Video
1-min walk from Exit D2, Whampoa MTR Station
continue reading
Telephone
26132322
Introduction
It aims at serving authentic traditional Teochew cuisine, such as poached crab served cold and marinated goose are also provided.
The elegant Chinese interior design is comfortable, which is a nice place for gathering, as well as serving business customers.
continue reading
Opening Hours
Today
08:00 - 22:00
Mon - Sun
08:00 - 22:00
Above information is for reference only. Please check details with the restaurant.
About Reward Scheme
四餸一湯套餐(六, 日及假期)潮式香煎蠔餅可能食慣左少少脆口的個款呢款吾脆總覺得怪怪地108-潮陽梅羔醬烤骨估吾到梅羔醬係甜甜地我諗的係酸酸地的開胃菜雲腿蓉燜紹菜菜燜到好好食餐>21>自選鹵水雙拼鵝肉墨魚片餐>明火靚湯（四盅)呢個湯到我地差吾多清晒餸叫服務員跟左2次單都未上不過好好飲無味精
continue reading
黃埔區其實都幾多好嘢食，不過個人嚟講就真喺比較少嚟，唔喺話唔方便，不過，喺習慣性少嚟而已。今晚難得同老友嚟到呢邊「黃埔號」嘅「潮潮居」食火鍋，喺一人一鍋，啱晒各有各食唔同火鍋湯底嘅人，又可以過一過火鍋癮。餐廳嘅佔地都幾大，裝修幾骨子，又好有時尚感。目測所見，大部份食客都被安排坐喺卡位，皆因卡位夠闊落，此外，望向對面應該喺貴賓廂房，單單從外面望入去都覺得幾大。而餐廳主要喺做潮汕菜式，不過，在地朋友話最近餐廳推出咗「潮汕1人1鍋」，就不妨走過嚟試試。午市就收$118一位，晚市就收$148一位，湯底、主料可以自由選擇，另外，仲包咗4款丸類、蔬菜、主食同埋汽水。如果仲有啲咩火鍋料想試，可以額外再追加，另外，收茶錢、小食同加一。主餐牌大大本就無特別影啦，不過，見到有好多種類嘅套餐，順便影出嚟俾大家參考吓。平嘅又有，貴嘅又有，正所謂豐儉由人，當晚目測所見唔少喺啲家庭客。餐前小食 $16如大多數中式酒樓咁，都會按人頭送上餐前小食，當然要收費啦！碟中有啲木耳、鹹酸菜、青瓜、豆腐卜……等等，醃得味道唔錯，尤其喺鹹酸菜，酸爽帶甜，更有開胃之效。伴隨火鍋嘅，梗喺有一堆醬料，落單之後，侍應就會捧嚟一盤醬料由客人自由添加，唔夠嘅之後再補充都無問題。我就偏愛芫茜、金銀蒜同沙爹醬，再加少少清湯落去就啱晒我。潮汕沙茶湯既然店家主打喺潮汕嘢，其中一個湯底梗喺要潮汕沙茶湯，滾起之後陣陣沙茶香，四處飄逸，試咗一小啖，沙茶味道好濃厚。養生珍菌湯一個重口味嘅，另一個揀返清淡少少啦，呢個養生珍菌湯就最好喇，一來用個清淡啲嘅湯有個對比，二來珍菌點都夠健康嘛，當湯飲多兩啖都無問題，又可以多啲纖維質落肚。汽水食火鍋除咗要有多啲調味料佐食之外，汽水就梗另一最佳拍檔啦，老友怕肥就要咗無糖可樂，小弟就要返罐全統嘅可口可樂，一口肉，一啖可樂，一熱一凍咁先過癮。主料方面，我哋揀咗潮汕鮮肥牛同羊肉卷，至於丸類同菜都喺固定，因為仲包埋主食，所以，我哋睇下食到近尾時，唔夠先再追加其他配料，費事食唔晒嘥嘢。潮汕鮮肥牛師傅手勢好，切到每片牛肉厚薄均一，而將啲牛肉放喺湯內灼兩灼就已經可以食得。肉味非常之濃，肉質柔嫩，沾上自家混醬，確實好味。羊肉卷另一份羊肉卷色澤都好靚，鮮潤姻紅，薄薄一片同樣稍為灼一灼都已經可以食，入口口感嫩滑細緻，點點羊騷味但唔重，相信唔太食羊嘅人應該都接受到。