廚十三老壇酸菜魚 (譽發廣場) (Closed)

朋友約咗我嚟呢一間油麻地嘅酸菜魚餐廳到食晚飯，其實我係第一次食酸菜魚㗎😂，朋友就話呢一間好好味，一定要陪我嚟試吓😋老壇酸菜魚又估唔到真係又幾好味喎！魚肉一啲都唔腥，條魚都好滑，而且調味都啱啱好，食落酸辣味令人越食越開胃🥰點解我會咁遲先發現呢一樣咁好食嘅嘢㗎🤣泡椒鳳爪比泡椒長時間醃製後，辣味十足，加上爽口嘅口感，令人越食越滋味。香酥雞翼即叫即炸，但又唔會好油膩👍🏻外脆內軟嘅口感好正，側邊仲有d辣粉for點呢個雞翼黎食，仲惹味啦！

同好姊妹好耐都冇見啦，知佢最鍾意食啲辣嘢酸菜魚，咁啱我哋又喺油麻地附近，所以就去咗呢間廚十三老壇酸菜魚食飯。老壇酸菜魚啲配菜可以自己order，我就叫左午餐肉同豆卜，呢兩款都好索湯，特別係豆卜一咬落去啲酸辣湯必晒出嚟，好鬼正。跟住魚肉方面都好滑，酸菜份量多，湯底味道啱啱好。另外，我地仲叫埋十三涼粉，就咁睇可能會俾佢嚇親，因為成碟睇落紅卜卜好似好辣咁，雖然佢係辣但都辣得有層次唔會係死辣，加埋涼粉好滑嫩，爽滑口感，令人哋食到停唔到口。仲有，蔥油撈豬肚處理清洗得好乾，淨一啲異味都冇，加咗蔥油呢啲配料炒完之後更加惹味。

今日要介紹嘅呢間餐廳同我嘅標題真係好符合！無論係佢哋嘅主菜定係小食都真係好不錯😚其實我覺得幾啱一家人一齊嚟呢度食飯😆因為佢哋嘅選擇比較多！好似我哋咁今日就叫咗一個刀拍前男友，估唔到原來青瓜就係前男友😆我覺得如果要搵一把刀去拍死佢嘅話咁一定係同綠色有關🟢🤣 so far黎講佢個青瓜都幾爽口。另外，仲叫咗一個正經的雞被撕，唔使多講呢個就係手撕雞🌶️呢個雞肉唔會話太難咬開好鞋口，反而仲要係肉質唔錯，而且辣味十足。因為佢調味嘅醬油好入味🙌🏻另外仲有個主菜就係酸菜魚！酸菜魚份量都幾多，啱晒一家人一齊嚟食😋而且魚肉都幾多👅唔會話好多骨

🌶️今日終於約到同事一齊嚟挑戰酸菜魚！點解要用挑戰來形容🥹因為我哋食過好多唔同好服嘅酸菜魚‼️暫時未有一間令我哋深感佩服😢亦都未有一間令到我哋食過返尋味😩好彩今日食到呢間餐廳😏終於係喺我心目中排第一嘅酸菜魚😚老壇酸菜魚🐟👉🏻呢度嘅酸菜已經冇得彈！食得出真係用咗好正嘅酸菜去熬製湯汁！即是已經叫咗碗飯撈湯食！都唔好講佢條魚！條魚簡直就係極品👅魚肉鮮嫩，最緊要冇骨🤙🏻麻辣呠呠雞🐥:好正呀食得辣嘅人一定要叫！佢呢個麻辣醬汁真係好香口。入面有牛展，牛肚，牛脷，鵪鶉蛋，萵筍片，土豆片，雞腳！我自己最鍾意食牛展，平時食牛展都係滷水👀。第一次食到麻辣汁，同樣入味。蔥油撈豬肚🐷:蔥油都唔錯！比平時食開嘅清淡得多！雖然係用咗蔥油，但係唔會過分油膩🤝

終於捱到星期五，係happy Friday時間，同好姊妹約佐放工黎油麻地呢間廚十三食飯，廚十三一直係香港好出名，已經有幾間分店，果然真係好出色！老壇酸菜魚🧡我地兩個女仔一見到就被嚇親，酸菜魚勁大盆，我地係自選配料加佐豆卜，海帶，青荀，望落更豐盛！平時係其他餐廳食過啲魚片唔會多，但呢度份量真係好多，仲要塊塊都大塊，又好柔嫩，湯底就麻酸辣調配得岩岩好，超正！泡椒鳳爪$68🤍鳳爪好大隻，好爽脆好有咬口，油泡過好濃味，花椒令鳳爪愈食愈麻，惹味十足！酥炸無臉男$88💛炸豬肉條就係無臉男，豬肉條用一個月型既兜裝住，幾精緻，每條都炸到金黃香脆既豬肉條好要鬆脆好好食，覺得唔夠辣既朋友仲可以再點辣椒粉黎食，咁就更加香口啦！

