有西餐feel，🫶🏻餐具擺放整齊。.什扒配薯菜，搭配好豐富，🐮可以話係食肉獸最愛，牛扒不柴，🌭司華力腸彈牙可口，煎蛋可以保持流心蛋漿的質感，🥓煙肉香口，豬扒大份厚實，雞扒香嫩，🐟魚柳有魚肉鮮甜的質感。.肉眼扒配薯菜，🔥送上桌的時候滋滋響，牛扒烤熟的香味瀰漫在四周，小心別被油燙到，🐮肉眼肉質鮮嫩，🥩汁水特別多，少少緊實，配上熱熔芝士，🧀味道不錯。

🤎誠意分享一間味道勁驚喜嘅懷舊西餐廳🤎-✨焗番薯薯條條配雪糕🍦✨購自: 吃扒(旺角豉油街108號地舖)價錢:$68推薦度:8/10-呢個甜品真係邪惡又好食😋焗番薯條外脆內軟🍠份量好充足✨ 裏面加入咗大量半溶棉花糖同朱古力醬 微微拉絲嘅棉花糖焗得焦脆 同香脆嘅番薯薯條一齊食好夾😋上面揀咗朱古力雪糕🍫口感香滑 朱古力味濃郁突出‼️加入七彩糖針 賣相更精緻🥰 整體味道濃甜 冰火三重奏嘅感覺太正😍🤎✨唂咕 🍫（無糖無奶）✨價錢:$38推薦度:8/10-第1次試呢款懷舊特色飲品 唂咕係直接用純可可粉整成🍫冇落糖同奶 朱古力味極濃郁‼️飲落好香醇濃滑 微微苦澀 帶點回甘🌟不過未必人人接受到 我會推薦比朱古力愛好者/keep fit但係又想飲朱古力飲品嘅朋友👫 ✨推薦大家試吓熱飲☕️朱古力味道會更香濃✨-呢幾款飲品適合keep fit 但係想飲清新有氣飲品嘅朋友🥰💚✨青檸鹹檸檬梳打🍋‍🟩（無糖）✨價錢:$38推薦度:7.5/10❤️✨露絲瑪莉紅茶梳打（無糖）✨價錢:$38推薦度:7.5/10

突然想去扒房鋸扒，被旺角呢間紫色門面嘅吃扒吸引到，裝修得充滿懷舊情懷，餐牌上除咗有扒類，仲有生酮餐食，幾特別！🔸吃扒什扒配薯菜食肉獸必點！有齊豬扒、牛扒、雞扒、魚柳、煎蛋、煙肉、司華力腸，鐵板上枱時好夠熱，淋上蒜蓉汁時炸炸聲，感覺返晒嚟，去扒房就係為咗呢一刻!! 其實伴碟仲有薯條同西蘭花，真係好豐富！🔸大啡菇蘆筍煙三文魚椰菜花飯吃扒仲有提供餐點俾生酮人士，椰菜花飯既低卡又高纖，係健康之選！炒得幾香口，椰菜花爽脆有口感另外$25 可轉為套餐，包括餐包、湯同雪糕，成個餐變得更豐富～🔸水牛城雞翼一碟有7隻，雞翼大大隻，炸得好香脆，水牛城醬汁好濃味

懷舊扒房同太太兩個人去咗食一個Saturday lunch，餐廳主打懷舊扒房風格，入到去都係播一啲8,90年代嘅歌我哋嗌咗兩個set lunch，佢有餐湯餐包主菜同飲品都係80到$100餐湯方便有中式嘅豬骨湯同西式嘅羅宋湯，我哋兩個都揀咗西式嘅羅宋湯，表現不過不失主菜我哋嗌咗肉眼扒同吉列龍脷柳肉眼扒五成熟，但係出到嚟似七成熟，而肉質黎講都比較多根，就算用刀都唔係咁容易切到，但係講緊幾十蚊係尚可接受。龍脷柳份量都非常足夠，成個鐵板咁長，炸粉亦都唔算好厚，整體而言合格以上而主菜亦都配有一啲嘅薯菜，分量亦都非常充足。我哋兩個差啲食唔晒。雖然食物質素唔算十分上盛，但以呢個價錢喺旺角來講都算性價比高

