潮丸 (Closed)

今日肥妹女友返工又得返我一個人食飯，周圍行黎行去真係唔知食咩好，去到東大街一個人食得唔多不如求其食碗粉麵飯便算。諗住呢間門面幾靚又乾淨，入去試下龍定鳳。「潮丸」餐牌的種類除了潮式粉麵、米粉、米缐仲有飯類、小食及濃郁牛、魚、豬的配料。 睇見啲相個肚真心有D餓，點了一碟豬手飯實飽啦$60！汁料另上啦！好多飯一個大男人岩囇，公道啲講咁嘅價錢略為高左小小(都明嘅，通漲麻)，豬手的份量如果多少少就岩返比例。豬手肥美而且軟腍，配上汁料撈飯一流! 質素唔差，價錢親民啲應該好啲！

上個星期我出咗成個星期Trip，A姐就孤獨咁過咗一星期（我諗係，除非唔係），今日就輪到佢去咗荃灣同好姊妹傾心事，唔同我食飯！好叻咩！你識去荃灣，我都識去筲箕灣啦！筲箕灣東大街咁多好嘢食，今日就去潮丸簡簡單單食碗一啲都唔簡單嘅牛河啦。牛三鮮米線牛三鮮姐係牛腩、牛筋同牛肚。我就最鍾意牛肚，因為索晒牛汁以夠腍；而牛筋就好有咬口，仲有啲膠口，好似有好多骨膠源咁呀；至於牛腩唔肥，仲好香牛味呀。最值得一讚嘅係，餐廳好細心將冬菜、蔥同莞茜分開上，想落幾多隨你喜歡，但如果牛同米線嘅份量可以多啲就好喇。食麵又點可以無辣椒油，呢度就三款，最辣嘅係黃燈籠辣椒醬，最好味又夠香嘅就係廚師自製自炒嘅辣椒油。

姐姐平日番工見到東大街又開左新餐廳，所以搵埋我一齊去試。餐廳有個易記又潮嘅名叫「潮丸」，顯然潮丸招牌菜色係同丸有關。大家估下係咩丸？自己開估啦🙈潮丸最出名嘅係牛丸。咁草根一定要試下佢地個特級牛丸王🐃，一坐底已經見到餐牌大大隻字標榜自家食製牛丸。特級牛丸王 ($55)Premium Beef Ball一碗大概有5粒牛丸，先食小半口牛丸，咬開會發現牛丸裹面好Juicy💦，會有汁流出嚟。而且牛丸質地屬於較軟身，質素很不錯！細問店員之下，先發現原來佢地每日都自家新鮮製，唔係外來貨，用咗唔少心機嫁！另外，加左雲吞（$15），蝦肉彈牙，雲吞又夠滑，好食呀！麵底可以自由選擇，草根揀咗米線底🍜，米線唔會煮得太腍，都唔錯。見到店員推介自家製3式辣醬，顏色靚之餘，味道真係唔錯，食得辣嘅必落。加左令成碗麵更加惹味呢！餐牌如下⬇️

點單寫喺膠片上，可重用，好環保！佢地主打有牛三鮮、豬三鮮同魚三鮮，特級牛丸王亦都係招牌之一，第一次嚟，好想貪心啲食個牛三鮮乜都有，包括牛腩、牛筋同牛肚，但我又好想試下佢地嘅牛丸，其實可以+$15加多個餸，但我又驚食唔晒，我問老闆娘可唔可以牛肚轉牛丸，佢話唔得架但可以請一粒俾我試食，好開心呀！結果就由牛三鮮變為牛四鮮喇！（靜雞雞🙊）.牛三鮮河粉 $55 （轉崩沙腩+$5）第一啖飲左湯先，好好味呀，老闆娘話無味精架，咁真係唔鹹嘅，有鮮味，牛肚同牛筋都好淋好入味，牛筋食完有少少黏口，係骨膠原呀！轉左崩沙腩，唔會太肥，但又一啲都唔韌，入口即溶！河粉都好幼好滑～.配料揀左芽菜同冬菜，冬菜偏鹹，但我將佢放晒落湯又幾吊味～.之後就係牛丸喇！真係彈牙嘅，好有質感，好好食！下次我會叫多啲牛丸！😂.仲有3款辣椒🌶️揀，辣椒油加左沙嗲炒，好香，唔太辣，黃色嘅係燈籠椒，偏辣，橙色嘅呢就酸酸辣辣幾開胃～·咸檸檬雪碧特飲 $22 （跟餐$15）雪碧枝裝上，好有誠意！好解渴～

