千葉鳥

Open Now

Now Closed

樓下商場間千葉到通常都係我突然間好想食好嘢，就會選擇佢㗎啦。今日叫咗個燒三文魚套餐，首先三文魚嘅份量好多，啲骨好軟，燒到好香口，而日本珍珠米嘅白飯亦都好有飯香，配合燒三文魚一齊食，真係好飽足特別要再講嘅係一個套餐只需要加$10左右就有一份小食，小食種類多樣化，有壽司、手卷、甜品，好正

咁啱入到黎天水圍做嘢，仲要係最篤篤嘅位置，我對呢個地方嘅印象就係美食沙漠，不過行天澤商場嘅時候發現左一樓嘅呢間千葉鳥望到店面店內嘅裝修唔錯，有日式feel，同時播放住啲幾好聽嘅日文歌。 坐低冇耐就有店員即時幫手沖熱茶，店家亦都好貼心咁提供左一個一次性嘅口罩袋，莫講話個口罩袋design都唔錯🤪。，單係提供就已經加左分食物方面估唔到幾齊全，有刺身壽司定食烏冬拉麵清酒汽水…應有盡有 而我今日點左個壽司盛合,質素方面有驚喜，海膽表面唔係一pat pat模糊不清，幾鮮甜,三文魚、吞拿魚茸肥美有油脂香,帶子壽司表面有一小塊檸檬作點綴既可裝飾又可以去腥👍🏻細心 成個set總結新鮮好味嘅，呢個價位質素同其他日式店對比嘅話，我諗都排得上天水圍元朗頭三🤣

餐廳環境好舒服同闊落唔會坐到好迫都唔會好嘈我地夜晚七點左右到都好快安排到位置👍🏻坐低睇一睇個menu發現原來呢到都好多野食選擇🤩滿足哂我地各自唔同既口味🤩最後我地兩個人叫咗幾樣野食share首先講一講個刺身整體來講都好新鮮，無雪藏味😋之後我地再叫咗芝士年糕呢個真係值得推介比大家✨✨其實平時我唔鍾意食芝士年糕因為驚會好「漏」，食到好濟但呢個芝士份量岩岩好！跟住就再叫咗個壽司拼盤可以一次過試哂唔同既壽司😋每款壽司味道都好好三文魚、魷魚呢啲都係食得出好新鮮😍絕對係中上表現👍🏻👍🏻👍🏻玉子壽司幾驚喜但我最鍾意就係三文魚再加蟹籽個款壽司因為蟹籽既份量適中唔會搶哂三文魚既味道非常好食😋😋可惜只有兩舊！最後我地叫咗豬軟骨煮得好入味好淋呀😍超好食😍😍

食野既環境好重要,呢間充滿舊日本風情既店好岩我心水。食物既款式多元化,價錢親民,岩晒心大心細既我。我選了玉子同蟹柳細卷,同埋大大個既牛肉壽喜燒。小食有燒既蕃薯仔,甜甜地,細細粒,易入口。腐皮壽司都好好食。呢度好多野可以散叫,就算一人黎食都試到好多野。細卷既飯同醋比例得宜,同出面既味道又有少少唔同,有特色。壽喜燒既主打係牛肉,見到鋪到好滿既肥牛,份量十足,豆腐又吸收左壽喜燒既精華,好好味!飲品就叫左支波子汽水,中意既可以KEEP返粒波子。

估唔到天澤呢個屋苑商場，居然收埋左咁高質既日本居酒屋！就係呢間「千葉鳥」啦！門口已經見到入面好有feel，裝飾好有心機，令人一睇已經知道係食日本野。一行入去，啲style勁正，好有去左日本既感覺！今日我lunch去，lunch set勁抵食！咖喱雞球飯，啲日式咖喱好甜，夠濃唔會稀到水咁，入面既紅蘿蔔都煮到好淋；雞球勁脆，咬開一半仲見到入面啲肉汁跟餐仲有兩件手卷咁多真係想食唔飽都難叉燒拉麵，叉燒半肥瘦無得彈，好香好重豬味；豬骨湯夠濃味，又唔會好咸，拉麵掛湯能力都好夠，唔錯呢個餐跟左三件壽司，我再追加兩件吞拿魚壽司，真係好新鮮，無乜雪味。另外叫既餃子，煎得好脆，咬落去有聲雖然有啲煎痕，但完全無燶味，好好食lunch set仲有野飲，真係好抵食！

It is super inexpensive But the quality was so goodWe waited ard half hours I ordered my fav sukiyaki beef botThis is a must eat item❤️

今日同朋友去食飯，經過呢間餐廳睇落好靚😂入去坐低見到個口罩袋好特別🥰之後嗌左個生蠔，好新鮮好甜😂推介一試，仲有個牛肉火鍋 超大份而且平！味道都正唔食生蠔既朋友一定要試下～之後嗌左鵝肝壽司，沙律，燒波羅，燒雞軟骨同燒雞腎，燒鰻魚，平時我係唔食鰻魚的，但佢一放上黎好香忍唔住試左嚿，味道唔錯，之後個波羅都好正好甜又香，當你覺得有少少濟就食一嚿或者你冇胃口就食呢個先你即刻想食野🤭最特別係個鵝肝壽司，因為我第一次食 個鵝肝超cream一口即溶咁款口感好正🤣我係鵝肝同飯分開食，因為想試鵝肝先😂之後火鍋最後食，上台既時候超大份之後你望住慢慢熟慢慢變細好特別，而且湯好濃入面肉又多料又多，基本上呢個火鍋已經好飽肚🤣下次都會再去食，環境好靚好似去左日本既居酒屋咁

