Chill Inn (Closed)

今日同屋企人嚟咗EMAX放狗，見到呢間新開無耐嘅餐廳，主打食泰國FUSION菜，帶狗仔去狗狗營地玩。果度有唔同嘅狗仔用品同食物賣，人就可以食餐廳嘅食物，只需要打包拎過嚟就食得！卡邦尼意粉，口感幾rich，味道都幾濃～Egg benedict，包上有火腿同流心蛋，配埋特製沙律醬，好食～菠蘿椰子特飲，飲落椰子味道唔係好重，不過菠蘿就好開胃，夏天飲真係啱晒，呢個配搭都幾夾。整體黎講，餐廳環境都幾大，如果想同狗狗一齊嘅話可以帶去隔離食，主人想留低狗狗玩嘅話，主人都可以係餐廳入面食，可以有落地玻璃望住狗仔！

Emax雖然地理位置唔算太方便，但估唔到原來入面美食雲集，今次試左呢間新開既泰國菜「chill in」［環境］餐廳既坐位安排幾好，坐位同坐位間都算闊落。呢度好似係寵物friendly，即係可以帶埋毛孩一齊黎食野嫁，所以坐位闊落，帶埋毛孩黎都唔怕迫啦，可惜我地既主子唔出門🤭［泰式拼盤］我地今次叫左💰5️⃣3️⃣8️⃣ Set B二人晚餐，拼盤有泰式鳳爪、魚餅、串燒、豬頸肉同燒蟹蓋，款式多而且份量唔少，味道好正宗泰菜feel，微辣得黎又好香香料味，好食👍🏻［青咖哩烤雞肉意粉］呢個有啲似fusion泰式同西式菜，青咖哩都幾辣，配埋意粉好惹味🤤烤雞肉唔乾，食落嫩口😋［德國燒豬手配蜜糖芥末籽醬］餐廳除左東南亞菜式外，都有西式菜式。燒豬手外皮燒到好脆身，食落鬆脆☺️豬手調味岩岩好，豬手有少少咸，點埋蜜糖芥末籽醬平衝返就岩岩好喇👍🏻仲有兩件燒菠蘿😻------------------------------[ Chill inn]地址📍 九龍灣展貿徑1號E-Max 國際展貿中心 地下21-23號舖 #Foodieandcats_九龍灣------------------------------好味：😻😻😻

平時去得大型商場食嘢多 今次專登黎到一個比較小人去嘅商場 去食返個充滿東南亞風情嘅晚餐☺️一入到餐廳就比我感覺好舒服好relax☺️環境氣氛都比較靜又帶點浪漫 （拍拖好去處🤭）我哋分別叫咗一個泰式拼盤$188（包括泰式鳳爪 魚餅 串燒 豬頸肉 燒蟹蓋），香煎帶子野菌松露意大利飯$138，藍梅乳酪沙冰$44 同芒果椰汁糯米飯$58☺️個泰式拼盤每款都有啲 可以試到唔同款式👍全部都好新鮮 泰式燒物配埋個酸辣醬汁好好食😋無骨鳳爪都好大隻 串燒分別係2串豬同2串牛😋最特別係個燒蟹蓋 裏面係混合左薯蓉同蟹肉🦀依個泰式拼盤好滿意 ☺️而個意大利飯都好creamy 三隻帶子都好新鮮👍裏面亦都有少少野菌 唔錯呀☺️另一個好滿意嘅食物就係芒果椰汁糯米飯啦👍佢個糯米飯係加咗啲斑斕 再配埋本身嘅椰汁 🥥更有椰汁嘅香味👍好好食呀！飯係煮得比較淋 唔會太硬 而佢個芒果都好甜 配合得好好！師傅亦都好有心機 整咗個小狗腳掌造型🐶😆原來間餐廳分開咗兩邊 一邊係可以比狗狗入 主人同狗狗都可以一邊食飯一邊玩 （好窩心呀）有養狗狗嘅你 不妨可以嚟下依間餐廳試吓☺️多一個有狗狗既餐廳選擇☺️整體都好滿意👍