手打四寶丸丸類又喺每次食火鍋嘅必備食材，每個火鍋套餐都包咗魚蛋、鮮蝦丸、墨魚丸同牛肉丸，幾款丸味道都各有特色，小弟就最鍾意鮮蝦丸，蝦味鮮甜，食落爽彈，其次牛肉丸亦都唔錯。菜盤基本上會有金菇 、白蘿蔔、粟米同生菜，打邊爐 食返啲菜平衡吓，至少心裡都覺得好啲，而因為小弟揀咗珍菌湯底，所以，又多咗啲蟲草花同埋啲菇菌。主食有白飯、米粉、生麵及粉絲選擇，但到剔紙仔時就無粉絲，改咗喺河粉，咁就仲啱我。俾嘅份量都好多，一份主食其實喺兩人份量咁滯，放落湯稍微滾一滾已經可以食。南非活鮑 $58/隻（兩隻起）見大家胃納仲有位，就追加多一入鮑魚，啲鮑魚鎅晒花，睇落仲好新鮮，因為始終喺海鮮，灼耐少少，加埋落啲河粉度，成大碗鮑魚湯河。啲鮑魚正喎，果然夠新鮮，咬落柔韌有咬口，好有鮑魚嘅鮮甜味。本來想追加一客手切新鮮騸牯肥牛肉，因為做緊特價，但只喺8:00pm多，就已經話賣晒，真喺手快有，手慢無，有啲可惜，故改咗試試啲鮮鮑魚。整體嚟講，環境舒服，招呼亦唔錯，侍應會主動幫忙加湯、斟水、收碟，食材、份量都交足貨。
continue reading
漸漸變涼的天氣，似乎是一個訊號，提醒大家是時候相約朋友，一起暖笠笠！===香港人喜歡吃火鍋的程度，就是……夏天要開盡冷氣打邊爐，冬天涼少少都即刻開爐！這次由熱愛打邊爐的朋友帶路，作為黃埔友嘅佢發現酒樓都有得打邊爐。去到潮潮居門口都有一絲懷疑，不過坐低就見到有「潮汕1人1鍋」Menu，立即消除疑慮。午市每位$118（晚市$148）就可以揀一款湯底、一款主菜，手打四寶丸、菜盤、主食及飲品。另外更可以自加點食材，包括：肉類、餃類、蔬菜等等。【湯底】潮汕沙茶湯，味道濃烈卻不會過鹹，口感厚重；朋友選了大紅辣鍋，香辣愈滾愈滋味。【主菜】❙ 潮汕鮮肥牛牛肉味濃，柔軟肉質令人回味，沙茶湯增添了一陣風味。❙ 羊肉卷有羊肉香味，羊肉則與辣鍋更夾，多了一份惹味。❙［追加］手必新鮮騸牯肥牛肉只要$88就可以追加1人份量，每一片都帶漂亮的油脂，食落同時嘗到肉香和脂香，嗜牛的一定要追加。【手打四寶丸】有齊4款口味，包括：魚蛋、鮮蝦丸、墨魚丸及牛肉丸，各有特色，大推帶濃郁肉味的牛肉丸。游水生蝦 $68就有8隻，每隻上桌腳仔都郁下郁下，代表好新鮮，蝦肉夠爽，味道夠鮮。南非活鮑 $58/隻，切片上桌，只要輕輕一灼就食得，食到明顯的鮮甜味。【菜盤】有菇類、蘿蔔片、粟米和生菜，打邊爐也要營養均衡。【主食及飲品】有白飯、米粉、生麵及粉絲選擇，可以按自己口味揀一款。每人亦包1款飲品。
continue reading
我專登走嚟紅磡食個牛肉火鍋然後你同我講出品部未準備好要我等好耐，問我等唔等其實你11點半有午市火鍋我12點鐘過嚟食，你同我講未準備好，係咪有啲問題？你哋冇火鍋入座前都唔使通知客人㗎喎 😅我聽到你哋話其實根本都冇諗住要預一個人過嚟食。你哋都有員工話出品部其實做唔到火鍋比我添因為根本就冇貨賣，前一日買曬啲貨如果係咁嘅話，點解唔開鋪前準備好？所以你哋話要我等好耐，其實係咪根本想逼我走😅而且你地連落單app都冇火鍋揀，其實根本就唔想有客食姐😅😅😅如果係咁你做咩學人搞一人一鍋？大家午市過嚟食火鍋要小心啊🙂↕️垃圾🙂↕️🙂↕️
continue reading
接完亞仔放學經過黃埔隻船，見到海報做緊一人一鍋潮汕牛肉火鍋套餐，午市$118/位，我甚少中午食火鍋，但見到咁抵，即管上去試吓。搭𨋢上2樓，入到去環境乾淨企理，經理即帶我哋兩個入去坐低，之後我就點咗個餐，揀咗沙茶湯底。老實講，一人一鍋真係好，又衛生又可揀自己鍾意嘅湯底，好怕同人share一個鍋。大約10分鐘，所有食物上齊，潮汕牛肉軟韌適中，真係有牛味，丸有四粒，我較鍾意牛丸同魚蛋，魚蛋軟綿綿，牛丸好彈牙，墨魚丸就麻麻哋。另外有一個菜籃同河粉，食完就真係啱啱好。呢個套餐真係唔錯，冇中伏，一定有下次！
continue reading