喫茶ちょうぼ

Open Now

Now Closed

喫茶ちょうぼ前幾日係尖沙咀見到喫茶ちょうぼ呢間餐廳，見到好復古既日式設計，就好想去食啦。不過琴日食左銅鑼灣果間分店🤣銅鑼灣分店比較簡約日系風。🇯🇵1）月見雞皮餃子🍢一上到黎就見到炸得金黃色既雞皮，睇到都覺得好好食， 酥脆既雞皮包住d肉超juicy，好特別！2）照燒牛舌照燒牛舌有2寸咁長，而且切得好厚身，搭配簡單既調味已經好入味同襯托到牛既鮮味，值得一試👍🏻3）壽喜燒牛肉蛋包飯🍛最經典既蛋包飯，蛋包飯既份量都好足夠，牛肉都有7/8塊，唯一可惜既地方係蛋包飯切開果下唔夠震撼🥺4）日式卡邦尼意粉🍝成個蛋黃放左係意粉既中間做個點綴，意粉正常，好creamy，濃味，份量好夠5）炸軟殼蟹扁意粉原隻軟殼蟹放左係意粉上面🦀，炸軟殼蟹唔油膩，好脆身🤤6）日式布甸🍮超級昭和時代既布甸feel，布甸蛋味好重同實身，好精緻，必叫既甜品最後飲品方便都好有驚喜，用既杯好靚同好復古，用一個咁靚既杯飲野都開心好多！😆而且上菜既碟同碗都好精緻，好適合同閨密黎打卡影相📸提提大家用OpenRice訂枱仲有折架！最後以咁既份量黎評人均消費$100-150，好抵，性價比極高！下次想試埋尖沙咀果間！😋

「喫茶ちょうぼ」推出新春菜單，早前和朋友在新年期間也有試。<龍躍和牛漢堡蛋包飯> $108蛋包切開濕潤半流心，配上厚身juicy的和牛漢堡扒和香甜照燒汁，難怪很多客人都有點呢<大笑蝦蝦菠菜扁意粉> $98擺盤如同一個漂亮的花環，扁意粉掛滿菠菜醬汁，醬汁鹹香，配上大蝦、洋蔥、車厘茄，既美味又健康。<金黃滿屋唐揚炸雞> $88唐揚炸雞外層鬆脆，裹上甜醬汁，再點些沙律醬，是典型的日式風味炸雞<白龍布甸牛奶大福盛> $68當滑嫩布甸遇上黑糖內餡的雪糕糯米糍，相信是一次過滿足兩個願望。布丁旁邊有草莓片作點綴<夏日海洋梳打> $48原來是日式波子汽水，清爽且確實有夏日氣息<草莓沙冰> $48草莓沙冰帶有夢幻粉紅色，甜甜蜜蜜

世貿重新裝修後引入了不少新餐廳，其中更有一間以懷舊的昭和風裝潢配以精美的甜食，難怪吸引了不少人來到。店中右面先有吸睛的長樓梯，再擺放了不少日式精品，給人一種放鬆的氛圍，真可在此時喘息一下。情人節的關係更送上士多啤梨花🍓，小小心思，非常體貼。焙茶牛乳口感滑順，茶味濃郁，甜度微甜而不膩。栗子交響曲一次過現場的倒下栗子、咖啡互相輝映，其中咖啡味又不會搶去栗子的味道，層次豐富。龍躍和牛漢堡蛋包飯來到面前即時切開，見到嫩滑細滑的滑蛋，而滑蛋下還有厚身多汁的和牛漢堡，牛味濃郁，令人回味。大笑蝦蝦菠菜扁意粉扁意粉都掛滿了青綠色的菠菜汁，口感清爽輕盈，再有芝士、大蝦等食材，更多了一份爽彈咸香，非常滿足。金黃滿屋唐揚炸雞炸雞以唐揚的做法油炸至外層金黃酥脆，內部保持著多汁口感，還有秘製醬汁，更顯滋味。白龍布甸牛奶大福盛布甸柔軟而帶香濃牛奶，再有嚼勁香濃的大福，旁邊更有士多啤梨作點綴，為這餐畫上完美的句號。

農曆新年假期期間去呢度食嘢 點知係伏 想落單時舉手好耐冇人理，要我行出去揾人，揾到人講要落單，對方又話“我會幫你㗎喇”，講到咁helpful就唔會當初叫都冇人幫啦。 落單同事又係游魂，好彩覆左單先知佢聽錯。食物方面，卡邦尼意粉好難食，個醬唔知點解會整到咁杰又唔好食，啲煙肉全部係肥膏嚟。 海老蛋包飯，個汁好咸，蛋又冇味。最後個布丁就ok。冇乜特別，唔值呢個價，同樣價錢好多日式西餐選擇(連鎖店“乜cc”都好食過佢)

