CHICKEN CHIKO

Open Now

Now Closed

Convenient Location and Korean Vibes CHICKEN CHIKO is a welcome addition to North Point's dining scene. Located conveniently near the MTR station (Exit B, I believe), the restaurant has a simple yet charming design that instantly transports you to Korea. The warm and inviting atmosphere, reminiscent of my time in Seoul, made me feel right at home.Fried Chicken: Crispy and Flavorful The star of the show is, of course, the fried chicken. I opted for the sweet and spicy sauce, and was pleasantly su

通常吃韓國菜都去尖沙咀，原來港島區都有優質韓國菜。今天和朋友約了在這一間北角地鐵站附近的韓國餐廳吃晚餐。因為是在路上才搜的餐廳，看網友說炸雞好吃，就想點一個，不過發現有二人餐，問了店員可以加10元要兩個口味的醬汁，就點了二人餐。二人餐食物包括炸雞和幾選一的主食，我們點了魚糕湯，另外兩個飲料，點了西梅汁和蜜桃汁。魚糕湯，看起來有點平淡，但湯底很鮮美，魚糕和粉絲都很好吃。香脆炸雞，怪不得炸雞受歡迎，香脆多汁，原味已經很好吃。我們另外點的是香辣和牛油蒜香兩個口味，牛油的真的是用牛油很多，所以醬汁沒香辣的稠，我個人喜歡辣的多一點，是真的辣，不能吃辣的不推薦。套餐的飲料和加點的青提子燒酒，之後還加點了原味燒酒搭西梅汁和蜜桃汁。

放工同丫妹做完gym, 饑餓感爆燈, 係附近兜咗個圈, 比我地發現咗呢間主打炸雞嘅韓國料理餐廳, 正好我們二人都熱愛食炸雞, 就吸引咗我地入去試試。餐廳乾淨企理, scan QR code落單, 全日免加一, 除了炸雞外, 還有一些主食, 例如韓國飯卷、炸醬麵、魚糕、年糕等等.... 所有炸雞仲要係無骨, 可以放心啖啖肉入口, 而且口味款式都幾特別, 第一次黎當然想試多d口味, 所以就揀咗個四拼炸雞set, 可以自選心水口味炸雞。 韓滋樂四拼炸雞: 每件炸雞切成剛好一口一件的size, 即叫即炸, 香脆不油, 肉質幾嫩, keep到些少肉汁, 配上不同調味, 更有驚喜!蜜糖粟米雪花炸雞: 味道香甜輕盈, 食落唔會覺得過份調味, 不過唔見有粟米芝士雪花炸雞: 鹹甜芝士雪花令炸雞更邪惡美味, 可能係芝士粉關係, 做到點到即止, 唔會好濟。乳酪洋蔥炸雞: 炸雞皮稍吸了幼滑奶酪嘅乳酪醬, 配上爽脆洋蔥, 很健康。咖哩皇炸雞: 咖哩香甜, 很惹味。炸醬麵:size好大碟, 炸醬足夠撈起成個麵, 麵條偏林,  食落好漿口濕滑, 味道鹹甜不會重口味, 夾集了肉碎、青瓜絲、盡索咗汁醬嘅洋蔥, 令口感有

估唔到北角有性價比高嘅韓國餐廳，仲要系韓國人主理，呢度嘅炸雞系呢邊嘅街坊都大贊！🌟 韓滋樂雙拼炸雞 (無骨)可以自選口味，我哋揀左甜辣炸雞及蜂蜜牛油炸雞，無骨炸雞食落方便又啖啖肉，炸雞新鮮炸好就上枱，食落熱辣辣又皮脆肉嫩！甜辣炸雞系必點口味，甜甜辣辣充滿韓式風味，令人食唔停！蜂蜜牛油炸雞充斥住蜂蜜嘅甜味，仲有微微嘅牛油香！🌟 韓式魚糕湯清清地嘅魚糕湯，可以中和一下煎炸感，魚糕嘅份量都好多，入面仲有韓式粉絲、椰菜同年糕！🌟 烤牛卷飯韓式卷飯系韓國家常菜式，卷飯包住薄薄嘅烤牛肉、紅蘿蔔、牛蒡等材料，再灑上芝麻，一啖食落口，口感豐富，健康又飽肚！🌟 辣炒年糕辣炒年糕份量都唔少，有好多年糕，仲有魚糕及半只蛋，辣辣地好惹味！飲品都有多款選擇，我哋就揀左水蜜桃梳打及紅葡萄柚梳打！

