廚十三老壇酸菜魚 (譽發廣場) (Closed)

♨️廚十三老壇酸菜魚油麻地彌敦道560號譽發廣埸2樓🔷老壇酸菜魚加豆腐加寬粉超大鍋食極都有，叫咗BB辣，啲魚夠滑，性價比高，豆腐都好多，寬粉唔夠薄有啲un🔷老虎椒愛松花蛋皮蛋高質唔臭，辣辣哋好正🔷夫妻肺片好大碟，好夠牛味嘅牛展，仲有好夠淋既牛肚係中層，個底仲有青瓜絲🔷巨峰提子梳打特飲🔷荔枝梳打特飲兩杯特飲冇乜味，但都總叫解渴食物：8/10抵食：8/10環境：8/10。。。#hkig #hkigfood #hkfoodie #hkfood #foodhk #hkfoodblog #hkfoodstagram #hkfoodlover #hkfoodpic #hkfoodporn #hkfoodblogger #hkfoodieblogger #foodie #foodiehk #foodphotography #foodblogger #foodporn #foodstagram #foodgasm #foodlover #foodgram #食在油麻地 #油麻地美食 #廚十三老壇酸菜魚 #酸菜魚 #美食推薦 #美食日記 #香港美食 #香港美食指南 #夫妻肺片

上星期同阿妹兩個人撐枱腳，翻風凍凍地，就想去食下個酸菜魚暖下個胃，今次就去咗呢間油麻地嘅廚十三老壇酸菜魚。老壇酸菜魚有超多大大塊嘅魚肉片，加上湯底味道辣味同酸味都好夠，飲啖湯更加正添😆我鍾意佢哋個湯底唔會太油，所以就算飲埋湯都無問題。食返個上上簽希望成年行好運😇，入面有鵪鶉蛋，蓮藕片，椰菜花，黑木耳，鳳爪。蓮藕片食落好爽脆，鵪鶉蛋一啖一粒，椰菜花夠晒健康，樣樣都咁好食。雨露均沾個名就咁聽係咪唔知咩嚟呢？其實就係又甜又煙韌嘅糍粑，上面仲加咗啲黃豆粉😳再叫埋啤酒一邊食一邊嘆，真係好滿足嘅晚餐✨

今日同朋友黎到油麻地呢間廚十三，呢間分店都系第一次食，質素都好好！我地先叫一個被名字吸引既上上簽$88👀呢個原來辣既串串，有鵪鶉蛋，蓮藕片，椰菜花，黑木耳，鳳爪，麻油加上辣椒花椒做醬汁，浸住啲串串，每一串都好入味，又麻又辣，相當過癮！之後叫佐一個好難得唔辣既小食蔥油撈豬肚$98🫦主角豬肚好爽好有咬口，豬肚唔會有豬騷味，麻油加上香蔥、唐芹、芫荽，好香濃好好味，豬肚完全吸曬嘅香味，好惹味！跟住就到主角老壇酸菜魚👅酸菜魚份量十足，兩個人真系會食唔曬，辣椒酸菜花椒鋪滿湯麵，聞都聞到複雜既味道，辣酸麻既湯令魚片除佐鮮味之余味道更有層次，魚片肉質又嫩，好高質好出色，呢度仲可以自選配料加落去添，好多選擇呀！最後叫多個十三涼粉$48🤟🏻涼粉唔會太淋，爽口入味，麻辣汁好香，仲有啲花生撈埋黎食，口感好好！

