潮丸 (Closed)

間鋪頭嘅用色同埋外表我都覺得好特別而且朋友話個超好食所以我都特登嚟到食但本身就係對牛丸或者牛腩冇乜特別喜好所以都抱着試一試嘅心態嚟到牛爽腩撈麵 幼麵 $$70呢個真係令我超驚喜估唔到牛腩係甘香咁爽而且又滑肉質好鮮嫩再加上牛🐂味係超級重可以睇都係勁多牛腩而且脂肪均勻分布都好好而且面嘅鹼水味都係啱啱好食咗個面有香濃嘅牛味再加面本身嘅味道真係估唔到喺香港都可以食到咁優質嘅牛腩麵另外佢嘅牛丸更加係肉質好多一咬落去都覺得好滑好香而且好大粒入邊係好鮮嫩嘅牛肉生炸雲吞王 $$50佢哋嘅炸雲吞入邊仲有兩隻蝦真係勁有咬口同埋勁多🦐味香滑奶茶奶茶配呢一個牛腩同埋牛丸都係好好味㗎真係超級正

友人家住筲箕灣，今晚家訪之餘順道去東大街找好嘢食。要是楝邊間好，這個任務當然友人決定啦！帶我去了一間粉麵店，裝潢好時尚清新。點了一碗牛三鮮配米線。牛三鮮即是牛腩，牛肚和牛筋。最鐘意那個牛筋軟腍得嚟有𡁻口，充滿骨膠原。牛肚爽口。牛腩軟熟有牛脂香。湯底淸甜好味。配料的芫茜，蔥...是另上，方便案自己喜愛加添。小吃炸牛丸是推介，咬一口後感覺到有肉汁流出，爽口彈牙。整體是一間不錯的小店，食物水準好，環境坐得舒服。

去開筲箕灣嗰頭做嘢，搵野食既時候間到呢間裝修得幾靚所以入咗去~叫咗牛丸河+凍檸茶牛丸彈牙有肉汁🤤牛味濃👍🏼值得一試湯底有落鹵水汁（？唔會太淡凍檸茶有小小澀~***佢旁邊有提供啲汁醬比你。黃色嗰個好辣辣辣！聽聞係店家自己整既~食得辣可以試吓哈哈🙈我試咗之後飲咗半杯檸檬茶🤣

今天中午與好姊妹走去筲箕灣東大街潮丸食lunch， 因為中秋節食太多月餅，今個中午想食得light D D，所以就嚟粉麵店食個簡單又快的午餐。我叫了佢哋最出名的“特級牛丸王”，配了米粉，牛丸果然爽口彈牙，仲有牛肉香，口感十分好。米粉也不錯，質地也順身的。在配料上我加了冬菜、蔥花、芫荽及芽菜，令到湯底的味道更香更甜。另外好姊妹就叫了自家雲吞王配河粉，河粉很滑身，雲吞好有地道風味，蝦肉新鮮，豬肉香口，雲吞皮厚薄程度剛好。我哋仲叫埋生菜share ，佢哋就會將蠔油分開上，非常貼心啊～飲品方面加＄16仲有柚子蜜及加＄22有咸檸檬蘇打特飲。裝修設計都很新穎， 燈火光猛，仲有佢哋係開放式廚房，都唔會聞到廚房味， 證明佢個抽風系統非常好，而且座位有十分舒適。

今天和朋友約了吃飯，最近外出吃飯太多，都吃窮了。所以，今天就挑了家相對比較便宜的粉麵店，好像新開了沒多久。牛丸王河粉（$55）牛丸很彈牙，但不會死實，咬開裡面有汁，形狀不是很工整的圓形，感覺就是手擠的。河粉滑嫩，湯底有牛腩汁，鹹度剛好，吃完也不會覺得口渴。墨丸王河粉（$55）有兩顆牛丸亂入了，哈哈。但是沒關係，我比較喜歡吃牛丸。墨魚丸沒有牛丸那麼彈牙，但是墨魚味很濃郁，吃起來很細膩，沒有筋，這款的湯底比較清談。菜心（$28）份量是普通粉麵店的兩倍，對得住價錢，菜心吃起來也沒有渣。清湯蘿蔔（$28）蘿蔔煮得很入味，很軟，沒有渣。凍檸檬茶（+$3）味道正常，但是我很喜歡這種不銹鋼杯話梅柚子梳打特飲（+$8）梳打水和話梅柚子是分開上的。倒下去的瞬間超療癒～因為我選了梳打水而不是雪碧，所以喝起來沒那麼甜，喝完整杯都不會膩，柚子和梳打水的搭配完美！餐廳的環境也和傳統的粉麵店有點分別，看起來超小清新～