最緊去唔到韓國又想食韓國野😋朋友就介紹我去位於北角嘅韓式餐廳，餐廳大大間，座位間都闊落，又有卡位形式座椅，坐得舒服👍🏻餐廳提供10款炸雞口味🤣好欣賞餐廳有得選擇輕盈盒Size，所以同友人2個女仔都簡咗2款口味嘅炸雞試試！兩款炸雞都炸得金黃香脆，雞肉肉質嫩滑😋▫️甜辣炸雞（輕型盒）甜辣醬料好開胃，辣味唔會太辣，同甜醬撈埋一齊，食落更可口滋味👍🏻▫️乳酪洋蔥炸雞（輕型盒）第一次食乳酪洋蔥味嘅炸雞，完全驚艷到！乳酪味超香濃，有酸酸甜甜味道，配埋洋蔥，好Creamy，味道更有層次，大愛！必試呢款味！▫️炸醬麵地道韓式餐廳必有嘅炸醬麵，充滿韓國嘅味道👍🏻麵質好彈牙！▫️韓式魚糕湯韓式魚糕湯入邊包括有魚糕、年糕、雞蛋、粉絲及雜菜！魚糕食落好煙靭，彈牙，充滿魚湯嘅味道😋粉絲更加係當中嘅精華，吸滿湯汁，超好味！▫️辣炒年糕份量好足料，除咗有年糕之外，仲有雞蛋、魚糕！甜甜辣辣，食落好惹味😋！▫️烤牛捲飯一碟有10舊，超足料🤣捲飯裏面包有烤牛、蘿蔔絲、青瓜及酸蘿蔔！一啖食落口，除咗充滿濃郁嘅牛肉、再配搭酸蘿蔔及青瓜等配料，口感好有層次，食落帶點爽脆，好食喔！▫️無糖可樂▫️西梅汁（凍）西梅汁酸酸甜甜，飲落好開胃喔！

北角明園西街2至6號明苑中心地下4號舖 坐港鐵到北角站B1出口步行三分鐘到 門口乾淨，地方寬闊，空間清新柔和，三四知己相聚很不錯的地方，店員善解人意😄 韓式樂四拼炸雞拼原味-無骨😋原味炸雞：炸得合適，食落嫩滑有肉汁味甜辣炸雞：皮脆入口又甜辣嫩滑混合口裡😋乳酪洋蔥炸雞：見到好開心，畀人一種很想食😋洋蔥加乳酪入口濃鬱豐富多汁嫩滑火辣炸雞：未入口已經感覺到辣😉很有樂趣 泡菜餃子湯：有雞蛋，泡菜餃子，粉絲和蔬菜仲有年糕在湯低😁喜愛偏辣的人士，餃子入口酸辣不錯，粉絲夠嫩滑爽口，配合湯底清甜烤牛肉煎餅：見到好大件，咬落有彈性煙煙靭靭加埋配料和嫩滑牛肉清新甜很夾😋 韓式泡菜伴冷麵：有半隻雞蛋加入青瓜切長條陪伴，喜歡泡菜偏甜很不錯😋冷麵咬入口 煙煙靭靭入口甜滑很不錯最後，冰凍檸檬茶和熱柑橘汁完滿相聚😍

今日嚟到北角搵食，見到網上推介呢一間韓式炸雞店，一於嚟試吓，一入到去老闆就好熱情招呼我哋，環境都好闊落，聽吓K-Pop 都幾chill我哋嗌咗個四拼炸雞（火辣、蜜糖牛油、咖哩、芝士雪花）韓式泡菜冷麵、烤牛捲飯、同埋咖喱炒年糕仲有藍色多瑙河梳打同埋水蜜桃梳打。我哋兩個人都睇少咗食物嘅份量，點知碟碟都比我哋想像中大，勉強先食得晒。一坐低點完嘢食侍應好快就送上沙律，都幾開胃。網上嘅推介都冇介紹錯，炸雞的確好出色，我自己就大力推介芝士雪花炸雞，甜甜哋有芝士味得嚟又唔會好漏，亦都唔好睇小火辣炸雞嘅辣度，唔食得辣嘅朋友可能要揀其他味，炸雞都係熱辣辣新鮮炸好，一啲都唔hea!冷麵口感有啲似烏冬，配埋泡菜幾新鮮幾開胃，幾特別值得一試。飯捲啲料都好足，非常飽肚。最唔可以睇小一定係咖喱炒年糕，本身以為細細碟當係前菜，點知佢超級大碟仲要配埋粉絲，而且咖喱味嘅年糕真係第一次試，鍾意食咖喱嘅一定要試吓！藍色多瑙河梳打絕對係打卡之選，非常吸睛！兩杯飲落都好清新，酸酸甜甜，幾開胃，配韓式炸雞一流！下次想食韓式炸雞，一定會再嚟呢間！

