潮潮居

Open Now

Now Closed

三月尾光顧了呢家有40個好評既潮州菜餐廳，但對於我的餐飲體驗極度失望。真勁差既一間餐廰 食物質素好低叫左魚翅食落有酸味 經理話正常 講左兩次先肯換蠔仔同鯧魚粥都係腥既蒸魚好一般最差係個待應居然叫我幫距將d碟搬入d ... 仲要兩次點我做野 點解我要俾加一服務費？完全唔明白點解有咁多好評。難怪無咩人入去食 唔係有得泊車 真係唔會有人入去食飯整體來說，呢家餐廳並未達到我的期望。食物的品質低劣，缺乏獨特的風味，而且服務態度冷漠。

新年約埋幾個朋友團拜一下，其中一個朋友住黃浦所以特選這間聚餐！只有6丁人😄人唔多，但偏偏個個都好懶🤭所以叫咗個6人套餐就算😅食物方面：鹵水拼盆不錯但其他麻麻地，因為全部唔熱的本人覺得唔熱會扣唔少分了！可能除咗砂鍋飯 （我冇食。但唔小心掂到個鍋而辣到手🤣）

平時都有來開飲茶，今次試食晚飯都無失水準！個滷水拼盤十分出色！滷水調味一流，不過鹹過甜，鵝片、墨魚片，五花腩片、豆腐均十分嫩滑！炸蝦棗蟹棗又係好食，炸得一點不油膩，蝦肉蟹肉鮮甜，配上馬蹄粒口感豐富！平時都有叫開呢度既瑤柱蛋白炒飯，夠獲氣粒粒分明，今次試左芋頭鹹肉炒絲苗，味道幾好不過油左少少。我成日飲奶茶都會叫芋泥奶茶，但完全到喉唔到肺，如果你地一樣都係芋泥控，一定要試呢度既福果芋泥！成碗啪先夠滿足感！呢間既芋泥幼滑有芋香，甜度剛剛好，上面幾粒白果煙韌無苦味仲有平時食飯食開嗰d(呢度不作過多介紹，主要focus佢潮洲野)紅燒花膠雞絲翅、清蒸沙巴龍𩺰斑、翡翠花姿玉帶子、鮑魚扣鵝掌等，全部都係above average總結來說，呢度既食物質素幾好，仲有無乜味精，唔會死鹹，食完唔使狂隊水值得一提，呢間酒樓的員工也是友善服務好

🫖🥣🥢潮州菜x 點心▫️茶位$16/位，比較貴，而且啲茶都好普通，都係普洱香片嗰啲▫️前菜$16- 都算大碟，係辣味嘅青瓜、雲耳、豆卜，開胃好食，抵比過茶錢🆗蟹籽燒賣王-$38一籠有四粒，有d粉，唔算好彈牙，味道正常。🆗糖醋黃金煎伊麵-$128個面睇落都靚，切開咗八件，但其實煎得唔係太脆，入面都係，另外糖同醋冇碟比我地裝住點，只可以就咁倒落去。☑️椒鹽九肚魚-$138新鮮炸起，熱辣辣，外皮好脆，魚肉都滑，冇骨，鹹香十足，幾好食☑️鮮蝦腐皮卷-$38同樣炸得好脆，三條剪開咗六件，調味唔錯，除咗有彈牙嘅蝦膠，仲有芹菜芫荽等香料。

潮潮居酒家位於熱鬧的市中心，是一家以潮州菜為主打的餐廳。這裡不僅提供美味豐富的菜品，而且服務周到，讓人倍感溫馨舒適。當你踏進潮潮居酒家的大門時，首先映入眼簾的是寬敞明亮的用餐區域。舒適的環境和雅致的裝潢讓人感到放鬆愉悅。桌上鮮花的點綴，讓整個空間更加生動有活力。潮潮居酒家的菜單繁多，潮州菜系的特色菜品應有盡有。無論是經典的潮州粥品，還是獨特的海鮮菜餚，每一道菜都經過精心烹飪，保持了潮州菜的原汁原味。潮州菜以清淡、鮮美而聞名，適合喜歡健康飲食的人們品嚐。這裡最受歡迎的菜品新鮮豐富的調味料，香氣四溢。另外，潮潮居酒家還提供各種海鮮，這些煲仔菜以其濃郁的湯汁和鮮美的食材而聞名。除了主菜之外，潮潮居酒家還提供多種經典美食。這些小吃口感獨特，入口即化，絕對能滿足你的味蕾。在潮潮居酒家用餐，服務員總是笑容滿面，熱情招呼每一位客人。無論是點餐建議還是飲品服務，他們都能提供專業的建議和周到的服務，確保你在這裡度過一個愉快的用餐體驗。總之，潮潮居酒家是一家提供美味豐富的潮州菜的餐廳。無論是菜品的味道還是服務的品質，都讓人滿意。如果你想品嚐正宗的潮州菜，享受愉快的用餐體驗，潮潮居酒家絕對是你的不二之選。

