馳走家 (德福廣場2期)

Open Now

Now Closed

德福又有新餐廳🤭試左個lunch Set都幾高性價比👍🏼百幾蚊一個lunch 配沙律、味噌湯同飲品。Lunch Time超多人排隊🥹.✅LunchTime選擇多，同商場黎講性價比唔錯✅ 蔥吞拿魚腩蓉丼超多料！啲吞拿魚腩蓉仲多過飯🤭吞拿魚腩幼細香滑，口感好滑。✅ 原條鯖魚一夜干天然甘甜，口感較細膩，肉質紮實，燒到個皮脆卜卜，好好食。✅飲品可以擇汽水/凍烏龍茶等✅坐位寛落好舒服.🍽️Order左既菜式：蔥吞拿魚腩蓉丼定食 $148原條鯖魚一夜干定食 $138

今日係九龍灣同同事食lunch，見到呢間新餐廳既lunch set都ok，100蚊左右就有個餐，包左湯、沙律、同飲品🍸。。我地叫左4個餐，「蒲燒鰻魚飯定食 $128」呢個幾唔錯！黏稠鰻魚醬汁，搭配日本米，每一啖都很好吃！仲有條條蛋絲，加上鰻魚本身的獨特口感，好食。「蔥吞拿魚腩蓉丼定食 $148」超多料！好正！吞拿魚腩蓉用左劏魚腩的碎肉及脂肪混合而成！呢個超大滿足。「厚切吉列豚肉定食 $108」吉列豚肉肉味特別濃，口感實在，炸漿亦不會太厚，仲有好多椰菜絲墊底👍🏼。「原條鯖魚一夜干定食 $138」估唔到又燒得幾好食，一啲魚腥味都冇，肉質偏硬，燒得夠香又大條。。性價比幾唔錯既日式餐廳😊😊🙏🏻🙏🏻

真係好耐無去過九龍灣，不過約咗個 FD 喺嗰頭，又想食日本嘢，就試下呢間新嘢！餐廳就係日式嘅木系裝修，有燒物、炸物、刺身、鍋物咁，就係普通居酒屋，啲位都寬，又有啲半包廂嘅位，啱大家放工食飯飲酒嗰種。食物方面，居酒屋大部份都幾啱我口味，就係唔預有咩特別，始終燒物都係咁㗎啦～但仲唔到今次畀我食到舊好好好食嘅魚鮫！！！講真，我真係好怕骨，但個 FD 話想食，就叫啦～開頭心諗，畀成舊水食啲無肉，樣又唔靚嘅嘢，唔知做乜鬼，估唔到有意外驚喜！燒油甘魚鮫 $108魚鮫好大舊，，無乜骨，仲啖啖肉，燒得勁香口，皮脆肉嫩又肥美，好似食魚扒咁，絕對係可以 encore 之選！！！呵呵～好少讚得咁犀利，但真心好食！雞軟骨 $20、雞腿 $25、豚五花肉 $35、冬菇 $25日式串燒點都唔會差，今次串燒叫咗好幾款都 OK，當中冬菇最好食，鹹鹹哋，唔會太乾，仲 keep 到有汁有菇味。其他嘅肉類調味都幾好食，唔會太重味，香口少脆有肉汁，送酒一流！炸魷魚絲天婦羅 $52呢個天婦羅份量好多，口感有啲特別，唔太脆又無魷魚絲嘅煙軔，有少少紫菜味咁。情迷吞拿魚卷 $98/6件吞拿魚卷好 colorful，吞拿魚上面有一粒粒

九龍灣德福新開日本餐廳環境優美,日式格局，舒適座位闊落適合與朋友聊天餐牌選擇豐富。有不同種類的食材。有刺身,壽司串燒,熟食。今次我們一台四人叫了以下嘅食物1.德國風咖喱香腸（ $68 ）非常濃郁嘅醬汁,有兩款不同的德國香腸,非常惹味2.炸牛蒡條配山葵蛋黃醬（ $38 ）外脆內軟的牛蒡條配上山葵蛋黃醬，第一次食，味道不錯3.燒魔鬼魚鰭（ $68 ）燒雞泡魚干吃得多,第一次食燒魔鬼魚鰭。佐酒一流,可惜未有酒牌。4.廚師發板壽司拼盤（ 12件） （ $198 ）壽司拼盤種類多,有三文魚,油金魚,油甘魚,八爪魚,鰻魚,吞拿魚等。。。。。5.刺身盛合（五款） （ $188 ）帆立貝、真鯛、油甘魚、左口魚裙邊刺身都非常新鮮,肥味,甘甜6.韓國甜辣炸雞（ $88 ）外脆內軟,粉漿不算多,薄薄的一層,雞肉滑7.燒牛肉配山葵蛋黃醬（ $120）,8.雞腿（$25）9.自家製免治雞肉配遇月見蛋黃（ $45 ）10.秋葵（$ 30)11.牛肋肉（ $45 ）12.銀杏（ $30）串燒選擇多,每日串都燒得剛剛好。13.紅豆鯛魚燒（$40 ）14.雪糕最中夾餅（ $45 ）最後當然不能錯過甜品紅豆鯛魚燒餡料豐富