今日同朋友黎Emax地庫個遊戲機中心黎Emax都係靠德福接駁車 ，完全冇人等得我地兩個包左架旅遊大巴 一落車就見到呢間新餐廳個裝修勁用心設計，好文青， 原木+好多植物既風格有好soft既音樂，令人感覺好舒服 ，第時屋企都想咁裝修6點令星期日 都未有好多人可能太早了間餐廳分左做兩邊 隔住玻璃既另一面係狗狗🐶區域 勁多狗主黎聚會好羨幕有狗狗既人士可以好舒服咁攬住狗狗一齊食野又唔怕嘈/ 騷擾到人我地叫左個$538 2人Set Dinner呢個Set都幾抵 滿足哂我想食既野頭盤係龍蝦生蠔海鮮拼盤 （有2隻生蠔、青口、螺、蜆、龍蝦）好推介呢個配上一個泰式酸辣汁，同檸檬🍋我果日既生蠔係 愛爾蘭生蠔好新鮮好甜 幾重海水味同鐵味1人1隻有小小唔夠喉東風螺同龍蝦都好出色 龍蝦用好結實 好多膏！冷盤先食到海鮮既真正味道Overall都好新鮮湯🥣 椰子雞湯 （ 2-3 人份量）個感覺有少少似忌廉湯 好滑同甜椰子味幾香得黎又唔會過重 值得一試主菜簡左 煙三文魚明太子意粉係我最愛既煙三文魚配明太子 又幾襯好多汁 Juicy 掛哂d意粉度有d蕃茄粒 增加左佢既口感～肉眼扒配燒汁三成熟煎得岩岩

首先，門面真係完全符合我既審美觀，白石外牆真係幾令。門口位置有個bar位整飲品。職員方面都好主動。我地一問有無濕紙巾，都會即係幫我地問。而且基本上一舉手，好快就有人示意見到，唔會有人扮睇唔到。所以，服務方面係完全要俾高分既。點菜方面，由於同行既人同我都好懶，又有選擇困難，所以就決定叫一個set A。泰式肉碎生菜包頭盤叫左一個生菜包。佢泰式香料味真係好重，正中我呢啲鐘意食東南亞菜既人既口味，十分香口。冬蔭功湯湯裡有好足既海鮮湯料，而且都係成雙咁上。每樣蝦、青口、蜆都有兩隻，可以一人一隻。香煎紐西蘭肉排配燒汁一上枱既時候嚇一嚇，因為都真係好大份，完全真係兩人份，可以完美咁分番開兩塊。牛排叫醒成，覺得剛剛好，岩我口味。重點係燒汁同塊排居然好配，完全令到塊排好食左好多。而且啲配料都好好食，我本身唔太鐘意食配菜既人，都食左好多。煙三文魚菠菜明太子意粉醬汁既味道唔錯，我鐘意佢偏咸偏咸咁，好味。另外點左一個菠蘿椰子沙冰。比較清爽，唔太甜，無好重手咁落好多糖漿，鐘意原汁原味啲既朋友就最岩啦。

員工態度非常差，係咪諗住呢排落下廣告，搵人寫下間餐廳，多人黎食就大 哂？要我walkin 咪walkin lor, 我覺得唔使講野咁串既，即刻走人，唔會再黎，更加唔會叫其他毛孩主人黎食

嗰日夜晚去開megabox行街，就順便過黎Emax食晚飯喇。好耐冇黎，呢度仍然係有好多cosplay同exhibition先講環境方面，寬敞，枱同枱之間有一定距離，坐得舒服我地兩個人就嗌左個$408嘅二人餐。前菜揀左泰式肉碎生菜包味道酸酸辣辣，好開胃！肉碎熱辣辣上，配埋新鮮生菜，口感好夾青咖哩烤雞肉意粉掙扎左一陣叫呢個好，定明太子意粉好，最後因爲生菜包俾到泰國vibe我地，所以揀左青咖哩😂 青咖哩好味，意粉煮得啱時候，如果雞肉可以稍稍再烤得一陣更好冬蔭功湯繼續都係泰國食物，材料有唔同嘅海鮮，例如青口、蜆同魷魚等，足料Rib eye 配燒汁一如既往要五成熟👍🏻👍🏻肉質好淋，亦有牛味玫瑰花茶同玄米茶creme brûlée $42叫埋個甜品作結，上面嘅焦糖脆卜卜，同燉蛋一齊食👍🏻

