Video
Read full review
2025-02-24
0 views
未試過食飯可以食到咁嬲🔥🔥🔥🔥🔥事源因慶祝朋友生日當日下午已經打電話去訂枱，聽電話個個姐姐話得返5:45同8:45，咁我地就決定左8:45，個小姐都有提我地hold枱10分鐘，之後我哋因為未confirm到實際人數所以就話10個人先，稍後夜啲會打黎confirm booking。咁8點左右打黎再次confirm booking時，我就講最後人數8個之後就收線。大約8:50已經有朋友到達，當時職員有同我地講10:15要交枱，然後我地望一望當時入座枱數係大概7成左右便OK，我地當日係平日宵夜時段估未必會大量客人輪侯，所以諗住好多餐廳都有講用餐時間，但無客等都唔會趕客走，所以我地都諗住睇下食到咁上下，如果好多人等枱就準時離座，都明白餐廳都要揾錢想反枱做多轉。係用餐期間，我地有不斷加單加餸亦一直都有餸菜落枱，而到9:30-9:40左右職員已經好似有啲急咁keep住幫我地收碟同問我地呢啲仲要唔要。到9:45分左右，大家都係度仲夾緊餸既時候，突然間就送個蛋糕上黎，啲職員亦有同我地講生日快樂，老實講上蛋糕前個10分鐘都仲有係有野食落緊枱，仲係食緊飯既時候突然間就比蛋糕，我地真係毫無預警，大家都打左個
事源因慶祝朋友生日當日下午已經打電話去訂枱，聽電話個個姐姐話得返5:45同8:45，咁我地就決定左8:45，個小姐都有提我地hold枱10分鐘，之後我哋因為未confirm到實際人數所以就話10個人先，稍後夜啲會打黎confirm booking。咁8點左右打黎再次confirm booking時，我就講最後人數8個之後就收線。
大約8:50已經有朋友到達，當時職員有同我地講10:15要交枱，然後我地望一望當時入座枱數係大概7成左右便OK，我地當日係平日宵夜時段估未必會大量客人輪侯，所以諗住好多餐廳都有講用餐時間，但無客等都唔會趕客走，所以我地都諗住睇下食到咁上下，如果好多人等枱就準時離座，都明白餐廳都要揾錢想反枱做多轉。
係用餐期間，我地有不斷加單加餸亦一直都有餸菜落枱，而到9:30-9:40左右職員已經好似有啲急咁keep住幫我地收碟同問我地呢啲仲要唔要。
到9:45分左右，大家都係度仲夾緊餸既時候，突然間就送個蛋糕上黎，啲職員亦有同我地講生日快樂，老實講上蛋糕前個10分鐘都仲有係有野食落緊枱，仲係食緊飯既時候突然間就比蛋糕，我地真係毫無預警，大家都打左個突，個同事亦都有同我地講生日快樂，呢個生日真係唔快樂，跟住我地就再望下個鐘，使唔使咁快開始催枱，心諗飯都未食飽使唔使咁樣趕客法，當我地以為出邊有好多人等緊枱嘅時候，發現原來出邊係冇客等，而且仲有好多起碼六七張吉枱剩，跟住話口未完唔夠3分鐘，就上埋啲甜品，仲要問我哋食啲咩糖水唔俾我哋揀，明明聽到隔籬枱都有問佢哋要食清心丸定番薯糖水，呢個係叫咩服務態度？
實在係深深不忿地要問過經理，請問係咪真係一定要10點15分準時離座，經理沒有正面回答呢個問題，只係同我哋講我哋跟返公司規矩，佢哋要做多轉枱。其實而家飲食業蕭條，規矩係死嘅人係生嘅，估唔到而家仲係會有人咁樣做生意。
跟住我哋隔籬枱準備食完離開，啲阿姐入嚟收枱，收枱嘅時候特登發出好大聲，又係咁講話有訂枱，要幾多位，擺到明俾說話我哋聽咁。係佢執緊枱嘅同事，又另外一位應該係廚房員工入咗間房裏面坐低休息，跟住個阿姐仲同佢講，今日呢度冇得食飯，出去食啦。原來，咁準時一定要我哋嚟做係因為間房係要用嚟做員工食飯枱，咁其實一開始你講到明嘅話我哋都唔介意我哋成台搬出去食，唔會阻住搞到好似唔俾你地啲同事食飯咁。
最後尾我哋10點45離開，外面仲有起碼十張空枱冇人坐，當中仲有啲嘢大枱嚟，為咗要間房食飯可以講幾多大話出嚟，仲同我哋講話因為嗰間房要留俾其他訂座，但係其實出邊有其他枱可以安排。
以前一直都有幫襯開，估唔到服務而家變成咁樣，之前成日都介紹朋友嚟呢度食，而家服務變成咁我真係有啲覺得對唔住佢哋。今時今日咁樣嘅服務，我祝福你哋長做長有啊，完全貼錢買難受，特別係有個冇乜頭髮嘅同事，係咁多個同事之中最惡劣嘅態度
Post