東大街又開左新餐廳，係附近做野嘅草根姐姐當然要一試!從外觀而言，餐廳裝修簡約精緻，室內裝修以白色為主調。當日7:30去到，人流唔多，店員熱情地介紹推介產品。餐廳好環保，用過左膠嘅餐牌點餐，劃完一次可以重用好方便。主打潮洲粉麵，但一睇餐牌後發現除左粉麵，其實仲有飯同小食。 同妹妹一人叫左一碗，另外仲加左樣配料。特級牛丸王 ($55+$15雲吞Wonton)Premium Beef Ball潮丸主打呢款極上大粒牛丸🐂，佢地sell自己又Juicy又係手工製。如果要草根妹妹形容嘅話，相信大家都有睇過周星馳電影🎬《食神》。佢有d似電影中嘅瀨尿牛丸，潮丸嘅極上大粒牛丸當然冇可能好似電影咁噴汁😂咁誇張，不過都係草根姐妹👭食過最為Juicy嘅牛丸之一😘。一般牛丸口感較乾硬，呢粒極上牛丸就多汁之餘好軟身，口感同平日嘅牛丸好唔同。草根食完第一啖之後，就有個疑問🤔點解牛丸冇平日咁硬身嘅❓可能係手工製作嘅關係吧。另外，草根姐妹➕$15點多個雲吞，幾好食嫁，不過加左錢都係得2粒雲吞，好貴啊！麵底揀左米線，其實整體幾好食，但計落最後要成$70一碗🍜價錢都幾進取哦🤨。招牌崩沙腩 ($60+$15牛筋Beef Te

港島區無人不曉的「東大街」，食物的多元化及種類繁多，特別小店更加多不勝數。氣名甚大的「安利」，多人到不得了倒不如試下新食店「潮丸」。身為潮州人的我，對潮州牛丸與魚蛋特別喜歡。場內的設計有別於傳統的粉麵店，多了一份時尚感。客人吃得舒服又新奇。全因餐牌上除了潮州粉麵，馳名牛丸、魚蛋、雲吞外，更有牛三鮮、豬三鮮及魚三鮮，可見餐廳加插多元化食材。餐廳以三鮮為題，粉麵以外還有湯飯、撈麵、飯類等，還有多款小食供應。牛三鮮飯以牛腩、牛肚、牛筋$60，客人可以另上腩汁。自家製牛腩肉質軟腍，牛肚爽口彈牙，牛肚更是紋理分明又入味。

新開的粉麵店，跟店名一樣，很潮的木系裝修。在東大街，交通方便。環境整齊，粉麵配料可自由配搭，當然價錢也會貴一點。落order都好似拉麵店咁，用水筆直接畫落張餐牌到， 抹一下又可以recycle。還有小食，不過今次唔係好肚餓，所以冇叫到！辣椒油係潮洲粉麵的精華，落多少自己隨意喜歡。連D碗碟托盤都好日式。崩沙腩牛味濃郁而且肉質鬆軟，份量不少，中間有一塊軟軟的膠質很軟滑煙靱，筋位是爽彈有咬口，有些部位入口即溶。河粉極度出色，有咬口，唔會好淋，正！