酸菜魚我食唔少，但稱得上正宗嘅酸菜魚就真係冇幾多間，不過呢排食左呢間廚十三老壇酸菜魚，真係好鬼正😍首先，老壇酸菜魚選用嘅鱸魚超級滑，加上酸菜辣椒等等嘅香料調味，辣味十分之濃郁，酸味亦很突出，確實係好出色嘅酸菜魚。然後，十三涼粉加上芝麻同埋辣椒辣油超級惹味，涼粉食落滑溜溜，真係好好味呀😚之後，紅糖冰粉食落香甜又話滑嫩，透心涼嘅感覺夏天食就啱晒啦💕最後，碧綠脆筍爽爽脆脆，入口十分之清甜，好鍾意食呢種菜嘅口感。

廚十三系香港有唔同分店，之前去過銅鑼灣果間，今日再黎油麻地呢間試下，質素都相當有保證，又多一間可以再黎！我地先黎啲前菜：刀拍前男友($58)同埋蔥油撈豬肚($98)，刀拍前男友果名咁特別，原來系手拍青瓜，青瓜每粒都新鮮爽脆，加上辣椒，炒香既辣油，芝麻一齊拍啲青瓜，好入味好好食🥒另外既豬肚就唔辣既，但同樣好香好好食，豬肚好煙韌，又唔會有豬騷味，蔥油味入曬落豬肚，香濃既蔥油令豬肚更味道更突出！跟住就緊系到主角老壇酸菜魚，大大份既酸菜魚湯底一樣好濃，酸麻辣三種味道配合得好好，魚片份量好多，好滑好入味，覺得唔夠食既仲可以自選配料加落去，好正！🍲🌶🐟食到辣既再飲啲汽水就舒服曬🥤

Happy Friday收工就同好姊妹黎到油麻地呢間廚十三食飯，兩個中意食辣既女仔係呢度食飯係會滿足到暈😜老壇酸菜魚🐟見到呢度差唔多枱枱都有叫，我地都知係招牌，當然要試下，兩個女仔要食晒成兜係會有啲吃力架，因為真係好大兜！而味道方面都真係好好，唔會太酸又唔會太辣，而且花椒令湯底仲有啲麻，好香，魚片好滑嫩，份量好多，覺得唔夠喉仲可以自選其他配料加落去，我地就加佐午餐肉青荀，豆卜呢啲，入味好食！麻辣砵砵雞🍢$98一桶，入面有牛展，牛肚，牛脷，鵪鶉蛋，萵筍片，土豆片，雞腳，麻辣味十足，啲食材都係吸味既，所以全部好入味，辣得好興奮呀！正經的雞被撕🐔呢個個名咁特別既係手撕雞，$98一碟，價錢可能比出面一般較高，但真係好好食😋一碟用佐大量辣椒，芝麻，蔥蒜去撈，仲有啲雲耳做配料，雞肉撕得好均勻好入味，成碟都好香，口感好好！

(⌯¤̴̶̷̀ω¤̴̶̷́)✧終於可以一家人齊齊整整食飯啦！我嗰個係外國讀書嘅家姐終於返嚟香港！之前我哋屋企食飯成日都唔齊人㗎一陣時就中招，有陣時就有啲屋企人唔喺香港☹️今日終於齊人食飯🥰My oder💁🏻‍♀️老壇酸菜魚 · 刀拍前男友 · 香酥雞翼· 雨露均沾❤️酸菜魚：佢嘅酸菜湯底味道好濃郁，果然係真係熬製咗好耐！魚片亦都厚薄均勻，唔會有魚骨！非常彈牙同埋有鮮味。刀拍前男友:好食好食好食！就係正宗手拍青瓜！用刀拍出嚟嘅青瓜會較為傷口啲，而且可以有助青瓜醬汁😤食起上嚟好清爽之餘，仲要夠辣🤭香酥雞翼: 出外酥脆內軟嫰多汁嘅雞翼😍喺呢度我可以當係小食咁樣追住食🤩減肥嘅嘢都係聽日先諗啦😛雨露均沾:呢一個就係川菜必食嘅甜品🫶🏻紅糖糍粑😚黐線煙韌韌真係勁好味🤩

油麻地呢間廚十三絕對係咁多間分店入面其中一間質素好好既，出色精彩！🍲老壇酸菜魚呢個絕對係我食過最好食既酸菜魚，份量多就咁睇都睇到，湯底既麻酸辣配合得岩岩好，炒過既花椒帶晒啲麻出黎，仲有辣椒既辣，酸菜既酸都唔會過酸，魚片同樣好多，而且好滑，好似滑入喉嚨咁，另外仲可以自選配菜，我地加佐午餐肉，土豆片呢啲，配料夠晒吸味，好豐富好好食！！🥰🐤香酥雞翼 $78雞翼都好多隻，每隻都炸到好脆，金黃色好吸引，雞肉有醃過，好香，唔會鞋口，中意食辣既仲可以點辣椒粉去食，作為小食一流！🍡雨露均沾 $58呢個係糍粑，炸到好脆既外皮一咬入面煙煙韌韌，配埋黃豆粉同黑糖漿黎食都唔會太甜太溜，好味！食啲燥熱既野飲番加多寶涼茶就舒服晒啦！🧃