所有嘢都好好食，唔係剩係得酸菜魚！快啲睇吓我介紹▪️酥炸無面男▪️🖤🖤🖤🖤🖤無面男到底係代表啲咩？🤔一問之下先知道原來蒙面藍係代表豬肉，店員話其實佢都唔知點解佢自己估係因為同千與千尋有關🤣不過同咩有關都好啦，最緊要係炸得香酥可口！▪️老壇酸菜魚▪️🖤🖤🖤🖤我覺得係因為兩款小菜比酸菜魚更加驚艷到我，所以呢度都扣咗少少分！但係都想話俾大家聽佢呢個酸菜魚分量十足！😤魚片不帶骨，湯底酸酸又辣辣。非常開胃🤭▪️手拍前男友▪️🖤🖤🖤🖤🖤前男友其實就係青瓜 拍青瓜就係用刀拍扁黃瓜。點解要拍開佢？🧐因為食起上來會比較脆，而且蘸到嘅醬汁會更多，咁就會更好味。以菜刀將青瓜拍扁，然後加入涼拌調味汁，蒜、醋、麻油、糖和醬油攪拌，醃一會，能完成一個酸酸甜甜，口感爽脆嘅開胃涼拌青瓜😋

前排見有Foodie介紹咗呢一間廚十三老壇酸菜魚🐟，一直book mark咗好耐，終於等到上個星期同朋友一齊去食嘢啦😳老壇酸菜魚係餐廳嘅王牌必食推介，我見每一枱都有叫，大家都係為咗佢嚟食🥰！酸菜魚嘅主角魚肉超滑，而且每舊魚肉都大大塊，絕對唔會碎濕濕，加上酸辣味嘅調味做得好好，湯底絕對出色。香酥雞翼超級脆口，新鮮熱辣，即叫即整。酸梅湯嘅味道酸酸甜甜解油膩又開胃✨ 雨露均沾嘅糍粑嘅味道甜度適中，口感就煙煙韌韌，女仔一定好鍾意食。

我同男朋友都好鍾意食酸菜魚🐟，星期日係旺角行完街，就過左油麻地呢間好出名嘅廚十三老壇酸菜魚試吓佢哋嘅酸菜魚夠唔夠正宗😆老壇酸菜魚大大份，魚肉全部大大嚿，入口嫩滑，完全冇腥味，酸菜再提升魚肉嘅鮮味，入面配菜可以自己選擇，我鐘意加土豆片同青筍片，真係好好食😋我地仲叫多左幾個小食share，酥炸無臉男係炸豬肉條，炸完好香脆，入口肉質一啲都唔乾。麻辣砵砵雞係一串串嘅，入面有嘅菜式: 牛展，牛肚，牛脷，鵪鶉蛋，萵筍片，土豆片，雞腳，超多野食。我最鍾意一定係個鵪鶉蛋，一啖一粒，正☺️紅糖冰粉入口順滑，超Q彈！做飯後甜品岩哂❤️

餐廳環境：🎈x8職員態度：🎈x10菜式味道質素:🎈x10(牆壁上有好多唔同嘅圖片顯示到佢哋餐廳係用咗乜嘢食材我覺得呢個概念都幾好！俾顧客提前認識到佢哋嘅食材，而且佢哋個Menu都好有創意）➿刀拍前男友:呢個係我眼中，都係一個必點嘅涼拌小菜，因為其實佢係一個手拍青瓜黎！佢個青瓜好爽口，而且深入左辣汁令到更加開胃！➿香酥雞翼:香酥雞翼真係一個好唔錯嘅雞翼！味道唔會太鹹，食完唔會話好想瘋狂飲汽水！而且佢嘅雞肉係外脆內軟。➿老壇酸菜魚:肚餓就要叫酸菜魚食！我覺得兩至到三人分都OK。佢嘅酸菜魚肉質比較滑捋捋唔會有好多骨。另外入邊嘅配菜都唔會話太單一！驟眼睇都已經見到有豆卜芽菜萵筍。另外仲可以加配其他配菜。