呢間餐廳環境同食物質素，都係比e-Max同附近其他餐廳高，雖然價錢也相對貴大約10%，但都算係我每天的首選。但不明白今早跟以往一樣7點40幾分到達餐廳，正準備入餐廳內做一陣低頭族等待營業，卻被一位中年女士喝止，她對我說未夠鐘開門，其實我每天都是坐著等開門的，但因為你們店鋪的規則始終要遵守，所以我只好在鋪外等候，好老實你們想趕客，我亦好清楚明白，客人早到，入鋪等候，我自己認為是無傷大雅的吧，不用呼喝！！

去完九龍灣國際展貿中心個遊戲展後，就搵左間食新派東南亞菜既餐廳。環境好闊落，好乾淨同佈置得有點似網紅店，打卡一流！首先叫左個吞拿魚青木瓜咸蛋沙律🥗，木瓜絲好清新，唔會太飽，開胃又好食。吞拿魚都食得出唔係冰左係雪櫃有彈雪味，易咬，唔係擦膠碎。跟住個波士頓龍蝦生蠔海鮮凍盤都好高質。之前好驚食海鮮拼盤，因為怕全部都係冰鮮味，海鮮又黑又暗。但呢個拼盤真係好高質❤️❤️龍蝦🦞肉好大舊，一起就成舊起哂，唔會話得碎到得一條條細既蝦肉。肉質結實，幾清甜👍🏻👍🏻兩隻生蠔都好新鮮😍😍加少少檸檬汁已經好味，海水味無腥味😋😋兩隻真係唔夠食仲有四隻海螺🐚佢地肉質好結實，唔會得少少肉。而且海螺🐚好乾淨，唔會話清潔得唔好，有沙既問題。最後仲有四隻青口，隻隻都幾大隻，唔會太細，得少少肉。加上青檸酸汁仲勁開胃，好幸福啊！😍😍熱食就叫左煙三文魚明太子菠菜意粉😋😋因爲有明太子，所以有少少辣，但同時加埋菠菜同酸酸既醬汁，又好開胃！😆同三文魚既咸味，味道好特別，又好滿足有成四塊三文魚😋😋野飲方面，叫左青檸薄荷梳打同士多啤梨香蕉奶昔🍋🍓青檸梳打都好正常，好清新，夾到甜甜酸酸既菜式。而士多啤梨香蕉奶昔就好creamy🤪🤪加上一塊薄荷葉

星期六放假 又約了男朋友兩個人去了九龍灣國際展貿中心看電影看完電影後逛了逛發現了這一間新開張餐廳 — Chill Inn環境氣氛不錯 便決定在這裡吃晚飯晚市有Set Dinner兩個選擇 感覺幾豐富兩個人選擇了Set A泰式肉碎生菜包（微辣）肉碎不算太辣 味道醃得不錯生菜新鮮 夾著肉碎添加一份清新冬蔭公湯海鮮有蝦、蜆、青口、魷魚 好豐富濃濃香茅味 而且挺辣的 好過癮煙三文魚明太子意粉滿滿煙三文魚在面 微鹹帶三文魚香明太子蕃茄醬汁沾滿每一條意粉獨特味道 值得一試香煎紐西蘭肉眼扒配燒汁七成熟 煎得外層香 內裡仍然有血色對我來說剛剛好 牛肉味濃 點上燒汁好味道旁邊伴有薯菜 香甜蘿蔔粒和翠肉瓜帶燒烤味薯蓉軟綿煮得好香 正時令生蠔優惠價$22一隻愛爾蘭生蠔鮮甜Creamy帶金屬味氣息 藍莓乳酪沙冰面上一層厚厚的Cream底下濃濃藍莓味 喝下酸酸甜甜開胃又好喝

