筷賞 (Closed)

將軍澳黃店差唔多全部都食過晒今次就嚟到坑口食黃店💛💛💛今次食嘅黃店係筷賞我食過兩次 一次食午餐一次食下午茶我第一次係筷賞食午餐叫咗個吉列豬扒蛋包價錢唔係好貴大約$40左右但份量大 仲有杯野飲佢有意粉或者蛋包飯俾你揀 你可以按自己喜好去選擇食意粉定食飯我第二次食筷賞係食下午茶叫日式叉燒玉子米粉價錢方面連埋嘢飲都只係需要$30就食到啦份量雖然冇午餐咁大份但係都好好味未食過嘅不妨嚟食呀 食過嘅你一定會鍾意再嚟食多次價錢係一般正常人都會負擔到 唔好忘記佢仲要係黃店嚟㗎🤩

去左食個下午茶 唔太肚餓 見到有肉醬熱狗就嗌左黎食比想像中大份 佢比既肉醬份量好似d肉醬唔洗錢咁 好滿足連埋個芥末醬 真係食得好滋味！題外話 位置收唔到訊號 所以快快趣食完就走左XD

今日要推介下呢間我食過無數次嘅街坊餐廳坑口TKO Gateway入面 舊郵局個位開左好多餐廳各式各樣 應有盡有Chop Chop筷賞 就係呢到入面呢間野特色係平靚正 雖然D野唔係特別出色但係勝在價錢大眾化平時諗唔到食咩 就會幫襯呢間叫左個晚餐A 黑椒雞排腸仔意粉意粉唔係求其煮熟就算 而係有用茄汁兜過下就咁食都唔會無味雞排大大塊 齋食塊排都飽都一半朋友叫左個常餐 大約44蚊左右剩係多士都有兩塊 再搭多塊排 (而唔係牛肉幾片)份量之多係一個人食唔晒  抵碗烏冬味道就重左D 睇下你個人口味奄列如圖中所見 比較乾身但其他都正正常常 算對得住個價錢Overall 絕對係親民之選

良心小店 最重要係黃店🇭🇰返學食晏成日去呢間度食 我每次入到去都永遠有個勁搞笑嘅老細 成日都會同我哋呢班好煩嘅學生傾偈 有時仲會講吓笑 係我見過最Nice嘅老闆 仲有佢啲嘢食真係唔差 推介蛋包飯比大家試吓 分量多仲有流心蛋 包你話好食 仲有佢杯凍奶茶真係超級推薦 適合返工放lunch同埋學生食 價錢我唔算貴唔算平 一般人都負擔到 😋

坑口東港城隔離個Gateway好有好多食店，而其中竟然有黃店！屬茶餐廳快餐類型，經濟抵食份量大。而家仲聯同社福聯合陣線成為其中一個抗疫物資收集站！💛黃店認證：8.4 將軍澳遊行期間送水和三文治。有lunch/dinner set，但如果唔啱食都可以叫餐牌入邊嗰啲因為佢都包飲品一杯，只係少咗碗湯。👓牛乳滑蛋蓋飯 $42可以選擇唔同嘅肉配飯意粉薯菜。今次揀咗黑豚豬扒和滑蛋蓋飯，豬扒有脆邊味道正常但少韌。滑蛋好大片的確有牛乳味好香滑，上面淋有蕃茄醬酸酸甜甜幾滋味，如果蓋飯係炒飯底而唔係白飯仲正😬呢個價錢份量包埋嘢飲幾抵食。評分：7/10👓蘆筍南瓜蓉燴珍珠飯 $58忌廉汁底但唔係嗰種超creamy，有蘆筍片、菇、洋蔥、三色椒，所以椒味頗重而唔太食到南瓜味。評分：6/10