第一次黎呢度，朋友食蛋包飯，而我就叫咗另一個 signature - 鰻魚玉子蓋飯唔知條鰻魚係咪未燒得夠熱... 魚皮係韌嘅，魚肉仲要有啲腥平時好少可食唔哂啲野，今次真係入食唔落口 好彩個玉子係熱辣辣的, 而甜品布甸都奶味都香。食物質素已經麻麻，本身預期侍應嘅服務應該都唔差？結果班侍應個個都好躁底咁，仲惡過茶餐廳呀叔😥 應該短期內未必再幫襯🌚

📍喫茶ちょうぼ (銅鑼灣)銅鑼灣告士打道280號世貿中心4樓8號舖==============================呢間茶餐廳位置非常方便，距離銅鑼灣站地鐵站大約4分鐘，喫茶店除左裝修好靚之外仲有個落地玻璃窗可以見到維港，打卡一流，依家OpenRice 仲做緊優惠，消費滿$388就有88折==============================日式紅酒燉牛肉蛋包飯牛肉軟林入味，奄列ge 蛋蛋味好香濃而且入面仲包住少少蛋汁，配埋飯好味特大海老蛋包飯海老真係超大隻，同隻叉差唔多長，外層好香脆，隻蝦好新鮮彈牙紫薯牛乳紫薯味好香濃抹茶牛乳抹濃味好濃但唔會苦

是日到呢間日式精緻西餐廳，有很多打卡地方，餐廳門前有一個樓梯裝飾，整個環境予人一種舒適感覺😌✨食物精緻✨環境寬敞✨Pet Friendly ❣️明太子蛋包意粉 推薦呢一款意粉🍝明太子醬汁滿滿，不會過鹹 每啖意粉都被明太子醬汁包裹住😋略嫌蛋包需要加多一點調味餐廳的蛋包是夠滑的，但是調味上淡😢❣️誕辰和牛漢堡蛋包飯漢堡扒juicy，質感軟熟，感覺是自家製的～蛋包下的炒飯調味亦是偏淡而炒飯不是炒得香氣十足蛋包意粉與飯相較之下，意粉會更好吃溫馨提示：蛋包飯中是有紅蘿蔔的，如不喜歡吃，可以嘗試問問店員可不可以走🥕😂❣️炸七味雞軟骨吸引的一款小食👍🏻雞軟骨粒粒香脆，調味惹味😋另外，配附的醬亦很有特色～醬內有青瓜、雞蛋、沙律⋯很清新～❣️凍朱古力咖啡咖啡比例佔多，味道偏苦餐廳飲品很精緻，份量不算多❣️紅豆牛乳（熱）味道不會過甜，牛乳內都有原粒紅豆但奶泡實在太多了…份量本來已經不多，再加上奶泡多，可喝到的只有幾口…💠💠💠💠💠💠💠💠💠💠💠💠💠💠💠💠整體氛圍都不錯，是聚餐之選，餐廳食物質素👌🏼，如尋覓一間好坐，整緻一點餐廳，可考慮～

今次已經係第二次返嚟食，所以今次都試吓其他嘢食，但係蛋包飯就真係走唔甩，呢個係佢哋嘅必點啊！❤️ 月見雞皮餃子 個人大推呢個雞皮餃子！佢個口感好特別！食到肉質好鮮嫩，仲好惹味添！係用雞皮餃子包住啲肉，所以係一個好新鮮嘅菜式啊！好食😋❤️ 明太子蛋包意粉 份量多到我見到隔籬枱係兩個人食一份，佢啲芝士係勁足料，同埋都有啲菇，建議兩人食❤️ 咖喱牛肋肉蛋包飯 呢個應該係經典，佢嘅牛肋肉都有四至五舊左右，都係嫩嘅，唔會整得太硬，水準都keep到啊！❤️ 雪人布甸與牛奶大福盛呢個大福造型好可愛，好似個雪人咁樣，之後個布甸汁又唔會太甜，超驚喜呀！覺得呢一個下次都可以再叫不過中午時間真係坐得好full呀，如果早啲嚟就容易搵到位，同埋可以容易坐到海景位👍🏼同埋舖頭都有啲寄賣，啲嘢都幾得意㗎 ！

