廚十三老壇酸菜魚 (譽發廣場) (Closed)

油麻地呢間只係廚十三既其中一間分店，廚十三以食川菜為名，一直出好出名。我地先叫招牌菜：老壇酸菜魚🌶🐟酸菜魚好香，啲酸菜係自家醃製既，健康啲，咸酸味都好夠，另外炒過既花椒令果湯愈飲愈麻，好惹味，啲魚又吸到啲辣味，魚肉又嫩，仲可自選配料加落去食，正呀！之後我地就叫左幾個小菜：碧綠脆筍$78，十三涼粉$48，蔥油撈豬肚$98。青荀好新鮮，切到薄薄一片，好入味，吸晒啲花椒味；涼粉用辣椒辣油去撈，仲有啲花生粒，好辣好香；豬肚就爽脆無豬騷味，用蔥油去撈好香好惹味，豬肚味道完全被提升，好出色😋

(✌^∀^)今日要介紹嘅食物真係有啲多，總括嚟講呢間餐廳我會比10分🥰碧綠脆筍:切成薄片嘅萵筍片，好好味㗎。比較清甜一啲😛如果你哋驚會太齋可以放落酸菜魚湯底入邊浸一浸再食囉🤪老壇酸菜魚:呢度嘅酸菜魚真係可以叫做係人見人愛嘅酸菜魚！因為每一台客都會叫一份🙈酸菜魚份量都幾多，👍🏻幾條辣椒拌上酸菜，仲可以加啲自己鍾意嘅配料😍然後就成為酸酸辣辣既湯底，可以就咁直接飲，或者撈飯食都一流！成哥識得好飽肚😘雨露均沾: 食川菜。一定要食嘅甜品‼雖然淨係聽個名唔係好清楚，但係你見到佢就一定會想食🤭就係紅糖糍粑😋️賣相係長條型，係米漿糊做成，表皮煎得有啲脆皮，再灑上一堆黃糖粒粒，咬落去軟軟糯糯又有粒粒脆脆，多重口感，仲可以點埋跟上的紅糖漿，濕濕潤潤😏

廚十三系香港有多間分店，油麻地呢間同樣出色，呢度既川菜真系好正宗好好食！老壇酸菜魚: 酸菜魚好正宗，大量既酸菜辣椒花椒，湯底酸辣麻齊備，魚片好大塊，又滑捋捋，而且吸到湯既香味，酸菜魚仲可以自選其他配料加落去，我地就加佐蓮藕，好入味好好食，成大盆份量真系好多好抵食！🤤刀拍前男友$58: 呢個系小食黎，姐系手拍青瓜，青瓜爽口鮮脆，加上辣椒碎芝麻香油撈勻，濃油赤醬既感覺，重口味但真系好惹味，青瓜入曬味，香濃好食！🥒🌶十三涼粉$48: 麻辣汁撈既涼粉入味十足，辣椒切粒加上芝麻辣油撈既涼粉香辣味十足，中意食辣既朋友真系唔可以錯過！👅

廚十三係香港好多間分店，呢度既裝修簡單，有啲返到內地食酸菜魚既感覺、相信會系全港最出色最正宗既一間食酸菜魚既鋪頭！老壇酸菜魚🍲今次一場黎到就緊係試呢個名物啦，我地兩個女仔叫一個酸菜魚已經夠晒飽。酸菜魚一大盆，份量好多，辣椒仔鋪滿湯面，湯入面仲有好多酸菜花椒，自製既酸菜好香，咸酸味十足，麻度同辣度都配合得好好，成個湯好出色，會忍唔住就咁飲🤪魚片晶凝通透，大塊得黎唔會一夾就散，魚肉完全無骨好滑捋捋，而且啲魚片吸收到湯既味道，好香好惹味！呢度仲可以自選配料加落去，好似我地咁加佐豆卜、午餐肉、荀片呢啲都係吸味既配料，成個湯更加豐富，食到好滿足🤤呢度仲有其他好多菜式，下次一定要再黎再試過！

廚十三老壇酸菜魚呢間酸菜魚專門餐廳有好多間分店，質素絕對有保證，今次去咗一試就同大家分享吓食咗啲咩好嘢😳🔥老壇酸菜魚一上台酸辣嘅味道已經一擁而來，賣相超級吸引，酸菜魚上面已經有滿滿嘅辣椒，大量嘅魚肉片，酸菜魚係用咗鱸魚，食落好鬼滑，同埋酸辣湯底個味道酸味同辣味都好足，真係好鬼死正。🔥蔥油撈豬肚豬肚嘅份量都好多，加咗啲香蔥、芫荽做調味，入口煙煙韌韌，小食必叫推介。🔥正經的雞被撕顧名思義就係手撕雞，手撕雞超級滑，上面有啲芝麻口感更豐富同埋香。

