千葉鳥

Open Now

Now Closed

三文魚正常 唔算好肥美 但都新鮮 可以接受海膽唔腥 但又未去到好濃 都係正常 帶子好鮮甜 面頭帶一小片檸檬係到 增加鮮味牛肉鍋入面原來有粉c仲加左個烏冬食 好飽hahhaha面頭all肉 整體正常

間唔中都會入天水圍，有時探朋友，有時去濕地公園，今日個老友就帶咗過嚟天澤商場食日本嘢，因為佢本身喺天瑞邨住，所以佢知道邊間比較好食，去到門口見到裝修都幾特別，真係好似去咗日本嘅居酒屋咁，入到去地方雖然唔係好大，但係都好整潔，而且完全係日式風格千葉鳥炙燒三文魚腩左口魚背脆脆飯 76 元賣相已經好吸引，而且份量都好多，有三文魚腩.玉子.左口魚，三文魚經過燒香，將魚腩嘅油脂迫左出嚟，入口多咗一份焦香味，而魚腩嘅肉質非常爽口，而且仲好鮮甜。脆脆飯都幾好食，因為有各種嘅調味紫菜，特別開胃。極上壽司盛合 132 元有十幾件壽司，而且每一樣都係好受歡迎，海膽壽司嘅份量好多，而且入口仲係好鮮甜，海膽好新鮮完全唔使調味，淨係食個鮮味已經好滿足。帶子壽司，帶子係厚切，口感爽甜，鮮味十足。厚切三文魚腩刺身 60元呢個簡直係我最愛，三文魚腩非常新鮮，三文魚腩嘅油脂豐富，魚味濃郁，望落去色澤都係好靚。今日非常滿足，食咗一餐好好味嘅日本餐，當結帳嘅時候，見到隔離枱有個牛肉火鍋，賣相都係好吸引，下次會再同朋友嚟呢度試下佢。

天水圍屋邨商場居然有間咁有氣氛嘅日本餐廳仲要星期六午餐無加一，性價比好高門口似一般日式餐廳，但一入去就覺得別有洞天我坐卡位，貼左富有日式設計poster，每個卡位都自成一個獨立房間咁。另一邊牆身有大型日系風格壁畫，屋邨餐廳都裝修成咁，真係要俾個like。串燒鹿兒島和牛粒 $64好香，牛肉都大粒，佢嘅芥辣芝麻醬好味，我用黎送飯午餐定食 ：吉列豬扒拉麵$67炸粉唔多，有用網隔住豬扒，令豬扒無咁油，呢種做法，通常係百幾蚊嘅豬扒日式餐廳先見，呢度都有，讚一讚。午餐定食 ：鹽燒鯖魚定食 $64幾大條鯖魚，抵食。配有白飯及麵豉湯跟餐可以點小食或飲品其中一個餐點紫心薯餅呢個真係好好食有軟軟熱熱的，甜甜嘅紫薯味另一個餐加$2，點凍奶茶餐牌

今日去天水圍探朋友探完朋友就和她在附近的商場搵嘢食日本菜很久都未有食過所以就決定食日本餐，這間餐廳中午時段已經坐滿人門口等食的人都很多證明這間餐廳有相當的水準入到餐廳個裝修好正，超有日本feel，充滿人氣，日系感覺氣氛濃厚，細看餐牌有很多選擇每一樣我都很想食這個日式牛肉火鍋，看見堆積如山的牛肉，材料豐富，有牛肉，蔬菜，豆腐，鮮菇，並加上濃湯，火鍋開始滾，已經聞到香噴噴，食一口牛肉，牛肉味道濃郁，牛脂在口腔內慢慢滲出，越食越好味，牛肉質感嫩滑，蔬菜吸收了濃湯和牛肉汁，一食入口十分好味。這個赤蝦刺身一食入口蝦頭的蝦膏甘香鮮甜，蝦肉又鮮甜又夠爽口，食材十分新鮮。刺身沒有任何烹調，所以新鮮就係最重要這個鮮炸薯條🍟，叫一個午餐就可以配呢款薯條，是用上原隻薯仔連皮一齊炸的入口熱辣辣香噴噴卜卜脆，非常好味而且原汁原味仲配上一包茄汁，唔夠可以問職員拎叫咗個壽司拼盤作為午餐，入面有我最愛嘅三文魚子軍艦，一食入口三文魚子在口腔內爆開食到三文魚子的鹹香味真係好好味，