再次到訪「喫茶ちょうぼ」銅鑼灣分店，這次在餐廳冬日的限定menu點了幾款食物。<明太子蛋包意粉> $96明太子蛋包意粉味道很夠，明太子醬微鹹帶奶香，並加有洋蔥粒、菇菌等配料，增添口感，配搭煙韌的意粉，一點也不膩。<咖喱牛肋肉蛋包飯 > $130牛肋骨蛋包飯伴有沙律，切開蛋包仍然呈流心狀態，牛肉份量也不少，牛肋肉肉質軟淋入味。炒飯基底加了蘿蔔粒、翠玉瓜粒更有口感。餐廳亦有額外提供咖哩汁～<月見雞皮餃子 > $77/2串雞皮餃子有酥脆外皮，餡料豐富，醬汁是生蛋黃加醬油嘅配搭。雞皮餃子沾點醬汁進食，可減低油膩感<雪人布甸與牛奶大福盛> $68充滿冬日氣息的一道甜品，雪人造型別緻，上層的牛奶大福外皮軟淋，下層為焦糖布甸，旁邊有新鮮草莓切片作點綴，焦糖布甸與草莓同吃味道酸甜開胃。<栗子交響曲> $68<榛子交響曲> $68交響曲的取名源自店員會在客人面前將牛奶及咖啡同時間注入杯內，另有糖漿由客人自行調整份量。味道確實帶有栗子和榛子風味，頗特別的體驗！

銅鑼灣世貿不嬲都係吃貨打卡嘅天堂，勁多知名又裝修吸引嘅餐廳，喫茶ちょうぼ就係其中之一。食美食更食環境，好鐘意佢用全木系打造出昭和風style,帶有啲復古又恬靜嘅韻味…窗邊梳發位仲可以望到小船幾隻，好適合相約朋友打卡。明太子蛋包意粉 fusion 得黎又好有趣嘅組合,在明太子意粉上鋪著勁creamy嘅蛋漿，仲撈埋極豐富嘅明太子醬汁，口感十分特別！咖喱牛肋肉蛋包飯 賣相唔錯，配搭足量牛肋肉，牛肋肉大塊且夠冧，充滿鮮甜牛肉香味，趁熱切開蛋皮，蛋漿覆蓋炒飯，再加上咖哩汁，惹味又滿足。月見雞皮餃子（2串）其實我係唔食雞皮嘅，佢個樣食落又唔太似雞皮喎，用咗燒汁調味都幾香口嘅，有豐富嘅餃子餡，可以點沾蛋漿，如果外皮再脆啲就更香口啦。焙茶麻薯沙冰 鐘意佢個花花杯，打卡一流，充滿焙茶香氣，麻薯口感煙韌。紫薯牛奶口感綿滑甜蜜。白龍布甸牛奶大福盛 已經唔係之前個雪人模樣，焦糖布甸🍮滑溜，糯米糍中間充滿奶油，甜滋滋好有趣。

今日嚟到翻新後嘅世貿中心入面嘅 喫茶ちょうぼ 食蛋包飯，木系嘅環境令人心曠神怡！ 明太子蛋包意粉 $96見有人話呢個比較淡，但愛明太子嘅我哋決定唔信邪，一於試下，又幾好呀，明太子嘅鹹香與蛋包的滑順完美地融合在一起，意粉掛左個明太子汁，食落唔錯。咖喱牛肋肉蛋包飯 $115𠝹開蛋包後，滑溜蛋花慢慢流岀，感覺好治癒，再加上咖哩汁，很香，咖哩，蛋同牛肉嘅配搭係一絕。月見雞皮餃子（2串）$62用雞皮作餃子皮，燒起上嚟特別香，入口外皮微脆，帶少少煙韌口感，入面係普通餃子餡，沾上蛋液，更加滑身。 焙茶麻薯沙冰 $52焙茶麻薯沙冰有淡淡的焙茶香氣，搭配著麻薯的煙韌口感，正！草莓沙冰 $48酸甜清新，冰涼又解膩。 雪人布甸與牛奶大福盛 $68外形十分可愛，牛奶大福則是在布甸上方展示著佢嘅魅力。布甸係焦糖蛋味，比較挺身，牛奶大福就好似雪糕糯米糍咁，令人滿足！

