Chill Inn (Closed)

週末同屋企人去九展行街，夜晚順便搵咗間餐廳食飯。見到呢間餐廳門面好靚，食Funsion泰菜感覺幾新鮮。入邊嘅碗碟都有一番東南亞品味又好似去左西餐廳。隔離有寵物餐廳可以隔住塊玻璃望到啲可愛嘅貓貓狗狗。小朋友就最喜歡啦。先來一個柚子大蝦沙律，用料mix and match。有新鮮柚子同大蝦加蝦米、花生碎、九層塔、鮮梨、仲有來自西方的羅馬生菜火箭菜，特級Juicy。感覺好似去左世界各地遊左一轉。呢個墨魚汁意粉軟硬適中，配以牛油洋蔥、墨魚汁好似係義大利漁船上面，食緊美味海鮮，但佢會送上一串燒鮮魷魚，上左岸就來返pattaya，幾得意。冬陰功睇落好似同原版冇乜分別，南薑檸檬葉香茅一定唔少得。原來佢用咗紐西蘭青口，食材係另一個層次。最後原條燒盲鰽魚。係泰國都好少食到呢一種的煮法，外皮烤脆，但裡面仲係很嫩滑。魚肚裡面有大量的南薑，西檸都係輕輕烤熱過。點一點酸辣汁，相當滋味。呢間Fusion泰菜館用心做，值得覆桌 👍🏼

今日响尖沙咀上完堂，同學仔話去九龍展貿食飯，吓，去咁遠唔好玩啦！半推半就同學仔帶我搭巴士，居然十幾分鐘就到，😱原來可以咁快，真係長知識了。😁同學仔話喜歡呢邊靜靜地，可以遠離煩囂又安全，有間餐廳氣氛好唔錯，最啱傾謁輕鬆一下。餐廳環境寬敞清雅，令人感覺舒適休閒，                                                                                                                                                                                                                                                                    呢度食物有多種選擇，有我鍾意嘅泰國菜，又有西餐、生蠔，二個人唔想食澱粉質，所以散叫咗一個湯、一個海鮮盤，再加一個羊西冷。冬蔭功湯$78  (2-3人)望落好足料：有蝦仁、魷魚、青口、蜆、草菇、車厘茄、芫茜、香茅、南薑、檸檬

今日在九龍灣Emax 睇完戲，夜晚就順便食埋晚餐。Emax 的餐廳選擇不算多，而這間新開的Chill Inn 泰國菜就吸引了我地，隔離還有一個狗狗營地，可以在Chill Inn買完食物後帶埋小狗們入去一齊用餐同玩，真方便溫馨。椰子雞湯，熱騰騰，呈奶白色，味道鮮甜香滑，有淡淡的椰子水味，同雞肉鮮味好夾。材料都很豐富，肉質嫩滑香甜，還有香茅 蕃茄等配料。德國燒豬手配蜜糖芥末籽醬燒豬手十分大隻厚肉，皮燒得又薄又脆，唔會有肥膏或油膩感，咬落卜卜脆，香甜惹味。肉質嫩滑煙韌，有口感，豬肉味濃郁，點蜜糖芥末醬令鮮味更提升。燒原條鮮盲鰽配芝麻白飯即叫即燒，盲鰽大條鮮甜，肉質軟稔嫩滑，魚香味清甜，魚入面有香蔥同香茅等多種香料，令鮮味滲入魚肉當中。芒果椰汁糯米飯造型擺碟可愛，糯米飯係用斑蘭醬整成的綠色，軟綿可口，和濃厚椰汁混在一起食。芒果新鮮清甜，入口即溶。

近年Emax開了很多食肆，睇戲、shopping、食飯可以同一個地方，很方便。這間餐廳很有格調，就像它的名字，好「chill」﹐今日睇完戲就來這裡晚飯。估不到這裡的德國豬手做很不錯，皮很脆，皮下脂肪很粘軟，配蜜糖芥末籽醬，實在美味。泰式奶茶不會太甜，正合我口味。餐廳今晚安排了一位年輕的男歌手唱歌，聲音很悅耳，而且很有水準。有一檯客人是來慶生的，男歌手還送上生日歌，氣氛很好。一班朋友聚會可以考慮到這裡，推介!

