潮丸 (Closed)

見其他食店要等位,呢間唔洗,見未試過,咪下去試下囉.中午時間,仲有一半位冇人坐,睇睇餐牌,有D唔對路,一豌牛三鮮(牛肚,牛根,牛腩)粉要$55,另加$10加杯奶茶,加埋$65.豌粉唔洗2分鐘就黎,份量有點少,所謂既牛三鮮,唔覺有咩特別,好快就食晒,飲埋杯茶奶,其實仲未飽....呢次應該係最後一次.

潮食新派粉麵筲箕灣東大街美食林立，今日發現左一間新開的粉麵店，工業風的門面、光猛的燈光、原木的傢具、米白的磚牆，和一般粉麵店截然不同，新派的麵食店。自家牛三鮮生麵（牛腩、牛筋、牛肚）眾多菜式花多眼亂，有特級牛丸、特級墨丸、自家雲吞、潮滷豬手、崩沙腩、豬三鮮和魚三鮮，但當中有的一款吸引了我，那就是牛三鮮！因為樣樣齊和牛魔王的我，滿足我的選擇困難症！香噴噴熱騰騰的生麵，湯底夠濃夠香，充斥著口腔，而且濃底夠清，沒有半點過喊和味精的感覺。生麵烹煮時間剛好，麵非常彈牙有韌度，麵條一絲絲口感十足，不會一團麵團團在一起。最後到牛三鮮，牛腩炆煮得非常軟身又不失扎實感，肉味重，肥瘦適中，湯底滲進肉中；牛筋非常入味，而特有的薄薄軟膠質，令口感爽軟又不硬身；牛肚則細膩軟腍、爽脆，相信花了好多前期功夫。最後加杯港式凍懧茶，在新派新潮的環境下享受著古早正統地道的味道。

近日天氣又再反常，雨仍舊不停落下。一個的浪漫，住在港島區的我又再走到筲箕灣-東大街，潮流美食大本型。這條街最出名莫過於安利，但有時候吃得久了也需要一些新鮮感。尋找新的美食，發現尖沙咀「潮丸」進駐此地。還記得從前在尖沙咀吃過潮州牛丸，彈牙而有嚼勁。今晚一個人的精彩，倒不如再吃一回吧！餐牌上有別於傳統的潮州粉麵，食物的種類包括有：馳名牛丸、魚蛋、雲吞、豬外，更有牛三鮮、豬三鮮及魚三鮮。名稱以三鮮為題，頗為特別。除了粉麵選擇，還有湯飯、撈麵、飯類等，令客人多一番的選擇。雨中下人流的確比平常少很多，也給我一個寧靜的環境沉思。牛三鮮飯原來以牛腩、牛肚、牛筋三款，利用木盤盛載並有一小客腩汁同上。自家製牛腩肉質軟腍，而且入味。牛肚爽口而彈牙，份量十足令人津津有味。牛筋不是個個人喜愛，軟硬恰到好處。

OT 完收工快快在附近晚飯，忽然想吃牛，經過粉麵店，就這間吧！內裡裝修較一般粉麵店光鮮及摩登，坐得較舒適。牛三鮮飯，牛筋肥大，炆得軟腍，略帶黏感的膠質充滿骨膠原～牛肚用滷汁浸泡，滷得入味，口感煙韌。牛腩半肥瘦，軟滑可口。味道嫩滑細緻，牛味頗濃。墊底有幾件蘿蔔，可惜不是當造季節，不夠甜。下單時可以選多飯，但其實不用加底已夠大碟～沾旁邊的醬汁同吃，不消20分鐘已經KO整碟飯！本想試崩沙腩，可惜非常好賣，惟有下次早點再來～

今日唸住去食隔離個間牛肚面，點知佢收鋪，行行下見到依間門面幾好，入左去，一睇餐牌都覺得賴賴地野，咁當佢好食啦，碗野一到，d餸得幾舊，個湯冇乜味，同隔離$22 份量差唔多，但佢要賣到$55，真係試一次冇下次，唔係好食又咁貴，我去隔離舊式鋪頭食好過

喺東大街食咗十幾年，甚少寫食評，好嘢就去多幾次，唔得嘅就一次過，知道租貴人工貴，生意難做。今次例外，不吐不快。食店出品，質素最緊要，最嬲係出品唔得仲要扮上品賣貴價呃錢，有人話裝修幾潮，潮可唔可以當飯食先 ?淨牛丸 -- $５５一碗５粒，即係$１１蚊１粒，即係1粒牛丸＝１個麥記豬柳蛋，好高毛利啫，難怪咁大力推！牛腩 -- 質素普通但貴過晒公認好食嘅X姐、X利清湯腩，連對面安X都不如。雲吞王、墨丸王、乜王物王 -- 都係作大，攞行貨當貴價嘢賣，其實價錢就真係稱王。湯 -- 呢樣最差，入口無味無道，有篇食評yanyanh話啲湯又豬骨又雞骨敖咗６個鐘，擺明老作。花巧綽頭嘢唔使攪咁多，回歸基本老老實實用心去做，想發達都要有攞Ｄ誠意。

肚餓落街搵野食，行過見呢間新開既裝修都幾骨止，廚窗上的食物相又似模似樣，就入行去幫襯，叫左崩沙腩撈麵，不幸既係食緊個陣已經有中伏的感覺，牛腩無論係味道同材料都好曾通，個麵就直投唔掂，無乜味加林得滯，食左一半係抱住「捱埋佢」的心態食埋佢的，碗湯又得個咸字，成七十蚊碗，唔通的資源去晒裝修度??????

