喫茶ちょうぼ

Open Now

Now Closed

K11購物藝術館有一間走和風嘅日式西餐店!餐廳裏面燈光好柔和，有好別緻又懷舊嘅燈飾，再配上深色嘅木系枱櫈， 顯得非常高雅!我見到職員遞上嘅橙白色menu，有楓葉🍁做裝飾，顯得濃濃嘅秋意!🍂我哋分別叫咗1️⃣個前菜+2️⃣個主菜+2️⃣杯飲品+1️⃣個甜品:🥗和風北海道松葉蟹肉沙律$82 - 沙律面上面有滿滿嘅松葉蟹肉，底部有薯蓉加大量嘅蔬菜，非常健康!主菜有:⭐黃咖喱白露蟹肉蛋包飯$165 - 黃咖喱味道有少少甜又有少少辣，配埋厚厚嘅蛋包同蟹肉一齊食，真係非常惹味⭐焦糖洋蔥烏取和牛漢堡配薯條$115- 和午漢堡真係份量十足，每一啖都有重重和牛味道，而且肉質好juicy，配埋薯條一齊食，份量真系足夠兩個人食!🍮桂花烏龍布甸戚風蛋糕盛合$115 - 整體成個甜品唔算好甜，布丁夠曬滑，蛋糕都好鬆軟，而且賣相勁靚，好有秋意🍂，打卡真係一流!📸飲品:🍁二番甜馨牛乳$58 🍁秋茗柿橘沙冰$68- 兩款飲品無論外型同食材都盡顯心思，而且系用季節嘅蔬果調製，特顯出左飲品嘅鮮味!

蛋真係冇蛋味 lol 意粉只係多汁而已 冇明太子味 +$45 升做套餐 小食浸係成埋醬入面，咖啡更加係垃圾，同屋企capsule冇分別 。杯野相都費事影，頂層多泡到畫個心當拉花

同朋友去咗 喫茶ちょうぼ，呢間位於K11商場嘅日式餐廳嘅嘢食充滿驚喜，食物賣相好靚，好啱打卡。黃咖喱白露蟹肉蛋包飯 $165蛋包煎得嫩滑，切開裏面係軟綿綿嘅蛋液，配上一疏疏嘅蟹肉，每口都好鮮甜。黃咖喱嘅味道有微微嘅辛辣，佐飯一流。蟹肉同咖喱汁混合得啱啱好，真係一啖接一啖停唔到口。焦糖洋蔥烏取和牛漢堡 $115。和牛漢堡扒煎得剛剛好，牛味濃郁，肉汁豐富。配埋焦糖洋蔥嘅甜味，令牛肉嘅味道更加突出，成個味道層次好豐富。薯條炸得金黃香脆，完全唔油膩，簡單但超滿足。月見雞皮餃子 $77呢個餃子好特別，雞皮煎到香脆，內餡嫩滑，配埋溫泉蛋拌住食，真係香口又有趣，雞皮嘅脆同餡料嘅嫩形成強烈對比，味道好獨特。甜品方面，試咗桂花烏龍布甸戚風蛋糕盛合 $115。布甸嘅烏龍茶香味好濃郁，唔會太甜，戚風蛋糕口感輕盈，再食埋粒甜甜嘅栗子，非常滿足。焙茶麻糬沙冰 $52焙茶嘅香味好突出，麻糬煙韌，沙冰冰凍透心，飲完好解渴。二番甜薯牛乳 $58甜薯嘅天然甜味同牛奶嘅順滑結合得非常好，飲落去口感豐富，唔會過甜。

位於尖沙咀 K11 Art Mall 的日系咖啡室「喫茶ちょうぼ」裝潢走昭和復古風，以木系為主調用上古典仿木椅桌、懷舊吊燈，綴以乾花裝飾，感覺舒適又適合拍照打卡-🔹黃咖喱白露蟹肉蛋包飯 $165秋季是螃蟹產卵的季節，此時螃蟹的肉質鮮美多汁，味道濃郁，是品嚐的最佳時機；橄欖狀的炒蛋頂上鹹鮮十足而爆汁的三文魚籽及焦糖洋蔥，佐以胡麻沙律菜切開炒蛋，嫩蛋除之流瀉，蛋汁滿滿，充滿蛋香；雞蛋下是加入胡蘿蔔及青瓜的濕潤炒飯，配搭鮮香軟嫩的絲絲蟹肉及風味獨特而香辣的日式咖喱醬汁，醒胃滋味-🔹焦糖洋蔥鳥取和牛漢堡配薯條 $115厚厚的和牛漢堡面是溶化了的芝士，和牛緊緻嫩滑，油脂感及肉香皆豐富；配搭外脆內軟的麵包、芝士及焦糖洋蔥，是多元的味道層次；薯條炸得香脆金黃，口感粉糯，不感油膩-🔹月見雞皮餃子 $77以雞皮作為餃子皮，包裹著滿滿的鮮肉及蔬菜餡料；雞皮輕脆油潤，蘸上照燒汁及月見令口感更細滑，味道層次也提升-🔹桂花烏龍布甸戚風蛋糕盛合 $115放上黃葉及楓葉作點綴，佐以香脆果仁、曲奇餅碎及原粒粉糯大栗子，感覺到濃濃的秋意烏龍布甸口感軟滑細緻，戚風蛋糕蓬鬆柔軟，淡雅的桂花及清雅的烏龍結合起來令甜品毫無甜膩