韓滋樂四拼炸雞(無骨) $218芝士雪花🧀香蒜醬油蜜糖牛油🍯招牌甜辣- 啖啖肉真係好正🍗炸雞肉質好嫩滑，而且每一種味嘅味道都好突出🤤卡邦尼年糕 $83: 卡邦尼醬汁好濃稠😍有年糕、粉絲、香腸煙肉、蔬菜等，非常豐富，又飽肚😋韓式魚糕湯 $88: 魚糕湯熱辣辣好暖，帶少少胡椒味道飲完好舒服😝 魚糕有星形、長形同圓形，口感煙靭，仲有好多年糕、粉絲同椰菜👍🏼泡菜煎餅 $73: 3大塊泡菜煎餅 煎得幾香脆，仲食到泡菜絲喺入邊🙌🏼

這家餐廳由韓國人主理，已有信心保證。餐廳貫徹韓國餐廳的設計，有空間感和簡約。餐牌上選擇很多元化，由平價晚餐到炸雞都有。⭐️韓滋樂雙拼炸雞所有的炸雞都是無骨的，非常方便食用。其中，香蒜醬油味的炸雞深受我喜愛，它散發著濃郁的香蒜和醬油的味道，讓人垂涎欲滴。另外一款則是蜜糖牛油炸雞，它的甜蜜味道和牛油的香氣相得益彰，給人一種獨特的口感，兩種味道都很美味。⭐️烤牛捲飯韓國紫菜包飯，以牛肉、青瓜、紅蘿蔔、牛蒡和蘿蔔為主要配料，搭配蔬菜的清新爽脆。⭐️泡菜餃子湯裡面含有雞蛋、泡菜餃子、粉絲和蔬菜。這碗湯的湯底鮮美，泡菜餃子的酸辣口感與湯的清爽相互呼應，令人一口接一口。⭐️韓式烤牛肉飯韓式烤牛肉飯是這裡的招牌，以烤制的牛肉片和白飯為主要食材，搭配著各種時蔬和辣椒醬，口感豐富多樣。還有一碗飯，十分抵食。這道菜的牛肉片烤得恰到好處，肉質鮮嫩多汁。點了柑橘汁和西梅汁更是為整餐增添了一絲清爽的感覺

這間韓式小店老闆會親自招呼客人，店家10分親切，絕對是韓國美食愛好者的好地方。菜式有韓國地道味，選擇很多，性價比超高～ 也有外賣，堂食也不會太迫，地方乾淨整潔~今天分別點了牛肉和蟹肉紫菜包飯，已醃製過的牛肉薄片加入了大量蔬菜，調味適中，味道剛剛好，蟹肉也給得很足，加了一堆蔬菜，健康之選～ 這裏的炸雞是我吃過數一數二最好的，點了大份的甜酸炸雞和小份的乳酪洋蔥炸雞，份量真的覺得很足，炸粉不會太厚和硬，雞也鮮嫩多汁不會太硬，真的太好吃了。

呢排煲緊韓劇，放咗工就好想同同事一齊Hea下，飲杯嘢傾吓偈，於是就去咗呢間Chicken chiko。入到餐廳唔算多人，坐得都算舒服，有幾耐就發現外賣嘅order好多，一個接一個。炸雞嘅選擇都唔少，我哋樣樣都想食，就叫咗個四拼炸雞（甜辣味、車打芝士味、蜜糖牛油味和乳酪洋蔥）諗住可以每隻味都試吓，點知佢個份量超多，差啲食唔晒😆佢啲炸雞炸得好香脆，但又唔會好嚡口。最鍾意嘅係甜辣味，酸酸辣辣好開胃。另外，乳酪洋蔥炸雞味道都好特別，可以食炸嘢嘅時候都有一種清新嘅感覺👍炸醬麵嘅麵質好煙靭，而且特別多醬汁，配料亦好充足，值得一試。泡菜煎餅十分香口，香脆嘅外皮包着濃濃嘅泡菜，沾上搭配嘅醬汁，非常美味。飲品方面，我哋揀咗士多啤梨梳打和柑橘汁，士多啤梨梳打除了賣相靚之外，亦很清新，搭配濃烈口味嘅韓式食物，特別解渴。值得一讚嘅係服務員很細心有禮，所以整個晚餐過程都很滿意。

