Chill Inn (Closed)

開業一星期的泰色餐廳，雞肉香嫩入味，條魚彈牙+ 配醬汁微辣酸甜，食得開胃。西瓜帶子沙律做頭盤加青檸檬汁，香葉馬上把你降溫。泰色拼盤很用心做，另外藍莓沙冰不太甜但非常香，誠意推介。餐廳環境比較靜加背景音樂，可帶狗隻來餐廳另外一部分地區用膳，適合五至六人來下午茶，晚餐的好地方，服務很好，有禮貌。年輕人合股經營，一定會再來吃，有大量泊車位。

今日放工約咗同事食飯，但係講真EMAX附近真係唔係好多餐廳揀，我地又唔想係街熱，所以就直接入咗EMAX諗住是旦搵間餐廳食，見到呢間餐廳新開就試下，估唔到有驚喜，我叫咗冬蔭功大蝦意大利飯，同事就叫咗青咖喱烤雞肉意粉。Risotto最近係我必點既野，因為每間個味道同飯個口感都會唔一樣，呢間個risotto真心可以，飯唔會太軟身，有口感，加上冬蔭功汁，酸酸辣辣，好開胃，個意粉又夠汁，個雞肉夠嫩，今晚呢餐真心有驚喜，下次會再試埋其他野。

今晚同老公去咗九龍灣Emax睇戲，睇完戲原先諗住搭Shuttle Bus返過去德褔食嘢，行去搭車途中經過商場出口附近見到有間新開嘅餐廳，就走咗入去試下 ，先講餐廳環境感覺舒服超正👍！我同老公點咗兩個前菜試下先 ，柚子🦐沙律+泰式鳳爪，跟住再叫咗兩個主菜焗🐷豬手同埋羊架，最後仲點左兩份我超鍾意食嘅班蘭葉芒果糯米飯甜品！超滿足😋😋！食後感想：餐廳環境及食物整體質素👍👍，價錢合理，重點係原來餐廳另一邊可以帶埋寶貝囡囡🐶一齊去！我聽到呢度呀超開心😊😊，原來餐廳另一邊係間狗狗cafe ！👏🏼👏🏼我一定會帶埋囡囡再嚟！真開心呢個商場終於有間👍嘅餐廳！

朋友公司樓下新開，所以試下。Lunch只有walk in 無得訂檯，所以要預早10分鐘去攞飛等位。入座前已經落單，所以坐低無耐有得食。麻香蝦籽手撕雞配海味飯雞翼係冰凍，雞肉味道還可以，但係好凍。飯有味，但有d乾同硬，份量不太夠。烤雞肉野菌菠菜忌廉意粉 份量好少，好快食曬，意粉麵質適中偏少少硬，白汁味道ok。香茅蝦膏燒石斑魚柳飯配柚子沙律 等咗好耐先黎，柚子有幾粒(好矜貴)，石斑夠大塊，白飯無味，好彩有酸辣汁調味。玫瑰花茶 比較朋友叫熱檸茶，玫瑰花茶細杯d新開張有85折，但要加一服務費，如果以正價黎計，lunch呢個份量，其實唔抵食，而且好多人等位，食完唔夠飽，可能我哋太肚餓了所以喺附近買甜品食

今晚同老婆再去九展揾飯食，試左呢間新餐廳，嚟到先知原來呢間係寵物友善餐廳，早知攜帶埋4個毛孩嚟開餐。老實說我對這類型餐廳有些少 偏見食物味道會唔係咁好。不過呢一間確實令我很有 驚喜。我哋先食泰式生 菜肉碎包，唔係好辣，亦唔會太油膩，感覺清新。再試食 燒魷魚墨魚汁意大利粉，呢個真的很 抵讚， 很香的蒜味 ，意粉軟硬度適中，係我近年食 個最好味 的 墨魚汁意粉，低溫 慢燒 美國牛腹肉，肉質 非常鮮嫩，七成熟掌握得很好， 特飲 焦糖朱古力奶昔 士多啤梨香蕉奶昔賣相和味道都係很優秀的，再加兩個甜品 法式 焦糖燉蛋， 自家製藍莓醬芝士蛋糕， 非常豐富而滿足的一餐