景霖正宗四川麻辣米線 (白加士街)

Open Now

Now Closed

由於公司係附近，所以不論外賣定堂食都好常食景霖。佢會有芝心丸同埋蟹籽丸呢啲我鍾意食既餸揀。而且下午食佢仲送杯豆漿或者五花茶，都幾好，如果想飲其他野就加錢。但近排佢地請咗個態度都幾差既員工，因為我鍾意係呢度食酸辣米線佢既酸係有啲酸菜粒既，而唔係酸到你死既味。咁今次我叫酸辣但一粒酸菜都無，我就問呢個疑似新員工，點知佢答我「酸辣未必有酸菜架，有都係酸菜粒，好細粒架咋！你食下先，食下有無酸味！無就幫你加酸！」咁我就廢事再同佢講，不過碗米線真係只有辣味，無酸味。我真係覺得非常失望。如果而家佢既酸辣真係變咗無酸菜，我諗我唔會再幫襯佢了。

懶煮，又突然想食辣，這是一個不錯的選擇。我覺得始終是米線最出色，小辣就夠醒胃，中辣就會流鼻水，但這當然很個人的。芝心丸、豬潤、魚皮鮫也是我愛吃的，但今日清一點，要了通菜，再來一客麻辣雞翼，簡單而好味的晚餐。

景霖正宗四川麻辣米線的門面都是自己的餐牌，而餐廳入面是紅色的地磚，藍綠色的牆身，服務員都有3個，但桌子其實都只有幾張。餐牌選擇唔多，我點了一個招牌過橋米線，下單時要求肉醬，酸業另上，但服務員一口拒絕。招牌過橋米線賣相一般，湯底是都味精味，炸醬的味道被湯底蓋過，米線唔夠滑,有點粗,沒有特別, 魚蛋沒有魚味又唔彈牙, 芽菜唔普通,黑木耳唔爽口, 豆卜就唔夠淋,冬姑入味,腩肉肥多過瘦。味道方面，感覺招牌過橋米線沒有什麼個人之處，有比較下才覺得譚仔好。它的材料唔多但份量比譚仔多，而且它的價錢比譚仔便宜幾元。

話說今日到佐敦區返工，先前已經上定黎搵定一眾兄弟係開飯網入面有咩推介，本身想試海南雞飯，但奈何午飯時間既一場大雨就將呢個念頭狠狠沖走。咁唯有係公司樓下隨機抽樣，是但揀一間野食，就去到呢度食米線。坐底跟手點咗清湯魚片頭腩肉米線，走芽菜，因為芽菜入面既水份會沖淡食物本身既味道，就會頓成失去味覺既大長金喇。好快碗粉就上咗枱啦，由於小人有眼不識泰山，所以就係對碗米線冇咩特別大期望就開動了。但一試個湯底就真係不得了！因為個湯底好鮮甜，非一般米線餐廳既shimizu清水湯底可比，再望望牆上面有openrice 100 likes sticker係度，才恍然大悟，見到自己有如井底之蛙般見識淺薄。不過，雖然個湯底好飲，但餸菜方面其實就冇咩大分別。不過31蚊有兩餸，大大碗仲要送埋豆漿，性價比其高，所以就係度推介俾眾兄弟食個又平又靚既米線

今日行行下街非常肚餓,下午茶係依間黎講都唔錯，價錢同食物質素正正常常。美中不足就係湯底唔夠辣味,不過其他都幾正。好抵食既下午茶,有油菜一個餸既米線,麻辣雞翼同一杯豆漿而且都有得另外加一個餸,價錢仲要唔貴,真係幾抵食嫁,今次叫左依個豬膶豆卜麻辣米線,叫左中辣,都夠哂辣,真係唔錯既,湯底就普普通通有少少似其他地方食到既,不過食落無咁多味精,而且個豬膶煮得岩岩熟,唔會咬到好似香口膠,夠爽口,唔錯,而且豆卜就當然會吸哂湯,幾好味既,最後當然係主角米線,做得幾彈牙,唔會太林,不過唔會太硬,不錯不錯。最好食就係個雞翼,雖然唔係好夠辣, 不過味道真係一流, 如果可以再辣應該會好惹味,不過依家都唔錯,最後仲有一杯豆漿,正常無特別, 不過咁既價錢而家都幾難搵到,不妨黎試下。