潮式粉麵離不開魚蛋、牛丸、墨魚丸、魚片頭等，近期發現筲箕灣「東大街」-潮丸不只是粉麵那麼簡單，更加入了牛腩、牛筋、牛肚、扎肉、腩肉、豬大腸等等。有時候粉麵對一些食客可能不夠飽，現在太多食店都加入飯類或撈麵等，增加食物種類更具多元化。餐牌上的小食更加各色其色，例如：雜丸併盤、崩沙牛爽邊、生炸雲吞、自家製牛雜燴等。場內的格局有別於舊式的粉麵店，以木系設計更顯舒適度。小妹特意點下潮州滷水豬手飯$60，豬手炆得相當軟腍，飯粒份量十足。太美味的關係，如果豬手一客再多兩件會更好。滷水汁可以添加，滷水味入味與飯粒伴勻更好吃。

筲箕灣 香港東面的一個舊區 人煙處處 新舊交融的一個地方佈滿人情味 每個人都好似相識咁 溫馨得很近海之處必得食 所以都有一條東大街港島東食街果然無叫錯 大小舖 連鎖式家庭式都有齊今次因為去完海防博物館 走到黎東大街 搵下野食 感受下當地溫情見到間好新淨既粉麵店 開頭睇以為係食西餐或者日式料理原來係香港地道粉麵店 失敬失敬！午巿好多人 幸好小妹一個人就容易處理 等左一陣就有位餐單設計都會比較現代 圖文並茂 清楚表達特級牛丸王 $55勁大粒牛丸 爽滑彈牙 應該彈過「癩尿牛丸」！而且內裹仲有啲好爽口既野 我諗似係馬碲多種口感 牛肉味好重 又多汁 岩岩好熟透 唔會過火而且河粉好好味 用左越南幼河 滑又幼 食得出既知味餐廳內部同用具都經過設計及人性化思考 幾有heart

九龍人過到黎香港島深深處當然係有事做啦!! 所以咁難得黎到最東邊 就一定要去埋東大街 先叫做完成式!!!!東大街出名多野食 又長又多舖頭 要揀間好食又有睇頭既唔係咁易 粉麵係香港人既地道食物 尤其牛腩雲吞個啲啦遠近馳名 係無咩地方可以整香港咁好食見到一間新開業 外又排住人龍 外觀都相當靚仔咁不如就試下佢 老老少少都排既時候 一定無錯牛腩 牛丸 雲吞 黑丸 三鮮都有!!!越多選抽擇越係難揀 內部既裝修有別於一般既粉麵店有日式既感覺之如 又會搵到香港既特色雅緻既裝修都會對食客既食感有所提昇自家牛三鮮 配生麵  $55顏色 香味 粉量同賣相都相當成正比牛腩 牛筋 牛肚都各佔三份一 份量控制做得幾好所見到既木盤就係用左日式風格 簡單又實用 乾淨感好充足牛腩 - 香濃既牛味 而且係有肥有瘦 所以食落係好鬆化又有會有咬口牛筋 - 個人喜歡彈牙 佢偏偏又係爽而彈牙 岩晒我口味牛肚 - 好入味 林身之如佢會係一整塊 補留到最多既味道 無咁易失生麵 - 爽口彈牙 時間控制好先會做到呢個效果新派粉麵都有佢一定既競爭力 不錯!! 期望日後再黎會有更多驚喜

筲箕灣一向都集中多間隱世餐廳，普遍餐廳都是平、靚、正，今次去到呢間潮丸到食性價比都相當高。餐廳裝潢都相當光鮮，入到去位置都幾舒服。下午茶時段亦有多款菜式選擇。自家牛三鮮米線今次揀呢個牛三鮮味道都唔錯。內裡有牛腩、牛根、牛肚，而且份量都唔少。湯底方面以豬骨製成，豬骨湯味濃郁亦唔會覺得有味精。牛三鮮整體都非常抵食，特別牛根非常推介，因為除咗入味之外更加淋滑但不失咬口。而牛腩亦很濃郁牛味，而且唔會食落唔會散哂，整體都好滿意。

