廚十三老壇酸菜魚 (D2 Place ONE) (Closed)

今日去咗D2 Place嘅市集，行到攰就搵間坐低，因為市集好多人，所以隔離啲餐廳請過都派好多人，等咗大概20分鐘左右就可以入去。因為我哋三個人，就跟咗佢餐牌嗰度叫咗大份，點知一嚟到，全部人望住我哋，因為個碗真係勁大勁大勁大，對於我哋三個女仔真係冇辦法食得晒😂 一開頭食嘅時候覺得好好味，好入味，好多酸菜同埋都好多魚片，唔會食幾啖就冇，直頭係食唔晒嗰隻。但係愈食愈酸，食到後期食唔到落去，因為個胃有少少拿住。唔知落單嘅時候可唔可以叫佢少啲酸菜呢？

上網見到d食評都好兩極最後同朋友考慮再三 諗唔到食咩好 所以都決定黎試一試weekend夜晚黎到都多人要排隊等一等個晚7:30去到大概等咗3張檯到都唔算好耐叫咗一個酸菜魚 揀咗細size 兩個人食份量都好夠我地另外有揀咗薯仔片 萵筍 米線魚肉基本上都無咩骨配料份量都多 好似夾極都仲有個湯係有d偏油之外 基本上都正常食到最後忍唔住叫咗個冰粉有d紅糖 有d類似椰果既啫喱？冰冰涼涼原本少少油膩既感覺清新番曬 總括而言無見到d評論講到咁伏試一試都無妨

荔枝角假日除左D2 Place有D CAFÉ、西餐廳，真係冇咩野食。今次就去左D2 Place一期呢間酸菜魚，因為都想坐得舒服啲同埋食耐少少。8點鐘入到去都已經滿哂，等左十五分鐘到就入得。🔥老壇酸菜魚小份 $338 + 餸($28每款)★★★☆☆因為三個人食又唔係好餓所以叫左個小份，加左萵筍、寛粉、金針菇同腐竹。辣度叫左正常。一上枱超大盤，聞落都幾香！但食落真係唔夠酸同辣，D配料都唔太入味，所以問左店員加辣，俾左一碗泡椒俾我地，加完個辣度先OK，慢慢食落會越食越酸。魚幾新鮮、嫩滑、唔鞋口，唔似急凍個D有陣雪味，冇咩骨，起得算乾淨。食落其實幾滿足，酸菜多，但個湯汁偏油，食完會口渴。而配料份量都幾足，食到尾段都仲有。🔥酥炸無臉男 $88★★★★☆餐牌都有幾多菜式個名改得幾有趣，其中呢個酥炸無臉男即係平時食開嘅酥肉。食落脆口之餘唔會太多粉同太硬，食到入面既肉質，點埋個乾辣椒粉食好惹味，推介！🔥雨露均沾 - 紅糖糍粑 $58★★★★☆即叫即整，熱辣辣上枱，都幾煙UN，D黃豆粉加埋個黑糖汁，唔會膩。鍾意食軟糯質感食物嘅朋友仔唔好錯過。🌟總括：埋單七百幾，除開每人二百幾左右唔算太貴，食落酸菜魚同小

好失望！由佢第一間係銅鑼灣開嘅時候已經好鍾意食….因為本人好鍾意食米線，所以間中都會去食午市單人餐。支持咗咁多年，睇住佢水準下降都無可厚非，可能轉咗師傅/材料供應商等……但味道都同以前差唔多。但今次係荔枝角分店食到嘅酸菜魚米線真係仲衰過我自己整😑酸菜份量太多，影響到成個湯只有酸味，辣度佢只可以揀唔辣同小辣🤷🏻‍♀️🤷🏻‍♀️但係酸到我feel唔到有辣味😑以一碗午時米線嚟講佢價錢已經唔係平，但仲要拎呢d質素出嚟，我真係接受唔到！