好多年前係佐敦返工, 成日LUNCH都走黎食晏, 因為貪佢又平又好味今日要出佐敦換取信用咭迎新禮品, 順路就走黎食一碗懷念下先老細都仲係無變, 仲係個好好人既肥老板.一坐低就叫左碗腩肉生菜魚蓉面 ($26, 加一款$4) 另外送一杯豆漿一黎到, 試下個湯底先... 咸... 同麻辣味.因為魚蓉面既關係, 面質比較粗身. 所以湯底咸. 我都覺得OK呀. 反正我又唔係飲湯不過腩肉就真係好咸啦^^"但我始終對呢間既魚蓉面情有獨鍾

一個平日的晚上, 在九龍公園運動後路過, 見到有不少食客, 於是入內試試. 小店賣的"正宗四川麻辣米線", 而且餐牌的選擇也不少, 不過當晚只想清清地吃一點, 所以點了醬爆鯊魚丸米線.等了一會, 米線已經送上. 一如坊間其他的米線店, 碗內同樣有韭菜、芽菜、腐皮作標準配料. 湯底由於是清湯底, 所以沒有甚麼味道是預期之內; 米線不算滑溜, 尚可, 不過份量不多, 對於我等不想多吃的來說是剛剛好, 但對胃口大的人來說肯定不夠! 醬爆鯊魚丸一碗只有三粒, 一般大小, 魚味欠奉, 尚算彈牙, 味道一般而已.後來再看看這間小店的食評, 原來這裡也是人氣店! 不過, 這店的食物水準很平凡, 與其他的人氣米線店相比, 不見得特別好吃, 價錢也不是很便宜. 而且食物的味精不少, 店家又沒有免費開水提供, 吃完也感到口渴, 所以再幫襯的機會很低.

因為工作關係來到佐敦，見到下午茶好似好低，即管試試下午茶來講ok，價錢和食物質素都可以接受。美中不足是湯底不夠麻辣味最失敗係碟油菜(芥蘭)硬過石頭...點食一個字"低"埋單一共$48個大洋頗多選擇味道 ok柯打時講明要淋Ｄ，但結果係硬過石頭柯打一碗豬肝、大腸及腩肉米線。味道方面不夠麻辣味，為什麼叫自已做"麻辣米線"

我仲意食麻辣米線的，見到佐敦有間寫住正宗四川麻辣，所以入去試下，點知食完成碗都冇麻的感覺，個湯同d食物真係好普通，完全冇特色，林住下次都唔會再幫襯! 但係有日見到大角咀開分店，就抱住再試多次睇下有冇好d的心態，點知既然食野俾人鬧!!! 個曰我同老公連埋bb一齊入去食，三個人坐四人桌， bb坐bb車佔左佢一個位，坐低叫左野食後，我先生出左去買野，剛巧有六人客塭位，個老闆娘即刻走個黎同我講: 我要搬走你d邊張木台。我話: 好呀唔緊要你搬啦 點知佢既然好大聲講: 咁你架bb車阻住我點搬呀! 我堂堂呆左 , 我覺得好受委屈，既然蝦個女人同bb，當時我忍住冇同佢嘈，因為bb係度，我覺得身教好重要，不過我一定要上openrice寫番出黎，其實如果你咁唔歡迎bb車的，你可以係門囗貼住禁止bb車入內呀，創業難守業更難，以你dd服務態度，一定趕走晒d食客!

成日黎開呢頭食野都心郁郁想試下, 今次終於試左...下午茶餐係一個餸既米線 + 2隻麻辣雞翼 + 一杯豆漿= $25, 另外加一個餸 $4, 真係好抵食ar!!!!!!!!!!!!!!!!!!!!!!!!!!!我叫左豬膶豆卜麻辣米線 (中辣) 湯底有d 似譚仔, 但呢間會無咁味精, 豬膶煮得剛剛熟, 爽口掂~豆卜索哂d湯, 正ar.....仲有個米線仲係好彈牙, 無過熟...有d米線舖硬係煮過濃 .....個雞翼唔夠辣又唔夠熱, 不過味道一流, 如果可以再辣d熱d會更惹味~~咁既價錢可以食到咁多樣, 仲要送豆漿, 而且味道ok, 而家都幾難搵架喇鍾意食米線既朋友絕對可以光顧

聽人講話ne間餐廳好好食，早兩日去試過又真係幾好。夜晚同個friend去食，見到間餐廳差唔多坐滿人，好在唔洗等位，一去到就有位。我地每人叫左一碗米線，等左5分鐘左右就有。跟住我地仲叫左一碟鴛鴦雞翼，果然真係即叫即烤總然之好好味，我地兩個都食到好飽!!