晚上幾個朋友揪埋嚟黃埔食飯，相中咗間話得潮州菜出名嘅餐廳。入面氣氛悠閒，飲茶香氣四溢，準備開動！滷水拼盤啱晒口味，掌同翼一樣鹵得入味，皮爽肉嫩，軟滑得滯。超值孖寶裹面嘅清蒸珍珠花尾斑魚肉質鮮甜，同欖菜肉碎四季豆成個配搭過癮到不得了，四季豆咬落去「脆彈」得滯。繼續嚟個潮陽炸蝦蟹棗嘅酥脆外衣同多汁內裡，就算食幾件都唔覺得油膩。呢啲小食完美到不得了！😍為咗食得健康啲，仲嘗咗砂鍋普寧豆醬雞，雞肉性格溫和，馬蹄脆口；豆醬香氣撲鼻，調味勻稱。最後嘅收場，當然係潮州黃金煎伊面喇，味道鹹甜適中，又腍又脆嘅口感令人回味無窮。晚餐食得好滋味，此行黃埔算係值得，下次食潮州菜，記得要再嚟呢間，撈埋晒八仙過海一試哂全部菜式。👍🦞🍜

這晚餐是我們近兩周幾乎每晚和朋友飯聚中遇到數一數二差的了。這間酒樓不單在食物質素、餐具的設備配套、服務態度及性價比都頗令我們失望。我們剛坐下不久，點菜員就多番催促我們下單，又不斷推介貴價菜，如龍蝦、六式潮州滷水拼盤及不知名的魚給我們。這使我們頓覺是否到了一間專門款待遊客、只求做一次無回頭生意的「良心」店舖。最終在她推介下，我們四大一小還是點了一枝日本清酒、四式潮州滷水拼盤（$488）；太極素菜羮（$198）；鲜茄淮山浸羽衣甘藍（$138）；瑤柱蛋白炒飯（$138）；一個特價菜一鹹排骨春菜煲（$68)及三份各$36-38元的甜品。他們不是拿清酒杯給我們、而是搞笑地拿了4隻像拜神用的全白小杯（僅約可裝20cc 的容量）及一個可浸四、五枝啤酒的膠冰筒給我們溫清酒。 到了品嚐那推介的四式滷水拼盤：很失望！鵝肝像是發了水的麵團一毫無味道及爛蓉蓉；墨魚一點也不爽口、鵝片又係毫無味道、只有豬腸較為正常一點。總之吃下去就不是味兒。連滷水都做得這麼差，怎樣可以潮州酒家自居呢？而小朋友因受餐牌上那太極素菜羹圖案吸引而挑選的上菜時、又是另一個失望！因上菜員已先把羹攪拌後按碗上＇所以全部都係綠色了。她在知悉後

服務態度奇差！叫阿姐囉嘢後沒下文，完全沒有責任感！開酒給顧客用神台杯飲，收銀員收多錢還沒禮貌對待，樓面員工不知所為，租金咁貴完全沒有一個有經驗的人管理，老闆比呢班底質人玩死，大排擋服務酒樓收費！

我有個朋友係潮州人，佢經常喺香港會搵返一D潮州酒樓吃飯，佢話食過都算多酒樓，但呢間位於黃埔嘅潮州酒樓，都算係傳統又比較性價比高嘅一間。我朋友一坐低，就好熟悉甘點左龍蝦伊麵+一個潮式小菜嘅孖寶、一個燉湯，同必要嘅鹵水拼盤再加三個甜品。💡原盅雞燉翅 - 足料，有雞有翅💡湯焗澳洲龍蝦伊麵 + 香酥芋蓉鴨- 龍蝦肉好大舊，份量十足，伊麵好入味- 香酥芋頭鴨好香脆，口感十足💡潮州鹵水拼盤- 包有墨魚，鵝掌，鵝肉，豆腐，滿滿一大碟，食得好滿足最後係甜品前仲有六小杯功夫茶，過一過口，再食甜品，夠細心！甜品有：🔹鴛鴦水晶包 、反沙芋條 、清心丸綠豆爽 - 甜品好味夠傳統多謝朋友嘅推介，今晚呢餐潮州菜好味又抵食👍

潮州家鄉煎蠔餅$138好有蛋香味，蠔份曬都唔少，整體味道和口感都唔錯。鹵水鵝片$180食鵝片正在沖啖啖肉，入味唔柴口又唔會過鹹，有鹵水豆腐墊底，兩樣都幾好食，送飯一流。