嗰日同老婆兩個去食飯，主菜叫咗壽喜燒牛肉蛋包飯同埋軟殼蟹卡邦尼意粉都到水準，見到個梨味刨冰係期間限定忍唔住叫左，賣相非常好：然後，我地食左之後驚為天人刨冰嘅味道只有極淡嘅梨味，居然可以做到同水不相伯仲，唔好見啲橙色冰咁深以為好有梨味，實際上係近乎食唔出梨味，完全唔會影響我地品嘗刨冰嘅原味（冰水味）上面啲cream 簡直好似係加左另一個甜品一樣，同刨冰個味同質感撞得好好，好似食緊兩個甜品咁，碗邊啲桃浸過梳打水，好有汽水嘅哪味，而完全唔會有桃味阻左我品嘗原味刨冰。而重頭戲係入面同碗底嘅刨冰：呢個先係成個刨冰嘅核心，冰水嘅純度好足，如果想食完嘢飲碗冰水，或者想食梨同桃但平時唔食得嘅人，就最啱叫呢個過下癮，因為佢只有純粹嘅冰水味，只需要$80左右（未計加1），想試嘅記得支持。最後，認真，唔好叫呢個。

呢間野真係無下次註冊到呢家 未試過咁嬲 嬲到要打食評我加左套餐 應該有飲品前菜 但佢完全無問我前菜2選1要咩 直接一樣上一款 之後我問佢我地二個套餐係咪一款一碟 店員極不耐煩回應當時9:30 未食完 店員突然拎住付款機 放低單 企係度等我地比錢 但我無叫埋單 你要埋數都可以講聲呱明白佢地十點山門 9:30就開始掃地都合理 但係係咁掃向食緊野既人既方向 會唔會太過份我同佢地facebook反映 但完全無人理會 希望大家唔會去受氣 貼錢買難受

約了朋友晚飯，在OpenRice挑選食肆時見到環境美麗，於是網上訂了星期四兩人晚飯，點咗兩款食物和一款飲品，大約5分鐘就先上鰻魚蓋飯，膠質鰻魚如何用力都咬唔開，用匙羹叉都分不開，從未見過如此劣質的鰻魚。再過約5分鐘上埋軟殼蟹闊條麵，腥口難食，吃了少許就放在一邊，向侍應反映，獲得回覆他會向廚房反映，完全沒有其他跟進，另外一杯玄米茶，茶包沖滾水，玻璃杯上，水不滾，茶不靚。總括以上三點，好難理解，在一個咁大型的地標商場，有一間這樣低水平的食肆，失望、失望、失望，永遠不會再幫襯同一品牌食肆。

濃厚昭和風情，精緻，整個環境以深色木系為主，有植物點綴！👉🏻抹茶牛乳 $42抹茶嘅甘苦同牛奶嘅香甜完美融合，細膩滑順口感，而且連隻杯都好靚，真係好享受！👉🏻黃咖喱白露蟹肉蛋包飯 $165濃郁嘅黃咖喱，醇厚香氣撲鼻，惹味！蟹肉鮮甜，啖啖肉，蛋包飯非常岀色，爆餡半熟流心蛋漿好滑嫩！👉🏻焦糖洋蔥鳥取和牛漢堡配薯條 $115超厚身嘅和牛，肉質juicy，配甜甜嘅焦糖洋蔥，口感豐富！幼身嘅金黃酥脆薯條，正！👉🏻月見雞皮餃子 $77共兩串，雞皮炸得香脆，內餡爽滑，餃子表面淋左日製醬油，再沾滿蛋汁，啖啖肉，令人回味！👉🏻桂花烏龍布甸戚風蛋糕盛合$115桂花同烏龍為基底，清新而雅緻！布甸口感細膩，戚風蛋糕鬆軟，茶香濃郁，口感輕盈！👉🏻幸福綻放花環拿 $48草莓拿鐵，香濃咖啡，香醇，上面嘅creamy奶香，每一口都有幸福感！

今日同朋友去行K11，食午餐時見喫茶店好多人，環境半開放式幾好，決定入去一試。蟹肉蛋包飯非常之靚仔，黃咖喱唔會太過搶味道。蛋味非常香濃，面頭仲有幾粒魚籽！漢堡包嘅包皮非常之鬆脆，加上焦糖洋蔥嘅醬汁好夾好滋味，中間嘅和牛咬落有肉汁而且有牛味，當然唔少得有薯條，脆卜卜嘅！戚風盛盒完全冇一般甜品嘅甜膩，桂花烏龍嘅味道好清新，布甸夠晒滑捋捋。另外見到佢呢款小食亦都相當之有興趣，雞皮餃子好脆，唔會炸到好油，咬落去相當有滿足感。飲品方面叫咗杯咖啡同蕎麥茶，中和一下整個午餐嘅濃郁味道 。