話說有日喺荔枝角D2 Plaze 行街，無意中經過呢間「廚十三老壇酸菜魚」聞到好香，見都幾多人等位，估計係好嘢嚟，所以搵埋男朋友一齊去湊湊熱鬧~ 上 Openrice 睇先知原來「廚十三」唔止得荔枝角一間店，喺銅鑼灣、尖沙咀、油麻地、天后都有分店。我哋試呢間荔枝角分店店面都幾大，環境乾淨舒適~ 午市酸菜魚有單人套餐/二人套餐供應！單人$88，二人$168~ 🧡老壇酸菜魚雙人午市套餐（$168）二人套餐性價比超高，酸菜魚份量超多，足夠兩個人食到飽！魚肉份量好多，大塊又嫩滑，不過會有少少骨，大家食嗰陣要小心啲！辣度唔算好辣，食落溫和，好香好惹味，好啱香港人口味！套餐仲可以揀米線/飯，包兩罐汽水，$168真係好抵！而我哋就揀咗加多寶涼茶，中和下無咁熱氣ma~

相信好多心都鍾意食酸菜魚，但好食嘅酸菜魚唔係度度都有。廚十三嘅酸菜魚唔剩係得魚好食，酸菜同配菜都一樣好食。廚十三嘅酸菜魚，份量十足，魚肉口感嫩滑，怕魚骨嘅朋友有口福了，廚十三嘅酸菜魚係完全係骨，師傅會將魚骨起晒（當然可能有機會有漏網之魚）。普遍人都唔會食酸菜，但呢度嘅酸菜大家可以試下，酸酸甜甜，幾開胃，特別係酸菜頭，夠入味之餘火喉十足，唔會硬。食午市仲會送配菜，今次選左金菇、寬粉同豆腐。寬粉好彈牙煙韌，厚薄適中。

不是第一次光顧, 但是第一次外賣自取, 竟然嚇一跳, 一打開蓋...只有一半, 我仲意為係視覺錯誤引至, 但攪一攪, 再數一數, 魚片只得數塊, 比起堂食差一半, 真的沒下次

今晚同朋友聚餐～終於試到廚十三嘅酸菜魚～一上台超級豪華，超大盤又香，食落真係回味無窮！回頭率：100000%酸菜魚又可以加料～如果多人啲，想試多幾款餸又可以叫餐廳加，自己好鍾意食午餐肉、海帶，所以就加咗～食完簡直係大滿足啊！

真心有驚喜，我第二次食酸菜魚，以前在深圳食過，以前可能去咗比較細間嘅餐廳，覺得酸菜魚冇咩特別。 反而食過呢間之後，真係有啲驚喜🤣因為我不能吃太辣，所以我已經覺得夠辣味。 我哋一來到就嗌咗個小份酸菜魚，個碟大到喊，真係好有特色幾個朋友一齊食。加咗寬面 （似薯粉）和荀。 我覺得啲魚真係好滑，熟到啱啱好，完全唔會「鞋」唔會太軔。湯底係比較油膩，我開頭都唔飲個湯底，後來朋友叫我試吓湯底撈飯，結果真係超好味😋反而另一個正經雞被絲比較遜色，辣椒比較多，而且比較乾身。不過整體都合格，只係未去到一鳴驚人嘅感覺。 而且啲侍應好好，飲完一支水佢哋馬上同你玩第二支，食呢個酸菜魚真係飲咗幾支水 😂

🤦🏻‍♀️🤦🏻‍♀️🤦🏻‍♀️喺長沙灣睇完真人快打 就去D2行下，見到有廚十三⋯之前一直都聽到身邊朋友話呢間好食，所以本身我都有啲期待⋯但結果希望越大失望越大🤦🏻‍♀️唔算多人，但入到去叫極都冇人嚟落單🤦🏻‍♀️我地叫左個小份（2-3人份）加左萵筍，同寛粉⋯我想講份量真係好小🤦🏻‍♀️隻盤就夠曬大囉啲寛粉 撈極都係得3-4條，仲要係好短嗰啲🤦🏻‍♀️同佢地講仲要唔信我、要我當住佢哋面撈俾佢地睇，先話我再俾返多份你🤦🏻‍♀️啲酸菜魚唔酸唔辣，又油，啲魚又多骨⋯叫埋兩枝酒仲要$500幾埋單🤦🏻‍♀️價錢同食唔成正比