收工為左就老公過左黎呢邊，原來德福2期多左好多間食肆都唔知添！ 馳走家 主打居酒屋日本野，定價唔算貴！自選刺身盛合$148/3款 ABC各選一款帆立貝:有鮮味，如果再厚d 會開心d赤身：顏色有光澤、味道正常左口魚裙邊：魚肉結實有魚油香加州卷 $80/6件粒粒粟米炸薯餅 $48好似啖啖濃郁忌廉粟米湯，最喜歡呢個！鰻魚和風煎蛋卷 $68 蛋嫩滑熱辣辣，唯偏淡味 泡沫鰹魚湯燒牛肉飯 $118燒牛肉帶淡淡黑椒調味，將鰹魚味泡沫拌蛋黃加飯食幾好味！自家製焦糖奶凍 $38 價錢幾平，焦糖做得偏厚少少！

九龍灣德福二期開左間新既日式餐廳，門店外面既特式設計係一大塊玻璃可以清楚見到兩位師傅係到整刺身同埋壽司。裝潢環境上夠光鮮帶住和式風格，食物款式種類繁多齊全，必定會有唔少既野會吸引到叫黎食。價錢上，以商場既日式餐廳比較，呢一間價錢算係經濟至中等，相當抵食。燒魔鬼魚鰭（ $68 ）炸牛蒡條配山葵蛋黃醬（ $38 ）呢兩樣真係愈食愈好食，愈食愈想叫杯啤酒邊食邊飲。燒魔鬼魚燒我好香脆，勁香魚香味同鮮香。咬落有脆口，而再不斷咬既時侯會食到魔鬼魚鰭一絲絲既口感，好好食。炸牛蒡條薄薄地既炸粉夠晒香口，牛蒡既味道好濃好清香，沾一沾蛋黃醬食會食唔停口。德國風咖喱香腸（ $68 ）好大條既德國香腸，好厚夠實夠脆皮。個咖喱汁有少量辣椒，夠晒香但又唔會太辣，作為細細份既前菜都好開胃。廚師發板壽司拼盤（ 12件） （ $198 ）超級長既壽司碟，一字排開12件款款唔一樣既壽司。壽司望落每款都好新鮮好吸引，整體上都拼砌得唔錯。令我覺得唔錯既係居然有大蝦，大蝦既肉質彈牙好新鮮，味道上既鮮味都好香好好食。刺身盛合（五款） （ $188 ）刺身包括有帆立貝、真鯛、油甘魚、左口魚裙邊、三文魚，每一款都好厚切非常抵食，新鮮

💡抵食的日式午餐今日出九龍灣行街，見到呢間新開日本餐廳，室內主要用木材做裝飾，環境舒適。lunch 選擇都好多，價錢仲幾抵食。🍽前菜沙律沙律菜入面有粟米及車厘茄，酸酸甜甜，非常開胃。 🍽是日刺身定食 有5種刺身，超豐富，分別係三文魚腩，吞拿魚，劍魚腩，甜蝦及帶子，食材好新鮮，油脂感豐富，另外，周邊仲有啲三文魚籽，配埋湯及飯，好滿足😊🍽蒲燒鰻魚飯🐠呢個性價比高，原條鰻魚夠晒足料，鰻魚肉厚肥美，鰻魚醬汁味道岩岩好，又唔會咸，個底仲有啲蛋絲，撈埋飯食就一流。🍽飲品只要加配$10就有，叫左凍烏龍茶及薑味氣水。