係圍城裏面真係搵唔到有幾多間居酒屋！喺呢度搵到一間性價比高既日式居酒屋！裝修環境都好友東洋嘅味道！店員都好Nice 既！野食方面，唔好以為係屋邨入面，質素就唔太好！呢間居酒屋嘢食質素方面絕對唔馬虎！今日午餐我就食咗個生牛肉手打烏冬！我留意一下，烏冬嘅粗幼並不是完全一樣！好大機會係自己手打的！完全符合餐牌所寫嘅手打烏冬！湯底就Ok，算清嘅，而且牛肉並唔係全熟！如果全熟嘅話就會有啲韌㗎喇！所以令到個牛肉韌度剛剛好！very good ！佢仲送一個小食。而且可以選擇，我就選擇左螺肉！雖然就細份d，但都算大粒架啲螺肉！

黎探朋友沒諗過係屋邨既商場都搵到居酒屋feel既餐廳！行入去果時店員會以日文打招呼👍🏻 D裝修、擺設真係好日本🎏🎏Background music 仲播埋日文歌⛩特別鍾意佢個口罩袋印有日本武士圖案幾特別，感覺到餐廳盡量營造日本feel🇯🇵比客人，呢度係自助落單，掃完code就搞掂，上菜速度都幾快👍🏻👍🏻✏️串燒甜蕃薯食日本野點可以唔食紫蕃薯仔🍠迷你又得意，烤得岩岩好，又甜又可口🥳🥳✏️串燒菠蘿我係個菠蘿迷😍😍點可以錯過？！當然要叫黎試下，菠蘿🍍🍍冇得輸！隨碟附上「話梅粉」又有另類風味😝✏️玉子小卷因為朋友唔係食生冷野👀所以就叫左呢樣比比佢😂✏️吉列豬扒定食鐘意食煎炸野既朋友真係可以叫個炸豬扒試下，真係好好食😋掛住影相都擺左 10分鐘先食，都係咁脆🤣🤣本身已經入味，再連甜酸酱&沙律醬食，配埋珍珠米好滿足😂✏️三文魚三寶飯呢個價錢5貴抵食，有6塊三文魚🍣又有北寄貝沙律、黃金魷魚、蟹籽連埋壽司飯都幾開胃😂😂

朋友相約於天水圍天澤商場食晚飯，被裝修成日本居酒屋的千葉鳥日本餐廳吸引。就決定入內一試! 餐廳很有日本居酒屋氣氛! 可以彌補一下久違了的日本感覺。餐廳還提供了口罩紙袋，真係細心又環保! 餐牌選擇琳瑯滿目，最後我們點了自選二人套餐! 首先端來的前菜紫菜八爪魚，驚喜地發現是鮮八爪魚，完全不是醃製的紅色小八爪魚仔，紫菜還有乾和濕的，捲起八爪魚來食， 脆脆的紫菜加上Q彈的八爪魚, 味道鮮甜爽脆。我們選的那四款壽司! 也新鮮好味! 最驚喜是全部包壽司的紫菜都係脆脆的! 至於小食的日式吉列豬扒，份量一點都不小，外脆內軟，肉汁豐富，還有醬汁和沙律醬提供。 而燒物的原條茄子，加上很有特色的冬菇醬汁，極之美味! 用嚟餸飯最合適! 可說是必點之選! 至於那碗烏冬， 看似平凡，但烏冬入口爽滑彈牙，一食就知是極有水準的手打烏冬。很滿足於這自選二人套餐，令我有如去了一趟日本的感覺!

今日去天水圍探朋友，探完朋友就喺附近商場行街，中午飯都未食呀有啲肚餓，睇吓附近有乜嘢食，日本餐廳好耐冇食過，就決定這間，一進入舖頭，就看見這裏裝修風格很有日本色彩，裝修十分別緻，令人感覺好像去了日本一樣，店員招呼我們坐低，看見餐牌有很多選擇，每一樣食物我都很想食我點了一個三文魚腩刺身，三文魚腩刺身肉質嫩滑甘香，魚油豐富，食一口爽滑，如有佈滿口腔，甘香非常，食材十分新鮮我還點了一個雜錦壽司，有吞拿魚壽司，元貝壽司，三文魚壽司，北寄貝壽司，甜蝦壽司，蟹子軍艦，青瓜卷，蛋卷，花之戀壽司，有很多壽司，每一款壽司食材都很新鮮，都是即場製作的，因為紫菜食入口卜卜脆，還點了一個芝士年糕，芝士年糕剛剛炸起，咬一口，表面炸到金黃色微脆，中間軟糯的感覺，加上正中間的芝士已經溶化，慢慢流出來， 10分好食，而且煙煙韌韌，口感一流