In every Asian Cuisine, you will find beef noodles, be it Pho, Taiwanese Beef Noodles and Chiu Chow noodles.I have already tried the meat balls at Chiu Ball in TST so this time I went for the Beef Noodles.I got the tripe, beef brisket and tendons which were so satisfying because everything was so soft and full of flavour.The yellow chili in the jar was fantastic and I always add a tiny dollop to my noodles to spice it up.The noodles were so comforting as the broth was strong however the flat ric

一向都喜歡潮式牛肉丸/餅，剛巧這間店主打潮式粉麵，便入來試試。餐廳裝修是現代設計，沒有傳統粉面店格局。我們點了牛丸米線及店員推介的牛三鮮河。牛丸米線 牛丸做的非常爽口，好juicy 有濃厚牛肉味，很有彈性牛三鮮河 牛三鮮有牛肚，牛腩同牛筋。牛肚夠入味，片得薄而不靭；牛腩肥瘦適中，肉質軟腍；牛筋不硬亦帶點咬口，做得很不錯。本來所以野都是不錯而有心機的作品，唯獨是不能接受湯底，雖則話用大量豬骨加雞去煲。但係唔知點解湯底只飲到好重麻油味，可能這是店家特色，可惜我只覺得飲緊加左幾包麻油既出前一丁湯底咁。

之前在尖沙咀吃過一次潮丸，感覺不錯，在我工作的地區，剛剛發現了新分店，當然要去會一會試下味道，是不是保持水準。 東大街直頭係美食集中地，臥虎藏龍，說真以魚蛋牛雜粉入主，係冒險之舉動。 不過，當然你吃過也知道，潮丸的牛雜和牛丸不是省油的燈，以質素來說，完全不輸蝕。 最喜歡這裡有青春的裝修，一致的舒適地方，好少有粉麵店坐得咁好。 下午三點才開飯，有下午茶餐，主打魚三鮮，豬三鮮，牛三鮮，雲呑王，墨丸玉和宣傳強勁的牛丸王。 叫了個特級牛丸王，上場那刻好精美。 餐叫了咸檸檬梳打特飲，咸檸檬好大粒勁新鮮，蘇打想叫多罐，只是加八蚊。 先飲一下湯底，牛骨香不太濃，但我喜歡其清清地不太濃不太油。 要了米線，清上加清，但我記得上次尖沙咀吃過河粉都幾滑。 餐送上的菜浦和蔥花，送湯和米線一流。 牛丸樣子勁精美，好大粒，睇都知有實力。 咬下去，超勁爆的牛味，每啖都射出肉汁，牛香和每寸的牛肉充實整粒丸。 簡單一餐下午茶，五十幾，你可能話貴，我覺得正常。 至少在東大街，有時可能四十幾個下午茶都可以好難食，但這裡的美味，絕對是值得俾呢個價錢。 進註港島東的潮丸起碼為愛丸和愛粉麵的朋友多個選

香港人出名生活節奏快，有時連食飯嘅時間都得好短。由於放工後有其他行程，所以就在附近隨便揀了間餐廳光顧。一入去，感覺有別於一般的潮式餐廳，給人一種整潔，新派年青的感覺。每張枱都會提供加了幾片檸檬的飲用水俾客人自行飲用。而一般潮式餐廳有的辣椒油這裡也有，還有比較少見的魚露，方便大家吃粉麵時自行調味。餐牌上提供粉麵及飯供大家選擇。本想點一個招牌崩沙腩飯，可惜已經賣晒（７：００ｐｍ就售罄，真係咁好食！？下次經過再來試）退而求其次，點了潮式滷水豬手飯，味道不錯，豬手腍滑入味，而且滷水不會太咸，值得推介。喜歡多汁的朋友可以要求多汁，餐廳會將汁分開另上，非常貼心。