麻辣派對 (金百利廣場) (Closed)

很麻辣的一晚，很開心的一夜。同朋友經過銅鑼灣，見到樓下有姐姐好友善咁樣宣傳麻辣派對，見到餐牌上有好多唔同嘅選擇。即刻上去試一試。果然有驚喜！我哋嗌咗幾個餸，全部餸都可以揀大中小辣，我哋叫咗京蔥炒羊肉，魚香茄子，西蘭花炒回鍋肉，仲有兩杯超級好飲嘅生果茶。水果茶入邊有好多水果，值回票價！京蔥炒羊肉，好大份，羊肉好入味。魚香茄子絕對係一流，可以送10碗飯！下次嚟，一定會試埋佢嘅酸菜魚同埋雞煲！見到有啲人一個人都嚟食一大盤酸菜魚，就可想而知幾吸引！

最近食食酸菜魚食上癮，想試多幾間🤭今次黎到好評如潮既麻辣派對。⭐️江團酸菜魚 (中辣)$198魚片份量多，嫩滑，配菜有芽菜、水晶粉、酸菜，索晒湯汁好好味，係正宗既味道🤭⭐️清炒萵筍(中辣) $78⭐️爽脆生腸 (中辣) $78兩款小食都係正常發揮，如果兩個人食一盤魚都夠晒飽🤭

每次lunch time上嚟都坐滿晒人麻辣派對，餐廳有花心機佈，置好多靚靚燈飾同埋花球，第一次想來嘅時候覺得環境唔錯。唯一不足係座位比較同隔籬枱近，會坐得迫一啲，但係都尚算可以接受。✨每次必要嘅小辣酸菜魚，超大一鍋，兩個人食可以加兩至三款配料就非常足夠。麻辣派對嘅小辣，比起譚仔嘅會辣D，唔太食得辣嘅男朋友要不停飲檸檬茶解辣🤣雖然喇，但係佢話好惹味，照食到。我哋揀咗最普通嗰隻魚，魚質都算滑嫩，個人口味覺得如果湯底再酸啲，或者落多少少酸菜會更加出色。✨另外要推介嘅係佢嘅尖椒小皮蛋，加咗好多香料，超香口，一樣比起出邊食嘅辣，但辣得過癮，一口一啖，好快就食晒😋😋✨整體嚟講餐廳，食物質素都幾高，炒嘅川菜都好有鑊氣，調味好出色，啱晒鍾意重口味同埋鍾意食辣嘅人❤️❤️❤️

麻辣派對川香豬軟骨水晶粉Pork Cartilage Rice Vermicelli 豬軟骨本身以帶辣醬料烹製，豬肉同軟骨部分質感軟腍，十分入味。水晶粉係幼身版本，吸入醬汁湯料，花生，酸菜，蔥花等，口感煙韌，特別容易食飽晒。加杯冰凍嘅涷檸水，十分享受。芹香炒五素Fried Mixed Vegetable with Celery 芹香炒五素嘅材料有西芹，雲耳，秋葵，蓮藕片，等等。多樣化嘅蔬菜種類增加不同口感味道帶出嘅層次，食菜都唔會悶。綠豆沙Dessert Mung Bean Paste 店員突然為我送上一碗綠豆沙，好似知道我無糖水會意猶未盡。綠豆沙口感濃調，卻柔軟細滑，清熱解毒。

吃了好多次，没有一次像今天这么难吃的。酸菜鱼不新鲜，鱼肉很老，米饭也很硬，一坨一坨的，好像隔夜饭。吃没几口就吃不下去了。第一次难吃到想给负评！！！！！！！！！！！！！

今晚同朋友去銅鑼灣金百利麻辣派對食水煮魚🥳叫咗個水煮味型江團$198，朋友話之前食過剝皮魚，今次又食下江團，啲魚都好滑，因為食唔到好辣，所以要咗BB辣，呢個辣度都接受到，好大鍋，裏面都有唔少配菜。食辣嘢當然就要叫返兩杯冰凍飲品啦！另外叫了古法咕嚕肉，見餐牌上面係推介，果然真係好好食喎，外脆內軟剛剛好，又唔會食到好多肥豬肉，個汁又唔會太甜，真係一個有水準嘅咕嚕肉。依家出街食飯，夜晚都真係多咗好多人，特別係銅鑼灣，今晚食飯見全店差不多坐滿。呢度環境都坐得幾舒服，而且好有情調。