🔸️ 今次介紹一間天水圍好食日本料理 🔸️ 我哋呢次外賣 質素一樣有保證👍🔸️ 每個主食會送一份小食❗⭐ 三文魚三寶飯 ＄98🔸️ 三文魚大大件 好鮮味 厚切嚟嫁😍總共有六件 份量好多以咁嘅價格 算係好抵食👍推薦指數：⭐⭐⭐⭐⭐⭐ 鱈場蟹柳手打烏冬 ＄88🔸️ 鱈場蟹柳好鮮甜 一口一啖真係好滿足😋烏冬彈牙 湯底係昆布湯清清哋幾好食😊推薦指數：⭐⭐⭐⭐🔸️（小食） 抹茶蕨餅有淡淡抹茶味 抹茶味偏甜蕨餅口感Q彈👍而我個人比較鍾意食苦澀味多啲🙈🔸️（小食） 紫心薯餅外表炸到好香脆 薯餅入面嘅紫薯好飽滿熱辣辣😝💓📍總括而言， 外賣自取有8折好抵呀，而且外賣既質素同堂食差唔多，每個主食仲會送小食添， 如果你對刺身有要求嘅話，呢一間餐廳絕對唔會令你失望❗千葉鳥天水圍天瑞路71-77號天澤商場1樓113E號舖

如果唔係朋友住天水圍，應該都唔會過嚟天水圍食日本嘢好彩我哋有book位，入座冇幾耐已經開始多人好心機裝修到真係令人覺得好似係日本食緊野咁🥲侍應們服務態度好好 好有禮貌因為你食飯之前食咗少少野，所以我哋只係嗌左個牛肉火鍋（壽喜燒湯底）同埋個極上壽司盛合等咗唔係好耐，牛肉火鍋就黎到啦一嚟到真係俾佢嚇親，成座牛肉山咁先講左呢個鍋既主角 - 十分嫩滑既牛肉好香牛味，騷騷地我覺得幾好食，不過兩個人食就唔係幾夠喉除左牛肉我都幾中意個壽喜燒湯底啲鮮冬菇、黃芽白同粉索哂個湯底仲更加鮮甜，正！之後到呢個極上壽司盛合舊花之戀咬落去好香，三文魚又夠厚蟹膏壽司都好正🥰海膽唔會苦，好甜好濃味我自己最中意就係個拖羅茸卷物同玉子，拖羅茸份量好多，玉子夠蛋味又甜

外觀看似普普通通的日式料理店真係無諗過有咁大驚喜呀🤣特別處於一個普通商場內，都可以搵到一間咁高質嘅日式料理👍🏻今次就試咗串燒、壽司、鍋物、鳥冬同埋點小得日本嘅啤酒😆*串燒秋葵*$18友人係個秋葵控，見到秋葵當然立即order啦串燒秋葵食落去鹹鹹地，唔會覺得件事好dry咁，再配搭著木魚，食起嚟增加咗口感外，仲帶出咗日式滋味嘅秋葵食法😋*蟹肉蟹膏軍艦*$24雖然軍艦嘅外表很一般，亦不抱太大期望。食落口，卻有一很大驚喜🤭蟹膏不但沒有腥味仲嘗到淡淡蟹膏鮮味 ，而蟹肉方面亦相當足夠份量。*粟米沙律軍艦*$13對於一個粟米沙律軍艦控，揀直係一個必食項目。見到粒粒飽滿嘅粟米再混合了沙律醬，見到已經加咗好咁咗好多分😋呢款粟米軍艦粟米味相對較沙律醬重，所以吃起來不會太有罪惡感🙈*牛油果軟殼蟹反卷*$47軟殼蟹炸得夠脆身，用飯包住軟殼蟹都唔會變得冧身👍🏻再配上牛油果加適量嘅三文魚籽，令到整件件壽司達至不油不膩的效果，魚籽夠新鮮，令到更有口感😋*豚肉泡菜鍋（泡菜湯底）*$107豚肉個份量都比較多，鍋底以秋葵，娃娃菜，本菇、冬菇及類似薯粉等…湯底以泡菜製煮成外，仲有泡菜係豚肉面上。令到整個鍋物泡菜味更濃郁更出