經常都會搭車入天水圍，因為好多朋友都係住喺嗰邊，依家天水圍仲有好多大型商場，又可以行街買衫睇戲食飯，間唔中又可以去濕地公園行吓，最鍾意就係去天澤商場，又多嘢買，又多嘢食，近期發現一間日本餐廳，除咗價錢公道之外，食物仲係好新鮮，而且份量都好多，對比九龍嘅日式餐廳呢度性價比好高裝修方面好有日式風味，環境都好乾淨，同日本嘅居酒屋差唔多，但係就多咗啲卡位所以坐得都比較舒適店員都好有禮貌，招呼我哋兩個去坐卡位，望吓個餐牌除咗刺身，仲有火鍋，丼飯，壽司，串燒，睇到我都唔知食咩好，樣樣都好吸引厚切三文魚刺身 68 元 三片三文魚肉質細膩，口感非常爽滑，入口充滿三文魚香味，非常之新鮮，而且都好大片，有少少三文魚脂肪，令到味道更加突出，真係好味芝士年糕 39元 二件芝士味道非常濃郁，煮到金黃色，香氣撲鼻，非常煙靭，外層鬆脆，而且仲非常之香滑，味道配搭得好好，一試難忘大滿貫壽司盛合 268 元基本上個大滿貫壽司已經可以食到飽飽，差唔多有30件壽司，每一樣都非常之新鮮同埋好受歡迎，最正嘅梗係海膽壽司，海膽好新鮮，入口個鮮味好突出，食落口真係覺得好幸福。另一個最愛就係三文魚籽壽司，份量比較多，壽司上面鋪滿三文

去完天水圍睇醫生。一枝公，事但搵d 野食。天澤依個商場已經平民到唔可以再平民，對佢嘅要求唔高。稔住搵間連鎖店食個快飯算。點知見到勁多人排依間日本餐廳，睇佢個樣應該都唔係行高級路線，不過見有時間就等一等試試佢。勁多人等，有外賣有堂食。學生哥，鬼佬都有。天水圍依個地方真係多原化。一個人比較易有位，入面好噪，好多小朋友。小朋友佢地想食依間多過快餐店，唔知阿媽覺得係好事定壞事呢。menu,成本書咁厚，影左我叫果幾頁算。唔想食生冷野。怕係依d,地方中伏，之後要搵廁所就唔係咁方便。叫左個咖喱牛肋條飯。好日本住家嘅味道價錢唔貴，牛肋條好淋。和牛串燒。應該唔係最高級嘅和牛，不過都係入口就溶。同新鮮燒嘅。要等20分鐘依個厚切牛舌最有驚喜。真係好厚，好滿足。好爽，勁有咬口，唔un.好耐都冇食過咁高質嘅牛舌檸檬茶正正常常

今日去左天水圍食日本菜 入到去環境好有日本氣息裝修格局同日式居酒屋非常類近而且環境都好乾淨今次我哋點左帶子刺身 😝刺身好新鮮冇雪味另外我哋都仲叫咗三文魚壽司油甘魚壽司🍣不過不失而最令我喜出望外嘅就係雞皮串🤓係我食過咁多間日本餐廳裏面最好食嘅香脆又唔油膩 送上來嗰時仲係熱辣辣 牛肉火鍋配料壽喜燒湯底🍲成座山咁大碗未食見到已經好開心啲配菜非常入味而且份量都唔少有娃娃菜羽衣甘藍冬菇本菇粉絲豆腐秋葵仲有碗白飯可添飯我仲配左個蟹籽沙律 口感清爽 份量輕怡不得不讚侍應好有禮貌加上送餐都好快唔洗等好耐 同埋都會定時幫你清理木台上面既空碟