銅鑼灣食lunch真係好多選擇今日同同事來食四川菜，麻辣派對食過好幾次個人首推水煮牛肉， 麻辣味重，牛肉滑嫰，香味濃烈，愈食食麻及辣，食得過癮乾煸四季豆，食四川野必點 送飯一流辣子雞，份量十足，一上枱香氣撲鼻，好辣既感覺辣子雞的口感香脆，肉質嫰，非常好味

麻辣派對,  CHILI PARTY,  銅鑼灣金百利廣場,  4樓.燈光迷彩.   一間好夢幻感覺的餐廳.  地上投影很吸引眼球, 餐廳內氣氛有點浪漫, 好像正在開 party, 天花掛滿彩色繽紛的花球, 佈置好吸引,有多部螢幕電視, 正播放明星節目,每個座位都有燈飾, 令客人坐得舒適. 店員招呼很好,  送來暖水及餐牌,  食品有海產,燉雞, 羊胺, 大魚頭.....酸辣鍋系列  , 麵食等, 可辣可走辣,   豐儉隨意.我們點了酸菜江團魚走辣.熱鍋上臺, 好大盆, 好睇好食. 有魚多塊, 魚肉白雪雪好嫩滑,  真豐富.配料有酸菜, 竘蒻, 芽菜, 寬粉, 吸了酸菜湯味, 好開胃.   湯底金黃色, 酸酸地好滋味.寬粉好稔滑,  芽菜幾爽口.水晶粉吾多, 煙韌彈牙, 夠滑口.大刀牛肉小麵,  賣相吾錯,  夠熱調味正.         牛肉好大塊, 份量不少.紅燒排骨小麵,    排骨有多塊, 又有少少肉碎,  小麵 好掛湯, 食得好開胃. 炸花生好味.枱上有提供 "魔鬼辣椒粉",   細看瓶上的提示, 朋友可以互比高下, 看誰可以吃得最辣.  食中菜加上浪漫的西餐廳環境, 這個

天氣炎熱，室內活動較合適，過銅鑼灣中央圖書館消磨時間，下午時間先吃lunch 冇咁多人，阿女話要食酸菜魚。位於金百利嘅《麻辣派對》係呀女在銅鑼灣一定要選擇嘅餐廳，酸菜魚係指定菜式。餐廳內派對氣氛濃厚，燈光比較昏暗，都好適合三五知己一路食一路傾。酸菜魚(江豚)~揀咗bb辣已經好夠惹味，賣相唔錯，鋪上菊花，與鮮紅辣椒形成一個強烈對比。一大鍋好多魚片，冇骨淨肉啖啖肉，正呀！配菜豐富，包括酸菜、辣椒、芽菜等，仲有qq彈牙蒟蒻片，另外加多個玻璃粉。魚香茄子~食呢味菜，當然要加個白飯，茄子炆到好淋，魚香醬汁味道香濃，送飯最啱，識食一定要加個白飯。凍檸茶+冬瓜茶~食辣嘢一定要配凍飲，阿女嘅檸檬茶少甜，自己有冬瓜茶夠甜。

每次想食酸菜魚都一定會黎呢度！價錢實惠又乾淨，最緊要方便差唔多次次都係叫返類似嘅野，鱸魚酸菜魚最少辣，加水晶粉同萵荀做配料今次加多個黑木耳呢日晚餐早咗食，所以唔係好多人，好快就上菜同以前一樣勁大兜！d魚肉超級無敵滑口！完全無魚鄰無魚骨，每啖都係肉肉！好多塊魚！好多配菜，酸菜芽菜等呢件萵荀好大塊！水晶粉喺魚底下，配湯食好好味！黑木耳有生蒜同麻油拌，好香但唔會咸，感覺健康！每次黎都係回憶嘅味道，好開心！