喺餐廳遠處已見到好多人等外賣自取，睇嚟好受街坊歡迎，幸好當日唔洗點排隊就入得去 (⁎⁍̴̛ᴗ⁍̴̛⁎) 入到去環境好有日本居酒屋感覺，加上客人眾多，氣氛超好的～~~🏮見到兩邊有不少獨立卡位座位，勁正，好啱同朋友聚會食飯，裝飾仲好有feel~ 可以打卡。雖然同友人坐非卡位，都一樣坐得舒服。▧ 極上壽司盛合 (季節壽司9件，卷物3件，厚燒玉子1件)啱哂選擇困難症嘅我，一次過可以食到好多款唔同壽司🍣 整體魚生都新鮮，驚喜地仲有海膽壽司，非常鮮甜。▧  千葉鳥丼 (千葉鳥特選大大粒魚生飯)魚生份量感覺比飯份量更多( ´▽｀) 魚生種類好多，當中嘅碎蒽拖羅同馬糞海膽好新鮮鮮甜，滿足。▧ 燒多春魚為咗餸啤酒叫，即叫即燒，燒得啱啱好，好香口。▧ Kirin Ichiban 麒麟一番榨 日本啤酒$58 500ml超大杯( ´▽｀) 爽！▧ 整體來說，環境，食物都好不錯嘅日本餐廳，仲有不得不讚餐廳侍應們嘅服務態度都好好。

天澤商場沒甚麼好吃，難得開了這間日本餐廳，終於可以一嘗日本菜。今天晚上家裏無人煮飯，便與弟弟過來好好慰勞自己。我們二人點了芝士煙肉焗大啡菇、六塊壽司、兩串雞肉串燒，主菜弟弟點了咖哩炸雞飯，我則點炙燒三文魚魚湯拉麵。壽司最早上來，我們分別點了三文魚壽司、炙燒三文魚壽司和鰻魚壽司，三文魚非常鮮甜，口感幼滑，鰻魚我沒有吃，所以不作評論。然後上了咖哩飯，這裏的咖哩味道很香，跟坊間買到的日本咖哩有少許不同，沒有那麼甜，同時亦較香濃；拉麵很彈牙，配上魚湯味道十分相配，很快我便吃完了，但三文魚有點腥，最後讓弟弟吃了串燒配上甜醬油非常好味😋推薦！最後大啡菇上來，滿滿的芝士鋪滿整朵菇，不過略嫌膩了一點～整體餐廳的食物水準不俗，環境亦舒適，怪不得門外長期絡繹不絕～

事源今日買完月通，竟然跌左80蚊，感到非常不開心惱自己惱到要走去食好野，去懲罰自己個肚話是話，我都好耐無去天水圍剛好K73經過天澤商場，就不妨跳下車，睇下有野咩去慰藉一下我既弱小心靈一丁友食唔到咁多就揀左個極上壽司盛可以樣樣都試當中有季節性壽司9貫，3件卷物再加個厚玉子燒三文魚、帶子、海膽、花之戀、海蝦、吞拿魚、三文魚籽全部又幾新鮮，同埋海膽又唔苦，好鮮甜喎last 仲order 左個燒菠蘿真係甜到流呀，大讚直情唔洗配埋佢地專登提供的話梅粉都已經一絕食完個甜品，成條氣順曬

When I walk pass this Japanese restaurant, I miss the days in Japanese so much !!!!There is fish 🐠 , so lovely ☺️ The decoration is so beautiful and eye-catching. Japanese style. Seems like dinning in Japan 🇯🇵 My fd and I have a super good chit chat here 🥰刺身salad ~ the size is big. Enough for two ppl. . It super super delicious 🤤Fresh as well!!! Give it a thump up 👍🏻棒棒軟骨餃子 🥟taste very good 😌 I aten 3 pieces 生牛肉烏冬～ the beef is then not fat, suitable for me haha 😆 This signature sushi 🍣 with avoca

今日去郊區散步，醒起朋友講過天水圍有間好好味嘅日本餐，我又去食下😻我哋兩個人叫左：1. 脆炸雞軟骨 39HKD2. 串燒秋葵 18HKD3. 串燒免治雞肉 28HKD4. 吉列豬扒拉麵（豚骨魚介湯）67HKD5. 雙重芝士海鮮大蝦反卷51HKD6. 天婦羅三文魚反卷 39HKD飯餸未黎之前，我特別欣賞每個卡位嘅空間，我留意到每個卡位都好似喺日本嘅居酒店，非常之有風情😁1. 脆炸雞軟骨 39HKD雞軟骨係新鮮炸起，佢巧妙地利用隔油網，隔起多餘嘅油，令雞軟骨上菜嘅時候都非常之脆口，加少少七味粉同埋沙律醬，就非常之夾，而且佢配咗好多日本生食椰菜，咁就冇咁熱氣啦🤣2.串燒秋葵 18HKD兩串秋葵一共有八條，每條都外脆內軟，非常之健康同好味！3. 串燒免治雞肉 28HKD免治雞肉串有好多細細粒嘅雞軟骨嘅軟骨係入邊，每一啖，都食得好過癮！而且個醬汁點秋葵嚟食，都好正！4. 吉列豬扒拉麵（豚骨魚介湯）67HKD呢個拉麵非常之抵食！炸豬扒有一大塊係新鮮炸起，個拉麵亦都好多配料，例如有粟米、筍、木耳、芽菜、半隻糖心蛋等等5. 雙重芝士海鮮大蝦反卷51HKD呢個壽司卷入面嘅炸蝦係新鮮炸起，隔好油再卷好個飯