今次黎到油麻地呢間廚十三，全香港既其中一間分店，廚十三真係質素好有保證，呢間都一樣，好好食！我地先叫兩桶特別既串串，麻辣砵砵雞($98)同埋上上簽($88)，麻辣砵砵雞有牛展，牛肚，牛脷，鵪鶉蛋，萵筍片，土豆片，雞腳，上上簽有鵪鶉蛋，蓮藕片，椰菜花，黑木耳，鳳爪，一個主打牛，一個主打素食，兩個都好好味，辣味好重，又有花椒既麻味，好惹味😚之後就緊係主角老壇酸菜魚，酸菜魚好大盆啦，份量真係十足，而湯底好濃味，岩岩好既酸、麻、辣，每一樣都唔會搶另一種味道，魚片好嫩而且都好多，最重要呢度有得自選配料再加落去，我地加佐土豆片，薄片好吸味好好食👅最後叫個清清地既菜：碧綠脆筍($78)青荀切到薄片放落碗好似刀削麵咁，好新鮮，加上花椒既青荀好香，唔太辣但好開胃！

太正了，太正了🙌🏻🥰呢度嘅酸菜魚竟然咁好食🐟睇吓佢個賣相‼️有好多豆腐卜圍住個碗邊🤩我本身自己已經好鍾意食豆卜㗎啦！呢度嘅豆卜真係超級正！因為可以索晒酸菜魚嘅湯汁😌佢呢到嘅老壇酸菜魚自選配菜，我最中意就係加午餐肉😚因為我係食肉獸😆仲有老壇酸菜，味道會較酸。酸菜魚又有麻味，麻香加上酸菜層次更豐富，食完真係成個嘴都麻晒😏酥炸無臉男就就超岩做小食，其實係用左豬扒再切成一小條拎去炸！😆外皮酥脆不油膩😝肉質有點乾身，香口惹味😘總括而言，我覺得呢間餐廳啲嘢食都幾好食，下次會再嚟！

呢間餐廳係我嘅四川閨蜜帶我去㗎😏我平時好少食川菜，但係都幾食得喇，所以佢話帶我去食正宗嘅酸菜魚💖🔹老壇酸菜魚🐟太爽了！估唔到酸菜魚入面配菜可以自己選擇👀午餐肉、豆腐、腐竹、土豆片、青筍片任君選擇💁🏻‍♀️我男朋友最鍾意就係食腐竹。佢話呢度嘅腐竹超級正！因為腐竹係可以朔晒啲湯汁🤭🔹上上簽🛢️上上籤都係見到隔籬枱食到舔舔脷所以先叫㗎 ！我有偷偷地問佢哋覺得呠呠雞好食啲定係上上籤好食啲，佢話上上籤嗰個辣汁比較惹味😚入面有鵪鶉蛋，蓮藕片，椰菜花，黑木耳同鳳爪！我自己超級鍾意食佢個鳳爪🥰🔹十三涼粉🍜呢個涼粉，好似日本食嘅冷麵！佢個醬汁好好食！好掛汁🙇🏻‍♀️基本上每一條兩份都沾上醬汁👍🏻

香港有多間分店既廚十三一直好評不斷，今次我就同閏蜜黎到油麻地呢間分店試下，果然不負好評！我地先食主菜老壇酸菜魚，酸菜魚味道十足，麻味酸味辣味都好足夠，湯底好香，魚片又多又好食，我地仲可以加其他自選配料，好似土豆片呢啲🥔配料好入味，會吸曬啲辣味，中意食辣既朋友就岩曬啦！之後叫埋果名幾得意既麻辣砵砵雞$98，入面有牛展，牛肚，牛脷，鵪鶉蛋，萵筍片，土豆片，雞腳，每樣都好入味，少少麻多多辣，深紅色既辣油汁令每一串都好香，好食💕最後叫埋酥炸無臉男$88，呢個系炸豬肉條，豬肉炸到好酥脆，香酥既豬肉口感好好，超級好食💗

上星期同男朋友食飯，揀咗呢間油麻地嘅酸菜魚餐廳，估唔到求其搵都食到啲咁好食嘅酸菜魚😛，上網睇一睇先發現原來佢有好多分店嫁！之前一直都冇留意男朋友叫左個老壇酸菜魚魚肉切成薄片，食極都仲有，份量都幾多下，仲要一啲細骨都冇，魚肉亦都好嫩滑，呢樣真係大讚👍🏻👍🏻，湯底方面酸辣到適中，非常惹味。之後我口痕想食啲炸野，咁就叫咗呢個酥炸無臉男，熱辣辣即叫即炸，豬肉條點上秘製辣椒粉食，辣味更加升級，酥脆又香口。仲有呢個泡椒鳳爪最啱慢慢嚼，味道酸酸辣辣又爽口。