食過好多間酸菜魚， 麻辣派辣係我心目中排頭位， 尖沙咀同銅鑼灣分店共埋食過10次以上， 次次都叫酸菜江團， 其他款無食過。第一次去唔鐘意佢獨特嘅裝修， 環境好暗，水鑽酒樽好土豪， 播嘅歌都係大陸舊歌。但麻辣派對嘅酸菜魚好抵食， 配料好豐富， 有粉皮， 芋頭蒟蒻，大量芽菜， 酸菜， 魚肉好多， 每次都只食江團， 聽講桂花魚多d骨， 仲要貴d，2個人晚市食一份酸菜魚每次都食唔曬。 江團魚好滑又無骨， 有魚味。另外加左小食毛肚， 小食價錢唔平， 但呢間嘅牛柏葉好特別， 比平時食開嘅juicy, 爽口彈牙， 每次都揀bb辣， 好惹味。水果茶都好大杯， 入面有好多水果，呢個價錢值得。♡ 酸菜江團魚 $198♡ 戀味毛肚 $68♡ 蜜語水果茶 $38

銅鑼灣一向多好嘢食，以前喺呢度返工，到經常會喺呢度大廈搵食，選擇非常多今次約咗舊同事食麻辣派對之前喺尖沙咀店試過晚飯，原來午餐都好抵食餐廳裝修好有格調，燈光偏暗，座位寬敞舒適可以慢慢食，慢慢傾每個套餐都有包飯同飲品或湯，每個菜都可以揀不同辣度我哋叫咗水煮鮮牛肉套餐份量好多，牛肉好嫩，仲有金菇芽菜我哋叫咗小辣都好夠辣歌樂山辣子雞套餐呢個小辣連埋啲香料炒好惹味乾煸肉鬆四季豆套餐D四季豆炒得好爽脆夠乾身全部餸都好好送飯之後仲有雜豆糖水做甜品勁滿足

過麻過辣不是我杯茶，但少少酸味，少少辣味，能另胃口大增，就是我喜歡食的。朋友帶我嚟到呢間餐廳，進入餐廳好似去了酒廊，點都估不到是川菜館，又是中菜館。有辣有唔辣，有多選擇。雲南酸菜米線要了bb辣，辣度恰到好處。米線吸盡酸辣味道，滋味。有大量肉碎，咸菜，花生………….增添了口感。古法咕嚕肉怎樣古法？有什麼不同呢？原來採用了酸蕎頭，紫羗來做配菜。開胃。咕嚕肉外脆內軟，夠入味。檸檬茶只是$18，好抵飲喎。

好差的體驗聽我講：首先第一次去肚痾，我以為係我自己腸胃問題，俾佐第二次機會，一入去，俾我嘅餐具有上一客留俾我嘅餸…你地應該明啦…嗌咗酸菜魚..食第一啖系生魚片來嘅…我問餐廳服務生，佢哋話：因為魚要快啲煮先新鮮。加熱多次就得。唔俾退。全程冇講sorry,最後埋單，我問：啱啱你哋魚都未煮熟可唔可以俾啲折我？佢哋一啲都唔客氣話：冇。我話：甘我哋真係冇下次啦。佢哋都話：好However..想食酸菜生魚片，尼間好選擇！．

呢幾日突然辣癮起想食辣野，即時約埋朋友仔一齊去。麻辣派對唔係第一次食，但每次都諗一輪食咩，太多選擇。餐廳環境偏向昏暗，情侶夫婦拍拖夠浪漫，有裝修坐得舒服。 朋友全部食得辣，即時點咗中辣嘅泡椒田雞🤣，仲有好多配料可以加， 怕食唔晒淨係加咗魔芋QQ彈彈，幾得意，田雞啖啖肉，肉質比較滑，又酸又辣超惹味 ，雖然好辣但停唔到🤣全部菜嘅辣度可以改，如果食唔到辣，建議大家食小辣。今次試咗麻辣肥腸，辣椒鋪滿全碟睇落好多，但唔太辣，大腸肥美炸過偏乾身，無太大驚喜。 水煮系列都出色，今次叫咗水煮魚，肉偏厚，唔會切得太薄身，口感豐富，肉質唔柴，本身有芽菜，再加咗薯粉，吸晒辣汁，好正。全部菜式都份量十足，4個人食已經夠飽。 餐廳唔會限時，可以慢慢食，傾下計，值得推介。