景霖正宗四川麻辣米線 (白加士街)

Open Now

Now Closed

上次食唔到，今次食雞肉、雲吞、蟹柳麻辣(中)米線雞肉滑同好有新鮮雞的感覺，雲吞即使我食麻辣都可以嗅到它的香！！非常好食！有豆漿送，令人滿足的一餐！

考試期間有兩個幾鐘食，一行五個人行落佐敦，諗住食譚仔米線，但未去過，搵唔到，黎左呢間。五個人叫左生菜手打魚麵（小辣）牛肉米線（中辣）魚旦米線仲有兩個麵因為大家分開坐所以唔清楚叫左咩，但都可見佢幾好生意。對佢無咩大期望，自己的小辣可以接受，生菜幾好食，但魚麵無魚味，話係手打唔係好信，試過朋友的米線，比起譚仔差，但不是難以入口，服務，是正常水平。沒有再來的原因。

呢度食下午茶真係好抵,$18=1餸+2隻小雞翼+豆漿平時個餸我會+$2要魚腐,貪佢夠大舊,仲要有5,6舊!你仲可以叫佢多芽菜多腐竹。咁既價錢我已經唔要求佢要好好味了,只求飽肚...事實上每次食完都勁飽,可惜略咸,一杯豆漿完全唔夠,食完好口渴,次次都會行過ok買野飲。最近去食發現佢一次比一次咸,已經冇再去了..

雲南米線, 聽個名就已經好想食, 但又唔係間間都好味! 呢間景霖就真係唔講得笑喇!入到去地方唔算大但係夠乾淨, 但冷氣都算足夠同埋仲有d掛牆風扇, 唔會太熱! 睇下個餐牌, 有少少車仔麵feel, 但係唔使自己圈, 伙計會幫你寫單, 佢地都算有禮貌架! 我通常要3個至4個, 牛腩同豬腸已經成為穩膽, 牛腩入味好鬆好淋, 加埋d腩汁配米線, 一流; 豬腸都好淋好好味; 而炸魚片或紅腸或豬肝, 都值得一試! 仲有雲吞同魚皮餃都好正, 雲吞係菜肉雲吞幾特別下, 魚皮餃好有口感, 都係一絕! 不過我有時嫌雲吞同魚皮餃得兩粒少得濟呀, 所以少d叫! 再配埋芽菜, 九菜同腐皮, 然後再選辣汁, 有小辣, 中辣, 大辣同勁辣, 4隻辣我都食過, 不過勁辣就真係好勁, 食到我要飲野! 通常我都要中辣, 不過有時都會食大辣, 真係好正, 講起又流口水喇! 鍾意食辣一定要試呀!仲有佢地雞中翼, 有辣有唔辣, 辣野味, 唔辣夠香! 比個小貼士大家, 下午荼時後係最抵食, 星期一至六係2:30-6:00, 星期日同公眾假期係2:00-7:00呀! 點抵食, 食米線送豆漿同埋2隻雞中翼呀!

來試了豬潤腐皮米線和蘿蔔牛腩米線(@$21)，都是要了小辣。米線本身算煙韌，不過有些「立」口感覺。配料方面，豬潤切得較為薄身，雖然幾滑，不過沒有爽脆的感覺；蘿蔔不是時令食物，不夠甜也不能怪；牛腩則算不錯，尤以牛筋淋滑。湯底的麻辣程度都幾勁，混了腩汁的相對上更美味。合格的，但說不上出色。

未係最好,但都唔差~價錢ok~下午茶幾抵食lunch都有豆漿送d配料都算多選擇同夠新鮮,米線份量都ok多食開既雞肉牛肉竹笙等都好食lunch有少少迫同埋d辣好唔定我食開少辣,但就一時覺辣一時完全唔辣

今日同老公來了jordan, 本來想去澳洲千牛奶公司,但好多人, so we try 了這間.....我叩了牛肉竹笙米線小辣$21, lunch hour送豆漿一杯, 湯好味精, 麻辣雞翼都ok,$18 6隻, 也不算貴。

嘩!下午去食好多人，不過都唔夠澳牛多，下午茶室21有2餸+雞翼+豆漿，米線ok，不過一分錢一分貨，雲南桂林過橋米線茶真係好味d可能叫了炸醬所以特別好味(不過特別油)，反而依間冇咁油，幾好；另外，d員工多謝前，多謝後，感覺好舒服

初時打算叫中辣,但因為我自己可以食得好辣所以就索性叫大辣,點知食到出汗呢!但真係好正咯!估唔到頗正宗,同大陸那些有得揮,好正呀!下次一定會再食,但就唔會食雲吞咯!因為呢到d雲吞雖然係自家製,但唔算好好食.但最可惜的是得一塊腐皮咋!下次試下叫佢俾多塊先!

這是一間分店....我由它開張食到現在...我吃辣的特技..也是由此出發及練習...由最初期吃小中辣到一年來的勁辣....去到後來感到勁辣才是基本底線......>0<...也試過因病食到噴血......看著其加價..看著其受歡迎...看著其其退步...最近吃的三次..只感到好油...好油...好油...不變的只有香草味雞翼...同老闆娘的服務態度但會繼續吃....因已經成習慣...但希望不要這麼油

午餐食得多茶餐廳, 轉吓口味食米線無咁悶. 一行5人各自點自選米線, 我叫了雲吞墨丸上海拉麵小辣, 送豆漿一杯, 湯是有味精的, 但唔淡, 餸就普通貨色, 麵烚得略過淋但份量好多食唔哂, 不過賣咁既價錢, 夫復何求?有時寫食評應該客觀點, 人家開食店要租要人工, 仲要燈油火臘都係支出, 賣得平自然選料次一點, 唔可以單方面想付出少少要求多多, 畢竟唔係去高消費餐廳, 又要服務好又要食品質素高, 比多點錢去較高級的食店, 先至將要求提高吧, 一分價錢人分貨是自古不變的定律.

唔好味..見到咁多人讚...今日第一次黎食..叫了酸菜戶醬清湯..男友叫了雲吞雞肉四小辣...點知...唔好味...d湯好味精...戶醬ok..酸菜好味..但係個湯令到d米線唔好味..男友的四小辣都係好差..好味精的辣..都係長沙灣同埋譚仔好味d唔會再黎

Today is my first time that I went to this restaurant...I feel totally bad of this restaurant.I can say that this is the most bad "米線" I have ever seen before...The taste was sooooooooooooo bad ..That's was just like a piece of sxxx...and the soup was also not good at all....I just don't know why you guys could give those marks of this restaurant....Just Totally bad!!!!!!!!!!!!!!!!I won't go to there anymore..Waste of my money...$$$

次次黎食都覺得唔係咁好食,唔信邪,再食!!如是者食o左好多次...依然覺得湯底係鹽油水+出前一丁香辣味...愈叫得辣就愈咸...小咸就小咸...大辣就大咸........

昨天和女友來佐頓，因上次在土瓜灣吃過，覺得不錯，這次encore.要了過橋套餐，小辣（下次要中辣的），料很多，一個人吃真的有難度。（牛肉好吃）女友要了魚腐米綫，魚腐不錯，我覺得咸了點。下次兩個人一個過橋套餐夠了。還有他們雞翼都ok,也不貴。麻辣的好吃點。