之前係尖沙咀食過，係附近唔知食乜好，就決定再入黎再食，裝修和尖沙咀的一樣，都幾寬敞乾淨簡單叫左碗魚三鮮河配熱柚子蜜，有炸魚片，魚皮餃和我突然想食的潮州白魚蛋，湯底清得黎有味，起碼唔會有味精，想重味d，仲有3款辣的配料選擇，魚蛋當然彈牙爽口，魚皮餃都幾大粒炸牛丸，值得推介，牛丸大大粒，炸左之後唔韌，仲增加左少少鬆脆，但重要的是，食落的味道好似牛肉漢堡，又係煎炸過，鎖住左d牛肉汁，牛味濃，合埋食以為食更漢堡牛肉丸

為左迎接颱風山竹的來臨要做好準備，所以星期六中午專程同媽媽過到來東大街附近食個中午飯，之後就出發去買餸。出左地鐵站後行左冇幾耐，就見到這間剛新開的店舖潮丸，於是就決定入黎充飢下。舖頭裝修簡單、燈光柔和，牆身貼住一幅幅食物推介的相片，好似都好吸引!而每張枱都擺放了各款調味料包括有辣椒油、黃燈籠椒、紅燈籠椒、醋和魚露，讓客人可自行調味。魚三鮮米線，魚三鮮是指魚片頭、魚蛋和魚皮鮫，魚片頭口感較軟綿、魚蛋肉質彈牙、而魚皮鮫的肉味濃，內餡結實，外皮滑溜。湯底較清，唔覺得是味精湯，所以唔覺唔覺都飲左好多湯。另外，餐廳幾體貼的是另上配料，包括香蔥、莞茜和冬菜，多多少少由客人自行調配。牛三鮮飯，牛三鮮是指牛腩、牛筋和牛肚，牛三鮮份量很多都佔半大碟，牛腩的口感軟腍腍、牛筋好滑嫩有嚼勁、而牛肚質感煙煙韌韌，牛三鮮都煮得味道香濃，味道的確唔錯。是日油菜就選擇了菜心，菜心的顏色翠綠，入口嫩滑，食落去冇渣，煮得剛剛好。炸牛丸，來食潮州食物，當然要試試這店的手打牛丸。外皮帶點微脆，炸牛丸入口時的肉汁豐富，口感爽口彈牙，牛肉味香濃，點上了甜酸醬更滋味。凡叫了米線或者飯都配送飲品，叫了凍鴛鴦和熱咖啡，飲品大大杯。這餐

筲箕灣東大街, 開咗間新嘅食店, 呢間 係一間專食潮式粉面嘅, 店舖裝修非常之新潮, 同傳統食物擦出火花! 叫咗一杯凍檸茶, 佢嘅茶底非常之特別嘅, 茶味我覺得幾優秀, 同其他茶餐廳與別不同! 特別香 叫咗個魚三鮮, 仲要咗粗麵底, 粗麵非常之q彈, 配咗通菜同蔥花, 係分開上, 幾有心思, 可以自己調較份量, 魚三鮮有魚片頭,魚蛋,同埋魚皮餃 ,魚蛋個魚味非常之香, 魚皮餃佢嘅質感比一般來貨嘅魚皮餃優秀, 份量又多又大粒! 再加埋一個炸雲吞, 炸雲吞唔算平, 賣50蚊, 但係佢嘅餡非常之大 , 炸到金黃色, 外脆裏面嘅肉質用咗好多嘅蝦, 豬肉同蝦嘅份量大概係九比1, 真係真材實料! 點埋甜酸醬嚟食, 非常之味

筲箕灣出名多嘢食，食肆種類繁多，求其入一間都食到好野呀。肥妹仔我今次就試咗呢一間叫潮丸專食魚蛋粉嘅麵店。鹵水雜燴飯  $60雖然呢度主打係麵食，但係肥妹仔我都叫咗呢一個鹵水雜燴飯嚟試一試。鹵水雜燴飯分別有鹵水豬腳，滷水五花腩同埋鹵水蛋。佢嘅滷水汁非常香鼓油嘅味道 ，味道非常香濃。而佢嘅豬手已經鹵到非常軟淋同非常入味 ，咬落去入口即溶 ，五花腩脂肪同肉層次分明，食落去一啲都唔肥膩 ，而佢嘅滷水蛋又係鹵到入唒味，撈飯一流!魚三鮮河粉  $55魚三鮮分別係有魚片頭，魚皮餃同埋白魚蛋。魚片頭非常爽口彈牙，食落去有淡淡嘅魚味，而魚皮餃嘅餃皮煙煙靭靭，入面嘅魚肉肉質紮實，好有咬口。白魚蛋食落去爽口彈牙，有少少胡椒粉味，好香。河粉嘅軟硬程度適中，唔會煮到好，散連埋個清湯一齊食，個湯飲完之後一啲都唔頸渴，無味精。炸雲吞王  $50炸雲吞係肥妹仔每一次必嗌嘅小食。佢嘅雲吞皮炸到脆卜卜，入面有一隻爽口彈下嘅鮮蝦，食落去好香口惹味。炸墨魚丸 $28墨魚味超濃，食落去非常爽口彈牙，唔使點任何醬就咁食已經好好食。凍奶茶  +$3呢度嘅凍奶茶甜度適中，奶香亦夠，茶味亦都好出，不錯。熱柚子蜜  +$5好香柚子味，好