Happy Friday Lunch 去試下Emax 新開既Chill Inn， 裝修帶點小清新既感覺，令人趁Lunch都可以放鬆一下。佢既Set Lunch 都有幾多唔同既選擇，配既餐飲種類都幾特別，我地3個人就Order咗2份香煎紐西蘭肉眼扒配薯菜‧燒汁及1份香茅烤雞菠蘿漢堡，整體感覺本身都唔錯，但等左20分鐘先上菜，7成熟既肉眼扒，一食落口，有D失望，都幾咸，不過芥蘭作為配菜都幾特別，另一份烤雞漢堡，同事就覺得烤雞較乾，如果加D source 就會好D。

Emax新開左一間新派東南亞西餐廳 同同事lunch黎試下雖然門口都有唔少人等位 不過一行三人好快都有位 5-10分鐘就有位我嗌左個肉眼扒 - 7成熟，同事嗌左烤雞菠蘿漢堡。牛扒不過不失，juicy嘅不過唔算好重牛味，配菜配芥蘭，幾特別，唔怪之得叫新派西餐；個burger菠蘿烤左幾好，塊雞扒略小，個包就差啲啲唔夠熱，同埋冇sauce有啲乾野飲除左普通檸茶檸水、汽水、咖啡，仲有玄米茶、玫瑰花茶同鐵觀音揀，選擇都多係幾唔錯嘅

Emax呢度越來越多嘢食，今次就揀咗食東南亞fusion菜。入到去環境好靚好舒服，岩曬成班人一齊黎食。話明係fusion菜，我哋就叫咗唔同款式嘅菜式。首先就叫咗個串燒拼盤同埋炭燒燒豬頸肉，兩樣餸都燒得啱啱好，而且啲肉好嫩口，入口即溶，再配埋佢哋嘅特色醬料，層次感增加。之後我哋仲叫咗個青咖喱烤雞肉意粉，本身以為個意粉係有青咖喱係上面同係青色，點知一上菜就同平時嘅意粉冇乜分別，但係食落去仲勁重青咖喱味，好惹味勁好食！好快就食晒啦。我哋仲叫咗個香煎紐西蘭肉眼扒配燒汁，我哋就要七成熟，煎得啱啱好唔會話太生都唔會太熟，咬落去都唔會好硬，岩岩好。最後就到飲品啦，我哋就叫咗士多啤梨香蕉奶昔同埋青檸薄荷梳打，呢兩款嘢飲嘅賣相都好靚，奶昔比較重香蕉味，而梳打就有好多薄荷葉，所以飲落去都好清涼，啱晒夏天飲。總括而言，呢個餐廳確實唔錯，帶點驚喜，會再黎食！

今日帶狗狗嚟咗emax行街街，見到有間新開嘅東南亞fushion菜裝修幾靚，不過因為狗狗唔入得，但係原來可以買外賣帶去餐廳隔離嘅狗狗營地，同狗仔一齊開餐！狗狗營地有好多其他狗仔，都幾旺場，唔似平時emax俾人嘅感覺，似一個死城～TEA TIME有供應TEA SET，我叫咗個香茅雞扒漢堡配薯條，份量唔細，不過雞扒有點乾身，要靠醬汁同番茄～另外仲有炸魚薯條，炸魚炸得香脆，熱辣辣，配上sour cream 好正！不過薯條比較硬身，但勝咗夠新鮮，熱辣辣！呢度仲有lunch set 同dinner set供應，鍾意幾時嚟都得呀！

Newly opened in KITEC, Kowloon Bay, Chill Inn is a restaurant that serves South-east Asian cuisine. The lunch set is definitely on the pricey side in this area, my colleague and I took the advantage of opening discount of 15% off (which offsets the 10% service charge and a tiny bit more) to try it out.I was split between some Thai noodles/rice or this lemongrass chicken burger. My colleague chipped in for this burger saying that I am a burger person, so this was what I got!The thick chicken fill