上星期同男朋友去左九展行outlet，就諗住係到食埋晚餐。平時好少經開九展，原來呢到都幾多野食印象中只係記得九展有麥記😂😂我地揀左呢間泰菜野，外觀幾靚，燈光柔和、座位仲好闊落。叫左幾款菜式都好好味！冬陰公湯首先個湯份量足夠兩人飲，好足料，裡頭有磨菇、蝦、蜆肉等，酸酸辣辣十分開胃。食材都好新鮮。用細碗裝，我地每人飲左差不多兩三碗。生蝦刺身生蝦刺身一向都係我地至愛，食開泰式餐廳都必點。呢到一份總共有八片刺身，塊塊都肥美新鮮。最正係個泰式辣汁！保雲酥龍蝦辣茄醬意大利飯個賣相真係不得了。見到附近幾枱都有叫呢個飯😂 大大隻龍蝦鉗同龍蝦尾放係面頭，週圍啲意大利飯撈左辣茄醬，呢個配搭好少見，幾特別新奇而又好夾。飯有少少辣但相當好味。煙三文魚明太子菠菜意粉個意粉都唔錯。配上明太子，裡頭撈有菠菜同煙三文魚，食落軟腍唔會太乾身，為意粉加左唔少鮮味。食完呢個清新體驗，好滿足，認真值回票價

家住東九，喜見九展越來越多食肆進駐，人流相對少，俾黑警騷擾機會又低，可好好享受用膳。此處提供西泰Fusion菜，環境略暗寬敞，決定一試。吞拿魚咸蛋青木瓜沙律，清爽帶咸香，唯沒有辣度，加回較好，整體仍不錯。生蝦刺身，新鮮爽口，配合酸辣醬汁，簡單味美。香茅啤酒大蜆，麥香十足，蜆肉厚實無砂，新鮮彈牙，充滿驚喜。冬蔭功大蝦意大利飯，微辣惹味，飯粒煙韌，大蝦新鮮結實，有創意又具質素。最後來個甜品作結，雖然不是正宗製法的Tiramisu，啡香十足，海綿蛋糕加上忌廉，淡淡令人滿足而回。

餐廳地方闊落，有時仲會請樂隊表演live Music🎻🎼生蝦肉質爽口彈牙，要配上自家泰式酸辣汁加蒜片同辣椒一齊食！生菜包既生菜好新鮮，豬肉碎調味出色。冬陰公湯好足料，有大蝦青口同大蜆，每人約分到兩碗。我覺得如果加咗椰漿會更加好味😆全晚亮點係龍蝦茄醬意大利飯，賣相好靚，個茄醬又好正🍅，酸酸甜甜勁易入口，龍蝦肉質新鮮🦞今次我哋叫咗呢幾樣食物，但其實Menu上有好多其他食物都想試，例如西瓜帶子黑醋沙律，啤酒煮大蜆，見到個名都覺得新奇有趣，有機會下次一定會黎試呀！

準備入場睇戲食下飯，見到依間個名同個場咁chill，就入黎試試，見到個角落有個live台，如果撞岩有live聽都幾正，再望望隔離有狗狗營地，方便同毛孩一齊chill椰子雞湯冬陰公成日飲，反而泰式椰子雞湯少飲，一上枱已經是濃濃的椰子香，拎配料出嚟睇睇好足料，而且好似同冬陰公的配料差不多，所以飲落都係好有泰國風味燒魷魚墨魚汁意粉看不見一切的黑色上有純白的魷魚片，另外仲有一串燒香了的魷魚串，但魷魚點香主角都係墨汁意粉，意粉彈牙，而且蒜香好足，食哂都好想再叫多碟低溫慢煮燒美國牛腹肉份量都相當多，牛肉的底下有少許薯蓉和蘿蔔翠瓜，牛腹肉慢煮過後，保留住肉汁和肉嫩，咬落舒服唔韌，牛味唔錯配上燒汁一起食一流咖啡提拉米蘇最後忍唔住都再叫多份甜品，提拉米蘇要整得好食都唔易，幸好這次沒選擇錯，濃濃的咖啡香，酒香剛好餅底都鬆軟，唔錯

