Chill Inn (Closed)

Emax 越來越多舖頭，商場大，好行，雖然唔係住呢區，都好適合一家大細放假過嚟蟲草花肉骨茶$88肉骨茶飲得多，加蟲草花都係第一次，唔會好濃藥材味，排骨軟腍德國脆豬手配燒菠蘿條$188豬手好大隻！仲要啖啖肉，唔會淨係得豬皮同肥膏，豬皮卜卜脆。菠蘿燒完糖份出晒嚟，入口清甜！香煎焗深海比目魚柳香蒜白菌意粉$128比目魚蒜味香濃，完全唔腥，魚肉好滑，無骨，意粉軟硬適中入口彈牙泰式奶茶$32好有泰國飲到嘅風味，但又無咁甜，啱香港人口味仲有live 現場唱歌，幾好聽呢！

呢一間喺九龍灣emax嘅餐廳係肥妹仔其中一間好鍾意去嘅西餐廳，因為除咗佢嘅食物質素高之外呢，其實佢仲係一個狗狗友善餐廳，即係話你可以帶狗隻入去進食嘅地方。汁煮青口青口嘅肉質都幾鮮甜，而且佢嘅汁幾惹味，攞嚟點麵包非常之夾。澳洲和牛有肥爸嘅地方一定會有牛扒嘅出現，今次都唔會例外。坦白講呢一個澳洲和牛係令肥妹仔好驚豔，因為佢嘅牛味係超級濃郁，而且佢嘅醬汁係好好食， 肉質都幾嫩滑，冇渣 ，肥爸係食到舐舐脷。年糕螺肉呢一個年糕螺肉係成餐肥妹仔覺得最有驚喜同最好食嘅菜式，因為佢嘅醬汁係超級惹味，佢有少少似泰式辣醬，但係唔係甜嘅。 而佢嘅螺肉係非常之入味 ，但係又好爽口彈牙。年糕係已經索曬啲汁，每一口年糕都充滿嗰隻香辣嘅醬汁，正。香煎海蝦意大利飯真係一睇隻蝦已經覺得好有誠意，因為真係超級大隻。佢嘅蝦已經煎到好香嗰陣蝦殼嘅味道，食落去果然冇失望，啲肉質非常之實同彈牙，新鮮貨色。而佢個意大利飯軟硬適中，有蘑菇，好香忌廉味。芝士薄餅呢個作為餐前小食都相當唔錯，芝士都夠多，不過肥妹仔嫌佢唔夠熱，上枱嘅時候已經凍咗少少。酥炸魷魚圈另一個餐前小食，炸到非常之香脆，魷魚都好彈牙，點埋個沙律醬好香口惹味。肉骨茶呢一

星期日肥雞諗唔到去邊度食嘢就去位於九龍灣九展嘅其中一間叫做chill inn 食fusion菜嘅東南亞餐廳，呢間餐廳好特別，佢隔離係一間寵物友善嘅餐廳 ，見到好多狗主帶埋佢哋嘅愛犬一齊食飯，肥雞睇狗亦都睇得好開心， 肥雞嗌咗肉骨茶，藥膳味好重，撈飯一流， 再嗌咗個芝士薄餅，芝士系薄薄嘅餅皮上面，下酒菜一流， 再嗌咗個炸魷魚圈。煮食就嗌咗個安格斯牛扒，肉質嫩滑，牛味都幾重， 再嗌多個火箭菜大蝦risotto， 大蝦啖啖肉， 呢餐肥雞食得好開心

有時會去九龍灣E-max國際展貿中心睇戲食飯，近來發覺開左幾間好野食，上星期睇完戲就去左位於地下既新派泰菜Chill Inn，餐廳裝修高雅有情調，仲有一間獨立房間可以一班朋友自成一角享受食物。晚上餐廳有二人晚餐可選擇，而餐牌上亦有不同單點及飲品可選，餐廳有多元化既食品，我地首先點左士拉差雞絲墨西哥芝士粟米片，香脆既粟米片沾上濃郁既芝士醬汁，醬汁帶點微辣，香口又好味。另外就點左香煎比目魚柳白菌意粉，比目魚表面香脆魚肉嫩滑，而且份量都唔少，而意粉經香蒜炒過，乾身有咬口質感唔錯。最後北海道帶子泡菜扁意粉，刺身級既帶子爽口彈牙，將兩面輕微煎香，新鮮好味，而泡菜炒意粉，帶點辣味有韓日fusion感覺。餐廳有氣氛，食物有水準，確實係不錯既選擇。