之前食過一次下午茶，係食牛扒腸仔米粉，覺得都幾抵，諗住星期日帶老公去食一次午餐，我哋11點就到，叫咗個白汁豬扒煙肉意粉，點知碟意粉一放低，食都未食就見到有隻識郁嘅曱甴喺塊豬扒側邊郁郁下，真係見到都驚！跟住叫店員去處理，佢哋就咁拎走左就算。之後我哋叫咗第二樣，叫豬扒撈麵，但係塊豬扒好硬，我諗都冇下次了！！平時我老公食嘢嘅要求好低，今次都同我講話以後唔好再去食。希望店舖可以注重多啲衛生，因為食咗落肚真係腸胃炎都似，

話說之前在某個FB Post看到有人說，CHOP CHOP的煙三文魚潛艇超讚，就一直都很想試下，但去過幾次，差不多五、六點就賣光了其實這個煙三文魚潛艇，說白了就是煙三文魚+少量沙律菜+千島醬+牛油+麵包，賣相一般，但這個配搭竟然意外的搭。麵包稍微烘熱，但並不烘至脆身。第一口咬下去有驚喜，整口都是煙三文魚，啖啖肉，加上千島醬和牛油，酸酸甜甜很開胃。雖然拿上手很輕，不算飽肚之選，如果下午茶輕食的話也可以接受的。而之前也有在CHOP CHOP試過南瓜燴飯，味道還行，但沒有這個煙三文魚潛艇驚艷。其實這家店主要是性價比高，附近街坊可以多光顧一下吧～

上一次幫襯 Chop Chop 已經係去年嘅事，當時黃色經濟圈嘅概念仲未算好盛行，決定幫襯，主要係因為佢哋會免費派水畀有需要嘅人，絕對係良心小店。小店雖然隱身喺厚德街市入面，但係一啲都唔失禮，居然有我最鍾意嘅 Risotto 食😮，於是即刻 order 咗個黑松露海鮮燴珍珠飯，配埋飲品都只不過係六十蚊上下，非常抵食。Risotto 唔算好正宗，煮得比較濕同腍，但係個飯就好大碟，海鮮好多，味道亦唔錯，所以整體嚟講性價比係高嘅👍。

餐廳位於厚德商場下層FoodLane同層有間食壽司好味原本晚餐想壽食拖羅壽司但係要等太耐，於是改吃呢一間餐廳一食便愛上，之後再食過幾次呢間都幾受歡迎等5分鐘左右就有位點了日或咖哩撈一丁 配炸雞翼 &午餐肉咖哩汁入面有煮淋晒嘅薯仔🥔呢個食物組合當然好味啦！上菜速度好快由於本人食嘢撈好多汁所以食咗2/3就無晒汁問侍應可唔可以加汁，諗住食平價飯服務會差，或者要加錢點知道侍應好好禮貌，笑住話：當然無問題啦！態度不錯喔！仲要俾成碗汁不用加錢愛撈汁嘅人食呢間一流！扒類、雞翼都幾好食檸檬茶 茶底ok檸檬量都足料呢個年頭晚餐42蚊真係抵食推介！！CP值很高！

估唔到街市隔離既熟食area會有間餐廳仔係可以坐幾十人。環境乾淨企理。感覺有少少似茶記，又有少少似cafe 見都有唔少不同年齡層既熟客仔，睇黎幾受街坊歡迎😊😊下午餐超級平 我睇左幾次先敢相信我對眼揀兩個餸既湯麵 加埋飲品，都只係$26🤔🤔🤔好平！下次想試試佢個雪菜秋葵火鴨絲，幾得意😄😄清清地，叫左個包煙三文魚鮮雜菜潛艇配熱檸水煙三文魚份量都幾多而且雜菜食落都算新鮮，爽脆個包幾大，唔會太硬，食晒岩岩好，好滿足😊😊

之前黎過食日本野覺得幾高質 再黎搵新野食 點幾到門口最多人 不過等左陣就有位 落單後都好快有得食牛乳滑蛋蓋飯 配吉列豬排 $47層滑蛋薄薄一層 勝在夠香滑 蛋汁加少少茄汁好好食 塊吉列豬大過手掌 啖啖肉無骨 炸得好脆 食到尾都唔油 加埋個邪惡沙律醬好好食呀香辣海鮮炒烏冬 $52俾Menu張相吸引左 一上枱失望左一下以為好淡 點知食落好又真係好惹味 d汁唔好太辣太咸 海鮮多到食極都仲有 烏冬就夠入味 兩個都跟杯野飲 都算幾抵食 見佢都有擺個水機入面有檸檬 落單叔叔又好禮貌 可以做飯堂!

