景霖正宗四川麻辣米線 (白加士街)

Open Now

Now Closed

其實已經來過多次,之前因工作關係,今天決定特登再來,好好回味!!雖然不算店鋪大,但絕對比某連鎖米線舒服,我至愛這裡的下午茶餐,抵食$24兩送米線或者一送加雞翼,最完美是在炎熱的夏日奉送冰涼的豆漿,實在是透心涼.大大碗的米線實在滋味,另外之前食過魚腐米線,有六粒魚腐粒粒都好味道^^還有雞翼都入味,每次想食米線總會想起這裡不過,唯一不足是,豆漿太甜,好像糖水>.<

好嘔心,呢世都唔會再去服務超差,態度極不友善(某一位),好似我錯咁最離普係我支烏龍茶仲要收我正價10蚊,唔掛得而家冇乜人去食la,又唔洗等位!!!!!!!!!!

睇網上呢間雲南米線好出名,所以帶左個朋友來食我叫左個皇牌米線,豬肉和牛肉都很好...但沒甚麼特別之處而湯底撈埋炸醬...味道不配,原本的炸醬很好吃,撈埋一齊味道有點怪但呢度的米線好彈牙,又夠晒滑,大大碗,好易填肚

一路都好鍾意食呢間~~~~節儉GE我, 多數都係等下午茶先食~每次都係叫腩肉炸醬米線~~~但係要記住炸醬另上~因為落個湯會淡左~另外上就VERY GD~佢好似肉醬咁~~~冇一間米線好似佢咁樣整~腩肉半肥瘦~~~~不過我剩係識瘦GE~~haha~我多數要中辣, 佢ge味好香~雖然佢係麻辣, 但係唔會得個麻字~~~~咩都食唔到咁~~~夠香~~仲有下午茶最抵係仲有兩隻雞翼~~~勁入味~好香~~~~~所以呢間野已經變左我ge飯堂~~~~~因為好味, 超飽呀~

今日去到佐敦,放棄了澳洲牛奶公司,一心想試下新嘢,見到”景霖”食評唔錯,我又中意食辣,就去食下啦~我叫了雞肉黑木耳中麻辣米線,我媽媽則叫了黑木耳水餃中麻辣米線,又叫了牛肉+雞肉串燒.我覺得個湯底夠辣,只係一味得個”辣”,但就唔算好開胃吸引,我中意食”南記”多D.但出乎意料地,個串燒D汁好正!唔會好辣,唔食得辣的人都可以試下,D汁仲甜甜地,好好食.而個餐有送豆漿,豆漿甜味恰到好處,唔會好甜,GOOD~

大家千奇唔好幫襯呢間野既外賣。每次都講明d野要lunch time前送到，每次佢地都話ok,但係次次都要遲成十幾分鐘先送來。已經係早成個鐘頭叫，都要遲。遲都唔緊要,但今次重要冇來個炸魚皮。打電話去同佢講，接電話個女人態度惡劣，追左好多次後，先係一個鐘之後送返來。由佢鋪頭送到美麗華都要一個鐘，我以後都唔會再叫，又唔係特別好食!

景霖是四川麻辣米線的老字號，位於佐敦白加士街，舖面不太突出，但在 OpenRice 已累積了超過 100 個笑臉。要了小麻辣皇牌米線 ($32)，同樣芽菜全走，配料包括豬肉、雞肉、牛肉、魚片頭及炸醬，是十分麻甩的選擇。見湯底浮起一層來自眾多肉類的油，吃時帶點邪惡感，配料味道其實很普通，牛、雞、豬皆相當軟腍，魚片頭入口不爽，炸醬味道帶酸，而且弄得很實，不好吃。米線則比較可取，滑溜中帶點米香，而且份量夠多，一定飽肚，吃到末段亦感受到那陣恰到好處的麻辣感，總算收貨！

見食評甘多個Good, 就走去試下啦..希望越大，失望越大。 剛剛吃完，好少餸=_=! 兩送面，得兩粒魚皮餃，兩粒丸!另一碗就叫炸醬，另上，無咩味-.-''' 個湯湯料超少。寧願吃譚仔=_=!!