而家未通關唯有喺香港食酸菜魚。呢間酸菜魚算唔錯，味道好啱香港人食，個湯鹹鹹鮮鮮好夠味，魚肉鮮甜嫩滑！辣度我哋叫咗個正常辣，可接受。我哋兩個人叫咗個細份，加咗寬粉同萵筍，食完都捧住個肚走。

呢間野有點串，食了半個鐘，突然行過黎問有冇野加，冇野埋單先，然後我加個糖水 ,我D野未食哂就黎，搞到擺係到熱哂， 不太喜歡。 。。個甜品就咁擺左半個鐘，老闆好像這樣做有點趕客 味道是ok 的， 但服務有點差， 下次不會選他，因香港其他酸菜魚店也有這樣味道。。。。最後兩個人吃了$391, 不太貴但都不平， 話哂都收了加一服務費， 但這服務費好似是百比了，吃得有點不開心， 如果是這樣無謂用錢買難受。 希望這鋪會有所改善！！！

OK又係酸菜魚哈哈☺️💓今次食既酸菜魚仲要係NANA覺得係「大佬級」🤣🤣因為佢真係專食酸菜魚 冇其他主食！咁專注仲點會唔係大佬級專業呢😆講到咁 係咪已經大概估到NANA點樣評價佢haha💓💓💓-廚十三老壇酸菜魚 $300 （2-3人份量）+$28 寛粉影出黎好似表示唔到佢成盆酸菜魚係幾大碟！！係呀係要用個「盆」字🤪🙌🏻形容下就係放左落枱佔左成張枱既3/4 然後你基本上成餐飯都睇唔到你對面個朋友個碗入面食緊咩😂😂😂然後 佢個賣相大家都睇到有幾正！流哂口水好有食慾🤤！首先講下佢個湯底 酸度鹹度都適中！唔會話飲完好辛苦 仲要係愈飲愈想飲😳但講真 成個湯底都比較油 可能要隔一隔油先再飲 感覺會冇咁heavy!!配料方面：酸菜、辣椒、花椒、豆腐、蓮藕片等等！好豐富！！亦同時令到成盆酸菜魚口感味道層次提升✨✨最後！！主角出場！！酸菜魚本魚🐟首先又要讚下佢係無骨啖啖肉的魚！之前NANA講過酸菜魚要係無骨先至夠正夠爽！魚冇腥咪好滑好嫩！係會食完一舊又一舊 同湯底亦十分之夾💓另外再講講 另外加既寛粉 其實就係水晶寬粉 食酸菜魚一定一定要有水晶粉 因為佢會吸哂湯精華 好入味！其實都係呢盆酸菜魚既唔滿意之處就

兩年前食過廚十三嘅銅鑼灣分店，印象中當時覺得味道幾好，環境亦十分之格調。上星期約咗fd去d2 place到玩一日，本身個日諗住食壽司朗，可惜好早就停止walk in咗咁唯有係d2睇下有咩好食啦～上到去就見到呢間廚十三，即刻醒起兩年前佢係唔錯嘅～所以就決定揀呢間嚟食入到去，waiter都好好禮貌，回應嘅時間都好快，只要一舉手就會即刻過嚟問你有咩需要，見我哋冇水都會幫我哋添水我哋三個人叫咗個細嘅酸菜魚小辣，加咗寬粉、蓮藕同金菇另外仲嗌咗碟甜不辣同埋炸豬肉酸菜魚比起我兩年前食咸咗少少，味道亦冇咁豐富同埋冇咁有層次叫我再去就真係不了炸豬個個同樣好咸，仲有陣羶味甜不辣係成餐最好最穩陣，3個人食啱啱好，2個人就會有d多

近年香港都好盛行呢啲四川嘅菜式。咁其中最受歡迎就一定係酸菜魚，基本上可以話去到邊都有一間喺左近。今次我哋都毫不例外試咗呢個土豪版嘅酸菜魚，果然係冇令大家失望。魚爽而冇骨。湯底又香又辣，非常開胃。酸菜都好出色。大家行過d2place都可以試下。