自從上個月食完一次潮州菜之後，一直好掛住D鹵水鵝，心思思再想去食，朋友聽完之後，就話帶我嚟黃埔呢間潮州酒家食正宗嘅潮州菜!我地一坐低，就見到餐牌有一個好吸引嘅套餐⭐上湯焗澳洲龍蝦🦞伊麵(一隻約一斤) + 香酥芋蓉鴨 $ 498- 成隻🦞龍蝦份量好大，每舊🦞肉都大大舊，仲夠曬彈牙; 芋蓉鴨炸得脆口又好味，足足可以夠3至4個人去食👍⭐潮州鹵水拼盤$268- 鹵水拼盤有墨魚,掌,鵝肉同豆腐，全部都鹵得好入味，而且鵝肉厚肉又大舊，啖啖肉，又吾算肥，吾錯⭐原盅雞燉翅 $114(每盅)- 估吾到都算足料，雞同翅份量都算多，都算幾好飲甜品⭐鴛鴦水晶包 $36 (4粒)⭐反沙芋條 $108(6件)⭐清心丸綠豆爽 $38甜品我地都叫左三種，最有驚喜嘅係反沙芋條，外面糖漿真係炒得好脆，裡面嘅芋頭又夠鬆化，好味😋

見咁多笑臉，就黎試下，兩個人叫左個豬肚湯，半隻咸雞，沙茶牛肉芥蘭，煎蠔烙同潮州炒麵（侍應聽錯黎左家鄉炒米）。先講個湯，完全冇落胡椒，當然一D胡椒味都冇，除此湯味道係ok既，不過咸菜真係好咸。雞色比較白，D骨仲帶血，味道一般，沙茶牛肉芥蘭唔錯，有沙茶味牛肉唔奀，煎蠔烙唔夠香口，不過蠔都幾多，整體食物水準中等，埋單要九百幾性價比唔高，試過就算啦。

是日同家人預約十位，到達後發現所預留之座位未有set好，唔夠櫈亦唔夠餐具，實屬小事，稍微等一下就好。因睇食評見大部分均為正評而預約與家人晚飯，本人並無存有任何希望，但都感到非常失望。首先滷水項目，滷水味淡，連海蜇都有雪味。炸物方面，非常油膩，唔香口，個唔知咩芋鴨好似咬咗一啖油咁。胡椒豬肚湯完全無胡椒味。魚蛋雜菜煲正常（我無食魚蛋，其他配料正常）。蠔仔粥入面蠔仔腥。蒸魚漏單，等到食哂全部嘢之後問佢，佢話等十分鐘，最後過熟。Overall，食物完全唔得，唔好講正唔正宗，根本就一啲都唔好食，另啲服務普通，亦有漏單情況，所以即使有人請我嚟呢度食飯，我都必定不會回頭。

潮潮居鹵水鵝片鹵水鵝片鵝肉肥美鮮嫩，搭配入味嘅鹵水，口感豐富。梅羔醬烤骨梅羔醬烤骨以豬排骨入味烤製，肉質鮮嫩多汁，梅羔醬微酸甜味道與烤製嘅香濃融合，令人回味無窮。潮陽炸蝦蟹棗潮陽炸蝦蟹棗，經典滋味嘅潮州美食。蝦肉蟹肉鮮嫩鮮美，外層酥脆炸麵糊，搭配醬料嘅微辣與酸爽，增添口感層次感。潮州家鄉煎蠔烙潮州家鄉煎蠔烙則是將新鮮生蠔子連蛋煎至金黃酥脆，帶有蠔嘅海鮮鮮味，亦有煎蛋嘅軟綿口感。脆皮炸子雞脆皮炸子雞雞皮炸得酥脆，皮肉分離，肉質鮮嫩多汁，加上彩色蝦片作點綴。方魚炒芥蘭方魚炒芥蘭夠鑊氣，翠綠清爽嘅芥蘭保持著脆嫩口感，方魚有嚼勁，鮮味同芥蘭嘅清淡味道相融合，風味獨特。鴛鴦水晶包 鴛鴦水晶包，外層白皮薄軟，內餡有麻蓉和紫薯，精緻美味。清心丸綠豆爽 清心丸綠豆爽係一道清涼解渴嘅甜品，綠豆爽口感綿密，清甜可口。銀杏芋泥 銀杏芋泥嘅銀杏香氣四溢，芋頭口感順滑，味道濃郁而不膩。

同事係潮州人，經常周圍去搵潮州菜食，近日佢就叫埋我去黃埔潮潮居一齊試吓，潮潮居主打正宗潮州菜，裝修時尚，座位寬敞舒適，地方整潔。餐廳而家逢星期一至五每天有不同菜式做優惠，今日就係滷水鵝肉做半價，當然不會錯過。馳名滷水鵝肉：滷水鵝肉質肥瘦適中，鵝肉嫩滑，滷水汁鹹味恰到好處，亦充滿油香，味道香甜，墊底的滷水豆腐又香又滑。碧綠帶子蝦球色彩鮮明，西蘭花碧綠爽口，帶子和蝦球用料上乘，熟度啱啱好，醬汁亦調得夠味，做到又香又彈牙。家鄉蠔仔肉碎粥：蠔仔同肉碎新鮮而且份量十足，蠔仔粒粒飽滿，令整鍋粥充滿海鮮味，味道鮮甜美味。