超級颶風來臨前夕，天氣極之平靜。熾熱的溫度、悶熱的環境，教人窒息；仰望長空，有點暈眩。被這股異常的氛圍縈繞，只想就近午膳，之後再為屋企補充一點糧食。人在筲箕灣東大街，不過吃的並非馳名老舖魚蛋，而是新開粉麵店主打的牛丸。舖頭裝修有別於舊式粉麵店，光猛潔淨、年輕摩登。所有食物就羅列在點餐牌上，一目了然。除招牌湯麵外，還有特色撈麵、皇牌飯類、潮州湯飯、小食和飲品。其中湯麵可配8款菜式，包括牛丸、墨丸、雲吞、豬手、牛爽腩等，粉麵亦有不同選擇。小妹看中招牌牛爽腩湯米線($60)，另追加特級牛丸王(+$15)，配料全選冬菜、蔥花、芫茜和芽菜。成品以小木盤送上，方便之餘感覺時尚。枱面放了數款醬料，計有辣椒油、黃燈籠椒、紅燈籠椒、魚露和醋，頗有特色，添加與否悉隨尊便。慣常地先喝一口湯，觀其色澤清澈，油份不多，沒想過味道濃郁，可能是牛爽腩肉汁的緣故吧！再加入冬菜、蔥花、芫茜和芽菜，更添朕朕清香，完全沒有膩感。米線白雪雪、滑嘟嘟，煮得軟硬適中，又無過份發脹，這個選擇確實不錯。牛爽腩以瘦肉為體，頂頭連著脂肪，入口帶點嚼勁，但又不會難以咬開。肥膏薄薄一層，滿有油香，口腔頓時潤澤起來。至於特級牛丸王乃鎮店之寶，

潮丸主打牛丸、魚旦、墨魚丸等潮式湯面，真材實料，在尖沙咀早已開業，做得出色，口碑不俗。最近潮丸在筲箕灣東大街又開分店，小弟當然慕名而來。筲箕灣店與尖沙咀店互相呼應，格調相符，佈置簡潔，環境舒適。潮丸有各式牛丸、豬肉丸、魚旦、魚片頭、自家云吞、牛腩、牛筋、牛肚、潮式滷水豬手、多款小食和飲品供應，任君選擇。坐下叫了招牌牛爽腩撈粗面、潮州魚三鮮(魚旦、魚片頭、魚皮餃)湯米、小食炸鯪魚球和飲品話梅柚子雪碧特飲。招牌牛爽腩撈粗面，牛腩不肥不瘦，肉質幼嫩，粗面爽滑，果然名不虛傳。潮州魚三鮮(魚旦、魚片頭、魚皮餃)湯米，魚旦和魚片頭新鮮彈牙，魚皮餃入口煙韌，湯米爽口，味道不錯。小食炸鯪魚球，外皮炸得微焦金黃，賣相吸引，一份有4粒，炸得熱辣辣。鯪魚球質感彈牙，入口滲出淡淡魚香，再配鹹香蜆蚧醬，十分惹味。話梅柚子雪碧特飲，話梅柚子加冰先放入鐵杯，細枝裝雪碧另上，微酸話梅柚子配清甜雪碧加冰，解渴好味。