今晚同男朋友去咗九展睇戲，未開場之前喺附近食個dinner先 九展呢個商場開咗好多新食肆，今晚我哋就食有一間fusion菜~未到晚飯時間好似包場，食到中間就越嚟越多人，好彩有早啲到，後面仲有間鋪係同一間餐廳用玻璃間開咗，主要係狗主可以同狗狗一齊用餐嘅地方泰式生蝦刺身 $98餐廳好多泰國嘢色另外亦有西餐，泰國嘢當然要食生蝦刺身，醬汁味道唔錯生蝦刺身夠新鮮泰式拼盤 $188 好豐富嘅拼盤有#泰式鳳爪#魚餅#串燒#豬頸肉#燒蟹蓋，每一款都好味，最鍾意豬頸肉燒得好香， 釀蟹蓋亦都好特別整體味道都好好椰子雞湯 $78椰子味超濃郁，裏面仲有好多片雞柳，兩至三個人飲份量都冇問題~煙三文魚明太子意粉 $118意粉整得好入味，每意粉都掛曬醬汁，材料亦都豐富，蕃茄味香濃所以食落好開胃

同朋友到附近睇展覽，係E-Max見到呢間食東南亞fusion菜，見到menu同環境都幾好，所以決定來食晚餐再去睇展覽。餐廳環境好闊落，座位夠大坐得舒服，加上柔和嘅燈光同音樂，係Happy Friday 值得來chill嘅地方。食物方面質素都好好！香煎紐西蘭肉眼扒配燒汁 $178扒如其名，一捧上檯，好香！配菜都好新鮮！吞拿魚青木瓜鹹蛋沙律🥗 $78 吞拿魚好鮮甜，沒有腥味，配上爽口青木瓜，淡淡的鹹蛋香，色香味俱全！椰子雞湯 $78喜歡莞茜的我見到加左好多超滿足，唔鍾意嘅可以叫餐廳走莞茜哦！個湯好又椰香味，都味道又唔會鹹，剛剛好！

在九龍灣國際展貿中心行街shopping 完，來到一間Chill inn的泰式fusion西餐廳食晚餐，舖頭原來分兩邊，另一邊是狗狗友善天地，舖頭可以比狗狗同主人一起用餐，而且仲可以認識一班新的狗朋友，下次又等我帶埋愛犬一起用餐。雞子雞湯（$78），先聞到好香的椰子味，還帶點辣香味，成碗湯有很多泰式香料葉，雞肉起哂骨、啖啖肉，而且雞肉味好甜，湯好鮮甜、而且好滋潤，值得一飲。串燒併盤（$88），黎食泰國菜又點少得食泰式串燒併盤，串燒有雞、牛、豬的配搭，串燒有炭烤過的感覺，所以唔會油腻、又唔覺得乾身，三款串燒味道同樣出色。青咖哩烤雞肉意粉（$98），這碟意粉非常有驚喜，泰式的青咖哩汁伴西式的意粉，甜甜的椰香青咖哩汁，帶點微微的辣味，同意粉好夾，好惹味，塊塊雞柳都好嫰滑，真的不錯。香烤紐西蘭肉眼扒配燒汁（$178），肉眼扒非常厚身，而且牛肉的肉質鮮嫩，七成熟烤得恰到好處，配埋燒汁更美味。旁邊的配菜同樣出色，薯蓉帶點甜味、而且好重的牛油味，大量火煎菜、翠玉瓜、蘿蔔仔，好多蔬菜，食肉之餘同樣有大量蔬菜可以平衡返。

適逢假日帶埋兩老嚟九展shopping，發現原來九展開咗好多新餐廳。見到呢間環境幾舒適，仲係食東南亞菜式，款式較多選擇，啱晒兩老口味。香煎帶子惹菌蘆筍意大利飯$138，洋蒽、雜菌和蘆筍配料為整個飯增添口感，大帶子有三顆，外層蓋上麵包糠增添香脆，內層緊緊熟。飯不會太硬，食落夠哂creamy!泰式拼盤$188，有魚餅、豬肉串燒、豬頸肉、蟹蓋、酸辣鳳爪、蝦片，份量多，非常豐富，四個人份都夠食。最鐘意係魚餅，辣辣地好惹味，配上泰式辣醬味道好夾。燒原條線盲曹魚配芝麻白飯$158，見到好多鄰桌食客都有點此道菜，想必是信心保證。魚一上枱果然好有看頭，即點即鹽燒，魚肉白𠵍軟身好新鮮，魚骨唔算多。香茅蝦醬燒雞$168，雞肉好腍，香茅加蝦醬是個挺創新的口味，醬料非常入味。半隻雞件好大隻，仲有大量真粗薯條墊底。低溫慢煮開心果保雲酥羊西冷$218，羊西冷比羊鞍更啖啖厚肉，口感更滿足，生熟程度剛好！兩老話如果醬汁調味更濃就更佳，但我覺得淡一點更能吃到羊羶原味，伴碟還有我最愛的薯蓉和雜菜。今次吃飯人數不多，太多想試的菜式都未能吃到，下次再來要試試這裡的豬手和冬蔭公湯。