收工難得同Hubby出旺角撐枱腳，撇甩個女🤭決定去鋸扒😋搵到呢間有情調得嚟又港式嘅扒房，紫色嘅門面已經非常吸精😍Menu有好多款餐可以選擇，可以+$20套餐有湯、飲品，或者+$25有餐包、湯、飲品同甜品❤️吃扒雜扒配薯菜😍超級豐富，件件都大大件👍🏻性價比好高呢個餐有7款野食，魚柳、豬扒、雞扒、牛扒、雞蛋、煙肉、司華力腸，可以一次過滿足曬不同慾望😋配埋醬汁淋上去鐵板，吱吱聲聽到都流口水🤤件件都啖啖肉❤️香草忌廉海龍王意大利飯超級大件魚柳，真係成隻手掌咁大🫣而且炸到好酥脆👍🏻仲有隻大蝦，又係啖啖肉🤤食得好爽快我地叫左2個+$25有套餐包左好多野，超級飽🥳好滿足

每次來旺角，必去的西餐廳就是到「吃扒」吃我喜歡的鐵板餐，那裏食物價錢適中，份量足夠，裝修懷舊又舒適，餐廳內會播著懷舊的歌曲，加上掛著高雅嘅水晶燈，令整體氛圍富浪漫、神秘、懷舊的感覺，適合和朋友共聚。今晚我選擇了招牌什扒（有：魚柳、煎蛋、豬扒、牛扒、雞扒、煙肉、司華力腸）上桌時一睇已經覺得好豐富，而且各類扒的肉質不錯，廚師在上碟前煎得恰到剛好，所以肉質軟嫩多汁👍朋友就點選紐西蘭牛柳配薯菜🥩！這裡的牛柳完整一塊有厚度，肉質入口細緻，肉汁濃郁，好味😋套餐加多$25仲有熱騰騰嘅餐包、餐湯、雪糕及飲品，朋友飲咗杯雪糕菠蘿冰，回味童年的味道，值得推薦。另外，一杯話梅凍檸樂，非常解渴🍹👍

吃扒．港式懷舊西餐很久不見的老友，從海外回港一起去吃久遺的香港情懷旺角這家紫色的小店——吃扒，深得老友之心裝修夠港式有一定的年代感出品是鐵板扒為主很有他移民之前的感覺復古的桌椅半掩的玻璃窗窗外是繁華鬧市內裡是悠和燈光與音樂彷彿時光倒流，意境不錯先來2碗紅湯這是足料的羅宋湯有大量的蔬菜令回億返回80年代大啡菇煙三文魚椰菜花飯 (生酮)朋友點的主菜，不只賣相好更是非常健康此店有的特色生酮餐對重視健康的朋友而言0岩晒FEEL據說生酮飲食可以燃燒更多脂肪、減少肌肉消耗亦能控制食慾，有利心血管餐店的選擇很全面此份主菜，大啡菇非常有水準多汁水而香濃滋味椰菜花飯好好食比食真正的飯更健康煙三文魚大大件味道香而且食起來沒有負擔招牌名菜：熱熔芝士紐西蘭牛柳配薯菜此道主食是我的選擇看著火辣辣的熱熔芝士在跳舞淋上牛柳上特別引人我點了黑椒汁配牛柳切開5成熟的靚仔牛柳肉香軟多汁，配芝士一流再點黑椒汁更是惹味開胃薯條在熱熔芝士的包圍下不能自己既香脆又芝味實在好吃跟餐的飲品可以轉特飲朋友要了正常而地道的港式檸檬茶我要了特色西班牙咖啡有一球香滑的雪糕配上香濃的咖啡特別好飲這次的復古探吃價錢不貴，又有懷舊的氣氛很適合與回