今日過咗嚟呢一間位於北角嘅餐廳同兩個同事食lunch，好耐都冇食過韓國炸雞，所以都對呢一餐有少少期待，我哋幾個就叫咗一份四個口味嘅炸雞，一個韓式冷麵，一個韓式魚糕湯！輕盈韓式泡菜拌麵✌🏻，分量嚟講都算幾多，再加埋泡菜青瓜絲同埋一隻雞蛋，味道嘅配搭上都有幾好嘅口感，夏天咁熱，食冷麵就最好不過，我哋都幾鍾意佢嘅配搭四拼炸雞✌🏻，我哋都係叫咗冇骨嘅炸雞，感覺上比較同埋方便，炸雞每一份都熱辣辣，而且份量黎講非常多，我哋三個人都差啲食唔晒，而且味道非常正宗，拍得住我哋喺韓國食嘅炸雞，比較推介有佢嘅乳酪炸雞，熱辣辣嘅炸雞再加埋yogurt, 上面再有有少少洋蔥，口感配搭上都非常match! 第二個口味我哋叫咗咖喱炸雞，炸雞加埋咖喱粉嘅味道都幾特別，而且唔會好辣，第一次食咖喱炸雞，都唔錯！第三個口味，我哋叫咗火辣炸雞，辣辣地酸酸地，令人覺得非常開胃，而且味道適中，絕對唔會超級辣，適合我哋香港人嘅口味，非常推介俾大家，最後一個味我哋叫咗醬油，係傳統韓式classic味道，絕對唔可以錯過，甜甜地咁非常好食！Cass 啤酒🍻，食炸雞點少得啤酒，啤酒入口超清爽，再加上冰杯，入口簡直就係爽！簡直係炸雞嘅最好配

Happy Friday難得可以同老公二人世界，一齊去左北角CHICKEN CHIKO食韓國野。甜辣炸雞 無骨我地驚食唔晒，所以叫左輕盈版，但其實份量都唔細。炸雞甜味出過辣味，外皮炸得脆，雞肉唔鞋，而且無骨，食得好方便。韓式魚糕湯魚糕同平時食既樣唔同，但味道係一樣既，除左魚糕，仲有粉絲、年糕、椰菜等等，清清地幾好。部隊鍋材料同韓式魚糕湯有啲似，冇左魚糕，多左午餐肉同腸仔，而且幾辣下。烤牛捲飯好大條，切左10件，加左芝麻，幾香口，健康又飽肚。野飲叫左蜜桃味燒酒同Cass啤酒。

經過北角見到間韓式小店，主打傳統韓國菜，而且價錢好抵食，就試一試，入去坐低發現隔籬枱係韓國人，環境乾淨整潔，坐得都幾舒服。🥹🥹❤️首先，呢度嘅炸雞係佢哋嘅招牌，所以我哋點咗韓滋樂嘅四拼無骨炸雞，啖啖多汁，肉質鮮嫩，外皮香脆，口味可以選擇4款，車打芝士口味上面淋左芝士汁，香濃滿溢，甜辣口味嘅炸雞辣中帶甜，刺激味蕾，非常開胃，蜜糖口味帶有微微焦糖味，超級美味！🍗🧀🌶️🍯接著，我哋試吓烤牛捲飯。牛肉份量多，每一口都飽滿多汁，肉質鮮嫩，燒烤嘅香氣令人垂涎欲滴，配上軟糯嘅白飯，一試難忘！🥩🍚然後，點左韓式魚糕湯。湯頭濃郁，魚糕軟嫩又彈牙，飲落暖胃又健康。🍲🐟🥬再來，係弘大玫瑰炒年糕。年糕彈牙有嚼勁，配上玫瑰醬汁，香甜芬芳，玫瑰香味滲入年糕之中，有帶點辣味，好有驚喜！🌹🍡最後，來杯燒酒同檸檬茶解渴。燒酒入口溫暖，滑順清爽，檸檬茶清新解膩！🥃🍋

北角隱世韓式小店，空間相當闊落，電視上仲會播韓國綜藝，好有韓劇入面大家聚埋一齊飲酒食嘢傾計嘅感覺！甜辣炸雞&乳酪洋蔥炸雞炸雞都非常推薦，無骨得嚟份量相當大方，就算係輕盈版都好夠，想試多啲味可以嗌輕盈版。今次就試咗兩個皇牌：甜辣炸雞同乳酪洋蔥炸雞，炸得好酥脆，肉汁好多完全冇雪藏味，兩款醬汁都好味，個人會更加鍾意乳酪洋蔥味，食落清新唔會膩。韓式魚糕湯嘅調味啱啱好，唔會太鹹，魚糕真係有魚味，個煲仲有火不斷熱住，暖粒粒，絕對係飲完酒想暖下個胃嘅不二之選。韓式辣豬肉紫菜包飯，份量好有誠意，足足有成十塊咁多，辣豬肉好惹味，好下酒！