喫茶嘅昭和風，復古嘅日式裝修，充滿懷舊氣息，古董吊燈、木質家具散發著溫暖的氛圍，好適合打卡。黃咖喱白露蟹肉蛋包飯切開蛋皮滑嫩，蟹肉鮮美，淋上濃郁的蟹黃膏後，濃郁的蟹黃膏完美融合。蟹肉新鮮，口感鮮美。焦糖洋蔥鳥取和牛漢堡配薯條漢堡外皮有光澤，內裡的和牛多汁可口，和牛漢堡肉非常大舊，搭配自製塔塔醬，勁惹味。唐揚炸雞賣相吸引眼球，炸🐔堆砌而成小山，香口惹味，雞肉鎖住肉汁，非常juice.桂花烏龍布甸戚風蛋糕盛合戚風蛋糕輕盈柔軟，好鐘意佢充滿烏龍茶味嘅布甸，很有驚喜。抹茶麻糬沙冰(凍）同二番甜薯牛乳 賣相出色，紫薯突出，抹茶濃郁，兩杯都好味。

跟朋友在喫茶ちょうぼgathering，真是令我很驚喜! 我們選擇了這個充滿日式風情的地方，讓整個用餐體驗更添特色，因為餐廳的裝潢和餐具都散發著濃厚的日本氛圍，讓人仿佛置身於京都的小巷中。我們點了炸軟殼蟹意粉，蟹肉鮮嫩，搭配香濃的醬汁，令人一試難忘。此外，牛肉芝士漢堡伴薯條，漢堡肉質鮮美，芝士融化的口感更是加分。蛋包飯則是經典之選，米飯鬆軟，包裹著嫩滑的蛋皮，讓人回味無窮。飲品方面，青蘋果梳打和白桃梳打清爽可口，為餐點增添了一抹清新。最讓我們驚喜的是，這裡的價格相對實惠，無論是食物的質素還是用餐環境，都讓人感到物超所值。喫茶ちょうぼ是一個值得一試的地方，無論是與朋友小聚，還是享受一頓悠閒的午餐，都非常合適。希望下次再來！

日式洋食屋 🇯🇵☕️喫茶ちょうぼ☕️🇯🇵明太子蛋包意粉 $112蛋包應該係都算係呢間嘅招牌菜〜果然隻蛋係做得唔錯嘅，都滑嫩✨意粉掛滿明太子汁，不過明太子味比較淡啲啲🤧 蛋味仲重過明太子味，入面得少少菇，冇其他配料，食得有啲悶大勢蟹黃膏蛋包飯 $172喺呢間咁有儀式感嘅餐廳竟然拎到一碟崩嘅碟係個下真係有少少失望🥲 蟹膏同埋蟹肉係真係比得好多嘅，但一路食都比較多碎骨，食得唔係好方便😿 嚟到一嚟店員就切咗個蛋，完全冇問我哋想唔想影相嗰啲，感覺有啲草草了事😵‍💫焙茶麻糬沙冰 $52反而呢個有啲驚喜〜 個焙茶味好濃，粒麻糬都好夾(雖然唔係好大舊)，不過嗰晚瞓唔着，唔知關唔關佢事呢哈哈哈

一直好鍾意呢到嘅環境，雅緻，帶點日系復古韻味，連杯杯碟碟都令人賞心悅目🥹 食慾之秋，又係時候食蟹🦀 最近餐廳推出秋季Menu，以蟹宴為題，有多款期間限定嘅菜式。🦀 咖喱白露蟹肉蛋包飯蛋唔會過熟，仍然保留口感，配搭比較傳統口味嘅日式咖喱。粒粒分明嘅蟹肉，令我諗起泰國嘅蟹肉炒飯😼 食落去充滿海鮮嘅鮮味。🦀 焦糖洋蔥鳥取和牛漢堡配薯條厚切和牛加上芝士同醬汁，調味不算重。薯條酥脆可口，係我鍾意嘅口感🤤🦀 雞皮餃子雞皮油香滿溢，配搭生蛋，味道更豐富，一定要趁熱食🤤🦀 桂花烏龍布甸戚風蛋糕盛合有淡淡的茶香，味道較輕盈同清新。

本人尋日同朋友仔補祝生日，選擇左呢間餐廳，環境食物都唔錯，必試佢的布甸因為真係我食甘多款布甸中其中一款幾好食，覺得自己去左日本昭和時代一樣❤️，想同朋友一齊聚會可以試下呢間

girls' talk與一班姊妹嘆tea,環境尚好，客人挺多，幸好有book位才來。甜品好看也好吃，布甸不太甜，剛剛好秋天感覺滿滿。大家也聊得很開心。侍應們都好有禮貌，只是可能太忙，未能及時淋花。。。總之整體感覺很不錯。謝謝招待。