呢間米線都食過好多次架啦 !!!因為之前我住係同一條街的,所以經常有機會食到.今日冬至放早 ,咁岩行過,一於去食下先 !!呢個時候,當然係叫下午茶係最抵啦 !!!HKD$ 24 有兩種畀你選擇 ,我叫左一送(豆卜) 加 (麻辣雞翼) 小辣 ,送豆漿 份量 OK ,下午茶既話都幾足夠. 我鐘意佢個湯底,辣得黎又夠味,佢同雲南米線有 D 唔同 ,雲南米線一般都會酸辣 ,四川米線以麻辣為主,兩種我都鐘意 .每次黎食,我必食豆卜,其實無咩特別,只不過鐘意佢吸晒D湯,一咬落去好多湯(個人喜好)今次要左麻辣雞翼,有小小苦味,唔知點解,都係香草好味一 D .得閒行過都會入黎食下 !!!唔錯,唔錯!!!唯一問題就係侍應好似發緊白日夢咁,又掛住傾計,,唔係好理D 客人,希望改善下呢度!!!

嚟到景霖，朋友推介，我選了中麻辣黑木耳豬膶米線，黑木耳爽脆，豬膶都好爽口，米線好滑好彈牙，但湯底不麻不辣，整體味道也算唔錯。見到友人的鱈魚豆腐米線，賣相唔錯，於是試了少少，味道都好好。麻辣雞翼都夠麻，外皮都好脆好香。沙嗲雞肉串燒，可能因為唔夠熱.，味道只係一般。豆漿沒豆味只得個甜字。

佐敦食肆臨立，景霖在網上累積過百好評，以吃米線的餐廳來說，已不簡單，於是決定一試。食店是茶餐廳格局，星期六晚上八時，食客不多，地方尚算整潔。點選了黑木耳炸醬酸辣、豬潤麻辣，兩碗米線為「小小」辣度，同樣有韭菜、芽菜、腐皮作配料。先是豬潤麻辣，湯底清甜少油，容易入口，可惜辣而不麻；豬潤份量不多，偏腍，不夠爽口。黑木耳炸醬酸辣，湯底過淡，酸度不足；木耳爽脆，但只有細小幾片；炸醬沒有分碗另上，撈勻前先試其味，瘦肉居多，香甜而不油膩。至於米線，份量幾乎只有三哥的一半，米線略粗，不夠煙韌。總括來說，以四川正宗作招徠，湯底、米線均沒有特色，味精卻不少，加上份量的式，廿三大洋配一個「食送」，還有不少選擇。店內除了米線，可以選擇上海麵、米粉等，還有其他小食，如雞翼、串燒、炸魚皮，味道如何，不得而知。

因為晚上同pigpig去九龍公園泳池, 所以就去附近睇下食咩好,. 好隋意的選了呢間.pigpig 要牛腩上海面(小辣)...HK$24.00牛腩我冇試. 但係上海面又幾好食, 幾彈牙ME 腐皮絴蝦卷河粉... HK$24.00腐皮絴蝦卷其實不過是炸魚肉咁.佢話係蝦. 咁就信佢係啦. 加提一下. 個湯底. 比想像中好味.另加.. 雞翼 3隻 HK$ 13.00唔夠熱. 勁快上呀. 味道都幾好 .但同譚仔一樣. 得個皮有味,. 入面冇味.. 略嫌細隻左D沙嗲雞肉串燒2 串...(無的錯就HK$12.00)勁遲先上. 都係唔夠熱. 只是一般雞肉加汁. 好在個汁都OK既.因為太餓. 影唔切相, 就食晒落肚. 多多見諒呀.^^