晚上經過德福搵野食，今天擇左間日式料理餐廳試試佢，見到餐牌有自選刺身拼盤（$188），所以點左幾款刺身：三文魚刺身、帶子刺身和真鯛魚刺身。我必須說，其中三種刺身都非常新鮮，而且味道非常好。首先三文魚係厚切的，油脂豐富，沒有雪味🤤另外帶子刺身，這是我最喜歡❤️的刺身之一。帶子的質地非常嫩，口感極佳。它還有一種微甜的味道，非常好吃。最後是真鯛魚刺身，係我第一次嚐試這種魚，魚肉非常鮮甜，好爽口👍🏻原來真鯛魚係咁好食的試左幾款刺身都非常新鮮，口感很好，而且味道非常美味，我強烈推薦你黎試一下依到既刺身。💯💯燒魔鬼魚魚鰭（$68），依味送好特別，出邊未食過，所以叫左黎試下，覺得佢同雞泡魚魚乾，有少少相似，但魔鬼魚乾好食一點，無咁乾身同無咁硬，睇相都想再食🤭另外今次仲叫左日式雞翼（$55），上菜時熱辣辣，吾係預先整定，成隻雞翼烤得十分酥脆，裡面仲好嫩多汁，非常好食。仲有依到個照燒慢煮雞扒飯（$88）都吾錯！個慢煮雞肉好嫩滑，米飯配上甜甜地既照燒醬汁，口感十分豐富👍🏻👍🏻👍🏻值得一提份量都足夠，唔算太細碗

原來德福開咗間咁靚嘅日本餐廳，之前黎都冇留意添，星期六中午去食lunch，都幾多人喎，9成滿，環境闊落乾淨，坐得幾舒服叫左兩個定食，包沙律同飲品，餐飲有汽水，凍茶🍤雜錦天婦羅定食每次去日本餐廳都會食天婦羅，呢個天婦羅好豐富，有三大隻蝦，又有幾款蔬菜，炸得鬆脆，粉漿唔會太厚，蝦肉彈牙，蔬菜新鮮，幾好食，連麵豉湯都好足料，我唔太喜歡麵豉湯都覺得好飲🍱日本產豚肉豚肉生薑燒定食豚肉同洋蔥炒得好香好有味，豚肉肥瘦適中，配飯一流呢度仲有刺身、壽司、前菜、料理，都好吸引，下次可以試下晚餐先

九龍灣新開的日式居酒屋<<馳走家>> 最喜燒新裝修的餐廳，因為夠乾淨日式格局環境又夠舒適🐟🦐🥬小銀魚櫻花蝦凱撒沙律~連咬落口感脆卜卜幾好食🐔🍲博多風雞白湯紙火鍋~個湯底好濃郁超好飲，如果做埋拉麵湯底一流🥓燒魔鬼魚鰭~燒得好乾身，沾沙律醬超夾🧆炸牛舌~出面比較少會有得食，可以一試🫓韓國海鮮煎餅~邊邊煎到脆的串燒都唔錯~雞翼燒得好嫩口職員服務都好好。會介紹佢地食物的特點可以約三五知己再來

放工去佐呢間日本餐廳食飯，室內主要用木材做裝飾，配合天花上暖色燈，氣氛唔錯。打開餐牌，選擇都唔少，價錢大衆化，份量算多，食材新鮮，送到枱的食物 樣樣都擺放得好有心思，感受到廚師那份用心製作。~~~~~~~~~~~~~~~~~~~~~~~~~~~~~~💫 德國風咖喱香腸 咖喱香腸主要係醬汁帶出食物味道，特製醬汁少少甜帶點辛辣味，用嚟嚟配搭juicy 肉腸，味道好夾。💫 自選刺身盛合 剌身盛合可自由選配，今次試佐A款 有3種刺身，食材新鮮，肥膄細膩，肉質清甜帶有鮮味。💫 明太子和風煎蛋卷 蛋卷上放紅色明太子，賣相精緻，味道鹹鹹甜甜帶少少鮮味，厚實玉子中間滲有少少蛋汁，質感嫩綿，Ichiban 👍💫日式炸雞 炸雞大大件，份量唔少，外皮炸到金黃色，外皮酥脆，𥚃面肉汁豐富，好juicy，夾埋蔬菜絲和沙律醬一齊食，正👍💫 照燒慢煮雞肉飯 雞肉含豐富蛋白質，慢煮保留雞肉質感嫩滑及營養，珍珠飯粒粒分明，撈勻燒汁和紫菜絲一齊食，美味しい👍 💫奇異果菠蘿梳打 / 綠茶