去到係下午茶時間一碗餱麵+雞亦兩隻, 送豆漿一杯, total$22, 湯底唔錯唔錯..不過無我想象中咁白雞亦好鬼死正….只係油左小小~~~味道夠特別餱就係~~炸醬麵米線唔夠滑, 有點 "鞋"口炸醬夠spicy* 叫佢分碗上,感覺多一點另外再叫左牒油菜~~感覺唔夠乾淨服務都係一般…..太多人來食..佢地唔夠人!!!同埋好快就拎到上台!!~~比人個感覺好似無煮過不過來到又好熱wo!!!!~~~算係啦…$22….坐得唔耐但已經好飽肚好抵食

朋友話之前去過食,讚不絕口,所以帶我去試. 我叫了一碗雞肉加牛腩的米線及豆漿. 但牛腩不是真正的牛腩, 是只有一角尾指那麼大的肉丁, 大概有三至四粒, 少得可憐, 味道很難吃, 像是不新鮮的肉. 雞肉好'梅', 不好吃. 蔥有雪櫃的雪藏味.我想老闆已換,所以跟我剛看到之前的食評內的有些圖片完全是不一樣!

看到成100個好評, 心諗都唔差得去邊, 一心想揾間比X仔好食嘅米線鋪, 所以都會四圍試吓, 去到係下午茶時間, 一碗餸麵加雞亦兩隻, 豆漿一杯, 盛惠$22, 湯底真係一般到唔一般, 毫無四川風味可言, 雞亦都只係普通在雞亦上灑上孜然粉, 好一般, 總括而這, 填飽肚係OK, 但講到好食, 真係唔講得, 穩陣計, 都係去返X仔, 起碼比較有四川特色風味, 相信只此一次, 不會再幫趁了

1. 雞奕雙拼 - 有香草味同麻辣味, 麻辣都唔算辣, 味道ok啦, 但唔夠熱2. 過橋米線 - 湯底同炸醬味道幾好, - 米線唔夠滑, 有d "鞋"口 魚蛋好粉,羅白(朋友叫左)同豆卜都唔夠淋 -成碗野有d似車仔麵, d送似一早煮好, 叫邊樣送就夾邊樣送去個碗度, 而且唔係幾夠熱. 3. 油菜叫米線加凍檸賓算係最抵, 只係加5蚊 現場冷氣唔算大, 食到出汗如果好想食米線, 又係佐敦, 都可能會再幫襯既

奇怪，如車仔麵的米線店每天中午時段總有三五個人門外排著隊等候米線店內坐滿人十分擠迫，唯有買外賣返公司食豆卜蘿蔔米線 $26蘿蔔甜，豆卜大大粒支竹通菜木耳米線 $30少少麻辣湯底，雖說是正宗四川麻辣，我覺得與四川菜館的麻完全不相同既不辣又不麻，米線一般三款配料份量剛好夠我個人吃飽，豆漿甜了些又沒有黃豆味

吃過最好味的雲南米線，非這莫屬。暑假的時候，同事提及佐敦有一間抵而美味的米線店，午飯就跟她試試。未到門口，已經相片吸引。小妹本身喜愛酸辣的刺激食物，看到已急不及待衝進去。其實那個三點多的時間，照常人流不多。但竟然也有搭枱的情況，可見這碗米線多受歡迎！位置算得舒適，但環境也不是太差。拿起餐牌，點了魚豆腐酸辣米線，下午茶餐真是超值。＄22有一餸米線而且送兩隻烤雞翼，有辣(麻辣)有不辣(香草)，任君選擇！眼看周圍，原本不止米線受歡迎，這裏的烤物也很出眾，所以跟同事點了兩串鹽燒雞軟骨。嘩，不得了！米線不會太軟身而斷開，湯底酸酸辣辣，十分開胃。雞軟骨上枱時熱呼呼，入口香亂得也不知怎形容了。雞翼亦很突出，香草味重，不過稍咸。看得出廚師有用心，不會因為多人變得質素差。可惜因為人太多了，吃完不能多坐一會，感覺上實在太趕。不過，還是會再去，因為我一邊打這篇食評，一邊流口水，哈哈！

今日辣癮又發作, 忍唔住又叫左景霖外賣自取 雞肉米線(大酸辣) + 豆漿 ($22) 拎到返屋企, 個外賣已經焗左成十幾分鐘, 但雞肉依然好嫩滑, 超好味, 米線依舊係大大碗, 夠哂厚底, 食到肚都凸埋, 豆漿就冇咩特別 (因為已經辣到飲唔出係咩味, 不過應該係新鮮的) 第一次食大既酸辣, 唔知係因為太辣, 定係阿姐落錯單, 我食唔到有酸辣既味道 可惜可惜.....不過仍會繼續支持, 因為實在係太美味