今日黑雨唯有食好啲食晏嗰時去咗天澤商場食日本餐廳知道呢間餐廳最出名就串燒 而我最鐘意就係燒雞翼 雞翼串佢哋只係用咗鹽去調味燒到雞皮都脆卜卜 好好味炸雞軟骨配沙律醬超級好味一啲都唔油而且仲係熱辣辣甘上芝士煙肉焗白蘑菇不過不失睇得出廚師落重本芝士 係超級多芝士😝😝😝芝士控一定要叫無飯不歡嘅我就叫咗個吉列豬扒定食😝炸粉好薄夠晒香脆豬扒一啲都唔鞋掩埋多沙律醬簡直一流 下次我一定會再嗌呢個定食呢個定食仲配埋紫薯餅 紫薯夠晒甜 又唔油利岩我口味最後點左個特大海赤蝦刺身隻蝦都幾肥美 食完好滿足😎😎😎📍 千葉鳥 (天水圍)天水圍天瑞路71-77號天澤商場1樓113E號舖

想不到天水圍天澤商場裡面有間這麼優秀的日式料理！這間餐廳不論裝修、擺設和食物素質，都會令人感覺置身日本。先不說其他，小妹今天點的手打烏冬已相當不錯！面條彈牙之餘，隻溏心蛋滑到像豆腐一樣，實在太好吃了！燒秋葵、燒玉子、壽司併盤，通通好吃。先生說可惜我們不是住天水圍，否則一定成為常客。

依排天水圍愈開愈多野聽聞壽司郎都即將加入深入圍城 一於試下依間裝修大氣既日本餐廳先🤟🏻🥳一入到已經準備好口罩套同熱茶口罩套個設計都幾有格調 🧚🏻‍♀️蟹膏蟹肉軍艦 $31啲蟹膏勁正 入口即化 又夠濃味啲蟹肉無雪味 夠哂鮮甜讚🥰🧚🏻‍♀️吉列炸蝦壽司 $17炸粉無好厚重 剛剛好夠脆因為無乜炸粉既關係 都係遮到蝦既味 而且都夠熱 好吃😋🧚🏻‍♀️雙重芝士海鮮大蝦反卷 $51依個好好食呀🥰🥰啲芝士夠濃而且佢入味得黎好滑 入面隻蝦炸得完全好match 必點🧚🏻‍♀️軟殼蟹牛油果手卷 $25依個性價比都好高 佢係成隻細蟹係入面有少少油但唔係油膩 感覺更易入口脆卜卜再咬入啲蟹肉到 好讚再加埋牛油果🥑可能就清一清無咁油膩既感覺份量都好足 唔會係得個面有餸既手卷依個我都好喜歡 讚！🧚🏻‍♀️芥末八爪魚手卷 $22唔知點解好鐘意食芥末八爪魚佢唔只係純粹芥末個種刺激夾埋八爪魚又要你咬下咬下咁弓住個鼻 哈哈依個都份量都好足～夠哂芥末味八爪魚都唔會好淋身 夠哂新鮮🧚🏻‍♀️壽司散點（花之戀、三文魚、三文魚腩、栗米、碎葱三文魚、芥末八爪魚）壽點都唔錯～啲飯都有味 紫菜唔會太淋佢啲三文魚腩都好鮮甜又夠肥😍入口即溶🧚🏻‍♀️醬油

天水圍真係好多穩世好餐廳，今次食左千葉鳥，係天澤商場一樓，路過俾佢個門面吸引左，今晚就試試佢.牛油果軟殼蟹反卷 4件 HKD$474件size2個人食啱啱好，睇到滿滿嘅牛油果同軟殼蟹，真係食指大動，入口有濃濃牛油果香，咬到中間仲好脆！真係要舊接一蕭咁食，必食！.牛舌麻辣鍋 HKD$97賣相真係超吸睛，一塊塊牛舌鋪滿左個鍋面，仲要有好多材料，擺到太空館咁樣，好抵食呀！麻辣湯呈奶黃色，辣度夠，好過癮，入面有啲粉絲同娃娃菜吸湯，好入味越食越濃，好好味極上壽司盛合 HKD$148一次過試晒唔同款壽司，三文魚籽好出色，放到滿一滿，粒粒都爆汁(*≧ω≦)花之戀嘅三文魚好鮮，口感好，厚薄適中，好好味.平日去到都好爆場，外賣仲有折扣，等唔到位可以叫外賣過吓食居酒屋嘅癮🤩