終於等到星期五夜晚，又係時候約朋友食飯，自從返工之後都好少時間見面聚會，真係打工仔嘅辛酸。唯有食下啲好嘢填補下自己返工嘅辛酸，今次就嚟到呢一間油麻地嘅酸菜魚專門餐廳。既然佢係食酸菜魚主打梗係要叫返個老壇酸菜魚，送到上枱真係發現好大兜，入面嘅魚肉份量仲要好多，就咁食啲魚肉都即刻感覺到酸辣嘅味道，超級入味，入面仲有好多配菜可以自己選擇，午餐肉，豆腐，土豆片， 青筍片全部咁正。呢個充滿辣油嘅十三涼粉都好吸引，辣味十足。再加埋酥炸無臉男嘅炸豬肉條，入口外脆內軟，仲要係即叫即炸。呢間酸菜魚餐廳確實味道唔錯，之後絕對會再返嚟encore食多幾次👍🏻👍🏻

今日黎到油麻地既廚十三分店，之前去過其他分店都好好食，果然油麻地呢間分店既質素都好有保證！泡椒鳳爪$68麻香味十足既鳳爪愈食愈麻，但又好香好辣，鳳爪完全入味，油泡過既鳳爪好爽口，愈食愈想食，好正😝老壇酸菜魚呢個絕對系廚十三既必點菜式，除佐湯底既麻度辣度同酸度配搭得相當適宜，令到湯底好香，魚片都好入味，而且魚肉厚實唔散，但又會keep到嫩滑，真系好出色🤩呢度仲可以自選其他配料加落去，好似海帶呢啲，簡啲入味既配料就岩曬，食到好滿足！碧綠脆筍$78青荀真系好新鮮🥗爽脆清甜，而且廚師刀工好好呀，切到好薄片，食落口感好好，少量花椒令到青荀有啲麻辣，更加惹味！

Hello大家好！又係嚟到我哋雙妹嘜推介‼️👯‍♀️今日要食嘅菜式就係川菜🌶️而今日被選中嘅餐廳就係廚十三😋其實呢間餐廳我同家姐已經嚟過無限次😤去到啲店員都就嚟認得我哋😂但係唔知點解我哋覺得今日特別好食，所以就記錄低同大家分享吓👍🏻🌀蔥油撈豬肚:其實蔥油撈豬肚呢個菜式，我哋都係第一次叫㗎咋！純粹係聽到店員推介話今日啲豬肚好正🫶🏻所以就叫咗一份。蔥油配樂豬頭度又真係幾好食㗎 ！好邪惡😍豬頭冇臭味，洗得好乾淨🥰🌀上上簽:（鵪鶉蛋，蓮藕片，椰菜花，黑木耳，鳳爪）餐廳會用竹籤圈住我所講嘅食物！有個種大陸麻辣串串嘅感覺！🌀老壇酸菜魚:呢度嘅酸菜魚係我同家姐每一次都會食㗎 ！因為係佢哋嘅特色菜🤩超級好味，又會食到我哋舔舔脷‼️喺入邊可以自己選擇配菜😛咁就唔怕入邊啲配料唔啱食😏

哈哈哈！又嚟過呢間餐廳嘅朋友應該知道我講緊啲咩暗號😏正經的雞同埋無面男係呢份Menu嘅角色😝睇得出佢哋用心嘅製作，不單止係喺餐點上🧐一班人嚟食飯梗係要啤啤佢！呢度都有酒可以點，大家可以放心😉仲有咩係一班人一定要去食？就係酸菜魚！呢度嘅酸菜魚大大兜其實如果叫埋小食五個人食都啱啱好！魚肉彈牙又有鮮味😌另外小食方面，就叫咗個香酥雞翼、正經的雞被撕同埋酥炸無面男😎等我11介紹俾大家聽啦！開鎖雞翼換言之即係雞翼一份！我有個friend超級鍾意食雞翼㗎，佢大贊呢度嘅雞翼好好味！另外就係手撕雞同埋炸豬肉粒😌我都幾欣賞佢個手撕雞因為辣味十足。佢個炸豬肉粒佢真係一口接一口停唔到口🤓

我同另外兩位家姐通常去一間新嘅餐廳，大家都會自己各自揀一樣餸菜🤣然後互相作出評價，睇吓邊一個係最好味🤩今日我哋都唔例外，叫咗三個菜式，一齊嚟睇吓我哋分析後嘅結果啦！♦️十三涼粉我自己覺得係一個好開胃嘅餸菜，因為涼粉嘅拌汁零瀉好味！有少少辣辣地。對於我而言就啱啱好！兩份都有少少煙煙韌韌嘅感覺。但係我自己食完就覺得有少少飽肚‼️♦️呠呠雞賣相都幾特別，就係用咗竹籤串住唔同嘅食物，然後再放喺佢哋嘅秘製辣醬汁入邊浸，一浸就吸味好爽。入面有的菜式: 牛展，牛肚，牛脷，鵪鶉蛋，萵筍片，土豆片，雞腳😍♦️老壇酸菜魚真係好飽肚！我哋三個人食都反晒艇先走😤可能因為小食啲人嗌咗一份啦😋不過唔緊要，食唔晒可以打包返屋企😤佢啲魚肉片好爽口彈牙‼️