今日黎到油麻地呢間廚十三食飯，廚十三咁多間分店入面其中一間好有質素既分店。🐟老壇酸菜魚酸菜魚好大碟，2個人食都應該會食唔曬，但一上枱已經聞到香噴噴，大量既酸菜令湯底咸酸味十足，辣椒花椒都好夠，湯底好香，魚片好滑又大塊，完全唔會鬆散，入味既魚片真系好好食！而且呢度仲可以自選配料咁入去，我地加佐豆腐，吸曬湯味仲好食👅🐷 酥炸無臉男$88既菜式，絕對值呢個價，無臉男其實就系炸豬肉條，豬肉條炸得好香好酥，脆卜卜既外皮配上仍然嫩口既豬肉，口感好好超好食！👁上上簽$88既各款辣既串串，有鵪鶉蛋，蓮藕片，椰菜花，黑木耳，鳳爪，呢個望落唔系咁辣，但原來都有辣椒同埋有啲花椒，所以食落都辣同麻，但好過癮！

第一次跟朋友食川菜，已經有個咁好嘅體驗❤️估唔到呢間餐廳有咁多分店原來咁出名蔥油撈豬肚上面仲有啲芫荽，芫荽味浸入豬肚當中，豬肚下面仲有啲青瓜‼️口感層次豐富。最緊要係豬肚無羶味，蔥油味道濃令豬肚變得好香口‼️用老壇酸菜做出黎嘅酸菜魚，清清爽爽，魚片嫩嫩的，魚排特別入味，酸菜特別能夠送飯‼️再喝點湯，鮮鮮的.....帶點微酸，忍唔住狂飲同埋撈飯‼️十三涼粉個汁好得‼️要辣味有辣、要麻香又有‼️涼粉好掛汁。👍🏻:性價比超級高， 下次一定會再食🥳回頭率♥︎*8抵食度♥︎*10友善度♥︎*7ʚ♡ɞ

今日黎到油麻地既廚十三，正宗食酸菜魚既店舖，呢度係內地有名既食店開係香港既，所以絕對可以保證到食到內地既味道😆🍲老壇酸菜魚酸菜魚真係好大盆，一上枱見到真係呆佐，細食既女仔可以4個人分黎食都得。酸菜係鋪頭自家醃製既，健康啲，唔會太咸，同時酸味好夠，好開胃，而且食得出花椒炒過先放湯，麻度十足，愈食後勁愈麻，又夠晒辣，魚片就好多，每塊都大大塊，啲肉又夠晒嫩，我地另外加佐豆卜，青荀呢啲配料，特別吸味，好食！🌶🍢麻辣砵砵雞$98聽個名以為主菜係雞，原來入面有牛展，牛肚，牛脷，鵪鶉蛋，萵筍片，土豆片，雞腳，辣油夠晒麻同辣，每一樣串串都吸晒啲味，我特別中意牛肚牛脷，夠晒爽口，超好食！食辣野就緊係要啤一啤佢，勁爽呀！🍻

今日同新同事放工就黎佐油麻地呢間廚十三食飯，好高質，啲菜式做法好正宗，我地都食得好開心😃我地先叫算係清淡啲既前菜碧綠脆筍$78🥗青荀真係好爽脆，切到闊闊既薄片好似刀削麵咁，師傅刀工不得了呀😆青荀用花椒去整，愈食愈麻，但又唔會太辣，反而好開胃好過癮呀！前菜我地試埋正經的雞被撕$98🐥咁得意既名其實就係手撕雞啦，雞肉撕得好均勻，加上滿滿既辣椒粒同辣油，淨係聞都聞到果隻辣，好惹味好食！最後緊係要食埋老壇酸菜魚🐟本身我唔係對酸菜魚咁大興趣，但呢個真係好好味，一定會再黎食呀！呢度啲魚片多到食極仲有咁，又夠滑喎，完全無骨，另外好多酸菜，咸酸味都好夠，花椒同辣椒係炒過先放湯，所以香味更突出，想再豐富啲就再自選配料加落去，好似我地咁加佐海帶，夠晒入味！食到辣辣地叫兩枝啤酒黎飲真係好爽🍻