最近朋友們極力推薦呢間新開既西餐廳, 所以即使路程偏遠都要一見佢既蘆山真面目, 結果完全沒有失望. 一入到餐廳就被整個氛圍吸引, 餐廳佈置十分有格調, 柔和既燈光配上輕鬆音樂好寫意, 令到心情即刻變輕鬆. 餐廳一角擺放了一些音響器材, 細問之下原來佢地有LIVE BAND 表演, 絕對係愛好音樂人士既好地方. 打開MENU, 有選擇困難症既我頓時煩惱起來, 因為MENU 上實在有太多選擇, 原來呢間餐廳走西泰FUSION 路線, 除左西餐外, 另外仲有好多特色既泰國美食由於我同朋友剛剛從泰國番黎, 所以暫時對泰式食物要休息一下. 最後我地揀左香煎帶子南瓜沙律及鯛魚柳配泰式蕃茄芒果莎莎作頭盤及主菜. 呢個帶子南瓜沙律完全綜合哂我既至愛食物, 南瓜份量十足, 差不多佔據左半隻碟, 令到身為南瓜粉絲既我相當興奮, 此外, 帶子當然都係其中一個主角, 帶子好新鮮, 有口感, 負責既廚師值得一讚, 因為烹調帶子絕對唔容易, 相信需要經驗同埋功夫先能達到 有耐嚼既口感. 而沙律菜亦十分新鮮, 配上芝士及杏仁, 令整碟沙律新色不少.至於呢個鯛魚柳配泰式蕃茄芒果莎莎, 對我黎講簡直滿分. 鯛魚柳肉質非

佢係地下果層 好易搵到呢間係東南亞fusion菜係野食上台之後 我才發現 佢不能用普通睇菜單既思想去諗野食大家都來看看環境同菜單先有2人餐wo!! 不過我地都唔太餓 所以都係散嗌好沙律&小食&湯 姐係前菜啦Main courseWhat do you want to drink食完先發現隔離鋪原來都係佢地既可以外賣佢地既野食係隔離到食而重點隔離係可以帶狗狗入去架2種感覺一邊就有少少帶情調既西餐燭光晚餐feel而另一邊就係光猛溫馨既狗狗cafe由於我地坐主鋪(？！)Feel 就比較浪漫 感性好啦 終於都上前菜啦咖喱蝦兵蟹醬包睇個名我仲以為係泰式咖喱蟹 只係用蝦黎做估唔到佢幾fusion 好濃味 同埋個蟹籽好鮮甜 澳洲保濕豬 青檸菠蘿莎莎菜如其名 個豬真係好似慢煮豬甘juice伴上呢個汁 真係好好食同埋一條條既好似炸左甘既紅羅白絲 幾得意幾好食香煎孖寶虎蝦牛肝菌忌廉意大利飯呢間餐廳好濃味 岩晒重口味既香港人