喫茶ちょうぼ (銅鑼灣店) ，店內裝潢以淺木色為主調，枱與枱之間空間寬闊，座位舒適，餐牌上提供日式洋食。雪人布甸與牛奶大福盛 $68冬日限定甜品☃️❤️ 十分可愛☃️❤️牛奶大福，外皮煙煙韌韌，內裏有雪糕配朱古力醬焦糖布甸，Q彈有口感，雞蛋香味濃郁，好食！甜度適中，不會過分甜膩明太子蛋包意粉 $96大份 ！omelette 脹卜卜夠晒飽滿吸引，仲有三文魚籽裝飾點綴！明太子醬汁唔算稠杰，但入口味道依然creamy惹味 ！拌勻嫩滑流心的omelette！正！😍咖喱牛肋肉蛋包飯 $115omelette 脹卜卜夠晒飽滿，大份吸引！上枱時店員會幫忙將omelette𠝹一刀後淋上香濃咖哩，滑溜蛋液流心滿瀉🍳😍加上淡淡蔬菜甜香的日式甘口咖哩汁，再配合燉煮得軟腍又入味的牛肋肉及清新沙律菜！滿足！月見雞皮餃子 $62一份2串，每串3件雞皮金黃酥脆，一咬脆卜卜之餘，又帶雞油香！😋 內餡有香菇、雞肉粒和菜蘸配月見汁，會多一分鮮滑蛋黃香榛子交響曲(凍) $68店員即席倒入糖水後，會同時加入牛奶及咖啡，入口帶淡淡榛果酸香草莓沙冰 $48好好飲！必點！👍🏻 草莓果肉乳酸沙冰，味道酸酸甜甜，清新解膩___________

最後變佐一個人黎食，呢度仲係好有聖誕氣氛，和風感覺，昭和風呀！我叫佐佢地限定既和牛蛋包飯，加佐$28，有飲品有前菜，前菜係一個小既薯仔沙律。和牛蛋包飯既蛋係流心蛋，上枱果陣隻蛋仲會動L咁郁，超軟滑，半熟既蛋一切開就好似動畫入面咁流向兩邊，非常吸睛😍和牛扒好厚身，肉質軟腍，牛味超濃，配上蛋同細汁一齊食，味美濃香🤤飯底亦係炒飯底，飯粒分明，有啲蔬菜粒，軟硬適中，口感超好呀😚飲品我就飲佐焙茶麻糬沙冰，味道略為苦澀，茶味幾濃，麻糬亦係煙韌好食既！整體黎講餐品既味道都好好，唯一不足係等待上餐既時間有啲耐，有待改善！

喫茶ちょうぼ - 有格調餐廳今日介紹一間位於銅鑼灣區嘅餐廳，主打日式料理，裝潢上非常有品味格調，係走日式茶室嘅風格。明太子蛋包意粉 $96滿滿嘅明太子意粉加上蛋味香濃嘅滑蛋，兩者相當夾。咖喱牛肋肉蛋包飯 $130香甜嘅日式咖喱加上炆煮得軟腍腍嘅牛肋肉，配上香滑嘅蛋包飯。月見雞皮餃子 $77脆卜卜嘅炸雞皮包住餡料滿滿嘅餃子，再配上蛋汁。雪人布甸與牛奶大福盛 $68延續聖誕嘅氣氛，雪人造型嘅甜品，綿綿嘅牛奶大福加上Q彈嘅布甸。白桃梳打 $48紅粉緋緋花環拿鐵 $48非常色彩繽紛嘅冰凍latte。

成日見人去食布甸😙今次去食埋正餐 發覺飲品都唔錯😆岩哂我呢隻茶控! 主菜方面 招牌牛肋肉蛋包飯 超大份🤣牛肋肉軟淋到無牙都咬到 咖喱汁香濃～同流心滑蛋好夾另外明太子蛋包意粉 醬汁好creamy🤤帶點鹹香 個蛋煮到嫩滑 切開流心有蛋汁!到飲品! 大愛焙茶沙冰😍茶味好濃好出🤤茶控大滿足🤩入面仲有mochi 煙煙韌韌咁 配沙冰口感豐富🫘紅豆牛奶就比較甜～有飲紅豆冰嘅感覺甜品布甸應該係必食吧😆濃厚企身 口感滑溜幾高質～底下焦糖偏甜些少 上面牛奶大福食落好似雪米糍咁 入面幾creamy!明太子蛋包意粉 ($96)咖哩牛肋肉蛋包飯 ($130) 月見雞皮餃子 雪人布甸與牛奶大福盛 ($68) Red Bean Milk ($38)Matcha Mochi Smoothie ($52)———————————————-📍喫茶ちょうぼ 銅鑼灣世貿中心4樓8號舖