Chippy (Closed)

再o黎食佢o既超級美味洋蔥圈，今次加o左香草，味道更好，使我忍不住order 多一客，仲有試o左個salmon salad，飛機菜加大大塊燒三文魚扒，dressing 係檸檬汁加黑醋，很清新，又一新發現。

絕對正宗o既Fish & chips. 蘸黑醋可去肥膩感，亦是地道的蘇格蘭風味。略嫌炸魚的粉漿太厚，不過洋蔥圈就極之美味，本人強力推介。<br />若想食得light一點可選擇甚有住家feel的意粉，味道清淡，份量剛剛好。<br />如果自問食量驚人，不妨來一客full work o既All day breakfast。

三點幾至見鬼佬返工，佢話去食野，我亦乘機同佢來蛇一蛇。來到發現示來「蛇一蛇」的人都不在小數，成班鬼在煲煙，加埋炸薯條的油煙，好鬼烏煙瘴氣。以為佢又係炸魚薯條，佢卻叫了早晨全餐The whole works。用一個大碟上檯，份「早餐」大得驚人，粗略估計至少都有過千卡路里，有三隻蛋、三條肉腸、三塊烟肉、炒蘑菇、多士一塊同焗豆一pat，老細話想要mash都可以，唔係卦？已經咁大份仲要mash？立立雜雜咁，賣相一般，望落已經覺得好滯。保守估計三個人share都食得飽，但這個六尺幾的鬼佬就15分鐘唔駛食完。我吃了半條腸，味道不算差，但離好食還很遠。一貫英式肉腸風格，就係切落去時會標油的。連飲品要85蚊，好貴，亦不大值得。我只係飲杯咖啡，盛惠20蚊。呢度標榜用Lavazza，味道十分濃且強烈，對於我這些addict來說剛好適合。

如果唔係個鬼妹同事介紹，都唔知在石板街中間有呢間舖。呢度以serve 英式食物，尤以炸魚薯條為主，所以店內都好多鬼下。<br />我地三個人叫左湯、Bangers & Mash、Cod Fillet 同Steak & Mushroom Pie。佢地的湯強調係homemade 的，25 蚊包一塊牛油方包。當日的是忌廉磨菇湯，飲落都唔似金都湯，幾濃郁好味，但有D 貴。Cod Fillet 有一塊巨型炸鱈魚柳同一堆薯條，望落就知飽肚。炸鱈魚外皮鬆脆但內裡嫩滑，炸得幾好味。薯條亦有水準但沒有上面3 piggyz 咁好食。Steak & Mushroom Pie可配茄汁豆、薯蓉或薯條，即叫即焗都幾好食。Bangers & Mash有一堆﹝真係一堆咁多！﹞薯蓉、茄汁豆同兩條豬肉腸，果兩條肉腸唔知用咩方法整，竟然可以咁多油，一切落去D 油就標出來，隻叉拮落去仲見有油滴出來！但見個鬼妹同事面不改容咁照食，真係驚嘆西人唔怕油份之餘，亦奇怪佢點可以保持咁美好的身段！<br />食到好飽，埋單位位70 蚊，唔算平但都叫試過地道英國菜，唔怕油唔怕肥可試試。