唔知大家有冇食過一間餐廳食完之後會成日去食！有咗嗰間餐廳之後呢心知唔會去識其他餐廳嘅同樣菜式呢？🤣我自己都有呢個習慣啦！如果食到一個菜式好好味，以後去到嗰間餐廳就淨係食返改一樣嘅菜式！🌈 食材新鮮，而且充足。酸菜同辣椒嘅味道非常突出🌶️。配埋鮮嫩嘅魚肉片。同其他美味嘅配菜，佢啲配菜仲可以自己揀，其實都幾有特色㗎 ！例如有豆卜、午餐肉、腐竹等。成個酸菜魚都非常出色😍我同我男朋友都讚不絕口。真係好耐都冇食過咁好味嘅酸菜魚 ！所以呢一間餐廳係我心目中最好食嘅酸菜魚餐廳！

上星期無意中發現咗屋企附近原來有間廚十三老壇酸菜魚，之前一直都冇留意，橫掂都未食過就同屋企人一齊食下，睇下到底好唔好味😎食物方面，呢間嘅老壇酸菜魚一直聽聞人哋講話好出色，今日終於可以一試。呢個酸菜魚嘅酸辣到非常足夠，鱸魚肉非常嫩滑，唔怪得知一隻咁多人推薦🤤真係必食推介，佢哋仲可以自選配料，我覺得一定要揀寬粉，真係好好食。泡椒鳳爪浸到好入味，鳳爪煙煙韌韌嘅口感，越咬越辣越過癮😆而餐廳環境方面闊落同埋好乾淨光猛，店員服務態度都好良好😆整體感覺唔錯。

哈哈哈！呢間餐廳真係食過返尋味！我同我阿媽已經連續幾個月食咗差唔多，起碼有10次😳之前我哋都會嗌其他嘢食，但係近呢幾次我哋都淨係主攻一道菜色，就係佢哋嘅酸菜魚👍🏻呢度嘅老壇酸菜魚比其他餐廳好食，湯底可以揀冇咁辣亦都可以揀冇咁酸。派辣嘅朋友都可以食㗎，想成語之餘仲要食落去唔會有一種勁刺激味蕾嘅感覺，反而超舒服，🐟魚肉方面，冇骨，肉滑。厚身切片食落好嫩滑，整體來講好爽。值得推介👍🏻另外仲可以自選配料，可以揀午餐肉、豆腐、薯仔片、鮮腐竹、青筍片等。呢度嘅酸菜魚真係食極唔厭‼️久唔久都仲會同阿媽叫支藍妹啤啤佢超爽！

午餐非常抵食， $88個套餐，酸菜魚很好味，可以選擇米粉或白飯，湯底有金菇、蓮藕、豆腐、酸菜和魚，魚肉新鮮，沒有腥味。值得推介！還有吃串串冷鍋，麻辣口味， $98 ，味道一般，小辣。甜品都很好味，值得推介。唯一缺點就是冷氣唔夠涼。

如果係油麻彌敦道，唔係望上去大樓既二三樓，都未必會留意到有間餐廳食酸菜魚，因為地鋪既餐廳都已經好多選擇。入到餐廳，都好闊落，又乾淨，都無話好似小X羊咁一陣麻辣嘅味道。 牆上面嘅圖畫都幾有心思。全部都係魚，無錯，只有魚既套餐，留意，每一碗都好大碗，88蚊一個套餐，其實幾抵食。酸菜魚套餐，跟米線，非常好既配搭，魚肉好滑，真係好滑，配料都好豐富，有蓮藕片、芽菜、酸菜、蘿蔔、腐皮等等，一個人食一定好飽另外一款，藤椒魚套餐，跟白飯，啲飯唔係普通 絲苗米，米質好有咬感，讚！但碗紅色湯底既藤椒魚就真真真太油了，好彩叫左碗白飯，正好用黎吸油，魚都係好滑既，不過啲配菜真係食唔到。酸菜魚梗係要有油炸鬼，可惜唔係外脆內軟，質地太硬了。反而個麻辣手撕雞嘅味道就真係好好，可惜越食越就越覺得鹹，要飲好多好多好多水。如果怕肥既，唔好試啦！未食過既都可以一試，但肯定唔可以成日食。最後，人手不足，成日都要自己行去搵伙記，服務有待改善。