德福廣場新開左間日式居酒屋🏮放工同埋同事去試吓😍😋入面光猛闊落，木系裝修，座位闊落，唔會太迫，坐得舒服，打開餐牌，食物選擇多，有壽司、刺身、串燒、燒物、炒麵、甜品等.. 我地叫左：❣️燒魔鬼魚乾$68～幾特別😋❣️煙燻溏心蛋配薯仔沙律$48～上枱一打開蓋煙燻撲鼻😋❣️情迷吞拿魚卷$98❣️串燒～銀杏$30、五花豚肉$35、冬菇$25、雞皮$25❣️自家製免治豬肉配月見蛋$45❣️日式炒麵$75❣️抹茶雪糕夾餅$45❣️蜂蜜生薑檸檬梳打$28❣️烏龍茶$15❣️呢度新開冇幾耐，整體食物水準不錯，食材新鮮，出面可以見到壽司師傅製作過程，即叫即整，加上店員友善，不斷加茶，上菜速度好快，價錢合理，值得一試😊

本身諗住試下新餐廳以為有驚喜 Lunch 食左12件壽司定食完全唔值依個價甜蝦有腥味 熟蝦冇蝦味其他壽司 食唔出味道同爭鮮差唔多味冷氣又凍不過員工態度還可以基本上唔推介去食

日文「馳走」（ちそう）一詞，是指用來招待賓客的豐盛料理，亦解作主人為了拜訪的客人，騎馬「四處奔走」搜集食材來款待的意思。一向好少花時間劣評人家的我，今晚晚餐初試新店「馳走家」居酒屋，簡直「中伏」中之「大中伏」！！報稱2230 先關門的「馳走家」，甫入店眼見只有三枱人。我們2045左右入座， 2051落單，2132 已埋單離座。坐四人單邊枱，途中店員不斷打擾，收碗收碟，衣䄂不斷擦過枱上食具，看來店員好想早點收工唔要「遲」「走」！估計沒錯呀～ 稍後便聴到另一店員問，「見你咁積極收碗，你收夜呀？ 」未有問last order 在我們未埋單前，就見個廚同壽司師傅陸續收工離開。食物賣相平平凡凡，本無心拍照寫食評，但繼續食，發現食物質素實在太差，最後決定分享，大家自行領悟！串燒點選了雞翼、牛肋肉及牛舌（$40-45不等）味道正常的，是普通BBQ材料，CP值低。另點omakase 壽司6件，味道同用料都好普通，明白$118/6件，魚貝材料不應有過多要求，但壽司出品賣相的樣子是好ok 的。紙火鍋，本點唐辛子愽多風雞白湯，最後卻出錯了廣島蠔沙白蜆紙火鍋，由於自己醒唔起，已撩過紙火鍋，我們唯有照要，烏冬份

今日早收工兩個人食飯，係德福吾知食咩好，見到依間餐廳新開，又裝修得幾靚，入去試下，點知好抵食，食物都好新鮮，價錢都好合理，種類都好多選擇😍下次要再黎食✌🏻韓國甜辣炸雞$88雞肉炸得吾乾，咬落去仲有肉汁，同埋最緊要個炸皮吾厚所以肉夠多，個甜辣汁做得幾好，夠辣味，份量都好足舊舊都勁大舊🤤串燒大約$25一串依到d串燒我覺得係必食，燒得勁香，同埋肉吾係細細舊，又吾會太咸，真係好好食🤭廿幾一串真係都好抵食，最特別係連燒雞肝雞心都有，依個價錢平時真係食吾到😆燒雞皮好脆 ，燒五花肉好香，燒牛好淋吾硬朋友吾食生野，所以今次無叫刺身，叫左個鰻魚牛油果卷$95牛油果夠熟所以好香滑，有時其他餐廳牛油果卷無味的，另外鰻魚都無骨，甜甜地同牛油果好夾，所以我覺得依間個卷物做得幾好👍🏻真係食完一舊又一舊炸八爪魚丸$55有6粒，上碟爆熱咬開出哂煙，岩岩炸起，裏面粉漿有一點過厚，但味道是ok 的😜如果多一點燒汁同沙律醬仲好味d。最後仲叫左個明太子雞卷$68明太子份量都幾多下，熱辣辣上碟，雞蛋好有蛋味🤤下次要同其他朋友再黎試埋d刺身同壽司，因為今次叫左幾樣野都無伏😍👍🏻一個字講哂《正》