🔺 廚十三老壇酸菜魚 (譽發廣場) (油麻地)➿✔️地理位置方便，容易揾✔️餐廳服務態度不錯，有耐性✔️餐點好食，餐牌多選擇➿🌶️泡椒鳳爪🌶️講明係泡椒，真係辣到飛起。冇食開嘅朋友，又想試下，😈歡迎挑戰🙌🏻鳳爪醃製得好入味，食到我同我個fd好滋味👏🏻🤬刀拍前男友🤬拍死佢😤哈哈😆改名個個人一定係好憎佢個ex😏當佢係青瓜，拍到佢入哂味！🐟老壇酸菜魚🐟一入去餐廳嚇左嚇，台台都嗌？係唔係真係咁好食呀！原來酸菜魚入面配菜可以自己選擇可以揀午餐肉、豆腐、薯仔片、青筍片等。➿➿➿➿➿➿➿➿➿➿➿➿➿➿➿所有野都幾好食喎，難怪短時間內已經開分店啦😏我下次再帶我男朋友黎食先😍

黐線！成餐飯真係笑到肚都痛埋👻約咗好姊妹食午餐！分享返日常笑了之餘，今日仲見到一個好有趣嘅Menu令我刻骨銘心🙌🏻菜式名真係好Funny ！我覺得最有趣嘅就係就係正經的雞被撕😂其實佢只係一個手撕雞！唔知係咪因為個名改得特別搞到我連覺得手撕雞都好好食😏一口接着一口，作為涼拌菜式黎講我同我個friend好快就食晒🤩食咗雞肉，梗係要食埋雞腳啦😆所以我哋二話不說再叫多咗一個泡椒鳳爪😚一食落口骨肉分離嘅感覺真係太爽了🤣另外，仲叫咗個酸菜魚！真係用咗老壇酸菜魚😎食落口個味道特別唔同😌魚肉片好多，冇骨😚

好耐冇食酸菜魚！上網見呢間廚十三老壇酸菜魚嘅評價都幾好，又好多分店，其中一間就係正油麻地，勁方便，所以就決定同同事收工即刻去一試😆老壇酸菜魚個湯底味道好平衡，酸度同鹹味都岩岩好，唔會太酸太鹹，真係食到魚嘅鮮甜味，恰到好處。入面配菜可以自己選擇，好多選擇比人揀午餐肉，豆腐，土豆片， 青筍片等都有。仲有啲寬粉，入口超滑溜，仲好吸湯汁，食埋夠晒飽肚啦😆性價比好高好抵食🥰真係我食過咁多間酸菜魚入面算好正宗嘅餐廳！而且餐廳嘅環境寬闊，乾淨企理，即使係忙碌嘅夜晚時段，店員服務態度同效率依然好好，絕對會再返嚟食過。

今日黎到油麻地既廚十三，食到好豐富好滿足既一餐，超級開心🥳呢度一定要試既緊係老壇酸菜魚🍲份量多多，酸菜多到見唔到果湯，但又唔會過酸，辣味同麻度都好突出，魚片薄得黎唔會散開，啲肉好滑，夾極都仲有、好足料呀！另外覺得唔夠食仲可以自選配料加落去，我地就加左土豆片，土豆片同湯底又係好夾好正！😋😋食完主角我地就試埋小食香酥雞翼($78)同埋十三涼粉($48)，炸到金黃色晚雞翼好酥脆，外皮咬落卜卜聲，雞肉好滑，炸得岩岩好，點埋辣椒粉黎食咸香辣味就更突出👅十三涼粉係用辣汁拌涼粉，涼粉唔會太淋，辣汁好香，加上花生碎同炸蒜，成個粉好開胃好好食🤓食佐咁多辣野就食番果甜品雨露均沾($58)同埋飲番杯酸梅湯解辣，甜品其實係糍粑，煙煙韌韌嘅口感，甜度適中，食完好幸福既感覺呀🤤酸梅湯都好解辣又解渴，好正呀🥤