坑口既街坊餐廳，價錢有平有貴，係我經常食既餐廳。午餐有三四款可以揀，款式有中有西，仲有學生餐，價錢係$40-50。今次就頹頹地食個常餐，豬扒麵加火腿奄列多士，正正常常唔錯。雖然係常餐，不過唔算十分頹，豬扒正常啦，湯都落左少少配菜。常餐份量都唔少，絕對夠我食飽。仲叫左個牛扒蛋包意粉，意粉係蕃茄煮既，唔係咁多地方食到。可以轉飯或者薯條。另外，佢有高級少少$60+既餐，主要係西式意粉，果d都好好食，大家可以試試佢。

係Foodlane晏就見到間餐廳🍴有小炒、有蛋包飯就入去試下，雖然聽人講呢間嘅嘢食質素唔穏定，但係今次我食就覺有驚喜🥰1️⃣醬燒薯仔牛肉飯 $48薯仔好粉嫩，炒出來嘅洋蔥同三色椒爽脆有鑊氣，有咬口，而且份量好足👍🏻牛肉都好有鑊氣，煙煙靭靭。整體份量都大大份，呢個價錢仲要係包埋湯🥣同熱喝☕️添，性價比超高!🙆🏻‍♀️美味指數:7.89/102️⃣黑豚豬扒牛乳滑蛋蓋飯 $42牛乳滑蛋蓋飯份量有一隻手掌✋🏻咁大，黑豚豬扒有兩大塊，不過就比較油身同乾身啦。🙆🏻‍♀️美味指數:6.25/10💡整體來講，小炒真係做得唔錯，而且性價比超高!筷賞 Chop Chop地址🐾:將軍澳坑口常寧路2號TKO Gateway地下EF06號舖

將軍澳作為商場之城，不嬲都無咩抵食夾好食嘅餐廳，連普通茶記都尤如沙漠中嘅綠洲咁罕見。週末晚上各大商場食店賓墟咁嘅場面，我的心真的很累... 唯有去坑口TKO雞圍嘅foodlane揾食... 見到間Chop Chop筷嚐，就試下咁啦。晚餐叫咗一客黑椒牛肉意粉配熱啡，一上碟就當堂嚇一跳然後得啖笑。目測非常油膩，結果一翻碟底果然油如汁般同你say hello👐🏻。試一試，意粉入口即溶般淋身，仲要碎濕濕咁，好似用啲用淨咗嘅碎意粉煮畀你咁，你好嘢👍🏻。而且價錢一啲都唔友善，都要成五六十蚊，加埋杯咖啡都無令人失望，澀如人生... 唉，人生....... 🚬

放假梗係要出去食好西啦，今日放假但又唔想出去其他地方，決留返喺坑口食晏晝，就黎左筷賞食lunch😊黎過呢度食過幾次lunch，貪佢夠抵食，啲嘢食份量夠又好食，仲要唔使加一✌🏻咖哩薯仔牛筋腩($42/午餐)可以配薯條/意粉/飯， 仲有送餐湯同飲品: 我揀咗意粉，因為鍾意佢啲意粉係有茄汁炒過嘅，淨咁食已經好夠味😊牛筋同牛腩都好淋好好食👍🏻羅宋湯真係好足料，好多蔬菜喺入面！咖哩吉列豬扒配薯條($47)送飲品:吉列豬扒好大塊好脆，薯條勁多，多到食唔曬😆