一伙同事午飯大多在東大街解决，是日睇完食評就去試新嘢，點知：新店装修唔錯，地方乾淨企理。坐低睇餐牌，款款五六拾蚊，即時你眼望我眼，跟住各自落單各式粉麵，随即被強烈推介淨牛丸、炸雲吞...........，有人叫咗。我食咗魚三鮮和淨牛丸，普通過普通話，但全部人食完行出嚟都係講一個字 - 正宗廣東話母語。埋單每位都要百幾，最慘係貴夾唔飽, 又唔係特別好食，對面安X一半價錢都好食過佢多多聲 。老實講，D装修唔可以當飯食，尤其是粉麵店，應該係快、靚、正，認真經營，我地日日食東大街，有平有貴，唔係唔捨得食，但絕對唔係水魚。最後，公司員工都有同感 - 無下次!

見新開張，店面光鮮，門外又有店員拉客，姑且一試，點知…………. 做咗羊牯。装修不同於一般粉麵店、算是新派，但作風老舊，店員總把新到客人往人群中見縫插針，我一人就被安排坐長枱四腳板発，不算舒服，其實當時店內空位多的是。粉麵碗筷放在一個小方木盆端上, 有點多餘造作，而且木盆不太乾淨。隨便叫一碗牛三鮮湯河(牛腩牛根牛肚),  加一個推介的淨牛丸。牛腩完全唔入味，牛根牛肚係下價嘢，竟收$65？推介的牛丸就更激氣，唔好食兼衹有５粒收$55，埋單$120, 掌柜大哥仲問我Ｄ嘢得唔得？真係哭笑不得，一定無下次。同區食肆林立，都係街坊生意，而且口碑傳得好快，取巧難長久，請好自為之。

經過門口望落都幾潮，即時決定入去試試，我哋兩個人叫咗碗牛丸米粉，牛三鮮米線，炸雲吞，上菜好快，無耐就黎齊晒，食物質素同味道都唔錯，牛丸爽口新鮮, 炸雲吞鲜蝦新鮮，炸得好香脆，下次再試下其他款式。

今日食晏，叫左魚三寶，送到埋嚟，幾粒野浮吓浮吓呀， 55幾蚊唔包野飲。or, 加＄10飲嘢，行出門口，個頭左㩕右㩕，因為要再食過。裝修唔錯，好坐，因爲無咩人，你自己諗下啦。

於箕筲灣東大街新開粉麵店，自詡主打清湯牛腩及牛丸王。是次一行4人，點了崩沙腩麵($60)、魚三鮮麵($55)、炸雲吞($65)和净牛丸($55)等等……。先評崩沙腩湯河- 首先是湯頭單薄寡味，這與有否味精無關，是用料及烹調問題，崩沙腩份量偏少更切得零碎小家，兼且食材處理過火以至食味、口感、賣相全失；所謂牛丸王，應屬國產行貨，雖則顆粒較大，然而質素一般，淨食每客祗得五粒而取價55元，兼且大力吹噓，實則遠遠物非所值；至於一客六粒的炸雲吞，皮厚、饀少、不脆，賣價驚見非常進取；至於其他鱼餃、鱼蛋等更不提也罷。整體出品都在水平之下，經營態度取巧，令人失望。

喺筲箕灣東大街新開嘅潮丸地方乾淨舒服，侍應態度好好，食物選擇多，味道水準一流。以其招牌手打牛丸為例，爽滑彈牙，牛肉味十足，一定要試！另外，佢地嘅沙崩腩肉同肥比例啱啱好，亦都值得一試！去過小店兩次，兩次都非常滿意，必定會再返去。

Sad餐廳嘅食物好貴又唔抵食，兩個人埋單要百幾蚊但係食碗粉麵咋。佢嘅牛丸冇乜特別而且冇乜香港嘅風味囉- -聽佢個名以為係潮流有啲咩咁特別，好嬲呀。同街好多嘅嘢食都平過佢，$65三粒牛丸我都係第一次見囉 你估係周星馳電影嘅賴尿牛丸？賣咁嘅價錢不如出中環食，有錢都唔會揀。不過佢嘅環境坐得幾舒服過係抵讚嘅比起出邊傳統餐廳好坐，可能因為人流唔多，不過我真係希望多啲改善佢哋個價錢同埋質素咁抵食點樣做落去，我唔會再食囉

好耐無去筲箕灣食飯，今日放假，就特登去試下，新開既”魚蛋檔” , 呢間牛丸同牛三鮮都好好食！份量夠，一人一個餐盤，做得好細心。加分位！而且啲呀姐都好風趣，個後生仔老闆都會同啲客傾下計，幾好！同行朋友食崩沙腩飯，都好林同埋重牛肉味。仲有墨魚丸都好鮮美，零魚球都做得好鬆化個人建議，去食下午茶會抵啲，因為會送野飲！今日食午餐全部都要散叫，所以食左成舊水個人。如果座位可以闊落啲，咁就perfect! 我個朋友係個身型健碩嘅人，坐落就比較迫