澳洲穀飼肉眼扒8安士配黑松露燒汁 $238呢間係泰國餐館 都有多國菜選擇 是日胃口一般 所以main course只叫左一份扒share食份扒鐵鍋上 扒上面有啲配菜 紅色果啲蘿蔔絲咁既樣 食落又唔知係咪 都幾得意 鍋邊有啲醬 牛扒下面有薯蓉 隔離仲有啲蘿蔔粒咁 賣相佈置得幾靚下扒都幾大件 扒有肉味 七成熟黎講唔會好韌 無可避免係有啲筋位 不過整體黎講我係收貨既 薯蓉同扒都幾襯下 伴碟既蘿蔔粒睇得又食得 都ok間餐廳唔算就脚 emax係地鐵站行過去要十分鐘 可能因為咁所以環境都幾幽靜 燈光昏暗有蠟燭光 都幾好坐 其實有機會我都想試餐牌其他野食 有啲睇落都幾吸引芒果椰汁糯米飯 $58食泰國菜叫返份芒果糯米飯做甜品 都係唔錯既主意賣相方面 色水幾鮮艷 除左茫果黃 椰汁白 仲有綠色糯米飯飯我覺得比起泰國地道既始終差少少 硬身左啲 無咁軟無咁黏 好在有大量椰汁搭救 當堂易入口左 椰汁我係多多益善 平均分配咁食又唔會過甜芒果有一定水準 切開左都有六七塊 大大件咁 食完有份滿足感

Emax 雖然唔係好方便，但係其實入面都有好多好野食架～今日尼到chill inn，名副其實，感覺好chill, 好有東南亞嘅風味，亦都好有情調，坐得都好舒服呀我覺得佢地啲飲品都幾特別，叫左杯西柚梳打前菜我哋揀咗泰式生蝦刺身，蝦🦐好鮮甜Main dish 就叫左 檸檬葉燒法國春雞，雞肉都幾滑，個皮都燒得好香脆我哋仲叫咗南極橙鯛魚柳配泰式番茄芒果莎莎，醬汁好特別，惹味開胃整體都幾好，好開胃嘅組合，係九龍灣區唔錯嘅選擇！

今日去左九龍灣Emax睇戲 順便想試下依間東南亞fusion菜新餐廳環境幾好 仲有一個corner比啲歌手喺餐廳唱歌表演🎶原本係想食燒魷魚墨魚汁意粉同埋生菜包既點知原來個menu係會轉架🤣🤣-▫️泰式生蝦刺身🦐 $108食咗幾樣野最鍾意就係依個生蝦刺身生蝦新鮮 而我最鍾意佢嗰個醬汁 酸酸辣辣同平時食生蝦嘅醬汁唔同 超級好味🤤 -▫️蟹肉素翅魚肚羹 $98素翅同魚肚嘅份量都幾多味道就同碗仔翅有d似 麻油味都幾重-▫️長腳蟹蟹肉檸檬牛油扁意粉🍝$148依個意粉又特別又幾好味第一次食有檸檬味嘅意粉 幾得意🤣仲有兩條長腳蟹肉 -▫️Stella Artois🍺 $58最後仲叫咗杯啤酒$58一大杯都幾抵飲👍🏻岩哂一邊飲野一邊聽下歌

很久沒有去HITEC. 以往感覺那裡很荒蕪，不知道現在已改變不少，多了很多餐廳及shopping 的outlets! 冇意中去了Chill Inn嘗試午餐，我們一行6位，每人都叫了一個餐另外再加小食！食物味道及質數令人喜出望外，所有食物都好熱，味道剛剛好！值得大力推介和支持！

之前 10 月底行完 BB 展，就留意到呢間餐廳。雖然現時忙著湊仔，但我們並沒有忘記我們已經拍拖 10 周年，所以專乘找到晚上，同老公補祝這個紀念日。來到門口，餐廳經已佈置了聖誕裝飾，加上暗暗的燈光和柔和的音樂，份外感覺有情調。我們點了菜後，先來了杯 焦糖朱古力奶昔。雖然天氣很冷，但冬天飲凍飲寧舍覺得朱古力味道更濃。香煎焗深海比目魚柳香蒜白菌意粉比目魚的外皮香脆，有很香的蒜味，而裡面煮得非常軟滑。另外，意粉咬落很彈牙，啜落很爽口。香煎孖寶虎蝦牛肝菌忌廉意大利飯虎蝦非常大隻，咬落啖啖肉很彈牙。而意大利飯加上忌廉汁，煮出來唔會浸汁，意大利飯粒粒分明之餘又外軟內爽。