慕名而來這家位於九展的狗隻友好餐廳，來到才知原來這裡不止適合養狗人士來聚首一堂，就連帶同小朋友來也一樣舒適。皆因座位非常寬敞，大同BB車進餐廳內也不會感覺擠迫。至於為照顧帶狗人士，餐廳很貼心地將場地劃分了另一邊讓狗隻們可一同玩耍。逛了良久，大家都餓了，急不及待要點餐了。很多款主食都很吸引，餐廳主要售賣泰式和西式料理，當然兩樣都要試下啦！泰式拼盤——除了有常見的泰式魚餅配泰式辣醬、豬肉串燒配沙嗲醬、炭烤豬頸肉、酸辣鳳爪，竟然還有我最愛吃的焗蟹蓋三隻，真是非吃不可。酸辣鳳爪不算太辣，合我口味。香茅蝦醬燒雞——大大隻燒雞，肉腍得可拆肉，夾雜多種濃郁味道，吃起來感覺像汁煮多於燒雞，配飯吃不錯。燒原條線盲曹魚配芝麻白飯———即燒魚散發著泰式的香茅香氣，皮脆肉嫩，啖啖肉唔多骨。大家都食得津津有味！今天有點不適未能吃到這裡的芒果糯米飯，下次叫多點狗奴才來再試多幾款菜式！

今日要去九展做野，😫夜晚收工好肚餓，所以就係埋呢到食。😳原來呢到都幾多野食，雖然大多都係大型連鎖店，😏但都一改九展俾我嘅感覺。但係可能係週末，所以好多都關左門。🙈係Ground floor 就有呢間東亞野食嘅fusion 菜。見到入面幾靚咁，又有🎤stage，所以就試下。😗由於d set 唔係太岩食，所以就單叫左。⭐️串燒拼盤🍢呢個有豬肉、牛肉同雞肉，三款都好味。個人最鍾意雞，因為好嫩滑啊。⭐️煙三文魚明太子菠菜意粉🍝個意粉係🍅蕃茄汁底去炒嘅，而菠菜就比較少，但反而蕃茄就幾多。明太子嘅味俾蕃茄搶左，但overall 唔差嘅，😂其實似煙三文魚蕃茄意粉🍝。⭐️香煎紐西蘭肉眼扒配燒汁🥩叫左五成熟，有質素！再加上好味配菜：焗薯蓉，煎紅蘿蔔同翠肉瓜。😋⭐️西柚梳打

同朋友去九龍灣行outlet，意外發現咗呢間餐廳，覺得幾好👏🏻因為九龍灣餐廳選擇唔太多，我同朋友都好鐘情泰越菜式，見佢餐牌嘅菜式幾合眼緣就坐低咗泰菜好出名嘅一個菜： 泰式生蝦（虎蝦刺身）啲蝦大大隻，新鮮爽口配埋中間酸辣汁好好食注意指天椒真係好辣🤡 ！！因爲大部分辣椒籽都仲喺度，唔食得辣嘅話就唔好勉強青咖哩雞肉意粉屬於微辣食落帶椰漿香味，好溫和嘅咖哩刺激感，啱晒我呢啲鐘意食辣又唔係好受得辣嘅人😆食物份量仲好大，好抵食慢煮肉類一睇都知係信心保證$228可以食到咁多牛腹肉(Hanger Steak)真係超值😍❤️牛肉本身嘅味道好夠，肉質好腍同滑雖然係好薄切，但每塊肉都好大片，滿足感十足配菜薯蓉都好香薯味，係有粗有幼嘅質感，食落就有啲層次👏🏻👏🏻估唔到九龍灣入面原來有咁優質同抵食嘅泰越式西餐廳😆餐廳旁邊仲係寵物樂園，有毛孩嘅朋友可以帶埋佢地一齊嚟玩玩食食，好方便🙌🏻