好友非常客氣，不但買了月餅給我，而且還說要親自送到我屋企樓下，實在令人受寵若驚。好友家住筲箕灣，本來打算上去佢屋企攞，但友人知我小腿早排受咗傷，為免我四處走動，提議不如近近哋去東大街食碗粉麵，順便坐低傾下偈。友人係地道潮州妹，推介我試下呢間新開嘅「潮丸」。餐廳佈置簡約清新，以白色和啡木色為主調，裝潢非常富文青感，帶台日風，唔講仲以為係間 Café，但賣的竟然是傳統潮州粉麵。餐牌很簡單，只得一頁，不過選擇都幾豐富。除了招牌主打湯麵外，還有皇牌飯類、潮州湯飯、特色撈麵、小食及飲品等。而點菜就好似日式拉麵店咁，用剔紙仔形式，食客可以在餐牌上自選菜式，粉麵底同配料。聽朋友講，湯麵除咗炸蒜同芹菜係一定會有嘅之外，其餘芽菜、芫茜、蔥花同冬菜，客人係可以自行選擇要定唔要嘅。我揀咗特級牛丸王米線 ($55)，配蔥花同芽菜，另外再追加咗特級墨魚丸王 ($15)；而友人就選了一款特色撈麵。店裡的招牌牛丸，標榜全人手棍打，而且更用上黃牛後腿肉，唔怪得食落咁彈牙多汁。墨魚丸亦很有水準，不但食到墨魚粒的口感，而且彈牙無腥味，真材實料。湯底用豬骨同雞隻熬成，食得出無加味精。至於友人選嘅自家豬孖寶撈麵 ($65)，

筲箕灣東大街出名多嘢食，住在那邊街坊友人亦介紹了一間食牛丸好好味的麵店，果然ok 喎。裝潢別緻，跟傳統粉麺店大大不同。既然牛丸出名就睇下有什麼特別。點了牛丸米線追加潮州魚丸。原來冬菜，蔥花，芫茜和芽菜另上，案個人喜愛添加，夠體貼。牛丸咬落夠爽，還有油脂溢出，絶無乾巴巴，好有juicy感覺，真係好正！潮州魚蛋亦爽彈。另點了一個小吃清湯蘿蔔，㷛煮軟腍夠入味。奶茶入口濃香夠茶味，滑溜。街坊友人果然識飲識食好介紹！

與朋友本來打算幫襯老字號魚蛋粉店，但估不到7:30來到已關門。我們於是轉戰這新派潮州粉麵店，夜市營業，真好！其實好幾個月前幫襯過其位於店沙咀的食店，估不到在食店林立的東大街原來也已占了一席位。我點了豬三鮮湯河，朋友點了魚三鮮湯河，勁搞笑，正正原來就是牆上poster所介紹的。粉麵本身送熱飲，但我們加三元點凍飲，凍奶茶、凍檸茶，味道合格。很欣賞以木盤上菜，精緻得很，很有點日式定食的感覺。豬三鮮有豬肉丸、豬腩肉和扎肉，應該是自家製的扎肉很彈牙，好味。湯的顏色較深，湯底濃，並不是「白開水」類湯底。朋友的魚三鮮的湯就看來比較清，但喝了一口，味道不錯，而且粉的份量不算少。我們並加了兩個小食：清湯蘿蔔和炸雲吞。蘿蔔入味，無筋。生炸雲吞王很好味！新鮮彈牙的蝦，好明顯是即叫即炸，炸得乾身不油膩。絕對是高水準之作，雖然$50六粒看似很貴，但絕對是一分錢一分貨，在其他地區的粥麵店也是這種價錢。要在東大街這區開新店絕不是易事，要衝出重圍，我覺得這個炸雲吞絕對要推介。

最近上網見到這間新式潮州粉麵，好吸引，喜歡試新野的我又點會錯過，甘岩去開筲箕灣工作，午餐就決定食佢。店內裝修擺設竟然有啲日式拉麵店風味！又似文青cafe，完全不會想到是潮州粉麵，而落單方式也是像拉麵店一樣，自己劃，選取自己喜歡的食物配搭，走青要青自己選。自家牛三鮮$55用秘製鹵水汁煮，金錢肚爽口入味；牛筋腍得嚟有咬口，牛腩入味，絕對唔會鞋口。呢度嘅湯底用豬骨加雞骨熬4個鍾，沒有加到腩汁，有些人可能會覺得清淡，但是相反個湯底清甜無味精，相當不錯👍魚三鮮$55選取魚旦，魚片，魚皮餃。魚旦爽口彈牙，食得出的真材實料，魚片厚切，薄薄炸過風味十足，自家製魚皮餃肉汁飽滿，最重要皮夠薄。仲有米粉底，不是一般粉麵的粗米粉，這裡米粉是細而滑，似台灣新竹米粉，配埋個無味精湯底，可以清曬。炸雞翼4件$28這裡還有多款小食選擇，朋友喜歡食雞翼，所以就點了試一試。抵食，4件雞翼大大隻都只是$28，金黃色的皮下肉汁爆出，不錯👍最特別是自家製嘅辣椒油，不算太辣，但是非常香，紅燈籠椒似豆板醬，辣度排中間。黃燈籠椒最辣，辣味是後勁的，淺嚐即可。