同男朋友媽媽食生日飯，上網見到呢間有半價就訂位，去到發現原來有最低消費，每人$120 ，大家要注意啦俾大家睇吓餐廳環境先，燈光都幾昏暗，係昏暗唔係情調，不過餐廳音樂幾好聽。同埋周圍有好多植物嘅擺設，感覺都幾舒服。我哋四個人，叫咗六碟食物先，因為唔知有幾大碟，所以冇叫咁多住。食物點完都幾快上菜。呢個素翅羹份量係二至三人，我哋四人都夠分嘅。不過味道偏鹹，有啲似OK便利店的碗仔翅，但入面加多好多料，唔算好味。呢個豬頸肉好好味，份量都算多，個汁食起上嚟甜甜地，不過再烤燶啲就更好！牛扒都唔錯，叫咗七成熟，唔住煎過龍。有肉味，而且下面啲薯蓉有蘿蔔粒，食起上嚟都幾特別。長腳蟹意粉，都炒得幾好，幾入味，不過配幾條菜心就有啲搞笑。呢個海鮮拼盤唔抵食，啲海鮮好細粒，又唔新鮮，no good 呢個虎蝦唔算太大隻，但係啲芝士汁都幾好味，唔算太膩。總括來講，有折會嚟，冇折唔會嚟因為份量來講都算偏少，價錢又唔係特別平地方又比較遠，呢個價錢喺市區大把選擇。

第一次係一間可以自帶寵物既餐廳hea 吓，個場好大，帶大狗入場都冇問題。場內有好多狗狗零食，飾物，仲有新鮮既狗狗蛋糕。因為唔算係好多人既關係，所以個場唔太嘈真係幾舒服。叫咗杯泰式奶茶（走甜）同埋芒果沙冰，估唔到又幾好飲喎！😆奶茶好濃同埋芒果都幾足料，下次會再帶狗狗黎試下啲熱食。

黎得e-max、megabox呢頭次次都覺得冇咩好食，難得發現有新店，即時要試下，估唔到好大驚喜。波士頓龍蝦生蠔海鮮凍盤 ($218)呢個價位既海鮮凍盤絕對冇期望，一黎見到龍蝦竟然有膏忽然期望值爆錶。 先食比較淡味既青口、蜆同翡翠螺，全部新鮮乾淨有彈性。 生蠔亦意想不到地飽滿肥美，鮮甜到不得了，連汁都飲埋。 不得不讚龍蝦十級新鮮，肉質彈牙鮮甜，最正係d膏係我食過最甜既，同朋友讚不絕口，食完都意猶未盡，好想encore。香煎紐西蘭肉眼扒配燒汁 ($178)先要讚真係做到正成熟，牛扒本身好靚，軟滑有牛味，煎得好香。冬蔭公大蝦意大利飯 ($118)濃味既冬蔭公撈左落意大利飯度吸哂味，雖然大蝦彈牙，飯亦煮得岩岩好，但對我黎講有點重口味。自家製藍莓醬芝士蛋糕 ($48)好有家庭式感覺，芝士味好濃，再幼滑d就完美。整體十分高質，食完已經諗緊幾時再黎。

九展內的食肆真的越開越多，其中一家是以東南亞美食為主、晚上又有Live music的餐廳。去前在OpenRice 看了看餐牌，已大致想好叫什麼，沒想到當我到達餐廳打開餐牌時，預先想好的食物不見了😭。我猜它們會定期換餐牌菜式，增加新鮮感。-1️⃣ 蟲草花肉骨茶 $88 帶有藥材味的肉骨茶湯內有很多料，包括有蟲草花、大大舊排骨⋯⋯冬天喝真的很暖胃。-2️⃣ 手打風味肉丸配香茅青檸椰子🥥汁 $98 肉丸軟且帶點彈牙。非常喜歡它的汁醬，帶有濃濃的椰香，味道有點像咖哩，但又帶點酸味。-3️⃣ 輕煎北海道帶子泡菜芝士扁意粉 $138 有三粒帶子，意粉🍝味道甜中帶點酸，不確定是不是泡菜味。